መዝሙረ ዳዊት Psalm

እግዚኣብሄርሲ ጻድቕ፣ ንጽድቂ ዜፍቅር እዩ፣ ቅኑዓትውን ገጹ ኺርእይዎ እዮም እሞ፣ ኣብ ልዕሊ ረሲኣን ወጽመድ ኬዝንም፣ ዕድሎት ጽዋኦም ከኣ ሓውን ዲንን ጕሁር ንፋስን ኪኸውን እዩ።

ወንጌል Gospel

1. ኢየሱስ ካብ ቤተ መቕደስ ወፂኡ ኺኸይድ ከሎ፥ ደቀ መዛሙርቱ ናብኡ ቐሪቦም ሕንጻ ቤት መቕደስ ኣርኣይዎ። 2. ንሱ ድማ መሊሱ “እዚ ዅሉስ ትርእይዎዶ ኣሎኹም፧ ኣብዚ ዘይፈርስ እምኒ ኣብ ልዕሊ እምኒ ኣይኪተርፍን እዩ፥ እብለኩም ኣሎኹ” በሎም። 3. ኣብ ደብረ ዘይቲ ተቐሚጡ ኸሎ፥ ደቀ መዛሙርቱ ብሕት ኢሎም፥ “እዚ መኣዝ እዩ ዚኸውን፧ ናይ ምምጻእካን ናይ ኅልቀት ዓለምንከ ምልክቱ እንታይ እዩ፧ እስከ ንገረና፧” እናበሉ ናብኡ ቐረቡ። 4. ኢየሱስ ከኣ ኸምዚ በሎም፦ “ሓደ እኳ ኸየስሕተኩም ተጠንቀቑ። 5. ‘ኣነ ክርስቶስ እየ’ እናበሉ ብዙኃት ብስመይ ኪመጹ እዮም፥ ንብዙኃትውን ኬስሕቱ እዮም። 6. ውግእን ወረ ውግእን ክትሰምዑ ኢኹም፥ ኣስተውዕሉ፥ ኣይትሰምብዱ፥ እዚ ዅሉ ብግድን ኪኸውን እዩ። እንተኾነ መወዳእታ ሽዑ ኣይኮነን። 7. ሕዝቢ ኣብ ልዕሊ ሕዝቢ፥ መንግሥቲውን ኣብ ልዕሊ መንግሥቲ ኺለዓል እዩ፥ ኣብ ኵሉ ቦታታት ከኣ ረሃብን ምንቅጥቃጥ ምድርን ኪኸውን እዩ። 8. እዚ ዅሉ መጀመርታ ቕልውላው እዩ። 9. በቲ እዋን እቲ ንመከራ ኣኅሊፎም ኪህቡኹምን ኪቐትሉኹምን እዮም። ስለ ስመይ ከኣ ብዂሎም ኣሕዛብ ጽሉኣት ክትኮኑ ኢኹም። 10. ሽዑ ብዙኃት ኪኽሕዱ፥ ንሓድሕዶም ኣኅሊፎም ኪወሃሃቡን ንሓድሕዶምውን ኪጻልኡን እዮም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

7. እንታይ ደኣ ኽንብል ኢና፧ እቲ ሕጊዶ ኃጢኣት እዩ፧ ያእ ኣይፋሉን። ብዘይ ሕጊ ግና ንኃጢኣት ኣይምፈለጥክዎን ነይረ። ሕጊ “ዘይገንዘብካ ኣይትተምነ” እንተ ዘይብል፥ ንትምኒት ኣይምፈለጥክዎን ነይረ። 8. ኃጢኣት ብዘይ ሕጊ ምዉት እዩ፥ ኃጢኣት ግና ነቲ ትእዛዝ ምኽንያት ብምግባር ክፉእ ትምኒት ዘበለ ኣለዓዓለለይ። 9. ቀደም ብዘይ ሕጊ ኣነ ሕያው ነበርኩ፥ ትእዛዝ ምስ መጸ ግና፥ ኃጢኣት ሕያው ኮነ፥ ኣነ ኸኣ ሞትኩ። 10. እቲ ሕይወት ኬምጽእ ዝተዋህበ ትእዛዝ፥ ንኣይ ሞት ኮነኒ። 11. ከመይ ኃጢኣት ምኽንያት ረኺቡ ብትእዛዝ ኣስሓተኒ፥ ብእኡውን ቀተለኒ። 12. እምበኣር እቲ ሕጊ ቕዱስ እዩ፥ እቲ ትእዛዝውን ቅዱስን ጻድቕን ሠናይን እዩ። 13. እቲ ሠናይዶ ደኣ እዩ ንኣይ ሞት ዘምጽኣለይ፧ ያእ ኣይፋሉን፥ ሞት ዘምጽኣለይሲ ኃጢኣት እዩ። ኃጢኣት፥ ኃጢኣት ምዃኑ ምእንቲ ኺግለጽ፥ በቲ ሠናይ ገይሩ ሞት ኣምጽኣለይ። በዚ ኸኣ እቲ ኃጢኣት፥ ብምኽንያት ትእዛዝ ፍጹም ኃጢኣት ከም ዝኾነ ምእንቲ ኪግለጽ እዩ።

ዘካልእ መልእክት Universal Epistle

14. ኣቱም ኣቦታት፥ ነቲ ኻብ መጀመርታ ዝነበረ ፈሊጥኩምዎ ኢኹም እሞ ጽሒፈልኩም ኣሎኹ። ኣቱም ኣጒባዝ፥ ብርቱዓት ስለ ዝኾንኩምን፥ ቃል ኣምላኽ ኣባኻትኩም ይነብር ስለ ዘሎን፥ ነቲ እኩይውን ስለ ዝሰዓርኩምዋን፥ ጽሒፈልኩም ኣሎኹ። 15. ንዓለም ወይስ ነቲ ኣብ ዓለም ዘሎ ኣይትፍተዉ። ሓደ እኳ ንዓለም እንተ ፈተዋ ፍቕሪ ኣቦ ኣብኡ የብሉን። 16. ከመይ ኵሉ እቲ ኣብ ዓለም ዘሎ፥ ፍትወት ሥጋን ክፉእ ትምኒት ዓይንን ብሃብትኻ ዕቡይ ምዃንን፥ ካብ ዓለም እዩ እምበር ካብ ኣቦ ኣይኮነን። 17. ዓለምን እቲ ዅሉ ፍትወታን ኃላፋይ እዩ፥ እቲ ፍቓድ ኣምላኽ ዚገብር ግና ንዘለዓለም ይነብር። 18. ደቀይ! እዚኣ እታ መወዳእታ ሰዓት እያ። ፀረ ክርስቶስ ከም ዚመጽእ ሰሚዕኩም ኣሎኹም፥ ድሮውን ብዙኃት ፀረ ክርስቶስ ተንሢኦም ኣለዉ። እዚኣ እታ መወዳእታ ሰዓት ምዃና ኸኣ በዚ ኢና እንፈልጥ። 19. ንሳቶም ካባና እዮም ወፂኦም፥ ግናኸ ካባና ኣይነበሩን። ካባና ነይሮም እንተ ዚኾኑ ምሳና ምነበሩ ነይሮም። ግናኸ ካባና ኸም ዘይኮኑ ምእንቲ ኪገሃድ ወፁ።

ግብረ ሃዋርያት Acts

17. ሽዑ እቲ ሊቀ ካህናትን እቶም ምስኡ ዝነበሩ ዅሎም ወገን ሰዱቃውያንን ቅንኣት መሊእዎም ተንሥኡ። 18. ኂዞም ድማ ኣብ ቤት ማእሰርቲ ኣእተውዎም። 19. መልኣኽ እግዚኣብሔር ግና ብለይቲ ነቲ ማዕጾ ቤት ማእሰርቲ ኣርሕዩ ንወፃኢ ኣውፅኦም። 20. “ኪዱ ኣብ ቤት መቕደስ ደው ኢልኩም ነዚ ናይ ሕይወት ቃል ንሕዝቢ ንገሩ” በሎም። 21. ሓዋርያት ነዚ ምስ ሰምዑ፥ ኣጋ ጽባሕ ምስ ኮነ፥ ናብ ቤት መቕደስ ኣትዮም መሃሩ። እቲ ሊቀ ካህናትን እቶም ምስኡ ዝነበሩን መጺኦም ነቲ መጋባእያን ነቶም ሽማግለታት ደቂ እስራኤልን ኪእከቡ ጸውዕዎም። ንሓዋርያት ምእንቲ ኬምጽእዎም ድማ ናብ ቤት ማእሰርቲ ለኣኹ። 22. እቶም ገላዉ ግና ኣብቲ ቤት ማእሰርቲ ምስ በጽሑ ሰኣንዎም። ተመሊሶም ድማ፡ - 23. “እቲ ቤት ማእሰርቲ ተዓጽዩ፥ እቲ ማዕጾ ድማ ብዚግባእ ተሸጒሩ፥ እቶም ሓለውቲውን ኣብ ኣፍ ደገ ደው ኢሎም ጸኒሖምና፥ ምስ ኣርሖናዮ ግና ሓደ እኳ ኣይረኸብናን” ኢሎም ነገርዎም። 24. እቲ ሓለቓ ሓለውቲ ቤት መቕደስን ሊቃነ ካህናትን እዚ ነገር እዚ ምስ ሰምዑ “እንታይ ኮን ይኸውን እዚ፧” ኢሎም፥ ብዛዕባኦም ዚብልዎ ሰኣኑ። 25. ሓደ መጺኡ ግና፥ እቶም ኣብ ቤት ማእሰርቲ ዘእቶኹምዎም ሰባትሲ እነዉ፥ “ኣብ ቤት መቕደስ ደው ኢሎም ንሕዝቢ ይምህሩ ኣለዉ” ኢሉ ነገሮም።

ስንክሳር Synaxarium

ፊልሞን
ወአብላንዮስ
ወቅዱስ ቴዎድሮስ

መዝሙር Psalm

ንሱ በለ፣ ኰነ ድማ፣ ንሱ ኣዘዘ፣ ቈመ ኸኣ እሞ፣ ምድሪ ብመልኣ ንእግዚኣብሄር ትፍርሃዮ፣ ኣብ ዓለም ዚነብሩ ዅሎም ብእኡ ይሸበሩ።

ወንጌል Gospel

28. ብዘመን ሎጥ ድማ ልክዕ ከምኡ፥ ይበልዑን ይሰትዩን፥ ይሸጡን ይሻየጡን፥ ይተኽሉን ይሓንጹን ነበሩ። 29. በታ ሎጥ ካብ ሰዶም ዝወፀላ መዓልቲ ድማ፥ ካብ ሰማይ ሓውን ዲንን ወሪዱ፥ ንዅሎም ኣጥፍኦም። 30. በታ ወዲ ሰብ ዚግለጸላ መዓልቲ ድማ ልክዕ ከምኡ ኪኸውን እዩ። 31. በታ መዓልቲ እቲኣ ኣብ ደርቢ ዘሎ፥ ነቲ ኣብ ኣብ ቤት ዘሎ ኣቕሑኡ ኺወስድ ኢሉ ኣይውረድ። እቲ ኣብ ግራት ዘሎውን ንድኅሪት ኣይመለስ። 32. ንሰበይቲ ሎጥ ዘክርዋ። 33. እቲ ንሕይወቱ ኼድኅና ዚደሊ ኼጥፍኣ እዩ፥ እቲ ዜጥፍኣ ግና ኼድኅና እዩ። 34. በታ ለይቲ እቲኣ፥ ኽልተ ኣብ ሓንቲ ዓራት ኪድቅሱ እዮም፤ እቲ ሓደ ኺውሰድ እቲ ሓደ ኸኣ ኺኅደግ እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እግዚኣብሄር ነዒንቲ ዕውራት ይኸፍተን፣ እግዚኣብሄር ንዝደነኑ የቕንዖም፣ እግዚኣብሄር ንጻድቃን የፍቅሮም፣ እግዚኣብሄር ንስደተኛታት የዕቊቦም።

ወንጌል Gospel

27. ኢየሱስ ካብኡ ምስ ኃለፈ፥ ክልተ ዕዉራት ዓው ኢሎም “ኦ ወዲ ዳዊት! ምሓረና!” እናበሉ ሰዓብዎ። 28. ናብ ቤት ምስ ኣተወ፥ እቶም ዕዉራት ናብኡ መጹ፥ ኢየሱስ ድማ፥ “እዚ ኽገብር ከም ዝኽእልዶ ትኣምኑ ኢኹም፧” በሎም። ንሳቶም ከኣ “እወ፥ ጐይታይ” በልዎ። 29. ንሱ ድማ “ከም እምነትኩም ይኹነልኩም” እናበለ ኣዕይንቶም ተንከዮም። 30. ኣዕይንቶም ከኣ ተኸፍታ። ኢየሱስ ድማ “ሓደ እኳ ኸይፈልጥ ተጠንቀቑ” እናበለ ብጽኑዕ ኣሰምዓሎም። 31. ንሳቶም ግና ወፂኦም ኣብ ኵላ እታ ሃገር ዝናኡ ዘርግሑ። 32. ንሳቶም ኪወፁ ኸለው ድማ እንሆ ሓደ ጋኔን ዝኃደሮ ዓባስ ኣምጽኡሉ። 33. ኢየሱስ ነቲ ጋኔን ምስ ኣውፅኦ እቲ ዓባስ ተዛረበ። እቶም ሕዝቢ ድማ “ከምዚ ዝበለ ነገር ኣብ እስራኤል ከቶ ኣይተራእየን” ኢሎም ተገረሙ። 34. ፈሪሳውያን ግና፥ “ንኣጋንንቲ ብሓለቓ ኣጋንንቲ የውፅኦም ኣሎ” በሉ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ዎ ኣምላኽ፣ ምሐረኒ፣ ነፍሰይ ኣባኻ ተዕቊብ ኣላ እሞ፣ ምሐረኒ፣ እቲ መዓት ክሳዕ ዚሐልፍ፣ ኣብ ጽላል ኣኽናፍካ ተጸጊዔ እኔኹ።

ወንጌል Gospel

14. ናብቲ ሕዝቢ ምስ በጽሑ፥ ሓደ ሰብኣይ ናብኡ ቐሪቡ፥ ኸምዚ እናበለ ሰገደሉ፦ 15. “ጐይታይ፥ ንወደይ መሓረለይ፥ በብወርኂ ዜውድቕ ሕማም ይለዓሎ፥ ኣዝዩ ይሳቐ፥ ብዙኅ ጊዜ ኣብ ሓዊ፥ ብዙኅ ጊዜውን ኣብ ማይ ይወድቕ እዩ እሞ፥ 16. ናብ ደቀ መዛሙርትኻ ኣምጺአዮስ ምሕዋዩ ሰኣኑ።” 17. ኢየሱስ ግና መሊሱ “ኣታ ዘይኣማኒ ቄናን ወለዶ፥ ክሳዕ መኣዝ እሞ ምሳኻትኩም ክነብር እየ፧ ክሳዕ መኣዝከ ክዕገሠኩም እየ፧ ናብዚ ናባይ ኣምጽእዎ” በሎም። 18. ሽዑ ኢየሱስ ገንሖ እቲ ጋኔን ከኣ ኻብኡ ወፀ፥ እቲ ቈልዓ ድማ በታ ሰዓት እቲኣ ሓወየ። 19. ድኅርዚ ደቀ መዛሙርቱ ብሕት ኢሎም ናብ ኢየሱስ ቀሪቦም “ስለምንታይ ደኣ ንሕና ምውፅኡ ዝሰኣንና፧” በልዎ። 20. ኢየሱስ ከኣ “ብጒድለት እምነትኩም እዩ። ብሓቂ እብለኩም ኣሎኹ፥ ክንዲ ፍረ ኣድሪ እትኣክል እምነት እንተ ኣልያትኩም ነዚ እምባ እዚ ‘ካብዚ ናብቲ ግዓዝ’ እንተ በልኩምዎ ይግዕዝ፥ ዘይከኣለኩም ነገር የልቦን። 21. “እዚ ኸምዚ ዝኣመስለ ዓይነት ግና ብጸሎትን ብጾምን እንተ ዘይኮይኑ ኣይወፅእን እዩ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እምበኣር ኣታ ንኻልእ እትፈርድ ሰብ፥ ንስኻ ዝኾንካ ኹን፥ በቲ ንኻልእ እትፈርዶ ንርእስኻ ትዅንን ኣሎኻ እሞ፥ ነቲ እትፈርዶስ ትገብሮ ስለ ዘሎኻ ምኽንያት የብልካን። 2. ንሕና ግና ኣብቶም ከምዚ ዚገብሩ ግቡእ ፍርዲ ኣምላኽ ከም ዚወርድ ንፈልጥ ኢና። 3. ኣታ ኣብ ልዕሊ እቶም ከምዚ ዝበለ ዚገብሩ እትፈርድ፥ ባዕልኻውን ከምቲ ግብሮም እትገብር ሰብ፥ ካብ ፍርዲ ኣምላኽ እትመልቝዶ ይመስለካ፧ 4. ወይ ከኣ ሃብቲ ሕያውነቱን ትዕግሥቱን ዓቕሉንዶ ትንዕቕ ኣሎኻ፧ ሕያውነት ኣምላኽ ናብ ንስሓ ኺመርሓካ ኸም ዚኽእልዶ ኣይትፈልጥን ኢኻ፧ 5. ግናኸ ብትርኻን በቲ ምንሳሕ ዝኣበየ ልብኻን፥ በታ ቕኑዕ ፍርዲ ኣምላኽ ዚወርደላ መዓልቲ ቝጥዓ፥ ንርእስኻ መቕዘፍቲ ትእክብ ኣሎኻ። 6. ከመይ እግዚኣብሔር ንነፍስ ወከፍ ከከም ግብሩ ኺፈድዮ እዩ። 7. ነቶም ሠናይ እናገበሩ ግርማን ክብርን ዘይሙማትን ብትዕግሥቲ ዚምነዩ፥ ናይ ዘለዓለም ሕይወት ኪህቦም እዩ። 8. ነቶም ንዓመጻ እምበር ንሓቂ ዘይእዘዙ ፈተውቲ ርእሶም ግና ቝጥዓን መዓትን ኪወርዶም እዩ። 9. እከይ ንዚገብር ዘበለ ዅሉ ሰብ፥ ስቓይን ጸበባን ኪወርዶ እዩ፥ ቅድም ንኣይሁዳዊ ኸምኡ ኸኣ ንግሪኻዊ። 10. ሠናይ ንዚገብር ዘበለ ዅሉ ግና ግርማን ክብርን ሰላምን ኪወሃቦ እዩ፥ ቅድም ንኣይሁዳዊ ኸምኡ ኸኣ ንግሪኻዊ። 11. ከመይ ኣብ ኣምላኽ ኣድልዎ የልቦን።

ዘካልእ መልእክት Universal Epistle

19. - 20. ካብ ሓቂ ምዃንና ኸኣ በዚ ኽንፈልጥ ኢና። ሕሊናና እንተ ነቐፈና ድማ ኣምላኽ ካብ ኵሉ ዚዓብን ኵሉ ዚፈልጥን ስለ ዝኾነ ንልብና ኣብ ቅድሚኡ ከነህድኦ ኢና። 21. ኣቱም ፍቁራተይ! ልብና እንተ ዘይነቐፈና ግና ኣብ ቅድሚ ኣምላኽ ትብዓት ኣሎና። 22. ንትእዛዛቱ እንሕሉን ኣብ ቅድሚኡ ባህ ዜብሎ እንገብርን ስለ ዝኾንና ድማ ነቲ እንልምኖ ዘበለ ኻብኡ ንቕበል ኢና። 23. ትእዛዙ፥ ከምቲ ንሱ ዝኣዘዘና ጌርና፥ ብስም ወዱ ኢየሱስ ክርስቶስ ክንኣምንን ንሓድሕድናውን ክንፋቐርን እዩ። 24. እቲ ትእዛዛት እግዚኣብሔር ዚሕሉ እግዚኣብሔር ኣብኡ ይነብር። ንሱውን ኣብ እግዚኣብሔር ይነብር። እግዚኣብሔር ኣባና ኸም ዚነብር ከኣ፥ በቲ ዝሃበና መንፈስ ኢና እንፈልጥ።

ግብረ ሃዋርያት Acts

15. በተን መዓልታት እቲኣተን ጴጥሮስ ኣብ ማእከል እቶም ተኣኪቦም ዝነበሩ ሚእትን ዕሥራን ዚኣኽሉ ኣኅዋት ደው ኢሉ ከምዚ ዚስዕብ ተዛረበ፡ - 16. “ኣቱም ኣኅዋተይ! እቲ መንፈስ ቅዱስ ኣቐዲሙ ብኣፍ ዳዊት ገይሩ፥ ብዛዕባ እቲ ነቶም ንኢየሱስ ኪኅዝዎ ኸለዉ ዝመርሖም ይሁዳ ዝበሎ ጽሑፍ ኪፍጸም ይግባእ። 17. ምኽንያቱ ምሳና ቚጹር ነበረ፥ ኣብዚ ኣገልግሎትዚ ኺሳተፍውን ጽውዕ ነበረ። 18. ሕጂ ግና እንሆ እዚ ሰብዚ ብዓስቢ ዓመጻኡ ግራት ዓደገ፥ ብግንባሩ ተደፊኡ ኸኣ ኣብ ክልተ ተተርተረ፥ ብዘሎ ኣምዑቱ ድማ ተዘልዚሉ ወፀ። 19. እዚ ነገርዚ ብዅሎም ሰብ ኢየሩሳሌም ተፈልጠ፥ ነቲ ግራት ከኣ ብቛንቋኦም ኣከል ደማ፥ ማለት ግራት ደም፥ ኢሎም ሰመይዎ። 20. እዚ ኸኣ እቲ ኣብ መጽሓፍ መዝሙር፡ - ‘ገዝኡ ትዕኖ ኣብኣ ዚነብር ከኣ ኣይረኸብ፥’ ከምኡ ኸኣ ‘ሽመቱ ኻልእ ይውሰዳ’ ዚብል ምእንቲ ኺፍጸም ኮነ። 21. - 22. “ስለዚ ካብዞም ጐይታና ኢየሱስ ካብ ጥምቀት ዮሓንስ ጀሚሩ ክሳዕ እታ ኻባና ንሰማይ ዝዓረገላ መዓልቲ ምሳና ዝነበረለን ኵለን መዓልትታት ዝሰዓቡና ሰባት፥ ካብዚኣቶም ሓደ ብዛዕባ ትንሣኤኡ ምሳና ምስክር ኪኸውን ይግባእ እዩ።” 23. ስለዚ ኽልተ ሰባት ረቚሑ፥ ንሳቶም ከኣ እቲ ኢዩስጦስ ወይ በርሰባስ ዚብልዎ ዮሴፍን ማትያስን ነበሩ። 24. - 25. ሽዑ “ኦ ልቢ ዅሉ እትፈልጥ ጐይታ! እዛ ይሁዳ ናብ ናይ ገዛእ ሥፍራኡ ኺኸይድ ዝኃደጋ ሥፍራ ኣገልግሎትን ሓዋርያነትን ኪቕበልሲ፥ ካብዞም ክልተ እዚኣቶም ንመኖም ከም ዝኃሬኻ ኣርኢ” እናበሉ ጸለዩ። 26. ዕጫ ድማ ኣውደቑሎም፥ እታ ዕጫ ኸኣ ናብ ማትያስ በጽሐት፥ ምስቶም ዓሠርተው ሓደ ሓዋርያትውን ተቘጽረ።

ስንክሳር Synaxarium

አርያኖስ
ወማትያስ ሐዋርያ
ወዮልያኖስ ሊቀ ጳጳሳት

መዝሙር Psalm

እግዚኣብሄር ብርሃነይን ምድሓነይን እዩ፣ ካብ መን ደአ እየ ዝፈርህ፧ እግዚኣብሄር ሓይሊ ህይወተይ እዩ፣ ካብ መንከ እየ ዝስምብድ፧ ገበርቲ እከይ ንስጋይ ኪውሕጡ ሓደጋ ምስ ወደቑኒ፣ ወደረኛታተይን ጸላእተይን ባዕላቶም ተዛብዑ እሞ ወደቑ።

ወንጌል Gospel

28. ነቲ ነፍስን ሥጋን ኣብ ገሃነም ኬእቱ ዚከኣሎ ደኣ ፍርህዎ እምበር፥ ነቶም ንሥጋ ዚቐትሉ፥ ንነፍሲ ግና ኪቐትልዋ ዘይከኣሎም ኣይትፍርህዎም። 29. ክልተ ኣዕዋፍዶ ብሳንቲም ይሽየጣ ኣይኮናን፧ ሓንቲ እኳ ኻብኣተን ብዘይ ፍቓድ ኣቦኹም ኣብ ምድሪ ኣይትወድቕን እያ። 30. ንስኻትኩም ግና ፀጒሪ ርእስኹም ኵለን እኳ ቝጹራት እየን። 31. እምበኣርከስ ንስኻትኩም ካብ ብዙኃት ኣዕዋፍ ትበልጹ ኢኹም እሞ ኣይትፍር 32. “ኣብ ቅድሚ ሰብ ንዝተኣመነኒ ዅሉ ኣነ ኸኣ ኣብ ቅድሚ እቲ ኣብ ሰማያት ዘሎ ኣቦይ ክእመኖ እየ። 33. ኣብ ቅድሚ ሰብ ንዝኸሓደኒ ግና፥ ኣነ ድማ ኣብ ቅድሚ እቲ ኣብ ሰማያት ዘሎ ኣቦይ ክኽሕዶ እየ። 34. “ኣነ ናብ ምድሪ ሰላም ከውርድ ዝመጻእኩ ኣይምሰልኩም፥ ኲናት ደኣ እምበር ሰላም ከውርድ ኣይመጻእኩን። 35. ወዲ ኻብ ኣቦኡ፥ ጓል ካብ ኣዲኣ፥ መርዓት ካብ ሓማታ ኽፈላሊ እየ ዝመጻእኩ። 36. ንሰብ ከኣ ጸላእቱ ቤተ ሰቡ ኪኾኑ እዮም። 37. እቲ ነቦኡ ወይ ነዲኡ ካባይ ኣብሊጹ ዜፍቅር ንኣይ ኣይበቅዕን እዩ። ካባይ ንወዱ ወይ ንጓሉ ኣብሊጹ ዜፍቅርውን ንኣይ ኣይበቅዕን እዩ። 38. እቲ መስቀሉ ፀይሩ ደድኀረይ ዘይስዕብ ንኣይ ኣይበቅዕን እዩ። 39. ንሕይወቱ ዚረኽባ ኼጥፍኣ እዩ፥ ንሕይወቱ ምእንታይ ዜጥፍኣ ኸኣ ኪረኽባ እዩ። 40. “ንኣኻትኩም ዚቕበል ንኣይ ይቕበል፥ እቲ ንኣይ ዚቕበል ድማ ነቲ ዝለኣኸኒ ይቕበሎ። 41. ንነቢይ ብስም ነቢይ ዚቕበል ዓስቢ ነቢይ ይረክብ፥ እቲ ንጻድቕ ብስም ጻድቕ ዚቕበል ዓስቢ ጻድቕ ይረክብ። 42. ካብዞም ናእሽቱ ንሓደ እኳ ብስም ወደ መዝሙር ዝሑል ብርጭቆ ማይ ጥራይ ዜስቲ፥ ዓስቡ ከቶ ከም ዘይስእን ብሓቂ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ውሉድ ኣዳም ምናምን ጥራይ እዮም፣ ውሉድ ሰብውን ሓሶት ጥራይ እዮም፣ ኣብ ሚዛን ልዕል ይብሉ፣ ኵሎም ብሓባር ካብ ምናምን ይፈዅሱ። ኣብ ግፍዒ ኣይትወከሉ፣ ብዘመተ ኸኣ ኸንቱ ተስፋ ኣይትግበሩ።

ወንጌል Gospel

14. ናብቲ ሕዝቢ ምስ በጽሑ፥ ሓደ ሰብኣይ ናብኡ ቐሪቡ፥ ኸምዚ እናበለ ሰገደሉ፦ 15. “ጐይታይ፥ ንወደይ መሓረለይ፥ በብወርኂ ዜውድቕ ሕማም ይለዓሎ፥ ኣዝዩ ይሳቐ፥ ብዙኅ ጊዜ ኣብ ሓዊ፥ ብዙኅ ጊዜውን ኣብ ማይ ይወድቕ እዩ እሞ፥ 16. ናብ ደቀ መዛሙርትኻ ኣምጺአዮስ ምሕዋዩ ሰኣኑ።” 17. ኢየሱስ ግና መሊሱ “ኣታ ዘይኣማኒ ቄናን ወለዶ፥ ክሳዕ መኣዝ እሞ ምሳኻትኩም ክነብር እየ፧ ክሳዕ መኣዝከ ክዕገሠኩም እየ፧ ናብዚ ናባይ ኣምጽእዎ” በሎም። 18. ሽዑ ኢየሱስ ገንሖ እቲ ጋኔን ከኣ ኻብኡ ወፀ፥ እቲ ቈልዓ ድማ በታ ሰዓት እቲኣ ሓወየ። 19. ድኅርዚ ደቀ መዛሙርቱ ብሕት ኢሎም ናብ ኢየሱስ ቀሪቦም “ስለምንታይ ደኣ ንሕና ምውፅኡ ዝሰኣንና፧” በልዎ። 20. ኢየሱስ ከኣ “ብጒድለት እምነትኩም እዩ። ብሓቂ እብለኩም ኣሎኹ፥ ክንዲ ፍረ ኣድሪ እትኣክል እምነት እንተ ኣልያትኩም ነዚ እምባ እዚ ‘ካብዚ ናብቲ ግዓዝ’ እንተ በልኩምዎ ይግዕዝ፥ ዘይከኣለኩም ነገር የልቦን። 21. “እዚ ኸምዚ ዝኣመስለ ዓይነት ግና ብጸሎትን ብጾምን እንተ ዘይኮይኑ ኣይወፅእን እዩ” በሎም። 22. ደቀ መዛምርቱ ኣብ ገሊላ ተኣኪቦም ከለው ኢየሱስ “ንወዲ ሰብ ኣብ ኢድ ሰብ ኣኅሊፎም ክህብዎ እዮም። 23. ንሳቶም ኪቐትልዎ ብሣልሰይቲ መዓልቲ ድማ ኪትንሥእ እዩ” በሎም። ንሳቶም ከኣ ኣዝዮም ጐሃዩ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣብ ሰማይ ብጀካኻ መን ኣሎኒ፧ ንኣኻ ካብ ረኸብኩስ፣ ኣብ ምድሪ ዝደልዮ የብለይን። ስጋይን ልበይን እንተ ማህመነ እኳ፣ ኣምላኽ ንዘለአለም ከውሒ ልበይን ክፍለይን እዩ።

ወንጌል Gospel

10. ብድኅርዚ ኣብ እንዳ ማቴዎስ ኣብ መኣዲ ምስ ተቐመጠ፥ እንሆ ብዙኃት ተቐበልቲ ቐረጽን ኃጥኣንን ምስ ኢየሱስን ደቀ መዛሙርቱን ተቐመጡ። 11. ፈሪሳውያን ከኣ እዚ ርእዮም ንደቀ መዛሙርቱ፦ “መምህርኩም ምስ ተቐበልቲ ቐረጽን ኃጥኣንን ስለምንታይ ይበልዕ፧” በልዎም። 12. ኢየሱስ ግና ሰሚዑ፥ “ንሓኪምሲ ሕሙማት እምበር፥ ጥዑያት ኣይደልይዎን እዮም። 13. ‘ምሕረት ደኣ እምበር መሥዋዕቲ ኣይኰነን ዝደሊ’ ዚብል እንታይ ምዃኑ ኪዱ ተምሃሩ። ከመይ ኣነ ንኃጥኣን እምበር ንጻድቃን ናብ ንስሓ ኽጽውዕ ኣይመጻእኩን” በሎም። 14. ሽዑ ደቀ መዛሙርቲ ዮሓንስ ናብ ኢየሱስ መጺኦም “ንሕናን ፈሪሳውያንን ብዙኅ ንጸውም፥ ደቀ መዛሙርትኻ ድኣ ስለምንታይ እዮም ዘይጸሙ፧” በልዎ። 15. ኢየሱስ ከኣ ኸምዚ በሎም፦ “መርዓዊ ምስኣቶም ከሎዶ ኣዕሩኽ መርዓዊ ኪኃዝኑ ይኽእሉ እዮም፧ ግናኸ መርዓዊ ካብኣቶም ዚውሰደላ መዓልቲ ኽትመጽእ እያ፥ ሽዑ ኸኣ ኪጾሙ እዮም። 16. ሓድሽ ቁራጽ ዓለባ ኣብ ብላይ ክዳን ዚልግብ ሓደ እኳ የልቦን፥ ምኽንያቱ ነቲ ጥዑይ ይልክሞ፥ እቲ ምቕዳዱ ኸኣ ዝገደደ ይኸውን። 17. ንሓድሽ ወይኒ ኣብ ዝኣረገ ኣሕርብቲ ኣየዕርቕዎን እዮም፥ ምኽንያቱ እቲ ኣሕርብቲ ይቕደድ እቲ ወይኒውን ይፈስስ፥ እቲ ኣሕርብቲ ኸኣ ይበላሾ። ንሓድሽ ወይኒ ግና ኣብ ሓደስቲ ኣሕርብቲ የዕርቕዎ፥ ክልቲኦም ድማ ይሕለው። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ካብቲ፥ ካብ ሰብ ወይ ብሰብ ዘይኮነስ፥ ብኢየሱስ ክርስቶስን በቲ ኻብ ምዉታት ዘተንሥኦ እግዚኣብሔር ኣቦን፥ ሓዋርያ ኪኸውን ዝተኃርየ ጳውሎስን፥ 2. ካብቶም ኵሎም ምሳይ ዘለዉ ኣኅዋትን፥ ትብጻሕ ናብተን ኣብ ገላትያ ዘለዋ ኣብያተ ክርስቲያን። 3. - 4. ካብ እግዚኣብሔር ኣቦናን ካብቲ ከም ፍቓድ ኣምላኽናን ኣቦናን፥ ካብዛ ሕጂ ዘላ ኽፍእቲ ዓለም ምእንቲ ኬድኅነና፥ ብምኽንያት ኃጢኣትና ንገዛእ ርእሱ ኣኅሊፉ ዝሃበ ኢየሱስ ክርስቶስ ጐይታናን፥ ጸጋን ሰላምን ምሳኻትኩም ይኹን። 5. ንእኡ ካብ ዘለዓለም ንዘለዓለም ክብሪ ይኹኖ። ኣሜን። 6. ካብቲ ብጸጋ ክርስቶስ ገይሩ ዝጸውዓኩም ኣምላኽ፥ እንታይ እዋን ናብ ካልእ ወንጌል ከም ዝኃለፍኩም ገሪሙኒ ኣሎ። 7. እዚ ግና፥ ገሊኦም ሰባት ንወንጌል ክርስቶስ ኪልውጡ ደልዮም እዮም ዜዕገርግሩኹም ዘለዉ እምበር፥ ካልእ ወንጌል ፈጺሙ የልቦን። 8. ግናኸ ንሕና ኾነ ወይ ካብ ሰማይ ዝወረደ መልኣኽ ነቲ ንሕና ዝሰበኽናልኩም ዚፃረር ካልእ ወንጌል እንተ ደኣ ሰቢኹልኩም ውጉዝ ይኹን። 9. ከምቲ ኣቐዲምና ዝበልናዮ፥ ሕጂውን ሓደ ነቲ ዝተቐበልኩምዎ ዚፃረር ኻልእ ወንጌል እንተ ደኣ ሰቢኹልኩም፥ ደጊመ “ውጉዝ ይኹን” እብል ኣሎኹ። 10. በዚኸ ናይ ሰብ ምስጋና ድየ ዝደሊ ዘሎኹ ወይስ ናይ ኣምላኽ፧ ወይስ ንሰብ ከሓጒስ ድየ ዝደሊ ዘሎኹ፧ ገና ንሰብ ከሓጒስ እንተ ዝብልስ ባርያ ክርስቶስ ኣይምኾንኩን ነይረ።

ዘካልእ መልእክት Universal Epistle

10. መዓልቲ ጐይታ ግና ከም ሰራቒ ኾይና ኽትመጽእ እያ፥ ሽዑ ሰማያት ጥዋዕዋዕ እናበለ ኺኃልፍ እዩ፥ ፍጥረት ሰማይ ብሓዊ ነዲዱ ኪመክኽ እዩ፥ ምድርን ዅሉ ኣብኣ ዘሎ ነገርን ኪነድድ እዩ።11. - 12. እዚ ዅሉ ከምዚ ኢሉ ዚጠፍእ ካብ ኮነ፥ እንታይ ዝዓይነቶም ሰባት ኢኹም ክትኮኑ ዚግብኣኩም፧ ነታ ኣምላኽ ዝመጸላ መዓልቲ እናተጸቤኹምን እናኣቀላጠፍኩምን ብቕዱስ ሕይወትን ብፍርሃት እግዚኣብሔርን ክትነብሩ እዩ ዚግብኣኩም። እታ መዓልቲ እቲኣ ሰማያት ብሓዊ ከም ዚጠፍእ፥ ፍጥረት ሰማይ ኸኣ ብረስኒ ከም ዚመክኽ ክትገብር እያ።13. ንሕና ግና፥ ከምቲ ተስፋኡ፥ ጽድቂ ዚነብረሉ ሓዱሽ ሰማይን ሓዱሽ ምድርን ንጽበ ኣሎና።14. ስለዚ ኸኣ፥ ኣቱም ፍቁራተይ፥ ነዚ እናተጸቤኹምሲ ብዘይ ነውርን ብዘይ መንቅብን ምስኡ ሰላም ዘሎኩም ዄንኩም ክትርከቡ ተጋደሉ።15. እቲ ጐይታና ንኼድኅነኩም ኢሉ ዜርእዮ ዘሎ ትዕግሥቲ ሕሰቡ። እቲ ፍቁር ኃውና ጳውሎስውን በቲ ዝተዋህቦ ጥበብ ብዛዕባዚ እዩ ዝጸሓፈልኩም።16. ንሱ ብዛዕባዚ ነገራትዚ ኺዛረብ ከሎ፥ ኣብ ኵለን መልእክታቱ ከምዚ እዩ ዝገበር። ኣብኦ ንምርዳኦ ዚሸገር ሓያሎ ነገር ኣሉ። እቶም ደናቑርን ዘይጽኑዓትን ኸኣ፥ ከምቲ ነቲ ቕዱሳን መጻሕፍቲ ዚጠዋውይዎ፥ ንጥፍኣት ገዛእ ርእሶም ይጠዋውይዎ ኣለዉ።17. ንስኻትኩም ግና፥ ኣቱም ፍቁራተይ፥ ነዚ ድሮ ትፈልጥዎ ኢኹም። እምበኣር ብስሕተት እቶም ስዲ ዝኸዱ ዘለዉ ተሳሒብኩም ካብቲ ጽኑዕ መሠረትኩም ከይትወድቁ ተሓለዉ።18. ብናይ ጐይታናን መድኃኒናን ኢየሱስ ክርስቶስ ጸጋን፥ ንእኡ ብምፍላጥን ግና ዕበዩ። ንእኡ ሕጅን ንዘለዓለም ዓለምን ክብሪ ይዂኖ። ኣሜን።

ግብረ ሃዋርያት Acts

6. ነታ ደሴት ብዘላ ኣቋሪጾም ኣብ ጳፋ ምስ በጽሑ፥ ሓደ ጠንቋሊ ሰብኣይ፥ ነቢይ ሓሶት፥ በርያሱስ ዝስሙ ኣይሁዳዊ ረኸቡ። 7. ንሱ ምስቲ ኣስተውዓሊ ሰብኣይ፥ ሰርግዮስ ጳውሎስ ዚብሃል ምስለኔ፥ ይነብር ነበረ፤ ሰርግዮስ ጳውሎስ ቃል ኣምላኽ ኪሰምዕ ደልዩ ንበርናባስን ንሳውልን ናብኡ ጸውዖም። 8. ግናኸ ኤሊማስ ጠንቋሊ (ስሙ ከምኡ ይትርጐም ነበረ)፥ ነቲ ምስለኔ ካብ ምእማን ኪኽልክሎ ደልዩ፥ ንበርናባስን ንሳውልን ተቓወሞም። 9. እቲ ጳውሎስ ዝተሰምየ ሳውል ግና መንፈስ ቅዱስ መሊእዎ ኣተኲሩ ጠመቶ እሞ፤ 10. “ኣታ ዅሉ ተንኰልን ኵሉ ኽፍኣትን ዝመልኣካ ወዲ ዲያብሎስ፥ ጸላእ ኵሉ ጽድቂ፥ ነቲ ቕኑዕ መገዲ እግዚኣብሔር ካብ ምጥዋይሲ ካንዶ ኣይትዓርፍን ኢኻ፧ 11. ሕጂ ኸኣ እንሃ ኢድ ጐይታ ኣብ ልዕሌኻ እያ፤ ክትዓውር ንጊዜኡውን ፀሓይ ኣይክትርእን ኢኻ” በሎ። ብኡብኡ ጣቓን ጸልማትን ወደቖ፥ ኣብዝን ኣብትን ሃሰውሰው እናበለ ኸኣ ብኢዱ ኂዙ ዚመርሖ ደለየ። 12. ሽዑ እቲ ምስለኔ ነቲ ዝኾነ ርእዩ ኣመነ፥ ብምህሮ ጐይታ ኸኣ ተገረመ።

ስንክሳር Synaxarium

አውሳብዮስ ወብእሲቱ
አውሳብያኖስ
ወአርማ
ማህበራነ አባ ኖብ ፳ወ፬
ወቅዱስ ኲትን

መዝሙር Psalm

ደቀየ፣ ፍርሃት እግዚኣብሄር ክምህረኩምሲ፣ ንዑ ስምዑኒ። ህይወት ዚፈቱ፣ ጽቡቕ መዓልትታት ኪርኢ ዚደሊ ሰብ መን ኣሎ፧

ወንጌል Gospel

16. እቶም ወገን ፈሪሳውያን ዝኾኑ መምህራን ሕጊ፥ ኢየሱስ ምስ ተቐበልቲ ቐረጽን ኃጥኣንን ኪበልዕ ስለ ዝረኣይዎ፥ ንደቀ መዛሙርቱ “ስለምንታይ ምስ ተቐበልቲ ቐረጽን ኃጥኣንን ዚበልዕን [ዚሰትን]፧” በልዎም። 17. ኢየሱስ ከኣ ሰሚዑ፥ “ንሓኪምሲ ሕሙማት እምበር ጥዑያት ኣይደልይዎን እዮም፤ ኣነ ኸኣ ንኃጥኣን እምበር ንጻድቃን ክጽውዕ ኣይመጻእኩን” በሎም። 18. ደቀ መዛሙርቲ ዮሓንስን ፈሪሳውያንን ይጾሙ ነበሩ። ገለ ሰባት መጺኦም ከኣ ንኢየሱስ ሓተትዎ፥ “ደቀ መዛሙርቲ ዮሓንስን ደቀ መዛሙርቲ ፈሪሳውያንን ይጾሙ እዮም፥ ስለምንታይ ደኣ ደቀ መዛሙርትኻ ዘይጾሙ፧” ድማ በልዎ። 19. ኢየሱስ ከኣ፡ - “ኣዕሩኽ መርዓዊ ደኣ እቲ መርዓዊ ምስኣቶም ከሎ ኺጾሙዶ ይከኣሎም እዩ፧ መርዓዊ ምስኣቶም ከሎስ ኪጾሙ ኣይኮነሎምን እዩ። 20. እንተኾነ ግዳ መርዓዊ ኻብኣቶም ዚውሰደላ መዓልቲ ኽትመጽእ እያ፤ ሽዑ በታ መዓልቲ እቲኣ ኺጾሙ እዮም። 21. ሓድሽ ቊራጽ ዓለባ ኣብ ብላይ ክዳን ዚልግብ ከቶ የልቦን። እንተዘይኮነስ እቲ ሓድሽ መልገባ ነቲ ብላይ ይቐዶ፥ ምቕዳዱ ኸኣ ዝገደደ ይኸውን። 22. ንሓድሽ ወይኒ ኣብ ሓደስቲ ኣሕርብቲ ደኣ የዕርቕዎ እምበር፥ ንሓድሽ ወይንስ ኣብ ኣረገውቲ ኣሕርብቲ ዜዕርቖ የልቦን፤ እንተዘይኮነስ እቲ ሓድሽ ወይኒ ነቲ ኣሕርብቲ ይቐዶ፥ እቲ ወይኒ ኸኣ ይፈስስ፥ እቲ ኣሕርብቲውን ይበላሾ” በሎም። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ብኣኻ ተስፋ ገይረ ኣሎኹ እሞ፣ ንጽህናን ቅንዕናን ይሐልዋኒ። ዎ ኣምላኽ፣ ንእስራኤል ካብ ኵሉ ጸበባኡ ኣናግፎ።

ወንጌል Gospel

26. ንኢየሱስ ኂዞምዎ ኪኸዱ ኸለዉ ኸኣ፥ ንስምዖን ቀሬናዊ፥ ካብ በረኻ ኺኣቱ ኸሎ ኃዝዎ፥ ነቲ መስቀል ኣሸኪሞም ከኣ ደድኅሪኡ ከም ዚስዕብ ገበርዎ። 27. ብዙኅ ሕዝቢ ኸኣ ይስዕቦ ነበረ፥ ኣንስቲውን ዋይዋይ ይብላሉን ይበኽያሉን ነበራ። 28. ኢየሱስ ከኣ ናብኣተን ግልጽ ኢሉ ከምዚ በለን፥ “ኦ ኣዋልድ ኢየሩሳሌም፥ ምእንቲ ርእስኽንን ምእንቲ ደቅኽንን ደኣ ብኸያ እምበር ምእንታይሲ ኣይትብከያ። 29. ምኽንያቱ እተን መኻናትን ዘይወለደት ማኅፀንን ዘየጥበዋ ኣጥባትን ብፁዓት እየን፥ ዚብሉለን መዓልትታት ኪመጻ እየን። 30. በቲ ጊዜ እቲ ‘ንእምባታት ኣብ ልዕሌና ውደቑ፥ ንዅርባታትውን ከውሉና ምባል ኪጅምሩ እዮም’። 31. ኣብ ጥሉል ኦም ከምዚ ኻብ ገበሩስ፥ ኣብቲ ንቑጽ ደኣ ኸመይ ኪኸውን እዩ፧” 32. ንኽልተ ኻልኦት ገበርቲ ኽፉእውን ምስኡ ኺሰቕልዎም ወሰድዎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ዎ ኣምላኽ፣ ንስኻ ንጉሰይ ኢኻ፣ ምድሓን ያእቆብ ኣዝዝ። ብቐስተይ ኣይኰንኩን ዝውከል፣ ሰይፈይውን ኣይኬድሕነንን እዩ እሞ፣ ንተጻረርትና ብኣኻ ኢና እነውድቖም፣ ንተቓወምትናውን ብስምካ ኢና እንረግጾም።

ወንጌል Gospel

31. ምስ ኣላገጹሉ ድማ ነቲ ቐይሕ ባርኖስ ቀንጢጦም ክዳውንቱ ኸደንዎ፥ ኪሰቕልዎውን ወሰድዎ። 32. ኪወፁ ኸለዉ ድማ ስምዖን ዝስሙ ሓደ ቀሬናዊ ሰብኣይ ረኸቡ እሞ ንመስቀል ኢየሱስ ኪፀውር ኣገደድዎ። 33. ጎልጎታ፥ ትርጒሙ ሓምሓም ርእሲ፥ ተባሂሉ ናብ ዚጽዋዕ ሥፍራ ምስ በጽሑ፥ 34. ሓሞት ዝተሓወሶ መጺጽ ወይኒ ኪሰቲ ሃብዎ፥ ንሱ ኸኣ ጥዒሙ ምስታይ ኣበየ። 35. ምስ ሰቐልዎ ኸኣ ነቲ ኽዳውንቱ ዕጫ ኣውዲቖም ተማቐልዎ። 36. ኣብኡ ተቐሚጦም ከኣ ይሕልውዎ ነበሩ። 37. ኣብ ልዕሊ ርእሱ ድማ “እዚ ኢየሱስ ንጉሥ ኣይሁድ እዩ” ዚብል ናይ ክሱ ጽሑፍ ኣንበሩሉ። 38. ሽዑ ምስኡ ኽልተ ጐሓሉት፥ ሓደ ብየማኑ ሓደ ድማ ብጸጋሙ፥ ተሰቕሉ። 39. እቶም ብጥቕኡ ዚኃልፉ ዝነበሩ ድማ ርእሶም እናነቕነቑ፥ 40. “ኣታ ንቤት መቕደስ ኣፍሪስካ ብሠለስተ መዓልቲ እትሓንጽ፥ እስከ ንርእስኻ ኣድኅን፧ ወዲ ኣምላኽ እንተ ደኣ ዄንካስ እስከ ኻብ መስቀል ውረድ!” እናበሉ ይጸርፍዎ ነበሩ። 41. ከምኡ ድማ እቶም ሊቃነ ካህናት ምስ መምህራን ሕግን ሽማግለታትን ኮይኖም፡ - 42. “ንኻልኦት ኣድኃነ ንርእሱ ግና ኬድኅን ኣይከኣለን፥ ንሱ ንጉሥ እስራኤል እንተ ድኣ ኾይኑስ እስከ ሕጂ ኻብ መስቀል ይውረድ፥ ንሕና ኸኣ ብእኡ ክንኣምን፥ 43. ንሱ ብኣምላኽ ተኣሚኑ እዩ፥ ‘ኣነ ወዲ ኣምላኽ እየ’ እውን ኢሉ እዩ እሞ፥ ዜፍቅሮ እንተ ደኣ ኾይኑስ እስከ ሕጂ የድኅኖ” እናበሉ የላግጹሉ ነበሩ። 44. ከምኡ ኸኣ እቶም ምስኡ ዝተሰቕሉ ጐሓሉት የላግጹሉ ነበሩ። 45. እንሆ ካብ ፍርቂ መዓልቲ ጀሚሩ ኽሳዕ ታስዓይቲ ሰዓት ብዘሎ ምድሪ ጸልመተ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

17. ከመይ ክርስቶስ ወንጌል ክሰብኽ እምበር ከጥምቕ ኣይለኣኸንን። እንተኾነ እቲ ናይ ክርስቶስ ኣብ መስቀል ሙማት ከንቱ ምእንቲ ኸይከውን፥ እቲ ብሥራት ኣብ ክእለት ዘረባ ዝተመሥረተ ኣይነበረን። 18. ከመይ ቃል መስቀል ነቶም ዚጠፍኡ ዕሽነት እዩ፥ ንኣና ነቶም እንድኅን ግና ኃይሊ ኣምላኽ እዩ። 19. ምኽንያቱ እቲ ጽሑፍ “ጥበብ ጠቢባን ከጥፍእ እየ፥ ፍልጠት ፈላጣት ከኣ ኸፍርስ እየ” እዩ ዚብል። 20. ጥበበኛ ደኣ ኣበይ ኣሎ፧ መምህር ሕጊኸ ኣበይ ኣሎ፧ ፍላስፋ እዛ ዓለም እዚኣኸ ኣበይ ኣሎ፧ ኣምላኽዶ ንጥበብ እዛ ዓለም እዚኣ ዕሽነት ኣይገበሮን እዩ፧ 21. ሰባት ንኣምላኽ ብጥበቦም ከይፈልጥዎ እግዚኣብሔር ብጥበቡ ኸልከሎም። ነቶም ዚኣምኑ ግና፥ በቲ ኸም ዕሽነት ዚቚጸር ንሕና እንሰብኮ ወንጌል፥ ኬድኅኖም ደለየ። 22. ከመይ ኣይሁድ ምልክት ይልምኑ፥ ግሪኻውያን ድማ ጥበብ ይደልዩ፥ 23. ንሕና ግና ነቲ ንኣይሁድ ዕንቅፋት፥ ንኣሕዛብ ከኣ ዕሽነት ዝኾነ ዝተሰቕለ ክርስቶስ ንሰብኽ ኣሎና። 24. ነቶም ጽውዓት፥ ኣይሁድ ኮኑ ግሪኻውያን፥ ክርስቶስ ኃይሊ ኣምላኽ እዩ፥ ጥበብ ኣምላኽ ውን እዩ። 25. ከመይ ዕሽነት ኣምላኽ ካብ ጥበብ ሰብ ይበልጽ፥ ድኻም ኣምላኽ ከኣ ካብ ኃይሊ ሰብ ይብርትዕ። 26. ኣኅዋትየ፥ ኣብቲ መጸዋዕታኹም እሞ ተመልከቱ፥ ብዙኃት ካባኻትኩም፥ በተሓሳስባ ሰብ፥ ለባማት ወይ ኃያላት ወይ ጭዋታት ኣይነበርኩምን። 27. ኣምላኽ ግና ነቶም ጠቢባን ምእንቲ ኼኅፍር ንዕሽነት እዛ ዓለም እዚኣ ኃረየ፥ ነቶም ብርቱዓት ምእንቲ ኼኅፍር ከኣ ንድኻም እዛ ዓለም እዚኣ ኃረየ። 28. ነቲ ዘሎ ኸንቱ ምእንቲ ኺገብር ከኣ ነቲ ብዓለም ሕሱርን ንዑቕን ዘየሎን ኃረየ። 29. እዚ ኸኣ ሰብ ኣብ ቅድሚ ኣምላኽ ምእንቲ ኸይምካሕ ኢሉ እዩ። 30. ንስኻትኩም ግና ኻብኡ ኣብ ክርስቶስ ኢየሱስ ኢኹም ዘሎኹም፥ ንሱ እቲ ኻብ እግዚኣብሔር ዝተዋህበና ጥበብ እዩ። በዚ ጥበብ እዚ ድማ ጽድቅን ቅድስናን ድኅነትን ኮነልና። 31. እዚ ኸኣ “እቲ ዚምካሕ ብእግዚኣብሔር ደኣ ይመካሕ” ዚብል ጽሑፍ ምእንቲ ኺፍጸም ኮነ።

ዘካልእ መልእክት Universal Epistle

20. በደል እናገበርኩም መውቃዕቲ እንተ ተዓገሥኩምከ እንታይ ሓበን ኣለዎ፧ ሠናይ እናገበርኩም መከራ እንተ ተዓገሥኩም ግና እዚ ኣብ ቅድሚ ኣምላኽ ቅቡል እዩ። 21. ንስኻትኩምውን ነዚ ኢኹም ዝተጸዋዕኩም፥ ክርስቶስ ድማ ኣሰር ኣሰሩ ምእንቲ ኽትስዕቡ ኢሉ ምእንታኹም መከራ ተቐበለ፥ ኣርኣያውን ኃደገልኩም። 22. “ንሱ ኃጢኣት ኣይገበረን፥ ሓሶትውን ኣብ ኣፉ ኣይተረኽበን።” 23. ምስ ጸረፍዎ መሊሱ ኣይጸረፈን፥ መከራ ምስ ኣጽገብዎ ኸኣ ነቲ ብቕንዕና ዚፈርድ ኣምላኽ ደኣ ነገሩ ኣኅሊፋ ሃበ እምበር ኣየፈራርሀን። 24. ካብ ኃጢኣት ርሒቕና ብጽድቂ ምእንቲ ኽንነብር ንሱ ባዕሉ ንኃጢኣትና በቲ ኣብ መስቀል ዝተሸንከረ ስብነቱ ፆሮ። ብቚስሉ ኢኹም ዝሓዌኹም። 25. ከመይ ከም ኣባጊዕ ተባሪርኩም ጠፊእኩም ነበርኩም፥ ሕጂ ግና ናብቲ ጓሳኹምን ሓላዊ ነፍሳትኩምን ተመሊስኩም ኣሎኹም።

ግብረ ሃዋርያት Acts

27. እቶም ኣብ ኢየሩሳሌም ዚነብሩን መኳንንቶምን ንኢየሱስ ኣይፈለጥዎን፤ እቲ በብሰንበት ዜንብብዎ ቓል ነቢያት ምእንቲ ኺፍጸም ከኣ ንሞት ፈረድዎ። 28. ናብ ሞት ዜብጽሕ ምኽንያት እንተ ዘይረኸቡሉ እኳ፥ ኪቐትሎ ንጲላጦስ ደኣ ለመንዎ። 29. ነቲ ብዛዕባኡ ዝተጻሕፈ ዘበለ ምስ ፈጸሙ ኸኣ፥ ካብ መስቀል ኣውሪዶም ናብ መቓብር ኣእተውዎ። 30. ኣምላኽ ግና ካብ ምዉታት ኣተንሥኦ። 31. ነቶም ካብ ገሊላ ናብ ኢየሩሳሌም ምስኡ ዝደየቡ፥ ሕጂ ኸኣ ኣብ ቅድሚ ሕዝብና ምስክሩ ኾይኖም ዘለዉ፥ ብዙኅ መዓልቲ ተራእዮም።

ስንክሳር Synaxarium

በዓል መስቀል ክቡር
ወአባ ተከሥተ ብርሃን ዘደብረ ድማኅ

መዝሙር Psalm

ስለ ሓቂ ምእንቲ ኺለዐል፣ ነቶም ዚፈርሁኻ ሰንደቕ ዕላማ ሀብካዮም። ፈተውትኻ ምእንቲ ኺናገፉ።

ወንጌል Gospel

17. መስቀሉ ፀይሩ ናብቲ ሓምሓም ርእሲ፥ ብዕብራይስጥ ድማ ጎልጎታ ዚብልዎ ሥፍራ፥ ወፀ። 18. ኣብኣውን ክልተ ኻልኦት፥ ሓደ በዚ ሓደ ወገን፥ ሓደ ድማ በቲ ሓደ ወገን ሰቐሉ፥ ንኢየሱስ ከኣ ኣብ ማእከሎም ሰቐልዎ። 19. ጲላጦስ ድማ ጽሑፍ ጽሒፉ ኣብቲ መስቀል ኣንበሮ። እቲ ጽሕፈቱ ኸኣ “ኢየሱስ ናዝራዊ ንጉሥ ኣይሁድ” ዚብል ነበረ። 20. እታ ኢየሱስ ዝተሰቕለላ ሥፍራ ጥቓ እታ ኸተማ ነበረት። ብዙኃት ካብ ኣይሁድ ድማ ነቲ ጽሑፍ ኣንበብዎ። እቲ ጽሑፍ ብዕብራይስጥን ላቲንን ግሪኽን ነበረ። 21. ስለዚ እቶም ናይ ኣይሁድ ሊቃነ ካህናት ንጲላጦስ “ንሱ ባዕሉ ደኣ 'ኣነ ንጉሥ ኣይሁድ እየ' ከም ዝበለ እምበር፥ 'ንጉሥ ኣይሁድ እዩ' ኢልካ ኣይትጽሓፍ” በልዎ። 22. ጲላጦስ ከኣ “እቲ ዝጸሓፍክዎ ጽሒፈዮ ኣሎኹ” ኢሉ መለሰ። 23. እቶም ወተሃደራት ግና ንኢየሱስ ምስ ሰቐልዎ፥ ነቲ ኽዳዉንቱ ወሲዶም ንነፍስ ወከፍ ሓደ ሓደ ምእንቲ ኺበጽሖም ኣብ ኣርባዕተ መቐልዎ። ነቲ ቐሚሹውን ከምኡ፤ እቲ ቐሚሹ ግና ካብ ላዕሊ ክሳብ ታሕቲ ኵለንትናኡ እሉም ነበረ እምበር ስፉይ ኣይነበሮን። 24. ንሓድሕዶም ከኣ “ንዝበጽሐ ኺበጽሖስ ዕጭ ደኣ ነውድቐሉ እምበር ኣይንቕደዶ” ተበሃሃሉ። እዚ ኸኣ “እቲ ክዳውንተይ ንርእሶም ተማቐልዎ፥ ንቐምሸይውን ዕጭ ኣውደቑሉ” ዚብል ጽሑፍ ምእንቲ ኺፍጸም እቶም ዓቀይቲ እዚ ገበሩ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ጻድቕ ይውቅዓኒ፣ ለውሃት እዩ፣ ይዝለፈኒ፣ ዘይቲ ርእሲ እዩ፣ ርእሰይ ኣይእበዮ፣ ጸሎተይ ገና ብእከዮም እዩ። ፈረድቶም ብገደል ምስ ጸደፉ፣ ቃላተይ ጥዑም ምዃኑ ኺሰምዑ እዮም።

ወንጌል Gospel

31. ኢየሱስ ከኣ “ንሓኪምሲ ሕሙማት ደኣ እምበር ጥዑያት ኣይደልይዎን እዮም። 32. ንኃጥኣን ናብ ንስሓ እምበር ንጻድቃን ክጽውዕ ኣይመጻእኩን” ኢሉ መለሰሎም። 33. ንሳቶም ድማ “ደቀ መዛሙርቲ ዮሓንስ ብዙኅ ሳዕ ይጾሙ ጸሎትውን ይገብሩ፥ ደቀ መዛሙርቲ ፈሪሳውያንውን ከምኡ፥ ደቀ መዛሙርትኻ ግና ይበልዑን ይሰትዩን” በልዎ። 34. ኢየሱስ ከኣ “ንስኻትኩምዶ ነዕሩኽ መርዓዊ፥ እቲ መርዓዊ ምስኣቶም ከሎ፥ ከተጹምዎም ይከኣለኩም እዩ፧ 35. ግናኸ እቲ መርዓዊ ኻብኣቶም ዚውሰደለን መዓልትታት ኪመጻ እየን እሞ፥ ሽዑ በተን መዓልትታት እቲአን ኪጾሙ እዮም” በሎም። 36. ከምዚ ኢሉ ድማ መሰለሎም፥ “ሓድሽ ቍራጽ ዓለባ ኣብ ብላይ ክዳን ዚልግብ ሓደ እኳ የልቦን፥ እንተ ዘይኮነስ እቲ ሓድሽ መልገባ ምስቲ ብላይ ስለ ዘይለግብ፥ እቲ ሓድሽ ቍራጽ መልገባ ነቲ ብላይ ይቐዶ ። 37. ንሓድሽ ወይኒውን ኣብ ኣረገውቲ ኣሕርብቲ ዜዕርቕ የልቦን፤ እንተ ዘይኮነስ እቲ ሓድሽ ወይኒ ነቲ ኣሕርብቲ ይቐዶ፥ ንሱውን ይፈስስ፥ ኣሕርብቲ ድማ ይበላሾ። 38. ንሓድሽ ወይንስ ኣብ ሓደስቲ ኣሕርብቲ እዮም ዜዕርቕዎ። 39. ከራሚ ወይኒ ሰትዩ፥ ነቲ ኸራሚ ወይኒ ደኣ ጥዑም እዩ ይብል እምበር ሓድሽ ወይኒ ዚደሊ የልቦን።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ካብቲ እቶም እኽሎምን ወይኖምን ምስ በዝሔ ዚሕጐስዎ ኣብሊጽካ ኣብ ልበይ ሓጐስ ኣንበርካ። ዎ እግዚኣብሄር፣ ንስኻ በይንኻ ኢኻ ብደሓን እተሕድረኒ እሞ፣ ብሰላም እግምሰስን እድቅስን ኣሎኹ።

ወንጌል Gospel

16. እቶም ወገን ፈሪሳውያን ዝኾኑ መምህራን ሕጊ፥ ኢየሱስ ምስ ተቐበልቲ ቐረጽን ኃጥኣንን ኪበልዕ ስለ ዝረኣይዎ፥ ንደቀ መዛሙርቱ “ስለምንታይ ምስ ተቐበልቲ ቐረጽን ኃጥኣንን ዚበልዕን [ዚሰትን]፧” በልዎም። 17. ኢየሱስ ከኣ ሰሚዑ፥ “ንሓኪምሲ ሕሙማት እምበር ጥዑያት ኣይደልይዎን እዮም፤ ኣነ ኸኣ ንኃጥኣን እምበር ንጻድቃን ክጽውዕ ኣይመጻእኩን” በሎም። 18. ደቀ መዛሙርቲ ዮሓንስን ፈሪሳውያንን ይጾሙ ነበሩ። ገለ ሰባት መጺኦም ከኣ ንኢየሱስ ሓተትዎ፥ “ደቀ መዛሙርቲ ዮሓንስን ደቀ መዛሙርቲ ፈሪሳውያንን ይጾሙ እዮም፥ ስለምንታይ ደኣ ደቀ መዛሙርትኻ ዘይጾሙ፧” ድማ በልዎ። 19. ኢየሱስ ከኣ፡ - “ኣዕሩኽ መርዓዊ ደኣ እቲ መርዓዊ ምስኣቶም ከሎ ኺጾሙዶ ይከኣሎም እዩ፧ መርዓዊ ምስኣቶም ከሎስ ኪጾሙ ኣይኮነሎምን እዩ። 20. እንተኾነ ግዳ መርዓዊ ኻብኣቶም ዚውሰደላ መዓልቲ ኽትመጽእ እያ፤ ሽዑ በታ መዓልቲ እቲኣ ኺጾሙ እዮም። 21. ሓድሽ ቊራጽ ዓለባ ኣብ ብላይ ክዳን ዚልግብ ከቶ የልቦን። እንተዘይኮነስ እቲ ሓድሽ መልገባ ነቲ ብላይ ይቐዶ፥ ምቕዳዱ ኸኣ ዝገደደ ይኸውን። 22. ንሓድሽ ወይኒ ኣብ ሓደስቲ ኣሕርብቲ ደኣ የዕርቕዎ እምበር፥ ንሓድሽ ወይንስ ኣብ ኣረገውቲ ኣሕርብቲ ዜዕርቖ የልቦን፤ እንተዘይኮነስ እቲ ሓድሽ ወይኒ ነቲ ኣሕርብቲ ይቐዶ፥ እቲ ወይኒ ኸኣ ይፈስስ፥ እቲ ኣሕርብቲውን ይበላሾ” በሎም። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

1. ካብ ጳውሎስ፥ ኣገልጋሊ ኣምላኽን ሓዋርያ ኢየሱስ ክርስቶስን፥ ንእምነት ናይቶም ኅሩያት ኣምላኽ ኪሓንጽ፥ ነቲ ናብ ቅድስና ዜብጽሕ ፍልጠት ሓቂ ኺሰብኽ ዝተጸውዐ። 2. እዚ እምነት እዝን እዚ ፍልጠት እዝን፥ እቲ ዘይሕሱ ኣምላኽ ቅድሚ ምጅማር ዘመናት ዘተስፈዎ ናይ ዘለዓለም ሕይወት እዩ። 3. ጊዜኡ ምስ በጽሐ ብትእዛዝ እቲ መድኃኒና ዝኾነ ኣምላኽ ንኣይ ኅድሪ ዝሃበኒ ስብከት ገይሩ ንቓሉ ገለጾ። 4. ናብ ቲቶ፥ በታ ዘላትና እምነት ናይ ሓቂ ወደይ። ካብ እግዚኣብሔር ኣቦን ካብ መድኃኒና ኢየሱስ ክርስቶስን ጸጋን ሰላምን ምሳኻ ይኹን። 5. ኣብ ቀርጤስ ዝኃደግኩኻ፥ ከምቲ ዝኣዘዝኩኻ ጌርካ ነቲ ከይተወድአ ዝተረፈ ምእንቲ ክትሠርዕን ኣብ ዓዓዱ ኤጲስቆጶሳት ክትሸይምን ኢለ እየ።

ዘካልእ መልእክት Universal Epistle

8. ነቲ ኣብ ቅዱስ መጽሓፍ ዚርከብ “ንብጻይካ ኸም ነፍስኻ ኣፍቅር” ዚብል ዓቢይ ሕጊ እንተ ድኣ ብሓቂ ፈጺምኩምዎ ሠናይ ትገብሩ ኣሎኹም። 9. ኣድልዎ እንተ ገበርኩም ግና ኃጢኣት ትገብሩ ኣሎኹም፥ እቲ ሕጊ ኸኣ መፍረስቲ ሕጊ ምዃንኩም ይረትዓኩም ኣሎ። 10. ንብዘሎ እቲ ሕጊ ሓልዩ ኣብ ሓንቲ ዚብድል ብዅሉ እዩ በደለኛ ዚኸውን። 11. እቲ “ኣይትዘሙ” ዝበለ “ኣይትቕተል” ድማ በለ። ስለዚ እንተ ዘይዘሞኻ እኳ ካብ እትቐትልሲ መፍረስ ሕጊ ኢኻ። 12. እምበኣር ከምቶም ሓራ ብዜውፅእ ሕጊ ዚፍረዶም፥ ተዛረቡን ግበሩን። 13. ከመይ ምሕረት ኣብ ልዕሊ ፍርዲ ስለ እትዕወት፥ እቲ ምሕረት ዘይገበረ ብዘይ ምሕረት ኪፍረድ እዩ። 14. ኣኅዋተይ፥ ሓደ ሰብ እምነት ኣላትኒ እንተ በለ፥ ምግባር ግና ካብ ዘይትህልዎ እንታይ ትጠቕሞ፧ እዛ እምነት እዚኣዶ ኸተድኅኖ ትኽእል እያ፧ 15. ኃው ወይ ኃብቲ እንተ ዓረቑ፥ ናይ ዕለት ምግቢውን እንተ ሰኣኑ፥ 16. እሞ ሓደ ካባኻትኩም ንሥጋኦም ዜድሊ ከይሃበ “ብሰላም ኪዱ፥ ሙቑ፥ ጽገቡ፥” እንተ በሎም እንታይ ይጠቅም፧ 17. ከምኡ ኸኣ እምነት ምግባር እንተ ዘይብላስ ንርእሳ ምውትቲ እያ።

ግብረ ሃዋርያት Acts

11. ኣምላኽ ከኣ ብኢድ ጳውሎስ ብዙኅ እፁብ ተኣምራት ገበረ። 12. እንሆ ድማ መኣረምያኡ ወይ ክዳኑ ካብ ዝባኑ ወሲዶም፥ ኣብቶም ሕሙማት የንብሩ እሞ፥ ሕማሞም ይኃድጎም፥ ርኹሳት መናፍስቲውን ካብኣቶም ይወፁ ነበሩ። 13. ካብቶም ኣጋንንቲ ካብ ሰብ እናውፅኡ ዚዞሩ ዝነበሩ ኣይሁድ፥ ገሊኦም ነቶም ርኹሳት መናፍስቲ ዝኃደርዎም “በቲ ጳውሎስ ዚሰብኮ ኢየሱስ ክትወፁ እእዝዘኩም ኣሎኹ” እናበሉ ስም ጐይታና ኢየሱስ ኪሰምዩሎም ፈተኑ። 14. እቶም እዚ ዝገበሩ ኸኣ ሾብዓተ ደቂ ሓደ ኣስቄዋ ዚብሃል ኣይሁዳዊ ሊቀ ካህናት ነበሩ። 15. እቲ ርኹስ መንፈስ ድማ “ንኢየሱስ እፈልጦ፥ ንጳውሎስ እፈልጦ እየ፥ ንስኻትኩም ደኣ እንታዎት ኢኹም፧” እናበለ መለሰሎም። 16. እቲ ርኹስ መንፈስ ዝኃደሮ ሰብኣይ ከኣ፥ ዘሊሉ ሓነቖም እሞ ሰዓሮም፥ ክዳኖም ቀዲዱ፥ ዕርቃን ዝባኖም ኣውፂኡ፥ ኣቚሲሉ፥ ካብታ ቤት ሃዲሞም ክሳዕ ዚወፁ ድማ ንዅሎም ኣሕመቖም። 17. እዚ ነገር እዚ ኣብቶም ኣብ ኤፌሶን ዚነብሩ ኣይሁድን ግሪኻውያንን ኵሎም ተፈልጠ፤ ንዅሎምውን ፍርሃት ኃዞም፥ ስም ጐይታና ኢየሱስ ከኣ ኸበረ። 18. ካብቶም ዝኣመኑ ኸኣ፥ ብዙኃት በቲ ኽፉእ ግብሮም እናተኣመኑን፥ ብገሃድ እናተናዘዙን መጹ። 19. ብዙኃት ጠንቈልቲ ድማ መጻሕፍቶም ኣኪቦም ኣብ ቅድሚ ዅሉ ኣንደድዎ፤ ዋጋኡ ምስ ጸብጸብዎ ኸኣ ኃምሳ ሽሕ ድሪም ኮይኑ ተረኽበ፤ 20. ቃል ጐይታ ድማ ከምዚ ኢሉ እናኣስፋሕፍሐ ብኃይሊ በርትዐ።

ስንክሳር Synaxarium

ቴዎጢኖስ
ወአባ ባስልያስ
ወአባ ኤፍሬም
ወአባ አሌፍ አሐዱ እምተስዐቱ ቅዱሳን
ወአውሳብዮስ
አርቃድዮስ
ወኤልያስ

መዝሙር Psalm

ዎ እግዚኣብሄር፣ ብንጽህና ተመላሊሰ፣ ከይተሐንኰሉ ኸኣ ኣብ እግዚኣብሄር ተወኪለ እየ እሞ፣ ፍረደለይ። ዎ እግዚኣብሄር፣ መርምረንን ተዐዘበንን፣ ንልበይን ኰላሊተይን መርምሮ።

ወንጌል Gospel

1. በታ ሰዓት እቲኣ እቶም ደቀ መዛሙርቱ “ኣብ መንግሥተ ሰማያት መን ይዓቢ፧” እናበሉ ናብ ኢየሱስ ቀረቡ። 2. ኢየሱስ ድማ ሓደ ሕፃን ናብኡ ጸዊዑ ኣብ ማእከሎም ኣቖሞ እሞ ከምዚ በለ፦ 3. “እንተ ዘይተመለስኩም፥ ከም ሕፃናትውን እንተ ዘይኰንኩም ናብ መንግሥተ ሰማያት ከቶ ኸም ዘይትኣትዉ ብሓቂ እብለኩም ኣሎኹ። 4. እቲ ኸምዚ ሕፃን እዚ ርእሱ ዜትሕት ንሱ እዩ ኣብ መንግሥተ ሰማያት ካብ ኵሉ ዚዓቢ። 5. እቲ ንኸምዚ ዝበለ ሕፃን ብስመይ ዚቕበል ንኣይ ይቕበል። 6. እቲ ንሓደ ኻብዞም ብኣይ ዚኣምኑ ናእሽቱ ዜስሕት ድማ ኣድጊ ዝጥሕነሉ መጥሓን ኣብ ክሳዱ ኣሲሮም ኣብ መዓሙቚ ባሕሪ ኬጥሕልዎ ይኅሾ።” 7. “ዕንቅፋት ብግዲ ኺመጽእ እዩ እሞ፥ ብዛዕባ ዕንቅፋት ንዓለም ወይለኣ፥ ምናዳ ነቲ ዕንቅፋት ብሰሩ ዚመጽእ ሰብ ወይለኡ። 8. ኢድካ ወይ እግርኻ እንተ ኣስሓተትካ ኻባኻ ቘሪጽካ ደርብያ፥ ምስ ክልተ ኢድካን ክልተ እግርኻን ኣብ ናይ ዘለዓለም ሓዊ ኻብ እትድርበስ ብጐናይካ፥ ወይ ብሓንካስካ ናብ ህይወት ክትኣቱ ይኅሸካ። 9. ዓይንኻ እንተ ኣስሓተትካ ድማ ኻባኻ ጐጥጕጥካ ደርብያ፥ ምስ ክልተ ዓይንኻ ናብ ገሃነም እሳት ካብ እትድርበስ ነቛር ኴንካ ናብ ሕይወት ምእታው ይኅሸካ።” 10. “መላእኽቶም ኣብ ሰማያት ኵሉ ሳዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ እሞ፥ ካብዞም ናእሽቱ ንሓደ እኳ ክይትንዕቁ ተጠንቀቑ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ ኣምላኽ፣ ኣብ ጽዮን ብህድኣት የመስግኑኻ፣ መብጽዓውን ንኣኻ ኺፍጸም እዩ። ኣታ ጸሎት እትሰምዕ፣ ኵሉ ስጋ ናባኻ ኺመጽእ እዩ።

ወንጌል Gospel

28. እቶም ኣብታ ቤት ጸሎት ኣይሁድ ዝነበሩ ዅሎም ነዚ ምስ ሰምዑ ኣዝዮም ተቖጥዑ። 29. ሽዑ ተንሢኦም ካብ ዓዲ ናብ ወፃኢ ኣውፅእዎ። ኬጽድፍዎ ኸኣ ናብ ገምገም እታ ዓዶም ተሠሪሓትሉ ዝነበረት ኩርባ ወሰድዎ። 30. ንሱ ግና ብማእከሎም ኃሊፉ ኸደ። 31. ድኅርዚ ናብ ቅፍርናሆም ከተማ ገሊላ ወረደ፥ ብሰንበትውን ይምህሮም ነበረ። 32. ቃሉ ብሥልጣን ስለ ዝነበረ ድማ ብትምህርቱ ተገረሙ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ምሳይ ኪነብሩስ፣ ኣዒንተይ ኣብቶም ናይ ሃገር እሙናት እየን፣ እቲ ብፍጽምቲ መገዲ ዚመላለስ ኬገልግለኒ እዩ።
 

ወንጌል Gospel

3. ፈሪሳውያን ድማ “ሰብኣይሲ ነታ ሰበይቱ ብዝዀነ ምኽንያት ኪፈትሓዶ ይኽእል እዩ፧” እናበሉ ኪፍትንዎ ናብኡ መጹ። 4. - 5. መሊሱ ድማ “እቲ ካብ መጀመርታ ዝፈጠረ ‘ሰብኣይን ሰበይትን ገይሩ ፈጠሮም’፥ ‘ስለዚ ሰብኣይ ኣቦኡን ኣዲኡን ኃዲጉ ምስ ሰበይቱ ይወሓድ፥ ክልቲኦም ድማ ሓደ ኣካል ይኾኑ’ ዚብልዶ ኣየንበብኩምን ኢኹም፧ 6. ደጊም ሓደ ኣካል እዮም እምበር ክልተ ኣይኮኑን። እምበኣር ነቲ ኣምላኽ ሓደ ዝገበሮ ሰብ ኣይፍለዮ” በሎም። 7. ንሳቶም ከኣ “ስለምንታይ ደኣ ሙሴ መፍትሒኣ ጽሑፍ ሂቡ ኪፈትሓ ዝኣዘዘ፧” በልዎ። 8. ኢየሱስ ድማ “ሙሴስ ብሰንኪ ትሪ ልብኹም ኣንስትኹም ክትፈትሑ ፈቐደልኩም፥ ካብ መጀመርታ ግና ኸምኡ ኣይነበረን። 9. ኣነ ግና ‘እቲ ንሰበይቱ ብዘይ ምኽንያት ዝሙት ዚፈትሓ ካልእውን ዜእቱ ይዝሙ፥ እቲ ፍትሕቲ ዜእቱውን ይዝሙ’ እብለኩም ኣሎኹ” በሎም። 10. እቶም ደቀ መዛሙርቱ ኸኣ “ሥርዓት ሰብኣይን ሰበይትን ከምዚ እንተ ደኣ ኮይኑስ፥ ምትእትታው ጽቡቕ ኣይኮነን” በልዎ። 11. ኢየሱስ ድማ “እዚ ነገር እዚ ነቶም ዝተዋህቦም እንተ ዘይኮይኑ፥ ኵሉ ዚኽእሎ ኣይኮነን። 12. ካብ ከርሢ ኣዲኦም ስሉባት ኮይኖም ዝተወልዱ ኣለዉ፥ ሰባት ዝሰለብዎም ስሉባት እውን ኣለዉ፥ ምእንቲ መንግሥተ ሰማያት ኢሎም ባዕሎም ዝተሰልቡ ስሉባት እውን ኣለዉ፥ ነዚ ትምህርቲዚ ኪቕበሎ ዚኽእል ይቀበሎ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ብዛዕባ እቲ ዝጸሐፍኩምለይ ነገር ከኣ ሰብኣይ ኣብ ሰበይቲ እንተ ዘይቀረበ ጽቡቕ እዩ። 2. ግናኸ ካብ ምንዝርና ምእንቲ ኪርሕቕ፥ ነፍስ ወከፍ ሰብኣይ ናይ ገዛእ ርእሱ ሰበይቲ ትሃልዎ። ነፍስ ወከፍ ሰበይቲውን ናይ ገዛእ ርእሳ ሰብኣይ ይሃልዋ። 3. ሰብኣይ ንሰበይቱ ዚግባኣ ይግበረላ፥ ከምኡውን ሰበይቲ ንሰብኣያ ዚግብኦ ትግበረሉ። 4. ሰበይቲ ኣብ ሰብነት ሰብኣያ እምበር ኣብ ገዛእ ሰብነታ ሥልጣን የብላን። ከምኡ ኸኣ ሰብኣይ ኣብ ሰብነት ሰበይቱ እምበር ኣብ ገዛእ ሰብነቱ ሥልጣን የብሉን። 5. ንጸሎት ዚኸውን ጊዜ ምእንቲ ኽትረኽቡ ኢልኩም፥ ንውሱን እዋን ብስምምዕ ክልቴኹም ዝገበርኩምዎ እንተ ዘይኮይኑ፥ ሓደ ነቲ ሓደ ናይ መውስቦ ግቡኡ ኣይኽልኣዮ። ንነፍስኹም ብዘይ ምምላኽኩም ሰይጣን ምእንቲ ኸይፍትነኩም ከኣ ከም ብሓድሽ ተራኸቡ። 6. እዚ ግና ከም ምኽሪ እምበር፥ ከም ትእዛዝ ኣይኮንኩን ዚብል ዘሎኹ። 7. ኵሉ ሰብ ከምዚ ኸማይ ኪኸውን ምፈቶኹ ነይረ፥ ግናኸ ነፍስ ወከፍ ካብ ኣምላኽ ዝተቐበሎ ናይ ጸጋ ውህበት ስለ ዘለዎ፥ እቲ ሓደ ኸምዚ፥ እቲ ሓደውን ከምቲ ውህበት ኣለዎ። 8. ንዘይተመርዓውን ንመበላሉን ግና ኸምዚ ኸማይ ኮይኖም እንተ ነበሩ ንኣኣቶም ጽቡቕ እዩ እብል ኣሎኹ።

ዘካልእ መልእክት Universal Epistle

9. ጐይታ ኸኣ ነቶም ፍርሃት እግዚኣብሔር ዘለዎም ካብ ፈተና ኸመይ ገይሩ ከም ዜድኅኖም፥ ንገበርቲ ዓመጻ ድማ እናቐጽዐ ኸመይ ገይሩ ክሳዕ መዓልቲ ፍርዲ ከም ዜጽንሖም ይፈልጥ እዩ።10. ኣውራ ግና ነቶም ደድኅሪ እቲ ርኹስ ዝኾነ ትምኒት ሥጋ ዝኸዱ፥ ንሥልጣን እግዚኣብሔር ዝንዕቁ ሰባት እዩ። እቶም ሓሰውቲ መምህራን ደፋራትን ደረቐኛታትን ስለ ዝኾኑ፥ ነቶም ናይ ሰማይ ሥልጣናት ኪጸርፉ ኣይፈርሁን።11. መላእኽቲ እኳ፥ ብኃይልን ብሥልጣንን ካብኣቶም ዚበልጹ ኸለዉ፥ ኣብ ቅድሚ ጐይታ ነቶም ናይ ሰማይ ሥልጣናት ዚጻረር ክሲ ኣየምጽኡን እዮም።12. እዚኣቶም ከምታ ተኣሲራ እትሕረድ በሃም እንስሳ እዮም ዝመስሉ። ነቲ ዘይፈልጥዎ እናጸረፉ ከምታ እንስሳ ኺጠፍኡ እዮም።13. ዓስቢ ዓመጻኦም ኪቕበሉ እዮም። ንኣኣቶም ሓጐስ፥ ብቐትሩ ምዕባድ ማለት እዩ። ነውርን ርስሓትን እዮም። ንኺጥብሩኹም ኢሎም ኣብ መኣድኹም ይሳተፉ፥ በዚውን ይሕጐሱ።14. ዝሙት ዝመልኣ ኻብ ኃጢኣት ኸኣ ዘየቋርጻ ኣዕይንቲ ኣለዋኦም፥ እተን ብእምነት ዘይጸንዓ ነፍሳት ይሓብልወን፥ ስስዐ ዝለመደ ልቢ ኣለዎም፥ ደቂ መርገም እዮም።15. ነታ ቕንዕቲ መገዲ ኃዲጎም ተጋገዩ፥ መገዲ እቲ ዓስቢ ዓመጻ ዝፈተወ በለኣም ወዲ ባሶር ሰዓቡ።16. እንተኾነ ሕጊ ብምፍራሱ መግናሕቲ ተቐበለ፥ በሃም ኣድጊ ብድምፂ ሰብ ተዛሪባ ንዕብዳን እቲ ነቢይ ዓገተቶ።

ግብረ ሃዋርያት Acts

17. ጴጥሮስ ብዛዕባ እቲ ዝረኣዮ ራእይ፥ “እንታይ ኮን ይኸውን፧” እናበለ ብሓሳቡ ኪጭነቕ ከሎ፥ እንሆ እቶም ካብ ቆርኔሌዎስ ዝተላእኩ ሰባት “እንዳ ስምዖን ኣበይ እዩ” ኢሎም እናሓተቱ ኣብቲ ኣፍ ደገ ደው በሉ። 18. ጸዊዖም ከኣ፥ እቲ ጴጥሮስ ዚብሃል ስምዖን ጋሻ ኣብኡ እንተሎ ሓተቱ። 19. ጴጥሮስ ከኣ በቲ ራእይ ኬስተንትን ከሎ፥ መንፈስ ቅዱስ “እንሆ ሠለስተ ሰብኣይ ይደልዩኻ ኣለዉ፤ 20. ኣነ እየ ልኢኸዮም እሞ፥ ተንሢእካ ውረድ፥ ከይተጠራጠርካውን ምስኣቶም ኪድ” በሎ። 21. ሽዑ ጴጥሮስ ናብቶም ሰባት ወሪዱ፥ “እንሆ እቲ እትደልይዎ ዘሎኹም ሰብ ኣነ እየ፥ ስለምንታይ መጺእኩም፧” በሎም። 22. ንሳቶም ከኣ “ቆርኔሌዎስ እቲ ሓለቓ ሚእቲ ብዅሉ ሕዝቢ ኣይሁድ ዝተመስከረሉ፥ ንኣምላኽ ዜምልኽ ጻድቕ ሰብኣይ፥ ናብ ቤቱ ኺጽውዓካ ካባኻ ድማ ቃል ኪሰምዕ ብቕዱስ መልኣኽ ተነጊርዎ ኣሎ” በልዎ። 23. ሽዑ ጴጥሮስ ኣብ ገዛ ተቐቢሉ ኣኅደሮም። ንጽባሒቱ ተንሢኡ ምስኣቶም ከደ፥ ካብ ኢዮጴ ኸኣ ገለ ቚሩብ ኣኅዋት ሰዓብዎ።

ስንክሳር Synaxarium

ቅዱስ ሚካኤል
ወድሜጥሮስ ሊቀ ጳጳሳት
ወመላዚ ሰማዕት

መዝሙር Psalm

አብ ኵሉ መገድኻ ኺሕልዉኻ፣ ንመላእኽቱ ኺእዝዘልካ እዩ እሞ፣ እግርኻ ብእምኒ ኸይትዕንቀፍሲ፣ አብ ልዕሊ ኣእዳዎም ኪጾሩኻ እዮም።

ወንጌል Gospel

10. “መላእኽቶም ኣብ ሰማያት ኵሉ ሳዕ ገጽ እቲ ኣብ ሰማያት ዘሎ ኣቦይ ይርእዩ ኣለዉ እሞ፥ ካብዞም ናእሽቱ ንሓደ እኳ ክይትንዕቁ ተጠንቀቑ። 11. ወዲ ሰብ ንዝጠፍአ ኬድሕን መጺኡ ኣሎ እሞ፥ 12. እንታይ ይመስለኩም፧ ሚእቲ ኣባጊዕ ዘለዋኦ ሰብኣይ ካብአን ሓንቲ እንተ ጠፍኣቶ ነተን ተስዓን ትሽዓተን ኣብ ጎቦታት ኃዲጉ ነታ ዝጠፍአት ኪደሊዶ ኣይከይድን፧ 13. እንተ ረኸባ ድማ ኻብተን ተስዓን ትሽዓተን ዘይጠፍኣ ብኣኣ ኣዝዩ ኸም ዚሕጐስ ብሓቂ እብለኩም ኣሎኹ። 14. ከምኡ ድማ ኻብዞም ናእሽቱ ሓደ እኳ ኺጠፍእ ፍቓድ እቲ ኣብ ሰማያት ዘሎ ኣቦኹም ኣይኰነን። 15. “ኃውኻ እንተ በደለካ ኬድካ ንስኻን ንሱን ኣብ በይንኹም ኴንኩም ግንሓዮ፥ እንተ ሰምዓካ ንኃውኻ ረባሕካዮ። 16. እንተ ዘይሰምዓካ ግና ዅሉ ነገር ብኣፍ ክልተ ወይ ሠለስተ መሰኻኽር እዩ ዚቐዉም እሞ [ኣብ ካልኣይ ግዜ] ሓደ ወይ ክልተ ምሳኻ ውሰድ። 17. ንኣኣቶም እንተ ዘይሰምዖም ድማ ንቤተ ክርስቲያን ንገራ፥ ንቤተ ክርስቲያን እንተ ዘይሰምዓ ግና ከም ኣረሚንን ዘይንሳሕ ኃጢኣተኛን ቁጸሮ።” 18. “ብሓቂ እብለኩም ኣሎኹ፥ ኣብ ምድሪ ዝኣሰርኩምዎ ዘበለ ኣብ ኣብ ሰማይ እሱር ኪኸውን እዩ፥ ኣብ ምድሪ ዝፈታሕኩምዎ ዘበለ ድማ ኣብ ሰማይ ፍቱሕ ኪኸውን እዩ። 19. - 20. ክልተ ወይ ሠለስተ ኾይኖም ብስመይ ኣብ ዝተኣከቡሉ፥ ኣነ ኸኣ ኣብኡ ኣብ ማእከሎም ኣሎኹ እሞ፥ ክልተ ኻባኻትኩም ኣብ ምድሪ ብዚልምንዎ ነገር ኵሉ እንተ ተሳማምዑ፥ ካብቲ ኣብ ሰማያት ዘሎ ኣቦይ ኪወሃቦም እዩ፥ ኢለ ኸም ብሓድሽ [ብሓቂ] እብለኩም ኣሎኹ።” 21. ሽዑ ጴጥሮስ ቅርብ ኢሉ “ጐይታይ! ሓወይ እንተ በደለንስ ክንደይ ሳዕ ይቕረ ኽብለሉ፧ ክሳዕ ሾብዓተዶ፧” በሎ። 22. ኢየሱስ ድማ “ሾብዓተ ሳዕ ሰብዓ ድኣ እምበር ክሳዕ ሾብዓተ ኣይብለካን” በሎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ትእዛዛትካ ኽምሀርሲ፣ ኣለብመኒ። ንቓልካ ተጸብየ እየ እሞ፣ እቶም ዚፈርሁኻ ርእዮምኒ ኺሕጐሱ እዮም።
 

ወንጌል Gospel

40. ዘይቃወመና ዘበለ ዅሉ ምሳና እዩ። 41. ንስኻትኩም ድማ ናይ ክርስቶስ ስለ ዝኾንኩም፥ ጽዋእ ማይ ብስመይ ዜስትየኩም ዘበለ ዓስቡ ኸም ዘይስእን ብሓቂ እብለኩም ኣሎኹ።” 42. “ነቲ ኻብዞም ብኣይ ዚኣምኑ ናኣሽቱ ንሓደ ዜስሕት፥ ኣድጊ ዚጥሕነሉ መጥሓን ኣብ ክሳዱ ተኣሲሩ ኣብ ባሕሪ ኺጥሕል ምኅሾ ነይሩ። 43. - 44. ኢድካ እንተ ኣስሐተትካ ቍረጻ፥ ምስ ክልተ ኢድካ ናብቲ ሓሰኻኡ ዘይመውት፥ ሓውውን ዘይጠፍእ ገሃነም እሳት ካብ እትድርበስ ቊሩጽ ኴንካ ናብ ሕይወት ምእታው ይኅሸካ። 45. - 46. እግርኻ እንተ ኣስሐተትካውን ቊረጻ፥ ምስ ክልተ እግርኻ ሓሰኻኡ ኣብ ዘይመውት፥ ሓውውን ኣብ ዘይጠፍእ ገሃነም እሳት ካብ እትድርበስ፥ ሓንካስ ኴንካ ናብ ሕይወት ምእታው ይኅሸካ። 47. - 48. ዓይንኻ እንተ ኣስሐተትካውን ጐጥጒጥካ ደርብያ፥ ምስ ክልተ ዓይንኻ ናብቲ ሓሰኻኡ ዘይመውት፥ ሓዉውን ዘይጠፍእ ገሃነም እሳት ካብ እትድርበስ ነቋር ኴንካ ናብ መንግሥቲ ኣምላኽ ምእታዉ ይኅሸካ። 49. ነፍሰ ወከፍ ብሓዊ እዩ ዚምቅር፥ ኵሉ መሥዋዕቲ ድማ ብጨው እዩ ዚምቅር። 50. ጨው ጽቡቕ እዩ። እቲ ጨው መቐረቱ እንተ ጠፍአኸ ብምንታይ ተመቅርዎ፧ እምበኣር ኣብ ነፍስኹም ጨው ይሃልኹም፥ ንሓድሕድኩም ውን ብሰላም ንበሩ። እትሰምዕ እዝኒ ዘላቶ ይስማዕ!