መዝሙረ ዳዊት Psalm

ግብርታት ጸጋ እግዚኣብሄር ንዘለአለም ክዝምር፣ ብኣፈይ ንውሉድ ወለዶ እምነትካ ኸፍልጥ እየ። ጸጋ ንዘለአለም ኪህነጽ፣ እምነትካ አብ ሰማያት ከተጽንዕ ኢኻ፣ በልኩ።

ወንጌል Gospel

1. ኦ ክቡር ቴዎፍሎስ፥ ከምቲ ብዙኃት ነቲ ኣባና ብምልኣት ዝተፈጸመ ነገራ ኪጽሕፉ ዝጀመርዎ፤ 2. ልክዕ ከምቲ በቶም ናይ መጀመርታ ናይ ዓይኒ መሰኻኽርን፥ ናይቲ ቓል ኣገልገልትን፥ ኣባና ዝተመኃላለፈ፤ 3. - 4. ንኣይውን፥ ኣብ ዝኃለፈ ቐረባ ጊዜ፥ ነቲ ነገር ካብ መሠረቱ ኂዘ ብጥንቃቐ ምስ መርመርክዎ፥ ናይቲ ዝተመሃርካዮ ነገራት ርግጽነት ኣጸቢቕካ ምእንቲ ክትፈልጥ፥ ኣከታቲለ ኽጽሕፈልካ ቕኑዕ ኮይኑ ተራእዩኒ ኣሎ። 5. ብዘመን ሄሮድስ ንጉሥ ይሁዳ፥ ሓደ ኻብ ክፍሊ ኽህነት ኣብያ ዝኾነ ዘካርያስ ዚብሃል ካህን ነበረ፤ ካብ ዘርኢ ኣሮን ዝኾነት ኤልሳቤጥ እትብሃል ሰበይቲ ኸኣ ነበረቶ። 6. ክልቲኦም ከኣ ኣብ ቅድሚ ኣምላኽ ብዅሉ ትእዛዛት እግዚኣብሔርን ሕግጋቱን ብዘይ ጒድለት ዚመላለሱ ጻድቃን ነበሩ። 7. እንተኾነ ኤልሳቤጥ መኻን ስለ ዝነበረት ውሉድ ኣይነበሮምን፥ ክልቲኦም ድማ መዋዕሎም ዝኃለፈ ኣረገውቲ ነበሩ። 8. እንሆ ኸኣ ዘካርያስ ብተራ ኽፍሉ ኣብ ቅድሚ ኣምላኽ ብግብሪ ክህነት ኬገልግል ከሎ፥ 9. ከም ልማድ ካህናት ናብ ቤት መቕደስ እግዚኣብሔር ኣትዩ ዕጣን ኪዓጥን ዕጫ በጽሖ። 10. በቲ ጊዜ ዕጣን ከኣ ዅሉ እቲ ሕዝቢ ብወጻኢ ኾይኑ ይጽሊ ነበረ። 11. ሽዑ መልኣኽ እግዚኣብሔር ብወገን የማን እቲ መሠውዒ ዕጣን ቆይሙ ተራእዮ። 12. ዘካርያስ ከኣ ርእይዎ ሰምበደ፥ ፍርሃትውን ኃዞ። 13. እቲ መልኣኽ ድማ ኸምዚ በሎ፦ “ዘካርያስ! ጸሎትካ ተሰሚዑልካ እዩ እሞ ኣይትፍራህ፤ ሰበይትኻ ኤልሳቤጥ ወዲ ኽትወልደልካ እያ፤ ስሙውን ዮሓንስ ኢልካ ኽትሰምዮ ኢኻ። 14. ንሱ ሓጐስን ደስታን ኪዀነልካ እዩ፤ ብልደቱ ኸኣ ብዙኃት ኪሕጐሱ እዮም። 15. ምኽንያቱ ኸኣ ኣብ ቅድሚ እግዚኣብሔር ዓቢይ ኪኸውን እዩ። ወይንን ዜስክር መስተን ከኣ ኸቶ ኣይኪሰትን እዩ። ገና ኣብ ከርሢ ኣዲኡ ኸሎ መንፈስ ቅዱስ ኪመልኦ እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

17. እቲ ኽብሎ ዝደሊ ዘሎኹ ከምዚ ዝስዕብ እዩ፦ ድኅሪ ኣርባዕተ ሚእትን ሠላሳን ዓመት ሕጊ መጸ። ግናኸ እዚ ሕጊ እዚ፥ ነቲ ተስፋ ኸንቱ ኺገብሮ ኢሉ፥ ነቲ ኣምላኽ ቀደም ዘጽንዖ ኪዳን ኣየፍርሶን እዩ። 18. እቲ ዝውረስ ካብ ሕጊ እንተ ዝኸውንሲ፥ ደጊም ካብ ተስፋ ኣይምኾነን ነይሩ። ኣምላኽ ግና ንኣብርሃም ብተስፋ እዩ ዝሃቦ። 19. ሕጊ ደኣ ንምንታይ መጸ፧ እቲ ተስፋ ዝተዋህቦ ዘርኢ ክሳዕ ዚመጽእ፥ ኃጢኣት እንታይ ከም ዝኾነ ኪገልጽ ዝተወሰኸ እዩ። ብኢድ መንጎኛ ዝኾነ ሰብን ብኢድ መላእኽትን ኸኣ ተዋህበ። 20. ንሓደ ሰብ በይኑ ግና መንጎኛ ኣየድልዮን እዩ። ኣምላኽ ኸኣ ሓደ እዩ። 21. እምበኣር ሕጊ ነቲ ብኣምላኽ ዝተዋህበ ተስፋዶ መፃርርቱ እዩ፧ ያእ ኣይፋሉን። ሕያው ኪገብር ዚኽእል ሕጊ ተዋሂቡ ነይሩ እንተ ዚኸውን፥ ብርግጽ ጽድቂ ብሕጊ ምኾነ ነይሩ። 22. እቲ ንኢየሱስ ክርስቶስ ብምእማን ዚርከብ ተስፋ፥ ነቶም ዚኣምኑ ጥራይ ምእንቲ ክወሃብ፥ ቅዱስ መጽሓፍ፥ ዅሉ ዓለም ኣብ ትሕቲ ሥልጣን ኃጢኣት ከም ዝኾነ ገለጸ። 23. እዛ እምነት እዚኣ ቕድሚ ምምጽኣ፥ ንሳ ኽሳዕ እትገሃድ እናተጼበና ኣብ ትሕቲ ሕጊ ተዓጺና ንሕሎ ነበርና። 24. ስለዚ ኸኣ ብእምነት ምእንቲ ኽንጸድቕሲ ናብ ክርስቶስ ኬብጽሓና እቲ ሕጊ ሓላዊ ኾነና። 25. እምነት ምስ መጸት ግና ደጊም ትሕቲ ሓላዊ ኣይኮንናን። 26. ንኢየሱስ ክርስቶስ ብምእማን ኲላትኩም ውሉድ ኣምላኽ ኢኹም። 27. ከመይ ብክርስቶስ ዝተጠመቕኩም ዘበልኩም ንክርስቶስ ለቢስኩምዎ ኢኹም። 28. ኩልኻትኩም ብክርስቶስ ኢየሱስ ሓደ ኢኹም እሞ፥ በዚ ኣይሁዳዊ ወይ ግሪኻዊ የልቦን፥ በዚ ባርያ ወይ ጭዋ የልቦን። በዚ ወዲ ተባዕታይ ወይ ጓል ኣንስተይቲ የልቦን። 29. ናይ ክርስቶስ ካብ ኮንኩም፥ ደጊም ዘርኢ ኣብርሃም ኢኹም፥ ከምቲ ተስፋውን ወረስቲ ኢኹም።

ዘካልእ መልእክት Universal Epistle

1. ካብ መራሕ ቤተ ክርስትያን፥ ናብታ ኅርይቲ እመቤትን፥ ናብቶም ኣነ ብሓቂ ዘፍቅሮም ደቃን፥ ኣነ በይነይ ዘይኮንኩስ፥ እቶም ነታ ሓቂ ዚፈልጥዋ ዘበሉ ዅላቶም ድማ ዜፍቅርዎም። 2. እነፍቅሮም ድማ ስለ እታ ኣባና ዘላ፥ ንዘለዓለም ከኣ ምሳና እትነብር ሓቂ፥ ኢልና ኢና። 3. ካብ እግዚኣብሔር ኣቦናን ካብ ኢየሱስ ክርስቶስ ወዱ ንእግዚኣብሔር ኣቦን፥ ጸጋን ምሕረትን ሰላምን ብሓቅን ብፍቕርን ምሳና ኪኸውን እዩ። 4. ገለ ካብ ደቅኺ ከምቲ ኻብ ኣቦ ዝተቐበልናዮ ትእዛዝ ኮይኖም ብሓቂ ዚነብሩ ስለ ዝረኸብኩ፥ ብዙኅ እሕጐስ ኣሎኹ። 5. ሕጂ ድማ እመቤተይ፥ ሓድሽ ዘይኮነስ፥ እቲ ኻብ መጀመርታ ዝነበረና ትእዛዝ እየ ዝጽሕፈልኪ ዘሎኹ፥ ማለት ንሓድሕድና ክንፋቐር እልምነኪ ኣሎኹ። 6. ፍቕሪ ማለት ትእዛዛት ኣምላኽ እናፈጸምካ ምንባር ማለት እዩ። ከምቲ ካብ መጀመርታ ዝሰማዕኩምዎ፥ እቲ ትእዛዝ “ብፍቕሪ ንበሩ” ዚብል እዩ። 7. ኢየሱስ ክርስቶስ ሰብ ኮይኑ ብሥጋ ኸም ዝመጸ ዘይእመኑ ብዙኃት መስሓትቲ ኣብ ዓለም ተላዒሎም ኣለዉ። መስሓትን ፀረ ክርስቶስን ዚበሃል ከኣ ኸምዚ ዝበለ እዩ።

ግብረ ሃዋርያት Acts

12. ብድኅርዚ ሓዋርያት ካብ ደብረ ዘይቲ ናብ ኢየሩሳሌም ተመልሱ፤ ደብረ ዘይቲ ኻብ ኢየሩሳሌም ሓደ ኪሎሜትር ዚርሕቕ ነበረ። 13. ናብታ ኸተማ ምስ ኣተዉ ኸኣ ናብታ ዝቕመጡላ ዝነበሩ ላዕለወይቲ ደርቢ ደየቡ። ንሳቶም ከኣ ጴጥሮስ፥ ዮሓንስ፥ ያዕቆብ፥ እንድርያስ፥ ፊልጶስ፥ ቶማስ፥ በርተሎሜዎስ፥ ማቴዎስ፥ ያዕቆብ ወዲ እልፍዮስ፥ ስምዖን ቀናኢ፥ ይሁዳ ወዲ ያዕቆብ ነበሩ። 14. እዚኣቶም ኵሎም ምስ ገሊአን ኣንስትን ምስ ማርያም ኣደ ኢየሱስን ምስ ኣኅዋቱን ኃቢሮም፥ ጸሎት የዘውትሩ ነበሩ።

ስንክሳር Synaxarium

ዕረፍታ ለኤልሳቤጥ እሙ ለዮሐንስ መጥምቅ
ወበዓለ እግዝእትነ ማርያም በዘነሥአት ኪዳነ

መዝሙር Psalm

ጸጋ ንዘለአለም ኪህነጽ፣ እምነትካ አብ ሰማያት ከተጽንዕ ኢኻ፣ በልኩ እሞ፣ ምስ ሕሩየይ ኪዳን ኣቶኹ።

ወይ

መዝ 68 ፡ 13 - 15

ከም ኣኽናፍ ርግቢ ብብሩር፣ ክንቲታውን ብዜንጸባርቕ ወርቂ እተለበጠ ትዀኑ። እቲ ዅሉ ዚኽእል ንነገስታት ምስ በተኖም።

ወንጌል Gospel

39. በቲ ግዜ እቲ ማርያም ንመገሻ ተበገሰት፥ ቀልጢፋ ድማ ንዝባን ይሁዳ ናብ ሓንቲ ዓዲ ደየበት። 40. ናብ ቤት ዘካርያስ ኣትያ ኸኣ ንኤልሳቤጥ ሰላም በለታ። 41. ኤልሳቤጥ ቃል ሰላምታ ማርያም ምስ ሰምዐት፥ እቲ ሕፃን ኣብ ከርሣ ተሰራሰረ፤ ንኤልሳቤጥ ድማ መንፈስ ቅዱስ መልኣ። 42. ብዓብይ ድምፂውን ዓው ኢላ “ንስኺ ኻብ ኣንስቲ ዝተባረኽኪ ኢኺ፥ እቲ ኻባኺ ዚውለድ ሕፃንውን ዝተባረኸ እዩ። 43. ኣደ ጐይታይ ናባይ ክትመጺኸ እዚ ኻበይ ኮነለይ፧ 44. እንሆ ድምፂ ሰላምታኺ ምስ ሰማዕኩ እቲ ሕፃን ኣብ ከርሠይ ብሓጐስ ተሰራሰረ። 45. እቲ ካብ እግዚኣብሔር ዝተነግረኪ ቓል ከም ዚፍጸም ስለ ዝኣመንኪ ብፅዕቲ ኢኺ” በለት። 46. ማርያም ድማ ኸምዚ በለት፦ “ነፍሰይ ንእግዚኣብሔር ተዕብዮ፣ 47. መንፈሰይ ከኣ ብኣምላኸይ፥ በቲ መድኃንየይ፥ ባህ ይብሎ። 48. ውርደት ባርያኡ ርእዩ እዩ እሞ እንሆ ኻብ ሕጂ ዅሎም ወለዶ ብፅዕቲ ኺብሉኒ እዮም። 49. እቲ ዅሉ ዚኽእል ዓበይቲ ነገራት ገይሩለይ እዩ እሞ፥ ስሙ ቕዱስ እዩ። 50. ምሕረቱውን ኣብቶም ዚፈርህዎ ንውሉድ ወለዶ እዩ። 51. ብቕልጽሙ ኃይሊ ገበረ፥ ንዕቡያት ሓሳባት ልቦም በተነሎም። 52. ንኃያላት ካብ ዝፋናቶም ኣውረዶም፥ ንዝተዋረዱ ኸኣ ልዕል ኣበሎም። 53. ንጥሙያት ብበረኸት ኣጽገቦም፥ ንሃብታማት ከኣ ጥራይ ኢዶም ሰደዶም። 54. - 55. ከምቲ ነቦታትና፥ ንኣብርሃምን ንዘርኡን ዝነገሮም፥ ንዘለዓለም ምሕረቱ እናዘከረ ንእስራኤል ባርያኡ ተቐበሎ።” 56. ማርያም ከኣ ንሠለስተ ወርኂ ዚኣክል ምስ ኤልሳቤጥ ተቐሚጣ ብድኅሪኡ ናብ ቤታ ተመልሰት። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ምድርን ምልኣታን ናተይ እያ እሞ፣ እንተ ዝጠሚ እኳ ኣይምነገርኩኻን። ኣነዶ ስጋ ዝራብዓት እበልዕ፧ ደም ዲቤላታትሲ እሰቲ እየ፧ መስዋእቲ ምስጋና ንአምላኽ ሰውኣሉ።

ወንጌል Gospel

5. ሽዑ ዲያብሎስ ናብታ ቕድስቲ ኸተማ ወሲዱ፥ ኣብ ላዕላይ ጫፍ ቤት መቕደስ ኣቖሞ። 6. “ወዲ እግዚኣብሔር እንተ ዄንካስ ‘እግርኻ ብእምኒ ኸይትዕንቀፍ፥ በእዳዎም ኪፆርኻ፥ ንመላእኽቱ ምእንታኻ ይእዝዞም’ ዚብል ጽሑፍ ኣሎ እሞ፥ እስከ ንታሕቲ ጽደፍ” በሎ። 7. ኢየሱስ ድማ “‘ንእግዚኣብሔር ኣምላኽካ ኣይትፈታተኖ’ ዝብል ጽሑፍ እውን አሎ’’ በሎ። 8. ከም ብሓድሽ ዲያብሎስ ናብ ኣዝዩ ነዊኅ እንባ ወሲዱ፥ መንግሥትታት ኵሉ ዓለምን ክብሮምን ኣርአዮ እሞ፥ 9. “ተደፊእካ እንተ ሰገድካለይ እዚ ዅሉ ኽህበካ እየ” በሎ። 10. ሽዑ ኢየሱስ “‘ንእግዚኣብሔር ኣምላኽካ ስገድ፥ ንእኡ በይኑ ድማ ኣምልኽ’ ዝብል ጽሑፍ ኣሎ እሞ ኪድ ሰይጣን” በሎ። 11. ድኅርዚ ዲያብሎስ ኃደጎ፥ እንሆ ድማ መላእኽቲ መጺኦም ኣገልገልዎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣብቲ ሰፈር ንሙሴን ንኣሮን፣ ናይ እግዚኣብሄር ቅዱስን፣ ቀንኡሎም። ምድሪ ተኸፊታ ንዳታን ወሐጠቶ፣ ንወገን ኣቢራም ከኣ ደፈነቶ።

ወንጌል Gospel

39. ናይ ዘለዓለም ሕይወት ኣብኣተን እትረኽቡ መሲሉኩም ነተን ቅዱሳት መጻሕፍቲ ትምርምርወን ኣሎኹም፥ ግዳስ ንሳተንውን ንኣይ እየን ዚምስክራለይ። 40. ሕይወት ምእንቲ ኽትረኽቡ ናባይ ክትመጹ ኣይትደልዩን ኢኹም። 41. ኣነ ኻብ ሰብ ክብሪ ኣይጽበን እየ። 42. ንስኻትኩም ግና ፍቕሪ ኣምላኽ ኣብ ውሽጥኹም ከም ዘይብልኩም ፈሊጠኩም ኣሎኹ። 43. ኣነ ብስም ኣቦይ መጺአ ኣይተቐበልኩምንን፥ ካልእ ብስም ርእሱ እንተመጸ ግና ንእኡ ኽትቅበሉዎ ኢኹም። 44. ንስኻትኩም ካብ ሓድሕድኩም ክብሪ እናተቐባበልኩም፥ ነቲ ኻብ ሓደ ኣምላኽ ዚመጽእ ክብሪ ኻብ ዘይትደልዩ፥ ከመይ ጌርኩም ክትኣምኑ ትኽእሉ፧ 45. ኣነ ኣብ ኣቦ ዝኸሰኩም ኣይምሰልኩም፥ ዚኸሰኩምሲ ኣሎ፥ እቲ እትትስፈውዎ ሙሴ እዩ ዚኸሰኩም። 46. ንሙሴ እንተ እትኣምኑዎስ ንሱ ብዛዕባይ ጽሒፉ ኣሎ እሞ፥ ንኣይ ድማ ምኣመንኩምኒ ኔርኩም። 47. ነተን ጽሑፋቱ ኻብ ዘይትኣምንወን ግና ኸመይ ኢልኩም ደኣ ንቓለይ ክትኣምንዎ፧” ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

15. ካብ ጸጋ ኣምላኽ ሓደ እኳ ኸይወፅእ፥ ከምኡውን መሪር ሡር በቊሉ ኸየጨንቐኩም፥ ንብዙኃት ኸኣ ኸየርክስ ተጠንቀቑ። 16. ሓደ እኳ ኣመንዝራ ዝኾነ፥ ወይ ከምቲ ንሓንቲ ጊዜ ኺበልዕ ኢሉ በዂርናኡ ዝሸጠ ኤሳው መንፈስ ዘይብሉ ሰብ ከይህሉ ተጠንቀቑ። 17. ኤሳው ጸኒሑ ነታ በረኸት ኪወርስ እኳ እንተ ደለየ ኣይተዋህቦን፥ ብንበዓትውን እንተ ደለያ ንንስሓ ዚኸውን ጊዜ ከም ዘይረኸበ ትፈልጡ ኢኹም። 18. - 19. ንስኻትኩም ኣብቲ ሃልሃል ብዝብል ሓውን ብጸልማትን ብጣቓን ብህርህርን ብብርቱዕ ድምፂ መለኸትን ቃል ብዝኃዘ ድምፅን ዝተኸበ፥ ብኢድ ኪድህሰስ ዚከኣል እምባ ኣይኮንኩምን በጺሕኩም ዘሎኹም። እቶም ነቲ ቓል ዝሰምዑ ኪፃርዎ ስለ ዘይኸኣሉ ወሲኹ ኸይዛረቦም ለመንዎ። 20. ከመይ “እንስሳ እኳ ነቲ እምባ እንተ ተንከዮ፥ ብዳርባ እምኒ ይሙት” ዚብል ትእዛዝ ኪጸርዎ ኣይኸኣሉን። 21. እቲ ትርኢት ክሳዕ ክንድዚ ዜፍርህ ስለ ዚነበረ ድማ ሙሴ “እፈርህን እርዕድን ኣለኹ” በለ።

ዘካልእ መልእክት Universal Epistle

1. ካብ ይሁዳ ኣገልጋሊ ኢየሱስ ክርስቶስን ኃው ያዕቆብን፥ ናብቶም ጽውዓት፥ ብእግዚኣብሔር ኣቦ ፍቁራትን ብኢየሱስ ክርስቶስ ዝተሓለውን።2. ምሕረትን ሰላምን ፍቕርን ይብዝኃልኩም።3. ኣቱም ፍቁራተይ! ብዛዕባ እታ ናይ ኲልና ዝኾነት ድኅነት ክጽሕፈልኩም ሃረርታ ነይሩኒ። ሕጂ ግና በታ ሓንሳእ ንሓዋሩ ንቕዱሳን እተዋህበት እምነት ክትጋደሉ ጽሒፈ ክመኽረኩም ናይ ግዲ ኾይኑኒ ኣሎ።4. ፍርዲ ኸም ዚቕበሉ ቐደም ዝተጻሕፈሎም፥ ገለ ፍርሃት እግዚኣብሔር ዘይብሎም ሰባት፥ ኣብ ማእከልኩም ሰሊኾም ኣትዮም ኣለዉ። ንሳቶም ነቲ ብኣምላኽ ዝተዋህበና ናይ ጸጋ መልእኽቲ፥ ርኽሰት ኪገብሩ ዚልውጥዎን፥ ነቲ ሓደ በይኑ ንጉሥናን ጐይታናን ዝኾነ ኢየሱስ ክርስቶስ ዚኽሕድዎን እዮም። 5. ሽሕ እኳ ንዅሉ ትፈልጥዎ እንተ ኾንኩም፥ ጐይታ ንሕዝቡ ካብ ምድሪ ግብጺ ኣውፂኡ ከም ዘድኃኖም፥ ነቶም ዘይኣምኑ ግና ከም ዜጥፍኦም ከዘኻኽረኩም እፈቱ።6. ነቶም ሰፈሮም ዝኃደጉ፥ መዓርጎም ዘይሓለዉ መላእኽቲውን በታ ዓባይ መዓልቲ ምእንቲ ኺፍረዱ፥ ብናይ ዘለዓለም ሞቕሕ ኣብ ጸልማት ኣሲሩ ዓቚርዎም ኣሎ።7. ከምኡ ድማ ሰዶምን ገሞራን፥ እተን ኣብ ከባቢአን ዝነበራ ኸተማታትን፥ ከምኣቶም መንዘራ፥ ባህርያዊ ብዘይኮነ ግብረ ሥጋውን ተኣሊኸን ነበራ። በቲ ዝወረደን ናይ ዘለዓለማዊ ሓዊ መቕጻዕቲ ኸኣ ንዅሉ መሰክሒ ኾይነን ኣለዋ።8. ከምኡ ኸኣ እዞም ሰባት እዚኣቶም ብሕልሚ ተገሊጹልና እዩ እናበሉ ሰብነቶም የርክሱ፥ ንሥልጣን ዘበለ ዅሉ የቃልሉ፥ ነቶም ኣብ ሰማይ ዚነብሩ ክቡራንውን ይጸርፉ።9. ግናኸ ሚካኤል ሊቀ መላእኽቲውን ብዛዕባ ሬሳ ሙሴ ምስ ዲያብሎስ ኪከራኸር ከሎ፥ “እግዚኣብሔር ይግናሕካ” ደኣ በሎ እምበር ብጸርፊ ኺዂንኖ ኣይደፈረን።

ግብረ ሃዋርያት Acts

23. ሙሴ ወዲ ኣርብዓ ዓመት ምስ ኮነ፥ ነኅዋቱ ደቂ እስራኤል ኪበጽሕ ብልቡ ሓሰበ። 24. ሓደ ካብቶም ኣኅዋቱ ኪዕመጽ ምስ ረኣየ፥ ዘረየሉ፥ ነቲ ግብጻዊ ብምቕታል ከኣ ሕነ ፈደየሉ። 25. ኣምላኽ ብኢዱ ገይሩ ኬድኅኖም ከም ዝደለየ፥ ኣኅዋቱ ዚፈልጡ መሲልዎ ነበረ፥ እንተኾነ ንሳቶም ኣይተረድእዎን። 26. ንጽባሒቱ ኽልተ ኻብቶም ኣኅዋቱ ኪበኣሱ ኸለዉ ረኸቦም፥ ኬተዓርቖም ደልዩ ኸኣ ‘ኣቱም ሰባት ንስኻትኩምሲ ኣኅዋት ኢኹም፥ ስለምንታይከ ንሓድሕድኩም ትተዓማመጹ’ በሎም። 27. እቲ ንብጻዩ ዚዕምጾ ዝነበረ ግና ኸምዚ እናበለ ደፍኦ፡ - ‘ንኣኻ መን ሓለቓን ፈራድን ገይሩ ኣባና ሸይሙካ፧ 28. ከምቲ ትማሊ ነቲ ግብጻዊ ዝቐተልካዮዶ ኽትቀትለኒ ደሊኻ፧’ 29. ሙሴ በዚ ዘረባ እዚ ሃደመ፥ ኣብ ምድሪ ምድያም፥ ድማ ስደተኛ ኾይኑ ተቐመጠ፥ ኣብኡ ኸኣ ክልተ ኣወዳት ወለደ።

ስንክሳር Synaxarium

ዕረፍቱ ለሙሴ ነቢይ በደብረ ናባው
ወሚናስ መነኮስ ወሰማዕት

መዝሙር Psalm

መገድታቱ ንሙሴ፣ ግብርታቱ ንደቂ እስራኤል ኣፍለጠ። እግዚኣብሄር ርሕሩሕን መሓርን እዩ፣ ንዅራ ደንጓዪ፣ ብሳህሊ ድማ ምሉእ እዩ።

ወንጌል Gospel

16. ሽዑ ኢየሱስ መሊሱ ከምዚ በሎም፦ “ትምህርተይሲ ናይቲ ዝለኣኸኒ እዩ እምበር ናተይ ኣይኮነን። 17. ፍቓድ ኣምላኽ ኪገብር ዚደሊ እንተሎ፥ ንሱ ብዛዕባ ትምህርተይ፥ ካብ ኣምላኽ እንተ ኾይኑ ወይስ ካብ ርእሰይ እንተ ኾይኑ ዝዛረቦ ዘሎኹ፥ ኪፈልጥ እዩ። 18. እቲ ኻብ ርእሱ ዚዛረብ ክብረት ርእሱ እዩ ዚደሊ፤ እቲ ነቲ ዝለኣኾ ኬኽብር ዚደሊ ግና ንሱ ሓቀኛ እዩ፥ ኣብኡ ኸኣ ዓመጻ የልቦን። 19. ሙሴዶ ሕጊ ሂብኩም ኣይነበረን፥ ካባኻትኩም ሓደ እኳ ነቲ ሕጊ ዚገብሮ የልቦን፤ ንምንታይ ደኣ ኽትቀትሉኒ ትደልዩ ኣሎኹም፧” 20. እቶም ሕዝቢ ኸኣ “ጋኔን ኣሎካ፥ መን እዩ ኺቐትለካ ዚደሊ፧” ኢሎም መለሱሉ። 21. ኢየሱስ ከኣ ከምዚ ኢሉ መለሰሎም፦ “ሓደ ግብሪ ገበርኩ ንዅላትኩም ድማ ኣገረመኩም። 22. ምእንትዚ ሙሴ ግዝረት ሠርዓልኩም፤ እዚ ድማ ኻብ ኣቦታት እዩ እምበር ካብ ሙሴ ኣይነበረን ፤ ንሰብውን ብሰንበት ትገዝርዎ። 23. እቲ ሕጊ ሙሴ ምእንቲ ኸይፈርስሲ ሰብ ብሰንበት ዚግዘር ካብ ኮነ፥ ኣነ ንሰብ ኵለንትናኡ ብሰንበት እንተ ኣሕዌኽዎ ደኣ ስለምንታይ ትዅርዩለይ፧ 24. ቅኑዕ ፍርዲ ፍረዱ እምበር ገጽ ርኢኹም ኣይትፍረዱ።” ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ንእግዚኣብሄር ሀቡ፣ ንእግዚኣብሄር ክብርን ሓይልን ሀብዎ። ንእግዚኣብሄር እቲ ንስሙ ዚግብኦ ኽብሪ ሀብዎ። ንእግዚኣብሄር ብጌጽ ቅድስና ስገዱሉ።

ወንጌል Gospel

5. ስለዚውን ናብ ጥቓ እታ ያዕቆብ ንዮሴፍ ወዱ ዝሃቦ ምድሪ ዘላ ሲካር እትብሃል ከተማ ሰማርያ መጸ። 6. ኣብኡ ኸኣ ዔላ ያዕቆብ ነበረ፣ ኢየሱስ ድማ ብምኻድ መገዲ ደኺሙ ኣብ ጥቓ እቲ ዔላ ኣዕረፈ፣ ሽዑ ፍርቂ መዓልቲ ኣቢሉ ነበረ። 7. ሓንቲ ሳምራዊት ሰበይቲ ኸኣ ማይ ክትቀድሕ መጸት፣ ኢየሱስ ድማ “ማይ ኮታ ኣስትይኒ፧” በላ። 8. ደቀ መዛሙርቱ ግና ምግቢ ኪዕድጉ ናብ ከተማ ኸይዶም ነበሩ። 9. ኣይሁድ ምስ ሳምራውያን ኣይተኃባበሩን ነበሩ እሞ እታ ሳምራዊት ሰበይቲ፥ “ንስኻ ኣይሁዳዊ ኸሎኻስ ካባይ ካብ ሳምራዊት ሰበይቲ ደኣ ኸመይ ኢልካ ማይ ክትሰቲ ትልምን ኣሎኻ፧” በለቶ። 10. ኢየሱስ ድማ “ህያብ ኣምላኽን እቲ ኣስትይኒ ዚብለኪ ዘሎ መን ምዃኑን እንተ ትፈልጥስ፥ ንስኺ ምለመንክዮ ኔርኪ፥ ንሱ ኸኣ ማይ ሕይወት ምሃበኪ ነይሩ” ኢሉ መለሰላ። 11. እታ ሰበይቲ ድማ “ጐይታይ! መቕድሒ የብልካን፥ እዚ ዔላ ኸኣ ዓሚቚ እዩ፣ እቲ ማይ ሕይወት ደኣ ካበይ ከተምጽኦ ኢኻ፧ 12. ንስኻዶ ኻብቲ ነዚ ዔላ እዚ ዝሃበና ኣቦና ያዕቆብ ትዓቢ ኢኻ፧ ንሱን ደቁን ማሉን ካብኡ ሰተዩ” በለቶ። 13. ኢየሱስ ድማ “ካብዚ ማይ እዚ ዚሰቲ ዘበለ መሊሱ ኺጸምእ እዩ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ብሓቂ ሰብ ከም ጽላሎት ይመላለስ፣ እወ ንኸንቱ እዩ ዚህወኽ፣ ይድልብ፣ ንመን ምዃኑውን ኣይፈልጥን። ሕጂኸ እንታይ እጽበ ኣሎኹ፧ ጎይታየ፣ ተስፋይ ብኣኻ እዩ።

ወንጌል Gospel

19. “ብልዕን ምምራትን ኣብ ዜባላሽዎ፥ ሰረቕቲ ዅዒቶም ኣብ ዚሰርቅዎ፥ ንኣኻትኩም ኣብ ምድሪ ሃብቲ ኣይትኣክቡ። 20. እኳ ደኣ ብልዕን ምምራትን ኣብ ዘየባላሽዎ፥ ሰረቕቲ ዅዒቶም ኣብ ዘይሰርቅዎ ኣብ ሰማይ ሃብቲ ኣክቡ። 21. ከመይ ሃብትኻ ኣብ ዘለዎ ልብኻ ኣብኡ ኣሎ። 22. “ዓይኒ ናይ ሰብነት መብራህቲ እዩ፥ ስለዚ ዓይንኻ ጥዑይ እንተ ደኣ ኾይኑ፥ ብዘሎ ሰብነትካ ብሩህ ይኸውን። 23. ዓይንኻ ሕሙም እንተ ደኣ ኾይኑ ግና ብዘሎ ሰብነትካ ጸልማት ይኸውን። እምብኣርከስ እቲ ኣባኻ ዘሎ ብርሃን ጸልመት ካብ ኮነ፥ ምጽልማቱስ ክንደይ ኮን ኪብርትዕ እዩ። 24. “ንኽልተ ጐይቶት ኪግዛእ ዚኽእል ሓደ እኳ የልቦን፥ ከመይ ነቲ ሓደ ኺጸልእ፥ ነቲ ሓደ ኼፍቅር እዩ፥ ወይ ከኣ ነቲ ሓደ ኬኽብር፥ ነቲ ሓደ ኬሕስር እዩ። እምበኣር ንኣምላኽን ንገንዘብን ክትግዝኡ ኣይትኽእሉን ኢኹም። 25. ስለዚ ንሕይወትኩም ብትበልዕዎን ብትሰትይዎን ወይ ንሰብነትኩም ብትኽደንዎን ኣይትጨነቑ፥ እብለኩም ኣሎኹ። ሕይወት ካብ መብልዕ፥ ሰብነት ከኣ ኻብ ክዳንዶ ኣይበልጽን እዩ፧ 26. ነዕዋፍ ሰማይ ተመልከቱ፥ ናይ ሰማይ ኣቦኹም ደኣ ይምግበን እምበር፥ ኣይዘርኣ፥ ኣይዓጽዳ፥ ኣብ ማዕከንውን ኣይእክባን እየን። ንስኻትኩምዶ ግዳ ኻብኣተን ኣዚኹም ኣይትበልጹን፧ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

15. እቲ ኣብ ማኅፀን ኣደይ ከሎኹ ዝኃረየኒ፥ ብጸጋኡ እውን ዝጸውዓኒ ኣምላኽ፥ 16. ኣብ ኵሎም ኣሕዛብ ብዛዕባኡ ምእንቲ ክሰብኽ፥ ንወዲ ኪገልጸለይ ምስ ፈተወ ግና፥ ምስ ዝኾነ ይኹን ሰብ ኣይተማኸርኩን። 17. ነቶም ቅድመይ ሓዋርያት ዝነበሩ ኽርኢ ድማ ናብ ኢየሩሳሌም ኣይደየብኩን። እኳ ደኣ ናብ ምድሪ ዓረብ ከድኩ፥ ከም ብሓዱሽ ከኣ ናብ ደማስቆ ተመለስኩ። 18. ድኅሪ ሠለስተ ዓመት ከኣ ንኬፋ ኽርኢ ናብ ኢየሩሳሌም ደየብኩ። ምስኡ ኸኣ ዓሠርተው ኃሙሽተ መዓልቲ ጸናሕኩ። 19. ብዘይካ ያዕቆብ ኃው ጐይታና ግና ኻልእ ካብ ሓዋርያት ሓደ እኳ ኣይርአኹን። 20. እዚ ዝጽሕፈልኩም ዘሎኹ ሓሶት ከም ዘይኮነ ኣብ ቅድሚ ኣምላኽ አረጋግጸልኩም ኣሎኹ። 21. ብድኅሪኡ ኸኣ ናብ ሃገር ሶርያን ቂልቅያን ከድኩ። 22. እተን ኣብ ይሁዳ ዝነበራ ኣብያተ ክርስቲያን ብገጽ ኣይፈልጣንን ነበራ። 23. “እቲ ቐደም ዜሳድደና ዝነበረ፥ ብዛዕባ እታ ሓደ ጊዜ ኬዕንዋ ዝፈተነ ሃይማኖት ሕጂ ይሰብኽ ኣሎ” ዚብል ጥራይ ይሰምዓ ነበራ። 24. ብዛዕባይውን ንኣምላኽ ኣመስገና።

ዘካልእ መልእክት Universal Epistle

1. ካብቲ ናይ ኣምላኽን ናይ ጐይታና ኢየሱስ ክርስቶስን ኣገልጋሊ ዝኾነ ያዕቆብ፥ ነቶም ኣብ ኵሉ ዓለም ተበቲኖም ዘለዉ ሕዝቢ ኣምላኽ ሰላም ይኹን! 2. ኣኅዋተየ፥ በበይኑ ዝኾነ ፈተና ኪበጽሓኩም ከሎ፥ ንዅሉ ኸም ሓጐስ ቊጸርዎ። 3. ከመይ ብእምነትኩም ክትፍተኑ ኸሎኹም፥ ጽንዓት እዩ ዜፍርየልኩም። 4. ግና ብሓንቲ ነገር እኳ ኸይጐደለኩም ፍጹማትን ምሉኣትን ምእንቲ ኽትኮኑ፥ ብትዕግሥቲ ኽሳዕ መወዳእታ ጽንዑ። 5. ሓደ ካባኻትኩም ጥበብ ዝጐደሎ እንተሎ፥ ነቲ “ንሰኻ ኸምዚ እንዲኻ” ኸይበለ ንዅሉ ብልግሲ ዚህብ ኣምላኽ ይለምኖ፥ ንሱውን ኪህቦ እዩ። 6. እቲ ዚልምን ግና ከይተጠራጠረ ብእምነት ደኣ ይለምን፥ ከመይ እቲ ዚጠራጠር ከምቲ ንፋስ ንየው ነጀው ዚደፍኦ ማዕበል ባሕሪ እዩ ዚመስል። 7. እዚ ኸምዚ ዘመሰለ ሰብ ካብ ጐይታ ገለ ዚቕበል ኣይምሰሎ። 8. ንሱ ኣብ ኵሉ ዕዩኡ ጽንዓት ዘይብሉ፥ ክልተ ዝልቡ ሰብኣይ እዩ። 9. እቲ ትሕት ዝበለ ናብራ ዘለዎ ኃው ልዕል እንተ በለ ይተሓጐስ። 10. እቲ ሃብታም ከኣ ብናብራኡ ትሕት እንተ በለ ብእኡ ይተሓጐስ። ከመይ ንሱ ኸም ዕምባባ ሣዕሪ ኺኃልፍ እዩ። 11. ፀሓይ ምስ ዋዒኣ ትወፅእ እሞ፥ ነቲ ሣዕሪ ተንቅጾ፥ እቲ ዕምባባኡ ኸኣ ይረግፍ፥ ደመት ትርኢቱ ድማ ይጠፍእ፥ ከምኡዉን እቲ ሃብታም ዋኒን ንብረቱ ኺገብር ከሎ ይጠፍእ። 12. እቲ ብጊዜ ፈተና ዚዕገስ ሰብኣይ ብፁዕ እዩ፥ ከመይ ተፈቲኑ ምስ ወፀ፥ ነቲ እግዚኣብሔር ነቶም ዜፍቅርዎ ዘተስፈዎም ኣኽሊል ሕይወት ኪቕበል እዩ።

ግብረ ሃዋርያት Acts

15. ብድኅሪ እዘን መዓልትታት እዚኣተን ምስ ተዳሎና ናብ ኢየሩሳሌም ደየብና። 16. ገለ ቚሩባት ደቀ መዛሙርቲ ኸኣ ካብ ቂሳርያ ኣሰንዮምና መጹ፥ ናብ እንዳ ምናሶን ብዓል ቆጵሮስ ክንኣቱውን መርሑና፥ ንሱ ካብቶም ቀዳሞት ዝኣመኑ ደቀ መዛሙርቲ ነበረ። 17. ኣብ ኢየሩሳሌም ምስ በጻሕና፥ እቶም ኣኅዋት ብሓጐስ ተቐበሉና። 18. ንጽባሒቱ ጳውሎስ ምሳና ኾይኑ ንያዕቆብ በጽሖ፥ ኵሎም እቶም መራሕቲ ቤተ ክርስቲያን ከኣ ኣብኡ ነበሩ። 19. ሰላም ምስ በሎም ከኣ፥ በቲ ናቱ ኣገልግሎት ገይሩ ኣምላኽ ኣብ ኣሕዛብ ዝገበሮ ተር ኣቢሉ በብሓደ ኣዘንተወሎም። 20. ነዚ ምስ ሰምዑ ንኣምላኽ ኣመስገኑ፥ ንጳውሎስ ከኣ ኸምዚ በልዎ፦ “ኣታ ኃውና፥ ካብ ኣይሁድ ክንደይ ኣእላፋት ከም ዝኣመኑ ትርኢ ኣሎኻ፥ ኵላቶም ከኣ ሕጊ ሙሴ ንምፍጻም ቅንኣት ኣለዎም።

ስንክሳር Synaxarium

አብ ቅዱስ ተአማኒ መላልዮስ
ወተዝካረ ዕረፍቱ ለያዕቆብ እኅሁ ለእግዚእነ

መዝሙር Psalm

ገመዶም ናብ ኵላ ምድሪ፣ ቃላቶም ድማ ክሳዕ ወሰን ዓለም ይወጽእ ኣሎ፣ ንጸሓይ ከኣ ድንኳን ተኸለሎም።

ወንጌል Gospel

51. ኣስዒቡ ኸኣ “ነዚ ዅሉስ ተረዲእኩምዎዶ፧” በሎም። ንሳቶም ድማ “እወ” በልዎ። 52. ንሱ ኸኣ “እምበኣርከስ ናይ መንግሥተ ሰማያት ወደ መዝሙር ዚኾነ ዅሉ መምህር ሕጊ፥ ካብ መዝገቡ ሓድሽን ብሉይን ነገራት ዜውጽእ ብዓል ቤት እዩ ዚመስል” በሎም። 53. ኢየሱስ ነዘን ምስላታት እዚኣተን ምስ ፈጸመ ኻብኡ ኣልገሰ። 54. ናብ ዓዱ መጺኡ ኸኣ ኣብ ቤት ጸሎት ኣይሁድ ኣትዩ፥ ከምዚ ኢሎም ክሳዕ ዚድነቑ መሃሮም፡ - “እዝስ እዚ ጥበብ እዝን እዚ ተኣምራት እዝን ካበይ ረኸቦ፧ 55. ወዲ እቲ ፀራቢዶ ኣይኮነን፧ ኣዲኡስ ማርያም እትብሃልዶ ኣይኮነትን፧ ኣኅዋቱስ ያዕቆብ፥ ዮሳ፥ ስምዖን፥ ይሁዳዶ ኣይኮኑን፧ 56. ኣኃቱስ ኵለን ምሳናዶ ኣየለዋን፧ እዚ ዅሉ ደኣ ኻበይ ኣምጽኦ፧” 57. ብእኡ ኸኣ ተዓንቀፉ። ኢየሱስ ግና “ነቢይ ብዘይካ ኣብ ዓዱን ኣብ ቤቱን፥ ኣብ ዘይከብረሉ የልቦን” በሎም። 58. ብሰሪ ዘይምእማኖም ድማ ኣብኡ ብዙኅ ተኣምራት ኣይገበረን። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ቀላጽም ረሲኣን ኪስበር እዩ፣ ንጻድቃን ግና እግዚኣብሄር ይድግፎም እዩ እሞ፣ ካብ ሃብቲ ብዙሓት ረሲኣንሲ ሒደት ናይ ጻድቕ ይበልጽ።

ወንጌል Gospel

8. ነቲ ዓመጸኛ መጋቢ፥ ብጥበብ ስለ ዝገበረ፥ ጐይታኡ ነኣዶ፤ ምኽንያቱ ካብ ደቂ ብርሃንሲ ደቂ እዛ ዓለም እዚኣ ኣብ ናብራ ዓለም ይበለሓቱ እዮም። 9. “ኣነ ኸኣ፥ ገንዘብ ምስ ተወድኣኩም፥ ኣብ ናይ ዘለዓለም ኣባይቶም ምእንቲ ኪቕበሉኹምሲ፥ ብምድራዊ ሃብቲ፥ ንርእስኹም ኣዕሩኽ ግበሩ፥ እብለኩም ኣሎኹ። 10. ብውሑድ እሙን ዝኾነ ብብዙኅ ድማ እሙን እዩ፤ እቲ ብውሑድ ዚዕምጽ ድማ ብብዙኅውን ዓማጺ እዩ። 11. እምብኣርከ ብገንዘብ ዓመጻ እሙናት ካብ ዘይትኾኑ፥ ብገንዘብ ሓቂ ኅድሪ ዚህበኩም ደኣ መን እዩ፧ 12. ብናይ እማትኩም እሙናት ካብ ዘይትኾኑስ፥ ናትኩም ዚህበኩም ደኣ መን እዩ፧ 13. “ሓደ ጊልያ ንኽልተ ጐይቶት ኪግዛእ ዚኽእል የልቦን። ወይ ነቲ ሓደ ጸሊኡ ነቲ ሓደ ይፈቱ፥ ወይ ነቲ ሓደ ተኣዚዙ ነቲ ሓደ ይንዕቕ። እምበኣር ንኣምላኽን ንገንዘብን ክትግዝኡ ኣይትኽእሉን ኢኹም።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ነቶም ኪዳኑን ምስክራቱን ዚሕልውስ፣ መገድታት እግዚኣብሄር ኵላተን ሳህልን ሓቅን እየን። ዎ እግዚኣብሄር፣ በደለይ ዓብዪ እዩ እሞ፣ ስለ ስምካ ኢልካ ይቕረ በለለይ።

ወንጌል Gospel

21. እቲ ጊልያ መጺኡ ነዚ ነገራት እዚ ንጐይትኡ ነገሮ፤ ሽዑ እቲ ብዓል ቤት ተቘጢዑ ነቲ ጊልያኡ ‘ናብ ኣደባባይን ናብቲ መተኃላለፊ ኸተማን ቀልጢፍካ ውፃእ፥ ድኻታትን ቈራያትን ዕዉራትን ሓንካሳትን ናብዚ ኣምጽእ’ በሎ። 22. እቲ ጊልያ ኸኣ ‘ጐይታይ ከምቲ ዝኣዘዝካዮ ተፈጺሙ እዩ፥ እንተኾነ ስፍራ ገና ኣሎ’ በሎ። 23. እቲ ጐይታ ድማ ነቲ ጊልያኡ ኸምዚ በሎ፦ ‘ናብ መገድታትን ቀጽርታትን ውፃእ እሞ ቤተይ ምእንቲ ኺመልእሲ ኸም ዚመጹ ግበሮም። 24. ምኽንያቱ ካብቶም ዝተዓደሙ ሰብኡት ሓደ እኳ ንድራረይ ኣይኪጥዕሞን እዩ፥ እብለኩም ኣሎኹ።’” 25. ብዙኃት ሰብ ምስኡ ይኸዱ ነበሩ። ንሱ ኸኣ ግልጽ ኢሉ በሎም፦ 26. “ናባይ ዚመጽእ እንተሎ እሞ ኣቦኡን ኣዲኡን ሰበይቱን ደቁን ኣኅዋቱን ኣኃቱን፥ ሕይወቱ ኸይተረፈትውን እንተ ዘይጸልአ፥ ወደ መዝሙረይ ኪኸውን ኣይክእልን እዩ። 27. መስቀሉ ፀይሩ ደድኅረይ ዘይስዕብ ዘበለ፥ ወደ መዝሙረይ ኪኸውን ኣይክእልን እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

19. ነቲ ኽገብሮ ዝደልዮ ሠናይ ዘይኮነስ፥ ነቲ ኽገብሮ ዘይደልዮ ነገር እየ ዝገብር ዘሎኹ። 20. ነቲ ኣነ ዝደልዮ ኻብ ዘይገብሮ ግና ድኅሪ ሕጅስ እቲ ኣባይ ኃዲሩ ዘሎ ኃጢኣት እዩ እምበር ኣነ ኣይኰንኩን ዝገብሮ ዘሎኹ። 21. ሠናይ ክገብር ኣብ ዝደሌዅሉ ኽፉእ እገብር፥ እዚ ሕጊ እዚ ድማ ባህርያዊ ኾይኑ ረኸብክዎ። 22. ብውሽጠይሲ ብሕጊ ኣምላኽ ባህ ይብለኒ እዩ። 23. ግናኸ ኣብ ሰብነተይ ምስ ሕጊ መንፈሰይ ዚዋጋእ፥ ናብቲ ኣብ ሰብነተይ ዘሎ ሕጊ ኃጢኣት ኣቢሉውን ዚማርኸኒ ኻልእ ሕጊ እርኢ ኣሎኹ። 24. ይዋእ ኣነ ምግዱር ሰብ！ካብዚ ናብ ሞት ዚወስደኒ ዘሎ ሰብነትስ መን ኮን ኬድኅነኒ እዩ፧ 25. እምበኣርሲ ኣነ ብሓሳበይ ንሕጊ ኣምላኽ፥ ብሰብኣዊ ባህርየይ ግና ንሕጊ ኃጢኣት እግዛእ ኣሎኹ እሞ፥ ንኣምላኽ ብጐይታና ኢየሱስ ክርስቶስ ምስጋና ይኹኖ።

ዘካልእ መልእክት Universal Epistle

1. እቲ ኣብ ማእከልኩም ዘሎ ውግእን ባእስን ካበይ ድዩ ዚመጽእ ዘሎ፧ ካብቲ ኣብ ውሽጥኹም ኮይኑ ዚዋጋእ ዘሎ ፍትወት ሥጋኹምዶ ኣይኮነን፧ 2. ሃረር ትብሉ፥ ሰለ ዘይረኸብኩም ከኣ ትቐትሉ፥ ክፋእ ትምነዩ፥ ሓንቲ እኳ ኽትረኽቡ ስለ ዘይከኣልኩም ትብኣሱን ትዋግኡን። ንኣምላኽ ሰለ ዘይለመንኩም ድማ የብልኩምን። 3. ንፍትወት ሥጋኹም ምእንቲ ኸተርውዩ ኢልኩም ብኽፋእ ሓሳባት ሰለ እትልምኑ ኣይትቕበሉን። 4. ኣቱም ከሓድቲ! ንዓለም ምፍቃር ንኣምላኽ ምጽላእ ከም ዝኾነዶ ኣይትፈልጡን ኢኹም፧ እቲ ዓርኪ ዓለም ኪኸውን ዚደሊ ሰብ ጸላእ ኣምላኽ ይኸውን። 5. ወይስ እቲ “ኣምላኽ ነቲ ኣባና ኣኅዲርዎ ዘሎ መንፈስ፥ ብቕንኢ እዩ ዚሕልዎ” ዚብል ቃል ቅዱስ መጽሓፍዶ ከንቱ ይመስለኩም፧ 6. ንሱ ግና ቅዱስ መጽሓፍ “ኣምላኽ ንዕቡያት ይፃረሮም ንትሑታት ግና ጸጋ ይህቦም” ከም ዚብል፥ ኣብዚኁ እዩ ጸጋ ዚህብ። 7. እምበኣርሲ ንኣምላኽ ተገዝእዎ።ንዲያብሎስ ግና ተፃረርዎ፥ ንሱ ኸኣ ኻባኻትኩም ኪሃድም እዩ። 8. ንኣምላኽ ቅረብዎ፥ ንሱውን ኪቐርበኩም እዩ። ኣቱም ኃጥኣን፥ ኣእዳውኩም ኣጽርዩ፥ ኣቱም ሰብ ክልተ ልቢውን ልብኹም ኣንጽሑ። 9. ኅዘኑን ጒሃዩን ብኸዩን። ሰሓቕኩም ናብ ብኽያት ሓጐስኩምውን ናብ ኃዘን ይለወጥ። 10. ኣብ ቅድሚ እግዚኣብሔር ትሕት በሉ፥ ንሱዉን ልዕል ኬብለኩም እዩ።

ግብረ ሃዋርያት Acts

16. ናብቲ ጸሎት ዚግበረሉ ኽንከይድ ከሎና፥ መንፈስ ጥንቆላ ዘለዋ፥ ንጐይቶታ ኸኣ በቲ ምጥንቋላ ብዙኅ እተርብሖም ዝነበረት ግዝእቲ ተጓነፈትና። 17. ንሳ ኸኣ ደድኅሪ ጳውሎስን ደድኅሬናን እናሰዓበት “እዞም ሰባት እዚኦም ኣገልገልቲ ልዑል ኣምላኽ እዮም፥ መገዲ ምድኃን ከኣ ይምህሩኹም ኣለዉ” እናበለት ዓው ኢላ ትዛረብ ነበረት። 18. ነዚ ነገር እዚውን ብዙኅ መዓልቲ ደጋገመቶ፤ ጳውሎስ ድማ ድኅሪ ብዙኅ ምጽማም ግልጽ ኢሉ ነቲ ርኹስ መንፈስ፥ “ካብኣ ክትወፅእ ብስም ኢየሱስ እእዝዘካ ኣሎኹ” በሎ። በታ ጊዜ እቲኣውን ወፀ። 19. ጐይቶታ ድማ ተስፋ ረብሓኦም ከም ዘቋረጸ ምስ ረኣዩ፥ ንጳውሎስን ሲላስን ኃዝዎም፥ ጐቲቶም ናብ ዕዳጋ ወሲዶም፥ ናብቶም ሹማምንቲ ኣቕረብዎም። 20. ኣብ ቅድሚ እቶም ሮማውያን ሰበ ሥልጣን ደው ኣቢሎም ከኣ ከምዚ ዚስዕብ እናበሉ ኸሰስዎም፡ - “እዞም ሰባት እዚኦም ኣይሁድ እዮም፥ ንኸተማና ኸኣ የናዕብዋ ኣለዉ፥ 21. ንሕና ሮማውያን ክንቅበሎ ኾነ ክንገብሮ ዘይግብኣና ባህሊ ይሰብኩ ኣለዉ።”

ስንክሳር Synaxarium

ፍልሰተ ሥጋሁ ለቅዱስ መርትያኖስ

መዝሙር Psalm

መገዲ ኣምላኽሲ ፍጽምቲ እያ፣ ቃል እግዚኣብሄር እተዀልዔ እዩ፣ ነቶም ብእኡ ዚውከሉ ዘበሉ ዋልታኦም እዩ። ብዘይ እግዚኣብሄር እሞ መን እዩ ኣምላኽ፧ ብዘይ ኣምላኽናኸ መን እዩ ኸውሒ፧

ወንጌል Gospel

39. ኢየሱስ ኸኣ ከምዚ በለ፡ - “ብስመይ ተኣምራት ዚገብር ብኡብኡ ድማ ብኣይ ክፉእ ኺዛረብ ዚኽእል የልቦን እሞ ኣይትኸልክልዎ። 40. ዘይቃወመና ዘበለ ዅሉ ምሳና እዩ። 41. ንስኻትኩም ድማ ናይ ክርስቶስ ስለ ዝኾንኩም፥ ጽዋእ ማይ ብስመይ ዜስትየኩም ዘበለ ዓስቡ ኸም ዘይስእን ብሓቂ እብለኩም ኣሎኹ።” 42. “ነቲ ኻብዞም ብኣይ ዚኣምኑ ናኣሽቱ ንሓደ ዜስሕት፥ ኣድጊ ዚጥሕነሉ መጥሓን ኣብ ክሳዱ ተኣሲሩ ኣብ ባሕሪ ኺጥሕል ምኅሾ ነይሩ። 43. - 44. ኢድካ እንተ ኣስሐተትካ ቍረጻ፥ ምስ ክልተ ኢድካ ናብቲ ሓሰኻኡ ዘይመውት፥ ሓውውን ዘይጠፍእ ገሃነም እሳት ካብ እትድርበስ ቊሩጽ ኴንካ ናብ ሕይወት ምእታው ይኅሸካ። 45. - 46. እግርኻ እንተ ኣስሐተትካውን ቊረጻ፥ ምስ ክልተ እግርኻ ሓሰኻኡ ኣብ ዘይመውት፥ ሓውውን ኣብ ዘይጠፍእ ገሃነም እሳት ካብ እትድርበስ፥ ሓንካስ ኴንካ ናብ ሕይወት ምእታው ይኅሸካ። 47. - 48. ዓይንኻ እንተ ኣስሐተትካውን ጐጥጒጥካ ደርብያ፥ ምስ ክልተ ዓይንኻ ናብቲ ሓሰኻኡ ዘይመውት፥ ሓዉውን ዘይጠፍእ ገሃነም እሳት ካብ እትድርበስ ነቋር ኴንካ ናብ መንግሥቲ ኣምላኽ ምእታዉ ይኅሸካ። 49. ነፍሰ ወከፍ ብሓዊ እዩ ዚምቅር፥ ኵሉ መሥዋዕቲ ድማ ብጨው እዩ ዚምቅር። 50. ጨው ጽቡቕ እዩ። እቲ ጨው መቐረቱ እንተ ጠፍአኸ ብምንታይ ተመቅርዎ፧ እምበኣር ኣብ ነፍስኹም ጨው ይሃልኹም፥ ንሓድሕድኩም ውን ብሰላም ንበሩ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ሰሚዕካኒ ምድሓነይውን ኴንካ ኢኻ እሞ፣ ከመስግነካ እየ። ነደቕቲ ዝነዐቕዎ እምኒ፣ ንሱ ርእሲ መኣዝን ኰነ።

ወንጌል Gospel

1. ኢየሱስ ቊሊሕ እንተ በለ፥ እቶም ሃብታማት ኣብቲ መቐበል ምጽዋት መባእ ኬውድቑ ኸለዉ ረኣየ። 2. ሓንቲ ድኻ መበለት ከኣ ኣብኡ ኽልተ ሣንቲም ከተውድቕ ከላ ረኣየ። 3. “እዛ ድኻ መበለት እዚኣ ካብ ኵላቶም ኣብዚኃ ከም ዘውደቐት ብሓቂ እብለኩም ኣሎኹ። 4. እዚኣቶምሲ ዅላቶም ካብ ተረፎም እዮም መባእ ዘውደቑ፤ እዚኣ ግና ካብ ስእነታ ዘለዋ ዅሉ ገንዘባ እያ ዘውደቐት” ከኣ በለ። 5. ገሊኦም ካብ ደቀ መዛሙርቱ፥ ቤት መቕደስ ብጽቡቕ ኣእማንን ንመባእ ብዝተዋህበ ስልማትን ኣጊጹ ከም ዘሎ ኺዛረቡ ኸለዉ ኢየሱስ፦ 6. “እዚ እትርእይዎ ዘሎኹም፥ እምኒ ኣብ ልዕሊ እምኒ ኸይፈረሰ ዘይተርፈለን መዓልትታት ኪመጻ እየን” በለ። 7. ንሳቶም ከኣ፥ “ኦ መምህር! እዚ መኣዝ እዩ ዚኸውን፧ እዚ ዚኾነሉ እዋንከ ትእምርቱ እንታይ እዩ፧” ኢሎም ሓተትዎ። 8. ንሱ ኸኣ ኸምዚ በሎም “ከይትስሕቱ ተጠንቀቑ፤ ብዙኃት ‘ኣነ እየ፥ እቲ ዘመን ከኣ ቀሪቡ እዩ’ እናበሉ ብስመይ ኪመጹ እዮም እሞ፥ ኣይትስዓብዎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ከምቲ ወላዲ ንውሉዱ ዚርሕርሓሎም፣ ከምኡ እግዚኣብሄር ንዚፈርህዎ ይርሕርሓሎም እዩ። ፍጥረትና ይፈልጥ እዩ እሞ፣ ሓመድ ምዃንና ይዝክር እዩ።

ወንጌል Gospel

43. “‘ብጻይካ ኣፍቅር፥ ጸላኢኻ ጽላእ፥’ ከም ዝተባህለ ሰሚዕኩም ኣሎኹም። 44. - 45. ኣነ ግና ጸላእትኹም ኣፍቅሩ [ንዚረግሙኹም መርቑ]። ውሉድ እቲ ኣብ ሰማያት ዘሎ ኣቦኹም ምእንቲ ኽትኰኑ፥ ንሱ ንኽፉኣትን ንሕያዎትን ፀሓይ የብርቕ፥ ንጻድቃንን ንኃጥኣንን ድማ ዝናም የዝንም እዩ እሞ፥ [ንዚጸልእኹም ጽቡቕ ግበሩ፥] ስለቶም [ዚጸርፉኹምን] ዚሰጒኹምን ጸልዩ እብለኩም ኣሎኹ። 46. ነቶም ዚፈትዉኹም እንተ ፈቶኹም፥ እንታይ ዓስቢ ኣሎኩም፧ ተቐበልቲ ቐረጽስ ከምኡዶ ይገብሩ ኣይኰኑን፧ 47. ነኅዋትኩም ጥራይ ሰላምታ እንተ ሃብኩምከ፥ እንታይ ኃለፋ ገበርኩም፧ ኣሕዛብሲ ኸምኡዶ ይገብሩ ኣየለዉን፧ 48. “እምብኣርከ ኸምቲ ሰማያዊ ኣቦኹም ፍጹም ዝኾነ፥ ንስኻትኩምውን ፍጹማት ኩኑ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ኣብተን ዳኅሮት መዓልትታት ግና ኽፉእ ጊዜ ከም ዚመጸሉ ፍለጥ። 2. ሽዑ ሰባት ፈተውቲ ርእሶም፥ ፈተውቲ ገንዘብ፥ ተጀሃርቲ፥ ዕቡያት፥ ተፃረፍቲ፥ ንወለዶም ዘይእዘዙ፥ ዘየማስዉ፥ ሃይማኖት ዘይብሎም፥ 3. ንስድራኦም ዘየፍቅሩ፥ ተቐየምቲ፥ ሓመይቲ፥ ገዛእ ርእሶም ገቲኦም ዘይክእሉ፥ ጨካናት፥ ሠናይ ዘይፈትዉ፥ 4. ከደዓት፥ ህዉኻት፥ ተፈኽነንቲ፥ ካብ ንኣምላኽ ምፍቃርሲ ተድላ ኣዕዚዞም ዝፈትዉ፥ 5. መልክዕ ኣምልኾ ዘለዎም፥ ነቲ ኃይሉ ግና ዚኽሕድዎ፥ ኪኾኑ እዮም። ካብዚኣቶም ርሓቕ። 6. ገለ ኻብኣቶም ናብ ገዛ ሰብ እናኣተዉ ነተን ኃጢኣት ዝመልአን፥ ብትምኒት ዘበለ ዅሉ ዚድፍኣ፥ ድኹም መንፈስ ዘለወን ኣንስቲ ዚማርኹ እዮም። 7. እዘን ኣንስቲ እዚኣተን ዅሉ ሳዕ ዚመሃራ፥ ናብ ፍልጠት ሓቂ ኺበጽሓ ግና ከቶ ዘይክእላ እየን። 8. ከምቲ ኢያኔስን ኢያምበሬስን ንሙሴ ዝተቓወምዎ፥ እዞም ኣእምሮኦም ዝዘምበለ፥ ኣብ እምነቶም ጽንዓት ዘይብሎም ሰባት ድማ ኸምኡ ነታ ሓቂ ይቃወምዋ ኣለዉ። 9. ግናኸ ከምቲ ናይ ኢያኔስን ኢያምበሬስን ዕሽነት ንዅሉ ዝተገልጸ፥ ናይ እዚኣቶም ኸኣ ንዅሉ ኪግለጽ እዩ፥ ካብኡ ኃሊፎምዉን ዜስልጥዎ የብሎምን። 10. ንስኻ ግና ትምህርተይ፥ ኣነባብራይ፥ ዕላማይ፥ እምነተይ፥ ትዕግሥተይ፥ ፍቕረይ፥ ጽንዓተይ፥ 11. ስደተይ፥ መከራይ፥ ዅሉ እቲ ኣብ ኣንጾክያን ኢቆንያንን ልስጥራንን ዝበጽሓኒ፥ ከመይ ዝበለ ስደት ከም ዝተቐበልኩ ኣጸቢቕካ ትፈልጥ ኢኻ። ጐይታ ግና ካብዚ ዅሉ ኣድኃነኒ። 12. እቶም ናይ ክርስቶስ ኢየሱስ ብምዃን ብጽድቂ ኺነብሩ ዚደልዩ ዅሎም ኪስደዱ እዮም። 13. እቶም እኩያት ሰባትን መምሰልትን ግና እናኣስሓቱን እናስሓቱን ናብ ዝገደደ ኪበጽሑ እዮም። 14. ንስኻ ግና በቲ ዝተመሃርካዮን ዝተረዳእካዮን ነገር ጽናዕ። ካብ እንመን ከም ዝተመሃርካ ትፈልጥ ኢኻ። 15. ካብ ሕጻንነትካ ጀሚርካ ነተን ቅዱሳን መጻሕፍቲ ትፈልጠን ኢኻ። ንሳተን ንክርስቶስ ኢየሱስ ብምእማን ናብ ምድኃን ኬብጽሕ ዜኽእል ጥበብ ኪህባካ ይኽእላ እየን። 16. - 17. እቲ ናይ ኣምላኽ ሰብ ፍጹም፥ ንሠናይ ግብሪ ዘበለ ኣጸቢቑ ዝተዳለወ ምእንቲ ኪኸውን፥ ብመንፈስ ኣምላኽ ዝተጻሕፈ ቅዱስ መጽሓፍ ንትምህርቲ፥ ንተግሣጽ፥ ንምእራም፥ ቅኑዕ ናብራ ንምምሃር ይጠቅም እዩ።

ዘካልእ መልእክት Universal Epistle

14. ኣኅዋተይ፥ ሓደ ሰብ እምነት ኣላትኒ እንተ በለ፥ ምግባር ግና ካብ ዘይትህልዎ እንታይ ትጠቕሞ፧ እዛ እምነት እዚኣዶ ኸተድኅኖ ትኽእል እያ፧ 15. ኃው ወይ ኃብቲ እንተ ዓረቑ፥ ናይ ዕለት ምግቢውን እንተ ሰኣኑ፥ 16. እሞ ሓደ ካባኻትኩም ንሥጋኦም ዜድሊ ከይሃበ “ብሰላም ኪዱ፥ ሙቑ፥ ጽገቡ፥” እንተ በሎም እንታይ ይጠቅም፧ 17. ከምኡ ኸኣ እምነት ምግባር እንተ ዘይብላስ ንርእሳ ምውትቲ እያ። 18. ሓደ ግና “ንሰኻ እምነት ኣላትካ፥ ኣነ ኸኣ ግብሪ ኣሎኒ” ይብል ይኸውን። እምበኣር እምነትካ ብዘይ ግብሪ ኣርእየኒ፥ ኣነውን ብግብረይ ገይረ እምነተይ ከርእየካ እየ። 19. ንሰኻስ ኣምላኽ ሓደ በይኑ ከም ዝኾነ ትኣምን ኣሎኻ። ጽቡቕ! ኣጋንንቲውን ይኣምኑን ይርዕዱን እዮም። 20. ግናኸ ኣታ ዓሻ ሰብ፥ እምነት ብዘይ ግብሪ ፍረ ዘይብላ ምዃና ክትፈልጥዶ ትደሊ ኢኻ፧

ግብረ ሃዋርያት Acts

24. ሓደ ኣጵሎስ ዝስሙ ኣይሁዳዊ ብዓል እስክንድርያ ብቕዱሳት መጻሕፍቲ ምሁርን ክእለት ዘረባ ዘለዎን ሰብኣይ ናብ ኤፌሶን መጸ። 25. ብዛዕባ መገዲ እግዚኣብሔር ምሁር ነበረ፤ ንሱ ሽሕ እኳ ጥምቀት ዮሓንስ ጥራይ ዚፈልጥ እንተ ነበረ፥ ብመንፈስ ተቓጺሉ ብዛዕባ ኢየሱስ ኣዝዩ ይሰብኽን ይምህርን ነበረ። 26. ንሱ ኣብ ቤት ጸሎት ኣይሁድ ብትብዓት ኪምህር ጀመረ፤ ጵርስቅላን ኣቂላን ምስ ሰምዕዎ ኸኣ፥ ወሲዶም መገዲ ኣምላኽ ኣጸቢቖም ኣረድእዎ። 27. ናብ ኣካይያ ኺኃልፍ ምስ ሓሰበ፥ እቶም ኣኅዋት ኣተባብዕዎ፤ ነቶም ኣብ ኣካይያ ዝነበሩ ደቀ መዛሙርቲ ድማ ኪቕበልዎ ጸሓፉሎም፤ ኣብኣ ምስ በጽሐ ኸኣ ነቶም ብጸጋ ኣምላኽ ዝኣመኑ ብዙኅ ረድኦም። 28. ምኽንያቱ ኢየሱስ መሲሕ ከም ዝኾነ ብቕዱሳት መጻሕፍቲ እናኣረድአ ንኣይሁድ ኣብ ቅድሚ ዅሉ ኣጸቢቑ ይረትዖም ነበረ።

ስንክሳር Synaxarium

ባስልዮስ
ወቴዎዶስዮስ ወጢሞቴዎስ ሰማዕታተ እስክንድርያ
ወብጹዕ ጴጥሮስ ሊቀ ጳጳሳት ዘጎየ እምዓላውያን ሃዲጎ መንበሮ
ወፊልሞን መዓንዝር
ወአባ ገብረ መርዓዊ ዘአግዶ
ወአባ ክፍለ ማርያም ዘድባጋ

መዝሙር Psalm

እግዚኣብሄር ፍርዲ ይፈቱ፣ ንቕዱሳኑ ኸኣ ኣይሐድጎምን፣ ንዘለአለም ይሕለዉ፣ ዘርኢ ረሲኣን ግና ይጸንት እዩ እሞ፣ ካብ እከይ ርሐቕ ሰናይ ከኣ ግበር፣ ንዘለአለምውን ክትነብር ኢኻ።

ወንጌል Gospel

20. ኢየሱስ ናብ ደቀ መዛሙርቱ እናጠመተ ኸምዚ በለ፦ “ኣቱም ድኻታት፥ መንግሥቲ ኣምላኽ ንኣኻትኩም እያ እሞ ብፁዓን ኢኹም። ኣቱም ሕጂ እትጠምዩ፥ ክትጸግቡ ኢኹም እሞ ብፁዓን ኢኹም። 21. ኣቱም ሕጂ እትበኽዩ፥ ክትስሕቁ ኢኹም እሞ ብፁዓን ኢኹም። 22. ብምኽንያት ወዲ ሰብ ሰባት እንተ ጸልኡኹም፥ እንተ ፈለዩኹም፥ እንተ ጸረፉኹም፥ ሽምኩምውን እንተ ኣነወርዎ ብፁዓን ኢኹም። 23. እንሆ ኣቦታቶም ድማ ንነቢያት ከምኡ ይገብርዎም ነይሮም እዮም እሞ፥ ዓስብኹም ኣብ ሰማይ ብዙኅ ኪኸውን እዩ፤ ሽዑ በታ መዓልቲ እቲኣ ባህ ይበልኩም ብሓጐስውን ተሰራሰሩ። 24. ኣቱም ሃብታማት ግና ሓጐስኩም ወዲእኩም ኢኹም እሞ ወይለኹም። 25. ኣቱም ሕጂ እትጸግቡ ክትጠምዩ ኢኹም እሞ ወይለኹም። ኣቱም ሕጂ እትስሕቁ፥ ክትበኽዩን ክትኃዝኑን ኢኹም እሞ ወይለኹም። 26. ኣቦታቶም ንነቢያት ሓሶት ከምኡ ገይሮምዎም ነይሮም እዮም እሞ፥ ኵሉ ሰብ ጽቡቕ እንተ ተዛረበልኩም ወይለኹም። 27. “ኣነ ግና ንኣኻትኩም ንትሰምዑኒ፥ እብለኩም ኣሎኹ፦ ጸላእትኹም ኣፍቅሩ፥ ንዚጸልኡኹም ድማ ጽቡቕ ግበሩ። 28. ንዚረግሙኹም መርቑ፥ ምእንቲ እቶም ዚጸርፉኹም ጸልዩ። 29. ጉንዲ እዝንኻ ንዚጸፍዓካ እታ ኻልኣይቲውን ምለሰሉ፤ ነጸላኻ ንዘግደፈካ እጀ ጠባብካውን ኣይትኽልኣዮ። 30. ንዝለመነካ ዘበለ ሃብ፥ ገንዘብካ ንዝወሰደውን ምለሰለይ ኣይትበሎ። 31. ከምቲ ሰባት ኪገብሩልኩም እትደልይዎ፥ ንስኻትኩም ከኣ ኸምኡ ግበሩሎም። 32. “ንዚፈትዉኹም ጥራይ እንተ ፈቶኹም እንታይ ምስጋና ኣሎኩም፧ ኃጥኣንውን ንዚፈትውዎም ይፈትዉ እዮም። 33. ሠናይ ንዚገብሩልኩም ጥራይ ሠናይ እንተ ገበርኩምከ እንታይ ምስጋና ኣሎኩም፧ ኃጥኣንውን ከምኡ ይገብሩ እዮም። 34. ኪፈድዩኹም ንትጽበይዎ እንተ ኣለቃሕኩምከ እንታይ ምስጋና ኣሎኩም፧ ኃጥኣንውን ንኃጥኣን ክንድኡ ኪፍደዩ የለቅሕዎም እዮም። 35. ግናኸ ንጸላእትኹም ኣፍቅሩ፥ ሠናይ ከኣ ግበሩ፥ ክትፍደዩ ኸይተጸቤኹም ኣለቅሑ፥ እግዚኣብሔር ንዘየመስግኑን ንሕሱማትን ርኅሩኅ እዩ እሞ ዓስብኹም ብዙኅ ኪኸውን እዩ፥ ውሉድ እቲ ልዑልውን ክትኮኑ ኢኹም። 36. ከምቲ ሰማያዊ ኣቦኹም ርኅሩኅ ዝኾነ ንስኻትኩም ከኣ ርኅሩኃት ኩኑ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ እግዚኣብሄር፣ ኣምላኽ ምድሓነይ፣ ኣብ ቅድሜኻ ለይትን መዓልትን ኤእዊ ኣሎኹ፣ ጸሎተይ ኣብ ቅድሜኻ ይብጻሕ።

ወንጌል Gospel

8. እቶም ሕዝቢ ብምሉኦም ድማ ኽዳውንቶም ኣብ መገዲ ኣንጸፉ፥ ካልኦትዉን ካብ ኣእዋም ጨንፈር እናሰልዑ ኣብቲ መገዲ ይንስንሱ ነበሩ። 9. እቶም ቀቅድሚኡ ዚኸዱ ደድኅሪኡውን ዚስዕቡ ሕዝቢ ኸኣ “ሆሣዕና ንወዲ ዳዊት፥ እቲ ብስም እግዚኣብሔር ዚመጽእ ብሩኽ እዩ፥ ሆሣዕና ኣብ ኣርያም” እናበሉ ይጭርሑ ነበሩ። 10. ናብ ኢየሩሳሌም ምስ ኣተወ ኸኣ፥ ብዘላ እታ ኸተማ “መን እዩ እዚ፧” እናበለት ተናወጸት። 11. እቶም ሕዝቢ ድማ “እዚ ነቢይ ኢየሱስ፥ ብዓል ናዝሬት ናይ ገሊላ እዩ” በሉ። 12. ኢየሱስ ኣብ ቤት መቕደስ ኣትዩ ኣብ ቤት መቕደስ ዚሸጡን ዚሻየጡን ዝነበሩ ዅሎም ሰጐጎም፥ ጠረጴዛታት መሸረፍትን መናብር ሸየጥቲ ርግብንውን ገልበጠ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

እታ ንግስቲ ብወርቂ ኦፈር ተሰሊማ፣ ኣብ የማንካ ትቐውም ኣላ። ጓለየ፣ ስምዒ፣ ርአዪውን፣ እዝንኺ ኸኣ ኣድንኒ፣ ህዝብኽን ቤት ኣቦኽን ረስዒ።
 

ወንጌል Gospel

46. ማርያም ድማ ኸምዚ በለት፦ “ነፍሰይ ንእግዚኣብሔር ተዕብዮ፣ 47. መንፈሰይ ከኣ ብኣምላኸይ፥ በቲ መድኃንየይ፥ ባህ ይብሎ። 48. ውርደት ባርያኡ ርእዩ እዩ እሞ እንሆ ኻብ ሕጂ ዅሎም ወለዶ ብፅዕቲ ኺብሉኒ እዮም። 49. እቲ ዅሉ ዚኽእል ዓበይቲ ነገራት ገይሩለይ እዩ እሞ፥ ስሙ ቕዱስ እዩ። 50. ምሕረቱውን ኣብቶም ዚፈርህዎ ንውሉድ ወለዶ እዩ። 51. ብቕልጽሙ ኃይሊ ገበረ፥ ንዕቡያት ሓሳባት ልቦም በተነሎም። 52. ንኃያላት ካብ ዝፋናቶም ኣውረዶም፥ ንዝተዋረዱ ኸኣ ልዕል ኣበሎም። 53. ንጥሙያት ብበረኸት ኣጽገቦም፥ ንሃብታማት ከኣ ጥራይ ኢዶም ሰደዶም። 54. - 55. ከምቲ ነቦታትና፥ ንኣብርሃምን ንዘርኡን ዝነገሮም፥ ንዘለዓለም ምሕረቱ እናዘከረ ንእስራኤል ባርያኡ ተቐበሎ።” 56. ማርያም ከኣ ንሠለስተ ወርኂ ዚኣክል ምስ ኤልሳቤጥ ተቐሚጣ ብድኅሪኡ ናብ ቤታ ተመልሰት። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

10. ብዛዕባ እቲ ኣብ መቓውሐይ ኮይነ ብክርስቶስ ዝወለድክዎ ወደይ ኣናሲሞስ እልምነካ ኣሎኹ። 11. ንሱ ቐደም ኣይጠቐመካን፥ ሕጂ ግና ንኣኻን ንኣይን ይጠቕመና እዩ። 12. ነቲ ብልቢ ዘፍቅሮ መሊሰ ናባኻ እሰዶ ኣሎኹ። 13. ኣነ እኳ፥ ወንጌል ብምስባኸይ ተኣሲረ ኣብ ዘሎኹሉ፥ ኣብ ክንዳኻ ኾይኑ ኼገልግለኒ ምሳይ ከትርፎ ምደሌኹ ነይረ። 14. ግናኸ እቲ ሠናይ ግብርኻ ብፍታው እምበር፥ ብግዲ ምእንቲ ኸይከውን፥ ብዘይ ፍቓድካ ሓንቲ እኳ ኽገብር ኣይደሌኹን። 15. እቲ ኣናሲሞስ ንሓጺር ጊዜ ዝተፈለየካ፥ ምናልባሽ ንሓዋሩ ምሳኻ ምእንቲ ኺነብር እዩ ዚኸውን። 16. ደጊም ከም ባርያ ዘይኮነስ፥ ካብ ባርያ ዝበለጸ ከም ፍቁር ኃውካ እዩ። ኣነ ኣዝየ እየ ዘፍቅሮ፥ ንስኻ ግዳ ብሥጋን ብጐይታን ኃውካ ንዝኾነ፥ ክንደይ ኣብሊጽካ ዘይተፍቅሮ! 17. እምበኣርሲ ከም ኃው እትርእየኒ እንተ ዄንካስ፥ ንኣይ ከም እትቕበለኒ ጌርካ ተቐበሎ። 18. ገለ በዲሉካ ወይ ተዓድዩካ እንተ ኾይኑ ግና ካባይ ድለዮ። 19. ነዚ፥ ኣነ ጳውሎስ ብኢደይ እጽሕፎ ኣሎኹ። ባዕለይ ክኸፍለካ እየ። ንስኻውን ብዓል ዕዳይ ከም ዝኾንካ ምዝራብ ኣየድልን እዩ። 20. እወ፥ ኣታ ኃወይ፥ ካባኻ ብጐይታ ኽጥቀም እደሊ ኣሎኹ። ብክርስቶስ ንልበይ ኣቕስነለይ። 21. ኃለፋ እዚ ዝብለካ ዘሎኹ ከም እትገብር ፈሊጠ፥ ከም እትእዘዘኒውን ኣሚነ እየ ዝጽሕፈልካ ዘሎኹ። 22. ብዘይካ እዚውን እግዚኣብሔር ጸሎትኩም ሰሚዑ ናባኻትኩም ክመጽእ ከም ዚገብረኒ ተስፋ ኣሎኒ እሞ ስፍራ ኣዳልወለይ። 23. ኤጳፍራስ፥ እቲ ንክርስቶስ ኢየሱስ ኪብል ምሳይ ተኣሲሩ ዘሎ፥ ሰላም ይብለካ ኣሎ። 24. ከምኡውን እቶም መተዓይይተይ ዝኾኑ ማርቆስ፥ ኣርስጠርኮስ፥ ዴማስ፥ ሉቃስ ሰላም ይብሉኻ ኣለዉ። 25. ጸጋ ጐይታና ኢየሱስ ክርስቶስ ምሳኻትኩም ይኹን።

ዘካልእ መልእክት Universal Epistle

5. ከምኡ ኸኣ፥ ኣቱም መንእሰይ፥ ነቶም ዚዓብዩኹም ተገዝእዎም። “ኣምላኽ ንዕቡያት ይመዓቶም፥ ንትሑታት ግና ጸጋ ይህቦም” ከም ዚብል ድማ ትሕትና ለቢስኩም ንሓድሕድኩም ኣገልግሉ። 6. ደጊም ብጊዜኡ ንሱ ልዕል ምእንቲ ኼብለኩም ኣብ ትሕቲ እታ ጽንዕቲ ኢድ ኣምላኽ ትሕት በሉ። 7. ንሱ ይሓልየልኩም እዩ እሞ ንዅሉ ኃልዮትኩም ኣብኡ ኣውድቕዎ። 8. ዲያብሎስ፥ እቲ መጻርርትኹም፥ ዚውሕጦ ደልዩ ከም ዚጓዝም ኣንበሳ ይዘውር ኣሎ እሞ ተጠንቀቑ፥ ንቕሑ። 9. ኣብ እምነት ጸኒዕኩም ተቓወምዎ፥ ምኽንያቱ ነቶም ኣብ ምሉእ ዓለም ዘለዉ ኣኅዋትኩምውን እዚ መከራ እዚ ይበጽሖም ከም ዘሎ ትፈልጡ ኢኹም። 10. እቲ ብክርስቶስ ኢየሱስ ናብ ናይ ዘለዓለም ክብሩ ዝጸወዓኩም፥ ኣምላኽ ዅሉ ጸጋ፥ ቊሩብ ጊዜ ሓሰረ መከራ ምስ ጸገብኩም፥ ንሱ ፍጹማት ኪገብረኩም፥ ኬጽንዓኩም፥ ኬበርትዓኩም፥ ኪሥርተኩምውን እዩ። 11. ንዘለዓለም ዓለም ንእኡ ኽብርን ሥልጣንን ይኹን። ኣሜን። 12. በቲ እሙን ምዃን ኣነ ዝፈልጦ ስልዋኖስ ኃውና ገይረ ነዛ ሓጻር መልእኽቲ እጽሕፈልኩም ኣሎኹ። እዚ ኸኣ ከተባብዓኩምን እዚ ናይ ሓቂ ጸጋ ኣምላኽ ምዃኑ ኽምስክርን ኢለ እየ። ኣብዚ ጸጋ እዚ ጸኒዕኩም ደው በሉ። 13. እታ መተኃርይትኹም ዝኾነት ኣብ ባቢሎን እትርከብ ቤተ ክርስቲያን ሰላም ትብለኩም ኣላ። ማርቆስ ወደይውን ሰላም ይብለኩም ኣሎ። 14. ብክርስቲያናዊ ፍቕሪ እናተሰዓዓምኩም ንሓድሕድኩም ሰላም ተበሃሃሉ። ብክርስቶስ ዘሎኹም ኵላትኩም ሰላም ይሃልኹም። ኣሜን።

ግብረ ሃዋርያት Acts

1. ኣብታ ኣብ ኣንጾኪያ ዝነበረት ቤተ ክርስቲያን ከኣ ነቢያትን መምህራንን ነበሩ። ንሳቶም ከኣ በርናባስን፥ እቲ “ጸሊም” ተባሂሉ ዚጽዋዕ ስምዖንን፥ ሉቅዮስ ቀሬናውን፥ እቲ ምስ ሄሮድስ ንጉሥ ዝዓበየ ምናሔን፥ ሳውልን ነበሩ። 2. እዚኣቶም ንእግዚኣብሔር ኬገልግሉን ኪጾሙን ከለዉ፥ መንፈስ ቅዱስ “ነቲ ኣነ ዝመረጽክዎም ኣገልግሎት ንበርናባስን ሳውልን ፍለዩለይ” በሎም። 3. ምስ ጾሙን ምስ ጸለዩን፥ ኣእዳዎም ኣንበሩሎም እሞ ኣፋነውዎም። 4. ንሳቶም ከኣ ብመንፈስ ቅዱስ ተላኢኾም ናብ ሴሌውቅያ ወረዱ፤ ካብኡ ኸኣ ብመርከብ ናብ ቆጵሮስ ከዱ። 5. ኣብ ስልማና ምስ በጽሑ ኸኣ፥ ኣብ ኣብያተ ጸሎት ኣይሁድ ቃል ኣምላኽ ኣበሠሩ። ዮሓንስ ከኣ ይሕግዞም ነበረ። 6. ነታ ደሴት ብዘላ ኣቋሪጾም ኣብ ጳፋ ምስ በጽሑ፥ ሓደ ጠንቋሊ ሰብኣይ፥ ነቢይ ሓሶት፥ በርያሱስ ዝስሙ ኣይሁዳዊ ረኸቡ።

ስንክሳር Synaxarium

ተዝካረ በዓላ ለእግዝእትነ ማርያም
ወአባ ገብርኤል ሊቀ ጳጳሳት ዘእስክንድርያ ዘኰስተረ ኲስሐተ
ወአባ ዘካርያስ ኤጲስቆጶስ ዘሀገረ ሰሐ
ወአናሲሞስ ረድአ ጳውሎስ
ወአባ ጴጥሮስ ኤጲስ ቆጶስ ዘደማስቆ
ወአባ አክዮስ
ወአባ ገብርኤል

መዝሙር Psalm

መሰረት ዝፋንካ ጽድቅን ቅንዕናን እዩ፣ ሳህልን ሓቅን ቀቅድሚ ገጽካ ይኸዳ አለዋ። እቲ እልልታ ዚፈልጥ ህዝቢ ብጹእ እዩ፣ ዎ እግዚኣብሄር፣ ብብርሃን ገጽካ ይመላለሱ።

ወንጌል Gospel

24. እቶም ደቀ መዛሙርቲ “ካባና ዓቢይ ኾይኑ ዚርአ መን እዩ፧” እናበሉ ንሓድሕዶም ተኸራኸሩ። 25. ሽዑ ኢየሱስ ከምዚ በሎም፦ “ነሕዛብ ነገሥታቶም እዮም ዚገዝእዎም፥ እቶም ሥልጣን ዘለዎም ከኣ ገበርቲ ሠናይ ይብሃሉ። 26. ንስኻትኩም ግና ኸምኡ ኣይትኹኑ፤ ካባኻትኩም ዓቢይስ ከም ንእሽቶ፥ እቲ ጐይታውን ከም ጊልያ ደኣ ይኹን። 27. ካብቲ ኣብ መኣዲ ዚቕመጥን ካብቲ ዜገልግልን ኣየናዮም ይዓቢ፧ እቲ ኣብ መኣዲ ዚቕመጥ ደይኮነን፧ ኣነ ግና ኣብ ማእከልኩም ከም ኣገልጋሊ እየ። 28. ንስኻትኩም ብፈተናይ ምሳይ ዝተዓገሥኩም ኢኹም እሞ፥ 29. - 30. ኣብታ መንግሥተይ ኣብ መኣደይ ምእንቲ ኽትበልዑን ክትሰትዩን፥ ኣብ ዝፋናት ተቐሚጥኩም ከኣ ንዓሠርተው ክልተ ነገድ እስራኤል ክትፈርዱንሲ፥ ከምቲ ኣቦይ ንኣይ መንግሥቲ ዝሃበኒ፥ ንኣኻትኩም ከኣ ኣነ መንግሥቲ እህበኩም ኣሎኹ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣነስ፣ እንተ ሐመሙ፣ ከሊ ተኸደንኩ፣ ንነፍሰይ ብጾም ቀጻዕክዋ፣ ርእሰይ ኣድኒነ ጸሌኹ። ፈታውየይን ሓወይን ከም ዝነበረ ገይረ ተመላለስኩ፣ ብወላዲቱ ኸም ዚበኪ ደኒነ ሐዘንኩ።
 

ወንጌል Gospel

41. ብድኅርዚ ኢየሱስ ከምዚ በሎም፦ “ከመይ ኢሎም እዮም ‘ክርስቶስ ወዲ ዳዊት እዩ’ ዚብሉ፧ 42. - 43. ዳዊት ባዕሉ ኣብ መጽሓፍ መዝሙራት ‘ጐይታ ንጐይታይ፥ ንጸላእትኻ መርገጽ እግርኻ ኽሳዕ ዝገብሮም ኣብ የማነይ ተቐመጥ በሎ’ ይብል። 44. እምበኣር ባዕሉ ዳዊት ‘ጐይታይ’ ካብ ዚብሎ ደኣ ኸመይ ኢሉ ወዱ ይኾኖ፧” 45. ኢየኡስ ብዘሎ እቲ ሕዝቢ ኺሰምዕ ከሎ ንደቀ መዛሙርቱ፥ ከምዚ በሎም፦ 46. “ወለል ብዚብል ክዳውንቲ ምዝዋር ካብ ዚደልዩ፥ ኣብ ዕዳጋ ሰብ ብኽብሪ ሰላም ኪብልዎም፥ ኣብ ቤት ጸሎት ኣይሁድ ኣውራ መቐመጢ፥ ኣብ ምሳሕ ከኣ ዝለዓለ ሥፍራ ካብ ዚፈትዉ መምህራን ሕጊ ተጠንቀቑ። 47. እቶም ኣባይቲ መበለታት ዚብዝብዙ፥ ንምኽንያትውን ጸሎት ዜንውኁ፥ ንሳቶም ብርቱዕ ፍርዲ ኪረኽቡ እዮም”። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።