መዝሙረ ዳዊት Psalm

እግዚኣብሄር ርሕሩሕን ጻድቕን እዩ፣ ኣምላኽና ኸኣ መሓሪ እዩ። እግዚኣብሄር ንገርህታት ይሕልዎም።

መሐሪ እግዚአብሔር ወጻድቅ፤
ወአምላክነሂ መስተሣህል፤
የዐቅብ ሕፃናተ እግዚአብሔር።

ወንጌል Gospel

13. ኢዱ ኬንብረሎም ድማ ሕፃናት ናብኡ ኣምጽእዎም፥ ደቀ መዛሙርቱ ግና ነቶም ዘምጽእዎም ገሠጽዎም። 14. ኢየሱስ ነዚ ምስ ረኣየ ተቘጢዑ ኸምዚ በሎም፡ - “ሕፃናት ናባይ ይምጽኡ ኅደግዎም፤ መንግሥቲ ኣምላኽ ነዞም ከምዚኣቶም ዝበሉ እያ እሞ ኣይትኸልክልዎም። 15. እቲ ንመንግሥቲ ኣምላኽ ከም ሕፃን ኮይኑ ዘይተቐበላ፥ ከቶ ኸም ዘይኣትዋ ብሓቂ እብለኩም ኣሎኹ።” 16. ሓሓቚፉ ድማ ኢዱ ኣንቢሩ ባረኾም። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

11. ስለዚ ንእግዚኣብሔር ምፍራህ እንታይ ከም ዝኾነ ስለ እንፈልጥ፥ ንዅሉ ሰብ ከነረድእ ንፅዕር ኣሎና፥ እንታዎት ከም ዝኾንና ኣምላኽ ይፈልጥ እዩ፥ ንስኻትኩምውን ብሕሊናኹም እንታዎት ከም ዝኾንና ኽትፈልጡ ተስፋ ኣሎና። 12. ነቶም ብጠባዩ ዘይኮነ ንሰብ ብገጹ ርእዮም ዚምክሑ መልሲ ምሃብ ምእንቲ ኽትክእሉ፥ ምኽንያት ንህበኩም ኣሎና እምበር፥ ከም ብሓድሽ ገዛእ ርእስና ኣይኮንናን ናባኻትኩም ነማኅጽን ዘሎና። 13. ንሕናስ ጽሉላት እንተ ዄንና ንኣምላኽ፥ ጥዑያት እንተ ዄንና ድማ ንኣኻትኩም ኢና። 14. ሓደ በጃ ዅሉ ከም ዝሞተ፥ ኵላቶም ከኣ ተኻፈልቲ ሞቱ ከም ዝኾኑ ስለ ዝተረድኣና፥ እቲ ክርስቶስ ኣባና ዘለዎ ፍቕሪ የገድደና እዩ። 15. እቶም ብሕይወት ዚነብሩ፥ ነቲ ምእንትኦም ዝሞተን ዝተንሥአን እምበር ንገዛእ ርእሶም ምእንቲ ኸይነብሩ ክርስቶስ ኣብ ክንዲ ኵላቶም ሞተ። 16. ደጊም ካብ ሕጂ ንደኃር፥ ብሥጋዊ ኣረኣእያ ንሓደ እኳ ኣይንፈልጥን ኢና። ሽሕ እኳ ንክርስቶስ ብሥጋዊ ኣረኣእያ ፈሊጥናዮ እንተነበርና፥ ሕጂ ከምኡ ጌርና ኣይንፈልጦን ኢና። 17. ስለዚ ሓደ እኳ ብክርስቶስ እንተ ኣልዩ፥ ንሱ ሓድሽ ፍጥረት እዩ፥ እቲ ብሉይ ኃሊፉ፥ እንሆ ዅሉ ሓድሽ ኮይኑ እዩ። 18. እዚ ዅሉውን ካብቲ ባዕሉ ብክርስቶስ ገይሩ ዝተዓርቀና፥ ንኻልኦትውን ምስኡ ከነተዓርቕ መዚ ዝሃበና፥ ኣምላኽ እዩ። 19. እወ፥ ኣምላኽ ንዓለም ምስ ርእሱ ኺዓርቃ ኸሎ፥ ብክርስቶስ ገይሩ እዩ፤ በደሎም ኣይኃዘሎምን፥ ንኣና ኸኣ መልእኽቲ ዕርቂ ሃበና። 20. ስለዚ ንሕና ናይ ክርስቶስ ኣምባሳደራት ኢና፥ ኣምላኽ ኸኣ ብኣና ገይሩ ይዕድም ኣሎ። ኣብ ክንዲ ክርስቶስ ኴንና ድማ “ምስ ኣምላኽ ተዓረቑ” እናበልና ንልምነኩም ኣሎና። 21. ንሕና ብክርስቶስ ተኻፈልቲ ጽድቂ ኣምላኽ ምእንቲ ኽንከውን፥ ኣምላኽ ነቲ ኃጢኣት ዘይፈለጠ ኣብ ክንዳና ኃጢኣተኛ ገበሮ።

ዘካልእ መልእክት Universal Epistle

4. እዚ እንጽሕፈልኩም ዘሎና፥ ሓጐስና ምሉእ ምእንቲ ኪኸውን ኢልና ኢና። 5. እታ ኻብ ክርስቶስ ዝሰማዕናያ፥ ንኣኻትኩምውን እንነግራ ዘሎና መልእኽቲ እዚኣ እያ፥ እግዚኣብሔር ብርሃን እዩ፥ ኣብኡ ኸኣ ጸልማት ዚብልዎ ኸቶ የልቦን። 6. “ምስኡ ኅብረት ኣሎና” እናበልና ኣብ ጸልማት እንተ ነበርና ንሕሱ፥ ሓቂውን ኣይንገብርን ኢና ዘሎና። 7. ከምቲ ንሱ ኣብ ብርሃን ዘሎ፥ ኣብ ብርሃን እንተ ነበርና ግና ንሓድሕድና ኅብረት ኣሎና፥ ደም ኢየሱስ ክርስቶስ ወዱውን ካብ ኵሉ ኃጢኣት የንጽሓና እዩ። 8. “ኃጢኣት የብልናን” እንተ በልና፥ ንገዛእ ርእስና ንጥብር ኣሎና፥ እታ ሓቂውን ኣባና የላን። 9. ኃጢኣትና እንተ ተናዘዝና፥ ኣምላኽ እሙንን ጻድቕን ስለ ዝኾነ፥ ንኃጢኣትና ይቕረ ኪብለልና፥ ካብ ኵሉ በደልናውን ኬንጽሓና እዩ። 10. “ኃጢኣት ኣይገበርናን” እንተ በልና፥ ሓሳዊ ንገብሮ፥ ቃሉውን ኣባና የሎን።

ግብረ ሃዋርያት Acts

17. “ሕጂ ድማ ኣኅዋተይ፥ ከምቶም መራሕትኹም ነዚ ብዘይ ፍላጥ ከም ዝገበርኩምዎ እፈልጥ ኣሎኹ። 18. ኣምላኽ ግና እቲ መሲሑ መከራ ኪቕበል ከም ዘለዎ፥ ኣቐዲሙ ብኣፍ ኵሎም ነብያት ከም ዝተዛረቦ፥ ከምኡ ፈጸሞ። 19. እምበኣር ኃጢኣትኩም ምእንቲ ኺድምሰሰልኩም፥ ካብ ገጽ እግዚኣብሔር ከኣ ዘመን ምሕዳስ ምእንቲ ኺመጻልኩም፥ 20. ነቲ ቕድም ንኣኻትኩም ዝተኃርየ መሲሕ፥ ንሱ ኸኣ ኢየሱስ፥ ምእንቲ ኪሰደልኩምሲ ተነስሑን ተመለሱን። 21. ከምቲ ኣምላኽ ካብ ጥንቲ ብኣፍ ቅዱሳን ነቢያቱ ዝተዛረቦ፥ ኵሉ ነገር ዚሕደሰሉ ዘመን ክሳዕ ዚመጽእ፥ ሰማይ ንኢየሱስ ኪቕበሎ ይግባእ እዩ። 22. ሙሴ ድማ ‘እግዚኣብሔር ኣምላኽኩም ከምቲ ንኣይ ዘተንሥኣኒ ካብ ኣኅዋትኩም ነቢይ ኬተንሥኣልኩም እዩ፥ ንሱ ዚብለኩም ዘበለ ዅሉ ኸኣ ስምዑ። 23. እንሆ እታ ነቲ ነቢይ እቲ ዘይትሰምዕ ዘበለት ነፍሲ ኸኣ ኻብ ሕዝባ ኽትምንቈስ እያ’ በለ። 24. ኵላቶም ነቢያት ድማ ኻብ ሳሙኤል ኂዞም ክሳዕ እቶም ድኅሪኦም ዝተዛረቡ፥ ነዘን መዓልትታት እዚኣተን እዮም ዘበሠሩ። 25. ኣምላኽ ንኣብርሃም ‘ኵሎም ኣሕዛብ ምድሪ ብዘርእኻ ኺባረኹ እዮም’ ኢሉ ምስ ኣቦታትና ኺዳን ኣትዩ ነበረ። ንስኻትኩም ከኣ ወረስቲ ነቢያትን ወረስቲ እዚ ኺዳን እዝን ኢኹም። 26. ኣምላኽ ንነፍስ ወከፍኩም ካብ ክፍኣቱ እናመለሰ ምእንቲ ኪባርኸኩምሲ ንወዱ ኣተንሢኡ ቕድሚ ዅሉ ናባኻትኩም ለኣኾ።”

ስንክሳር Synaxarium

፫ቱ ደቂቅ አናንያ ወአዛርያ ወሚሳኤል
ወአብርሃም ጸራቢ
አባ ሚካኤል ሰማዕት
ወኖብ

መዝሙር Psalm

ብልዕሊ ርእስና ሰባት ኣሳገርካ፣ ብሓውን ብማይን ሐለፍና፣ ንስኻ ግና ናብ ራህዋ ኣውጻእካና።

ወአጽዐንከ ስብአ ዲበ አርእስቲነ፤
አኅለፍከነ ማእከለ እሳት ወማይ፤
ወአውፃእከነ ውስተ ዕረፍት።

ወንጌል Gospel

18. “ብሓቂ እብለኩም ኣሎኹ፥ ኣብ ምድሪ ዝኣሰርኩምዎ ዘበለ ኣብ ኣብ ሰማይ እሱር ኪኸውን እዩ፥ ኣብ ምድሪ ዝፈታሕኩምዎ ዘበለ ድማ ኣብ ሰማይ ፍቱሕ ኪኸውን እዩ። 19. - 20. ክልተ ወይ ሠለስተ ኾይኖም ብስመይ ኣብ ዝተኣከቡሉ፥ ኣነ ኸኣ ኣብኡ ኣብ ማእከሎም ኣሎኹ እሞ፥ ክልተ ኻባኻትኩም ኣብ ምድሪ ብዚልምንዎ ነገር ኵሉ እንተ ተሳማምዑ፥ ካብቲ ኣብ ሰማያት ዘሎ ኣቦይ ኪወሃቦም እዩ፥ ኢለ ኸም ብሓድሽ [ብሓቂ] እብለኩም ኣሎኹ።” 21. ሽዑ ጴጥሮስ ቅርብ ኢሉ “ጐይታይ! ሓወይ እንተ በደለንስ ክንደይ ሳዕ ይቕረ ኽብለሉ፧ ክሳዕ ሾብዓተዶ፧” በሎ። 22. ኢየሱስ ድማ “ሾብዓተ ሳዕ ሰብዓ ድኣ እምበር ክሳዕ ሾብዓተ ኣይብለካን” በሎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ እግዚኣብሄር፣ ደጊ ሰብ ተሳኢኑ፣ ካብ ማእከል ደቂ ሰብውን እሙናት ጠፊኦም እዮም እሞ፣ ኣድሕን። ነፍሲ ወከፎም ምስ ብጻዩ ሓሶት ይዛረብ፣ ብዜቃባጥር ከንፈርን ብኽልተ ልብን ይዛረቡ ኣለዉ።

ወውኅደ ሃይማኖት እምዕጓለ እመሕያው፤
ከንቶ ይትናገሩ አሐዱ ምስለ ካልኡ፤
በከናፍረ ጕኅሉት ልበ ወበልብ ይትናገሩ።

ወንጌል Gospel

12. እዚ ኣብ ርእሰይ ዘፍሰሰቶ ቕዱይ ቅብኢ ግና ንቐብረይ ኢላ እያ ዝገበረቶ። 13. እዚ ወንጌል እዚ ኣብ ዝተሰብኮ ዘበለ ኣብ ኵሉ ዓለም፥ እዚ ንሳ ዝገበረቶ ንመዘከሪኣ ኸም ዚንገር ብሓቂ እብለኩም ኣሎኹ” በሎም። 14. ሽዑ እቲ ይሁዳ ኣስቆሮታዊ ዝተባህለ ሓደ ኻብቶም ዓሰርተው ክልተ ናብ ሊቃነ ኻህናት ከይዱ፥ 15. “ኣነ ንኢየሱስ ኣኅሊፈ ኽህበኩምሲ እንታይ ትህቡኒ፧” በሎም። ንሳቶም ከኣ ሠላሳ ቕርሺ ብሩር ሃብዎ። 16. ካብኡ ኂዙ ኣኅሊፉ ኺህቦ ምሹእ ጊዜ ይደሊ ነበረ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ልቢ እቶም ንእግዚኣብሄር ዚደልይዎ ይተሐጐስ። እግዚኣብሄርን ሓይሉን ድለዩ። አዘውቲርኩም ገጹ ድለዩ።

ለይትፈሣሕ ልብ ዘየኃሥሦ ለእግዚአብሔር፤
ኅሥዎ ለእግዚአብሔር ወትፀንዑ፤
ወኅሡ ገጾ በኵሉ ጊዜ።

ወንጌል Gospel

6. ኢየሱስ ኣብ ቢታንያ ኣብ ቤት ስምዖን እቲ ለምጻም ከሎ፥ 7. ሓንቲ ሰበይቲ ኽቡር ቅዱይ ሽቱ ዝመልአ ብኣልባስጥሮስ ዝተሠርሐ ብልቃጥ ኂዛ ናብኡ መጸት፥ ኣብ መኣዲ ተቐሚጡ ኸሎ ድማ ኣብ ርእሱ ኣፍሰሰቶ። 8. - 9. ደቀ መዛሙርቱ ኸኣ ነዚ ርእዮም “እዚ ኽንድዚ ዚኣክል ጥፍኣትከ ንምንታይ እዩ፧ ንብዙኅ ዋጋ ተሸይጡዶ ንድኻታት ግዳ ኣይምተዋህበን ነይሩ፧” እናበሉ ተቘጥዑ። 10. ኢየሱስ ግና ነዚ ፈሊጡ “እዛ ሰበይቲ ጽቡቕ ግብሪ እያ ዝገበረትለይ፥ ስለምንታይ ተሸግርዋ ኣሎኹም፧ 11. ድኻታትሲ ዅሉ ጊዜ ምሳኻትኩም ኣለዉ፥ ኣነ ግና ዅሉ ጊዜ ምሳኻትኩም የሎኹን። 12. እዚ ኣብ ርእሰይ ዘፍሰሰቶ ቕዱይ ቅብኢ ግና ንቐብረይ ኢላ እያ ዝገበረቶ። 13. እዚ ወንጌል እዚ ኣብ ዝተሰብኮ ዘበለ ኣብ ኵሉ ዓለም፥ እዚ ንሳ ዝገበረቶ ንመዘከሪኣ ኸም ዚንገር ብሓቂ እብለኩም ኣሎኹ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እምበኣር ኣቱም ኣብ ሰማያዊ መጸዋዕታ ግደ ዘለኩም ቅዱሳን ኣኅዋትና፥ ኣብቲ ናይ እምነትና ሓዋርያን ሊቀ ካህናትን ዝኾነ ኢየሱስ ኣቕልቡ። 2. ከምቲ ሙሴ ኣብ ቤት እግዚኣብሔር እሙን ዝነበረ፥ ኢየሱስውን ኣብ ቅድሚ እቲ ዝሸሞ እግዚኣብሔር እሙን ነበረ። 3. ካብታ ገዛ እቲ ነታ ገዛ ዝሓነጸ ዚቕበሎ ክብሪ ይበልጽ፥ ከምኡ ኸኣ ኻብቲ ሙሴ ዚቕበሎ እቲ ኢየሱስ ኪቕበሎ ዚግብኦ ኽብሪ ይበልጽ። 4. ከመይ ገዛ ዘበለት ኵላ ሓናጺኣ ኣለዋ፥ እቲ ንዅሉ ዝሓንጽ ግና ኣምላኽ እዩ። 5. ሙሴ ኣብ ኵላ ቤት እግዚኣብሔር እሙን ኣገልጋሊ ነበረ። ብዛዕባ እቲ ኣምላኽ ኣብቲ ዚመጽእ ጊዜ ኪብሎ ዘለዎ ድማ መስከረ። 6. ክርስቶስ ግና ኣብ ልዕሊ ቤት እግዚኣብሔር እሙን ውሉድ እዩ፥ ነቲ ትብዓትናን እንምክሓሉ ተስፋናን ክሳዕ መወዳእታ ኣጽኒዕና እንተ ኃዝና ድማ ቤት እግዚኣብሔር ንሕና ኢና።

ዘካልእ መልእክት Universal Epistle

3. ትእዛዛት ኣምላኽ እንተ ሓሎና፥ ንእኡ ኸም እንፈልጦ በዚ ኢና እነረጋግጽ። 4. “ኣነ እፈልጦ እየ” ዝብል፥ ንትእዛዛቱ ግና ዘይሕሉ፥ ንሱ ሓሳዊ እዩ፥ እታ ሓቂውን ኣብኡ የላን። 5. እቲ ንቓሉ ዚሕሉ ግና፥ እታ ንኣምላኽ ዘላቶ ፍቕሪ ምልኣት ትረክብ። ኣብ ኣምላኽ ከም ዘሎና በዚ ኢና እንፈልጥ። 6. እቲ “ኣብ ኣምላኽ እነብር ኣሎኹ” ዚብል፥ ከምቲ ኢየሱስ ዝነበሮ ኺነብር ይግብኦ። 7. ኣቱም ፍቁራተይ! እቲ ካብ መጀመርታ ዝነበረኩም ናይ ቀደም ትእዛዝ እምበር ሓድሽ ትእዛዝ ኣይኮነን ዝጽሕፈልኩም ዘሎኹ። እቲ ናይ ቀደም ትእዛዝ ከኣ እቲ ድሮ ዝሰማዕኩምዎ ቓል እዩ። 8. እንተኾነ እዚ ዝጽሕፈልኩም ዘሎኹ ትእዛዝ ሓድሽ እዩ። ናይዚ ትእዛዝ እዚ ሓቂ ድማ ኣባኻትኩም ኮነ ኣብ ክርስቶስ ተራእዩ እዩ። ከመይ ጸልማት ኃሊፉ እዩ፥ ብርሃን ሓቂውን ድሮ የብርህ ኣሎ።

ግብረ ሃዋርያት Acts

12. ምስ ተፈለጦ፥ ናብ ቤት ማርያም ኣደ እቲ ማርቆስ ዚብሃል ዮሓንስ መጸ። ኣብኡ ኸኣ ብዙኃት ተኣኪቦም ይጽልዩ ነበሩ። 13. ጴጥሮስ ነቲ ናይ ቀጽሪ ማዕጾ ኳሕኳሕ ምስ ኣበለ፥ ሮዳ እትብሃል ኣገልጋሊት ክትሰምዖ ወፀት። 14. ንሳ ድምፂ ጴጥሮስ ምዃኑ ምስ ኣለለየት፥ ብታሕጓስ ዚኣክል፥ ነቲ ማዕጾ ኸይከፈተት ናብ ውሽጢ ጎየየት፥ “ጴጥሮስ ኣብ ኣፍ ደገ ደው ኢሉ ኣሎ” እናበለት ከኣ ኣበሠረቶም። 15. ንሳቶም ግና “ተጸሊልኪ ኢኺ” በልዋ። ንሳ ኸኣ ከምኡ ከም ዝኾነ ኣረጋገጸት። ሽዑ “መልኣኹ እዩ ዚኸውን” በሉ። 16. ጴጥሮስ ግና መመሊሹ ኳሕኳሕ የብል ነበረ። ምስ ከፈቱ ኸኣ ረኣይዎ እሞ ተገረሙ። 17. ንሱ ግና ስቕ ኪብሉ ብኢዱ ኣመልከቶም፥ እግዚኣብሔር ካብ ቤት ማእሰርቲ ከመይ ገይሩ ኸም ዘውፅኦ ኸኣ ኣዘንተወሎም እሞ፥ “ነዚ ነገርዚ ንያዕቆብን ነቶም ኣኅዋትን ንገርዎም” በሎም። ካብኡ ወፂኡ ኸኣ ናብ ካልእ ስፍራ ኸደ።

ስንክሳር Synaxarium

ታውክልያ
ብፍኑትዮስ
አሤር
ያሬድ
ብጽዕት አርሲማ
አፎምያ
ሶፍያ
በኪሞስ
አብላዲስ
ዮልዮስ

መዝሙር Psalm

ዎ ኣምላኽ፣ ምድሓንካ ልዕል የብለኒ። ንስም ኣምላኽ ብመዝሙር ከመስግኖ፣ ብምምሳው ከኣ ልዕል ከብሎ እየ።

መድኃኔ ገጽየ እግዚአብሔር ተወክፈኒ፤
እሴብሕ ለስመ አምላኪየ በማኅሌት፤
ወአዓብዮ በስብሓት።

ወንጌል Gospel

1. ኢየሱስ ቊሊሕ እንተ በለ፥ እቶም ሃብታማት ኣብቲ መቐበል ምጽዋት መባእ ኬውድቑ ኸለዉ ረኣየ። 2. ሓንቲ ድኻ መበለት ከኣ ኣብኡ ኽልተ ሣንቲም ከተውድቕ ከላ ረኣየ። 3. “እዛ ድኻ መበለት እዚኣ ካብ ኵላቶም ኣብዚኃ ከም ዘውደቐት ብሓቂ እብለኩም ኣሎኹ። 4. እዚኣቶምሲ ዅላቶም ካብ ተረፎም እዮም መባእ ዘውደቑ፤ እዚኣ ግና ካብ ስእነታ ዘለዋ ዅሉ ገንዘባ እያ ዘውደቐት” ከኣ በለ። 5. ገሊኦም ካብ ደቀ መዛሙርቱ፥ ቤት መቕደስ ብጽቡቕ ኣእማንን ንመባእ ብዝተዋህበ ስልማትን ኣጊጹ ከም ዘሎ ኺዛረቡ ኸለዉ ኢየሱስ፦ 6. “እዚ እትርእይዎ ዘሎኹም፥ እምኒ ኣብ ልዕሊ እምኒ ኸይፈረሰ ዘይተርፈለን መዓልትታት ኪመጻ እየን” በለ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣቱም ዓያሱ፣ መኣዝ ኢኹም እትልብሙ፧ እዝኒ ዝተኸለስ ኣይሰምዕንዶ፧ ዓይኒ ዝፈጠረስ ኣይርእይንዶ እዩ፧

ዓብዳንኬ ማእዜ ይጠቡ፤
ዘተከላሁ ለዕዝን ኢይሰምዕኑ፤
ወዘፈጠራሁ ለዐይን ኢይሬኢኑ።

ወንጌል Gospel

37. ኢየሱስ ነዚ ኺዛረብ ከሎ ሓደ ፈሪሳዊ ምስኡ ኪምሳሕ ጸውዖ፥ኣትዩ ኸኣ ኣብ መኣዲ ተቐመጠ። 38. እቲ ፈሪሳዊ፥ ኢየሱስ ቅድሚ ምሳሕ ኢዱ ከም ዘይተሓጽበ ምስ ረኣየ፥ ተገረመ። 39. ጐይታ ግና ኸምዚ በሎ፥ “እንሆ ንስኻትኩም ፈሪሳውያን፥ ዝባን ዋንጫን ጻሕልን ተጽርዩ፥ ውሽጥኹም ግና ኸትርን ክፍኣትን ምሉእ እዩ። 40. ኣቱም ዓያሱ፥ እቲ ንዝባኑ ዝገበረ ነቲ ውሽጡስ ኣይገበረንዶ፧ 41. ግናኸ ነቲ ኣብ ውሽጢ ዘሎ ንምጽዋት ሃቡ፥ እንሆ ሽዑ ዅሉ ነገር ጽሩይ ኪኾነልኩም እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ሓይሎም ብኣኻ ዝዀነ፣ ብልቦም ንመገድኻ ዚሐስቡ ሰባት ብጹኣን እዮም። ብለሰ ብኽያት ኪሐልፉ ኸለዉ፣ ዓይኒ ማያት ይገብርዎ፣ ዝናም አዝመራውን ብበረኸት ይኸድኖ።

እስመ መምህረ ሕግ ይሁብ በረከተ፤
ወይሐውር እምኀይል ውስተ ኀይል፤
ወያስተርኢ አምላከ አማልክት በጽዮን።

ወንጌል Gospel

1. ብዙኅ ሕዝቢ ምስ ረኣየ፥ ናብ እምባ ደየበ። ምስ ተቐመጠ ኸኣ፥ ደቀ መዛሙርቱ ናብኡ ቐረቡ። 2. ከምዚ እናበለ ድማ ኪምህሮም ጀመረ፦ 3. “ብመንፈስ ድኻታት ዝኾኑ መንግሥተ ሰማያት ናቶም እያ እሞ፥ ብፁዓን እዮም። 4. ዚኃዝኑ፥ ምጽንናዕ ኪረኽቡ እዮም እሞ፥ ብፁዓን እዮም። 5. ለወሃት፥ ንምድሪ ኺወርስዋ እዮም እሞ ብፁዓን እዮም። 6. ንጽድቂ ዚጠምዩን ዚጸምኡን፥ ኪጸግቡ እዮም እሞ፥ ብፁዓን እዮም። 7. መሓርቲ፥ ምሕረት ኪረኽቡ እዮም እሞ፥ ብፁዓን እዮም። 8. ንጹሓት ልቢ፥ ንኣምላኽ ኪርእይዎ እዮም እሞ፥ ብፁዓን እዮም። 9. ገበርቲ ሰላም፥ ውሉድ ኣምላኽ ኪበሃሉ እዮም እሞ፥ ብፁዓን እዮም። 10. ምእንቲ ጽድቂ ዚስደዱ፥ መንግሥተ ሰማያት ናቶም እያ እሞ፥ ብፁዓን እዮም። 11. “ምእንታይ እንተ ጸረፉኹምን፥ እንተ ሰጐጉኹምን፥ ኵሉ ኽፋእ ዘበለ ድማ ብሓሶት እንተ ተዛረቡልኩምን፥ ብፁዓን ኢኹም። 12. ከምኡ ኸኣ ነቶም ቅድሜኹም ዝነበሩ ነቢያት ኣሳዲዶምዎም እዮም እሞ፥ ኣብ ሰማያት ዓስብኹም ብዙኅ ስለ ዝኾነ፥ ተሓጐሱ ባህውን ይበልኩም። 13. “ንስኻትኩም ንምድሪ ጨው ኢኹም፥ ጨው መቐረቱ እንተ ጠፍአኸ፥ ብምንታይ ይምቅር፧ ንደገ ተደርብዩ፥ ብሰብ ኪርገጽ እንተ ዘይኮይኑስ ዚጠቕሞ የብሉን። 14. ንስኻትኩም ንዓለም ብርሃኑ ኢኹም፥ ኣብ እንባ ዘላ ኸተማ ኽትክወል ኣይከኣላን እዩ። 15. መብራህቲ፥ ኣብ ቤት ንዘሎ ዅሉ ምእንቲ ኬብርህ ኣብ በሪኽ መቐመጢኡ ተንብሮ እምበር ኣብ ትሕቲ ኸፈር ከተንብሮ ኣይተብርሆን ኢኻ። 16. ከምኡ ኸኣ ነቲ ጽቡቕ ግብርኹም ርእዮም፥ ኣብ ሰማያት ንዘሎ ኣቦኹም ምእንቲ ኼመስግንዎ፥ ብርሃንኩም ኣብ ቅድሚ ሰብ ይብራህ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ሓደ ኻባኻትኩም ምስ ብጻዩ ነገር እንተ ኣለዎ፥ ኣብ ቅድሚ እቶም ኣመንቲ ዘይኮነስ ኣብ ቅድሚ እቶም ዘይኣምኑዶ ኺፋረድ ይደፍር እዩ፧ 2. ወይሲ እቶም ኣመንቲ ንዓለም ከም ዚፈርድዋዶ ኣይትፈልጡን ኢኹም፧ ንዓለም ካብ እትፍረዱ ደኣ፥ ናእሽቱ ነገራት ንምፍራድ ከመይ ዘይትበቕዑ፧ 3. ንመላእኽቲ ከም እንፈርድዶ ኣይትፈልጡን ኢኹም፧ ናይዛ ዓለም እዚኣ ነገር ግዳ ኸመይ ዘይንፈርድ፧ 4. እሞኸ ደኣ ብነገር እዛ ዓለም እዚኣ ዚዳነ እንተ ኣሎኩም ስለምንታይ ነቶም ብቤተ ክርስቲያን ዝተናዕቁ ኣሕዛብ ፈረዲ ትገብርዎም፧ 5. ከኅፍረኩም ኢለ እየ ነዚ ዝዛረብ ዘሎኹ፥ ካንዶ ኣብ መንጎ ኣኅዋት ኪፈርድ ዚኽእል ለባም ሰብ የብልኩምን ኢኹም፧ 6. እንተኾነ ኃው ንኃው ኣብ ቅድሚ እቶም ዘይኣምኑ ይኸስስ ኣሎ። 7. ብርግጽ ኣብ ንሓድሕድኩም ምክሳስ ምህላው ብሱሩ ዕንወት እዩ፥ ተበዲልኩም እንተ ትተርፉዶ ኣይምኃሸን፧ ተገፊዕኩም እንተ ትተርፉዶኸ ኣይምኃሸን፧ 8. ንስኻትኩም ግና ነኅዋትኩም ከይተረፈ ትብድሉን ትገፍዑን ኣሎኹም።

ዘካልእ መልእክት Universal Epistle

8. እምበኣር ብስምምዕ ንበሩ። ተደናገጽቲ፥ ፍቕሪ ኣኅዋት ዘለዎም፥ ለዋሃትን ትሑታትን ኩኑ። 9. ኽፋእ ኣብ ክንዲ ኽፋእ፥ ጸርፊ ኣብ ክንዲ ጸርፊ ኣይትመለሱ፥ እኳ ደኣ መርቑ። ከመይ እግዚኣብሔር ምርቓ ኽትወርሱ እዩ ጸዊዑኩም። 10. ከምቲ ቕዱስ መጽሓፍ ዚብሎ “እቲ ሕይወት ዚፈቱ፥ ጽቡቓት መዓልትታት ኸኣ ኺርኢ ዚደሊ፥ ልሳኑ ኻብ ክፋእ፥ ከናፍሩውን ተንኰል ከይዛረባ ይኸልክል። 11. ካብ እከይ ይርሓቕ፥ ሠናይ ኸኣ ይግበር። ንሰላም ይድለያን ይስዓባን። 12. ኣዕይንቲ እግዚኣብሔር ናብ ጻድቃን እየን ዚርእያ። ኣእዛኑውን ናብ ጸሎቶም እየን። እግዚኣብሔር ግና ነቶም ገበርቲ እከይ ይፃረሮም እዩ።” 13. ንሠናይ ነገር ትጽዕቱ እንተ ዄንኩምከ መን እዩ ኺጐድኣኩም ዝኽእል፧ 14. ምእንቲ ጽድቂ ሓሳረ መከራ እንተ ጸገብኩም ግና ብፁዓን ኢኹም። ካብ ሰብ ኣይትፍርሁ፥ ብሓደ እኳ ኣይትሸበሩ።

ግብረ ሃዋርያት Acts

1. ኣብ ቂሳርያ ቆርኔሌዎስ ዝተባህለ ኣብቲ “ኢጣልያዊ ጭፍራ” ዚብሃል ክፍሊ ሠራዊት ሓለቓ ሚእቲ ዝኾነ ሰብ ነበረ። 2. ንሱ ምስ ኵሉ ስድራ ቤቱ ንኣምላኽ ዜምልኽ መንፈሳዊ ሰብ፥ ንሕዝቢውን ብዙኅ ምጽዋት ዜዘውትር፥ ኵሉ ሳዕ ከኣ ንኣምላኽ ዚልምን ነበረ። 3. ብታስዓይቲ ሰዓት ናይ መዓልቲ ኣቢሉ ድማ ብግሁድ ትርኢት መልኣኽ ኣምላኽ ናብኡ ኣትዩ “ኦ ቆርኔሌዎስ!” ኪብሎ ኸሎ ረኣየ። 4. ብስምባደ እናጠመቶ ኸኣ “እንታይ እዩ ጐይታይ፧” በሎ፤ እቲ መልኣኽ ድማ “ጸሎትካን ምጽዋትካን፥ ናብ ቅድሚ ኣምላኽ ንመዘከርታኻ ዓሪጉ እዩ። 5. ሕጂ ኸኣ ሰባት ናብ ኢዮጴ ልኢኽካ ነቲ ጴጥሮስ ዚብሃል ስምዖን ጸውዓዮ። 6. ንሱ ምስቲ ቘርበት ዜልፍዕ፥ ቤቱ ኣብ ገምገም ባሕሪ ዘላ ስምዖን፥ ጋሻ ኾይኑ ኣትዩ ኣሎ” በሎ። 7. እቲ ዚዛረቦ ዝነበረ መልኣኽ ምስ ከደ ኸኣ፥ ካብቶም ገላዉኡ ኽልተ፥ ካብቶም ዚሕልዉዎ ወተሃደራት ከኣ ሓደ ፍርሃት እግዚኣብሔር ዘለዎ ጸውዐ እሞ፥ 8. ነቲ ዝኾነ ነገራት ኣዘንትዩ ናብ ኢዮጴ ለኣኾም።

ስንክሳር Synaxarium

ቅዱስ ሚካኤል
ዮሐንስ አፈወርቅ
መስቀል
ወእስጢፋኖስ
ወያሬድ ወልደ መላልኤል
ወእስክንድር
ወፍልሰተ ዐጽሙ ለተክለ ሃይማኖት

መዝሙር Psalm

ኵሉ ትእዛዛትካ ሓቂ እዩ፣ ብዘይ ምኽንያት ይሰጉኒ ኣለዉ፣ ርድኣኒ። ካብ ምድሪ ኼጥፍኡኒ ቕሩብ ተረፎም፣ ኣነ ግና ትእዛዛትካ ኣይሐደግኩን።

በዐመፃ ሰደዱኒ ርድአኒ፤
ሕቀ ከመ ዘእምደምሰሱኒ ውስተ ምድር፤
ወአንሰ ኢኀደጉ ትእዛዘከ።

ወይ / ዓዲ

መዝ 34 ፡ 19 - 20 / መዝ ፴፫ : ፲፰ - ፲፱

ናይ ጻድቕ መከራ ብዙሕ እዩ፣ እግዚኣብሄር ግና ካብ ኵሉ የናግፎ። ንሱ ንዅለን ኣዕጽምቱ ይባልሄን፣ ሓንቲ እኳ ኣይትስበርን።

ብዙኅ ሕማሞሙ ለጻድቃን፤
ወእምኵሉ ያድኅኖሙ እግዚአብሔር፤
እግዚአብሔር የዐቅብ ኵሎ አዕጽምቲሆሙ።

ወንጌል Gospel

23. ካብዛ ዓዲ እዚኣ እንተ ሰጐጉኹም ናብ ካልእ ህደሙ፥ ወዲ ሰብ ክሳዕ ዚመጽእ፥ ከተማታት እስራኤል በጺሕኩም ከም ዘይትውድእወን ብሓቂ እብለኩም ኣሎኹ። 24. ካብ መምህሩ ዚዓቢ ተማሃራይ፥ ካብ ጐይትኡ ዚበልጽ ኣገልጋሊ የልቦን። 25. ተመሃራይ ከም መምህሩ፥ ኣገልጋሊ ከም ጐይትኡ እንተ ኾነ ይኣክል እዩ። ንብዓል ቤት ብኤል ዜቡል ካብ በልዎ ንቤተ ሰቡ ግዳ ክንደይ ኣዝዩ ብዙኅ ዘይብልዎም። 26. “እምበኣር ዘይግለጽ ክዱን ዘይፍለጥ ድማ ሥዉር የልቦን እሞ ኣይትፍርህዎም። 27. ብጸልማት ዝነገርኩኹም ብብርሃን ተዛረብዎ፥ ኣብ እዝንኹም እትሰምዕዎ ኸኣ ኣብ ልዕሊ ናሕሲ ዄንኩም ስበኽዎ። 28. ነቲ ነፍስን ሥጋን ኣብ ገሃነም ኬእቱ ዚከኣሎ ደኣ ፍርህዎ እምበር፥ ነቶም ንሥጋ ዚቐትሉ፥ ንነፍሲ ግና ኪቐትልዋ ዘይከኣሎም ኣይትፍርህዎም። 29. ክልተ ኣዕዋፍዶ ብሳንቲም ይሽየጣ ኣይኮናን፧ ሓንቲ እኳ ኻብኣተን ብዘይ ፍቓድ ኣቦኹም ኣብ ምድሪ ኣይትወድቕን እያ። 30. ንስኻትኩም ግና ፀጒሪ ርእስኹም ኵለን እኳ ቝጹራት እየን። 31. እምበኣርከስ ንስኻትኩም ካብ ብዙኃት ኣዕዋፍ ትበልጹ ኢኹም እሞ ኣይትፍር 32. “ኣብ ቅድሚ ሰብ ንዝተኣመነኒ ዅሉ ኣነ ኸኣ ኣብ ቅድሚ እቲ ኣብ ሰማያት ዘሎ ኣቦይ ክእመኖ እየ። 33. ኣብ ቅድሚ ሰብ ንዝኸሓደኒ ግና፥ ኣነ ድማ ኣብ ቅድሚ እቲ ኣብ ሰማያት ዘሎ ኣቦይ ክኽሕዶ እየ። 34. “ኣነ ናብ ምድሪ ሰላም ከውርድ ዝመጻእኩ ኣይምሰልኩም፥ ኲናት ደኣ እምበር ሰላም ከውርድ ኣይመጻእኩን። 35. ወዲ ኻብ ኣቦኡ፥ ጓል ካብ ኣዲኣ፥ መርዓት ካብ ሓማታ ኽፈላሊ እየ ዝመጻእኩ። 36. ንሰብ ከኣ ጸላእቱ ቤተ ሰቡ ኪኾኑ እዮም። 37. እቲ ነቦኡ ወይ ነዲኡ ካባይ ኣብሊጹ ዜፍቅር ንኣይ ኣይበቅዕን እዩ። ካባይ ንወዱ ወይ ንጓሉ ኣብሊጹ ዜፍቅርውን ንኣይ ኣይበቅዕን እዩ። 38. እቲ መስቀሉ ፀይሩ ደድኀረይ ዘይስዕብ ንኣይ ኣይበቅዕን እዩ። 39. ንሕይወቱ ዚረኽባ ኼጥፍኣ እዩ፥ ንሕይወቱ ምእንታይ ዜጥፍኣ ኸኣ ኪረኽባ እዩ። 40. “ንኣኻትኩም ዚቕበል ንኣይ ይቕበል፥ እቲ ንኣይ ዚቕበል ድማ ነቲ ዝለኣኸኒ ይቕበሎ። 41. ንነቢይ ብስም ነቢይ ዚቕበል ዓስቢ ነቢይ ይረክብ፥ እቲ ንጻድቕ ብስም ጻድቕ ዚቕበል ዓስቢ ጻድቕ ይረክብ። 42. ካብዞም ናእሽቱ ንሓደ እኳ ብስም ወደ መዝሙር ዝሑል ብርጭቆ ማይ ጥራይ ዜስቲ፥ ዓስቡ ከቶ ከም ዘይስእን ብሓቂ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣነ ብስምባደይ፣ ኵሉ ሰብ ሓሳዊ እዩ፣ በልኩ። ኣብ ክንዲ እቲ ሰናይ ዝገበረለይ ኵሉስ፣ ንእግዚኣብሄር እንታይ ውሬታ ኽመልሰሉ እየ፧ ጽዋእ ምድሓን ክወስድ፣ ስም እግዚኣብሄር ድማ ክጽውዕ እየ።

አንሰ እቤ እምግዕዝየ ኵሉ ሰብእ ሐሳዊ ውእቱ፤
ምንተኑ አዐሥዮ ለእግዚአብሔር በእንተ ኵሉ ዘገብረ ሊተ፤
ጽዋዐ ሕይወት እትሜጦ።

ወንጌል Gospel

15. ስምዖን ጴጥሮስ ከኣ ምስቲ ሓደ ኻልእ ወደ መዝሙር ኮይኑ ንኢየሱስ ስዓቦ። እቲ ኻልእ ወደ መዝሙር ኣብቲ ሊቀ ካህናት ፍሉጥ ስለ ዝነበረ፥ ምስ ኢየሱስ ናብ ገዛ ሊቀ ካህናት ኣተወ። 16. ጴጥሮስ ግና ብወፃኢ ኣብ ኣፍ ደገ ደው በለ። እቲ ኣብ ሊቀ ካህናት ፍሉጥ ዝነበረ ኻልእ ወደ መዝሙር ከኣ ወፀ እሞ ነታ ሓላዊት ማዕጾ ነጊሩ ንጴጥሮስ ኣእተዎ። 17. ሽዑ እታ ማዕጾ እትሕሉ ገረድ ንጴጥሮስ “ንስኻውንዶ ካብ ደቀ መዛሙርቲ እዚ ሰብኣይ እዚ ኢኻ፧” በለቶ። ንሱ ግና “ኣይኮንኩን” በለ። 18. ቊሪ ስለ ዝነበረ እቶም ገላዉን ኣገልገልትን ሓዊ ኣጒሂሮም ደው ኢሎም ይስሕኑ ነበሩ። ጴጥሮስውን ምስኣቶም ደው ኢሉ ይስሕን ነበረ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ነገስታት ምድሪ ይትንስኡ፣ መሳፍንቲ ኸኣ ሐቢሮም፣ ንመቓውሖም ንስበሮ፣ ንማእሰሪኦምውን ካባና ንደርብዮ፣ ኢሎም ኣብ እግዚኣብሄርን ኣብ መሲሁን ይመኽሩ።

ወተንሥኡ ነገሥተ ምድር፤
ወመላእክትኒ ተጋብኡ ምስሌሆሙ ኅቡረ፤
ላዕለ እግዚአብሔር ወላዕለ መሲሑ።

ወንጌል Gospel

33. ቀራንዮ ኣብ እትብሃል ሥፍራ ምስ በጽሑ ኣብኡ ሰቐልዎ፤ ነቶም ገበርቲ ኽፉእ ከኣ ሓደ ብየማኑ ሓደ ብጸጋሙ ሰቐልዎም። 34. ኢየሱስ ድማ፥ “ኦ ኣቦይ፥ ዚገብርዎ ኣይፈልጡን እዮም እሞ ኅደገሎም” በለ። ንኽዳውንቱ ኸኣ ዕጫ ኣውዲቖም ተማቐልዎ። 35. እቲ ሕዝቢ ደው ኢሉ ይርኢ ነበረ፤ እቶም ሹማምንቲውን “ንኻልኦት የድኅን ነበረ። ንሱ ክርስቶስ ናይ ኣምላኽ ኅሩይ እንተ ኾይኑስ ርእሱ የድኅን” እናበሉ የላግጹሉ ነበሩ። 36. - 37. እቶም ወተሃደራት ከኣ የላግጹሉ ነበሩ፤ ናብኡ ቐሪቦም ድማ፥ “ንስኻ ንጉሥ ኣይሁድ እንተ ዄንካስ ርእስኻ ኣድኅን” እናበሉ መጺጽ ሃብዎ። 38. ኣብ ልዕሊ ርእሱ ኸኣ፥ “እዚ ንጉሥ ኣይሁድ እዩ” ዚብል ጽሕፈት ነበረ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

11. ገሌኹምውን ከምኣቶም ኔርኩም ኢኹም። ግናኸ ብስም ጐይታና ኢየሱስ ክርስቶስን ብመንፈስ ኣምላኽናን፥ ተሓጺብኩምን ተቐዲስኩምን ጸዲቕኩምን ኢኹም። 12. ኵሉ ተፈቒዱለይ እዩ፥ ግናኸ ዅሉ ኣይጠቅምን እዩ። ኵሉ ተፈቒዱለይ እዩ፥ ኣነ ግና ናይ ሓደ ነገር እኳ ግዙእ ክኸውን ኣይደልን እየ። 13. ብልዒ ንኸብዲ፥ ከብዲ ኸኣ ንብልዒ እዩ፥ ኣምላኽ ግና ንኽልቲኦም ኬጥፍኦም እዩ። ሰብነት ንጐይታ፥ ጐይታውን ንሰብነት እዩ እምበር፥ ሰብነትሲ ንምንዝርና ኣይኮነን። 14. ኣምላኽ ድማ ከምቲ ንጐይታና ካብ ምውታት ዘተንሥኦ፥ ንኣናውን ብኃይሉ ኼተንሥኣና እዩ። 15. እቲ ሰብነትኩም ኣካል ክርስቶስ ምዃኑዶ ኣይትፈልጡን ኢኹም፧ እሞኸ ደኣ ንኣካል ክርስቶስ ወሲደ ኣካል ኣመንዝራ ኽገብሮዶ ይግባእ እዩ፧ ያእ ኣይፋለይን። 16. “እቶም ክልተ ሓደ ኣካል ኪኾኑ እዮም” ከም ዚብል፥ ምስ ኣመንዝራ ዝዘመወ ምስኣ ሓደ ኣካል ከም ዚኸውንዶ ኣይትፈልጡን ኢኹም፧ 17. እቲ ምስ ጐይታ ሓደ ዚኸውን ግና ምስኡ ሓደ መንፈስ እዩ። 18. ካብ ምንዝርና ህደሙ። ሰብ ዚገብሮ ኃጢኣት ኵሉ ካብ ሰብነቱ ወፃኢ እዩ ዚገብሮ፥ ዚምንዝር ግና ኣብ ገዛእ ሰብነቱ እዩ ዚኃጥእ። 19. ሰብነትኩም ቤት መቕደስ ናይቲ ካብ ኣምላኽ ዝተቐበልኩምዎ ኣብ ውሽጥኹም ዘሎ መንፈስ ቅዱስ ከም ዝኾነዶ ኣይትፈልጡን ኢኹም፧ እምበኣር ናይ ገዛእ ርእስኹም ኣይኮንኩምን። 20. ብዋጋ ኢኹም ዝተዓደግኩም፥ ስለዚ ንኣምላኽ ብሰብነትኩም ኣኽብርዎ።

ዘካልእ መልእክት Universal Epistle

8. እምበኣር ብስምምዕ ንበሩ። ተደናገጽቲ፥ ፍቕሪ ኣኅዋት ዘለዎም፥ ለዋሃትን ትሑታትን ኩኑ። 9. ኽፋእ ኣብ ክንዲ ኽፋእ፥ ጸርፊ ኣብ ክንዲ ጸርፊ ኣይትመለሱ፥ እኳ ደኣ መርቑ። ከመይ እግዚኣብሔር ምርቓ ኽትወርሱ እዩ ጸዊዑኩም። 10. ከምቲ ቕዱስ መጽሓፍ ዚብሎ “እቲ ሕይወት ዚፈቱ፥ ጽቡቓት መዓልትታት ኸኣ ኺርኢ ዚደሊ፥ ልሳኑ ኻብ ክፋእ፥ ከናፍሩውን ተንኰል ከይዛረባ ይኸልክል። 11. ካብ እከይ ይርሓቕ፥ ሠናይ ኸኣ ይግበር። ንሰላም ይድለያን ይስዓባን። 12. ኣዕይንቲ እግዚኣብሔር ናብ ጻድቃን እየን ዚርእያ። ኣእዛኑውን ናብ ጸሎቶም እየን። እግዚኣብሔር ግና ነቶም ገበርቲ እከይ ይፃረሮም እዩ።” 13. ንሠናይ ነገር ትጽዕቱ እንተ ዄንኩምከ መን እዩ ኺጐድኣኩም ዝኽእል፧ 14. ምእንቲ ጽድቂ ሓሳረ መከራ እንተ ጸገብኩም ግና ብፁዓን ኢኹም። ካብ ሰብ ኣይትፍርሁ፥ ብሓደ እኳ ኣይትሸበሩ።

ግብረ ሃዋርያት Acts

27. እተን ሾብዓተ መዓልቲ ኺውድኣ ምስ ቀረባ ኸኣ፥ ካብ ሃገር እስያ ዝመጹ ኣይሁድ፥ ንጳውሎስ ኣብ ቤት መቕደስ ረኣይዎ፥ ንዅሉ እቲ ሕዝቢ ኣነዓዒቦም ድማ ኃዝዎ። 28. “ኣቱም ሰብ እስራኤል፥ ንዑ ደግፉና፥ እቲ ኣብ ፍቕዳ ሃገር ምስ እዚ ሕዝቢ እዝን ምስ እዚ ሕጊ እዝን ምስ እዛ ስፍራ እዚኣን ዚጻረር ነገር ንዅሉ ሰብ ዚምህር ሰብኣይ እዚ እዩ፥ ኣብ ርእሲ እዚ ድማ ግሪኻውያን ናብዛ መቕደስ እዚኣ ኣእትዩ፥ ነዛ ቕድስቲ ስፍራ ኣርኪስዋ” እናበሉ ጨርሑ። 29. እዚ ዝበሉ ኸኣ ቅድም ንጥራፊሞስ ብዓል ኤፌሶን ምስኡ ኣብ ከተማ ርእዮምዎ ነበሩ እሞ፥ ጳውሎስ ኣብታ መቕደስ ዘእተዎ መሲልዎም እዩ። 30. ብዘላ እታ ኸተማ ኣዕገርገረት፥ እቲ ሕዝቢ ኸኣ ብሓንሳእ ይጐዪ ነበረ፥ ንጳውሎስ ኂዞም ካብ ቤት መቕደስ ስሒቦም ኣውፅእዎ፥ ብኡብኡውን ነቲ መዓጹ ቤት መቕደስ ሸጐርዎ። 31. ኪቐትልዎ ምስ ደለዩ ድማ ኢየሩሳሌም ብዘላ ኸም ዝተነዓዓበት ኣብቲ ሓለቓ ሽሕ ወረ በጽሐ። 32. ንሱ ኸኣ ወተሃደራትን ኣሕሉቕ ሚእትን ኂዙ ናብኣቶም ጐየየ። ኣይሁድ ከኣ ነቲ ሓለቓ ሽሕን ጭፍራኡን ምስ ረኣዩ፥ ንጳውሎስ ምዝባጡ ኃደጉ። 33. ድኅርዚ እቲ ሓለቓ ሽሕ ቀሪቡ ኣትኃዞ፥ ብኽልተ መቚሕ ኪኣስርዎ ኸኣ ኣዘዘ፥ መን ምዃኑን እንታይ ከም ዝገበረንውን ሓተተ። 34. እቶም ሕዝቢ ዓው ኢሎም ገሊኦም ከምዚ ገሊኦምውን ከምቲ ይብሉ ነበሩ። ብምኽንያት እቲ ጭራሕ ምራሕ ርግጹ ምፍላጥ ምስ ሰኣነ ኸኣ ናብ ሰፈር ወተሃደራት ኬብጽሕዎ ኣዘዘ።

ስንክሳር Synaxarium

አርሳንዮስ ዘእምሰብአ ሮሜ

መዝሙር Psalm

ነታ ፍትውቲ ሃገር ነዐቑ፣ ብቓሉውን ኣይአመኑን። አብ ድንኳናቶም ኣጕረምረሙ፣ ንድምጺ እግዚኣብሄር ከኣ ኣይሰምዕዎን።

ወኢተአመኑ በቃሉ፤
ወአንጐርጐሩ በውስተ ተዓይኒሆሙ፤
ወኢሰምዑ ቃለ እግዚአብሔር።

ወንጌል Gospel

12. ንሱ ኸኣ መሊሱ “ናይ ሰማይ ኣቦይ ዘይተኸሎ ዘበለ ኵሉ ተኽሊ ኪምንቈስ እዩ፥ 13. ኅደግዎም፥ ዕዉራት መራሕቲ ዕዉራት እዮም። ዕዉር ንዕዉር እንተ መርሖ ክልቲኦም ኣብ ጕድጓድ ይወድቁ” በሎም። 14. ጴጥሮስ ድማ “ነዚ ምስላ እዚ ግዳ ተርጕመልና” በሎ። 15. ኢየሱስ ከኣ “ንስኻትኩምውንዶ ገና ኣየስተውዓልኩምን፧ 16. እቲ ብኣፍ ዚኣቱ ዘበለ ናብ ከብዲ ኸም ዚኃልፍ እሞ ንግዳም ከም ዚወፅእዶ ኣይትፈልጡን ኢኹም፧ 17. እቲ ካብ ኣፍ ዚወፅእ ግና ኻብ ልቢ እዩ ዚመጽእ እሞ፥ ንሱ እዩ ንሰብ ዜርክሶ። 18. ካብ ልቢ ኽፉእ ሓሳብ፥ ቅትለት፥ ዝሙት፥ ምንዝርና፥ ስርቂ፥ ብሓሶት ምምስካር፥ ጸርፊ፥ ይወፅእ እዩ እሞ፥ 19. እዚ እዩ ንሰብ ዜርክሶ እምበር ብዘይተሓጽበ ኣእዳው ምብላዕሲ ንሰብ ኣየርክሶን እዩ” በሎም። 20. ኢየሱስ ካብኡ ወፂኡ ናብ ወሰን ምድሪ ጢሮስን ሲዶናን ኣልገሰ። 21. እንሆ ድማ ሓንቲ ከነኣናዊት ሰበይቲ ካብ ወሰናስን እቲ ምድሪ መጺኣ “ኦ ጐይታይ ወዲ ዳዊት! ንጓለይ ጋኔን ብኽፉእ ኂዝዋ ኣሎ እሞ ራኅርኃለይ” እናበለት ጨርሐት። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ናብቲ ሞሳ ዚግብኦ እግዚኣብሄር ተማህለልኩ እሞ፣ ካብ ጸላእተይ ደሐንኩ። መአሰር ሞት ከቢቡኒ፣ ወሓይዝ ብልያል ከኣ ሸቢሩኒ፣ መአሰር ሲኦል ከቢቡኒ፣ መፈንጠራታት ሞት በጺሑኒ ነይሩ።

ወበጽሐኒ መሣግረ ሞት፤
ሶበ ተመንደብኩ ጸዋዕክዎ ለእግዚአብሔር፤
ወጸራሕኩ ኀበ አምላኪየ።

ወንጌል Gospel

35. ቊሩብ ንቕድሚት ፍንትት ኢሉ ድማ፥ ዚከኣል እንተ ኾይኑስ እታ ሰዓት ካብኡ ኽትኃልፍ፥ ኣብ ምድሪ ተደፊኡ ጸለየ። 36. “ኣባ! ኣቦይ! ኵሉ ይከኣለካ እዩ። ነዛ ናይ መከራ ጽዋዕ እዚኣ ኻባይ ኣኅልፋ፥ እንተኾነ ፍቓድካ ደኣ እምበር ፍቓደይ ኣይኹን” በለ። 37. ተመሊሱ ኸኣ ደቂሶም ረኸቦም፥ ንጴጥሮስ ድማ “ስምዖን！ ደቂስካዶ፧ ሓንቲ ሰዓት እኳ ኽትነቅሕ ኣይኸኣለካን፧ 38. ናብ ፈተና ኸይትኣትዉ ንቕሑ፥ ጸልዩውን፥ መንፈስ ድልዊ እዩ፥ ሥጋ ግን ድኹም እዩ” በሎ። 39. ከይዱ ድማ ኸምቲ ቕድም ኢሉዎ ዝነበረ ቓል ደጊሙ ጸለየ። 40. ካልኣይ ምስ ተመልሰ ኸኣ ኣዕይንቶም ባዕዚዘን ነበራ እሞ ደቂሶም ረኸቦም፥ እንታይ ከም ዚምልስሉ ድማ ኣይፈልጡን ነበሩ። 41. ሣልሣይ ጊዜ መጺኡ ኸኣ፥ “ገናዶ ሕጂ ድማ ደቂስኩምን ኣዕሪፍኩምን ኣሎኹም፧ ደጊም ይኣክል፥ እታ ሰዓት በጺሓ እያ፥ እንሆ ንወዲ ሰብ ኣብ ኢድ ኃጥኣን ኣኅሊፎም ኪህብዎ እዮም። 42. ተንሥኡ ንኺድ፥ እቲ ዜትሕዘኒ፥ እነሆ ቐሪቡ እዩ” በሎም። እትሰምዕ እዝኒ ዘላቶ ይስማዕ!

መዝሙረ ዳዊት Psalm

እቶም ኣብ ኣደባባይ ዚርእዩኒ ኻባይ ይሀድሙ ኣለዉ። ከም ምዉት ካብ ልቢ ተረሲዔ፣ ከም ስቡር ኣቕሓ ዀይነ።

እለኒ ይሬእዩኒ አፍአ ይጐዩ እምኔየ፤
ቀብፁኒ እምልብ ከመ ዘሞተ፤
ወኮንኩ ከመ ንዋይ ዘተኀጕለ።

ወንጌል Gospel

66. ጴጥሮስ ኣብ ታሕቲ ኣብ ውሽጢ ቐጽሪ ኸሎ፥ ሓንቲ ካብተን ኣግራድ ሊቀ ካህናት መጸት። 67. ጴጥሮስ ሓዊ ኺስሕን ከሎ ምስ ረኣየቶ፥ ኣተኲራ እናጠመተቶ፥ “ንስኻውን ምስ ኢየሱስ ናዝራዊ ኔርካ” በለቶ። 68. ንሱ ግና “እዚ ንስኺ እትብልዮ ዘሎኺ ነገር ኣይፈልጦን፥ ኣይርዳኣንን እዩ” ኢሉ ኸሓደ፥ ካብ ቀጽሪ ኸኣ ናብ ኣፍደገ ወፀ፥ ደርሆውን ነቀወ። 69. እታ ገረድ ድማ ረኣየቶ፥ ነቶም ኣብ ጥቓኡ ደው ኢሎም ዝነበሩ ኸኣ “እዚ ኻብኣቶም እዩ” ኢላ ኻልኣይ ጊዜ ክትነግሮም ጀመርት። 70. ንሱ ኸኣ ደጊሙ ኸሓደ፥ እቶም ኣብኡ ደው ኢሎም ዝነበሩ ቝሩብ ጽንሕ ኢሎም ንጴጥሮስ “ንስኻ ካብ ገሊላ ስለ ዝኾንካ ብርግጽ ካብኣቶም ኢኻ፥ ኣዘራርባኻ የፍልጠካ ኣሎ” በልዎ። 71. ንሱ ግና “ነዚ እትብልዎ ዘሎኹም ሰብ ኣይፈልጦን እየ” እናበለ ኺምሕልን ንባዕሉ ኺረግምን ጀመረ። 72. ብኡብኡ ድማ ደርሆ ኻልኣይ ሳዕ ነቀወ። ጴጥሮስ ኸኣ ነቲ ኢየሱስ “ደርሆ ኽልተ ሳዕ ከይነቀወ፥ ሠለስተ ሳዕ ክትክሕደኒ ኢኻ” ዝበሎ ቓል ዘኪሩ ብእኡ እናስቈርቈረ ኣምሪሩ በኸየ። እትሰምዕ እዝኒ ዘላቶ ይስማዕ!

መልእክተ ጳውሎስ Pauline Epistle

1. ኣኅዋተየ፥ ኣነውን ናባኻትኩም ክመጽእ ከሎኹ፥ ምሥጢር ኣምላኽ ብኽእለት ዘረባ ወይ ብፍልስፍና ክሰብከልኩም ኣይመጻእኩን። 2. እዚ ኸኣ፥ ኣብ ማእከልኩም ከሎኹ፥ ብዘይካ ኢየሱስ ክርስቶስ፥ ንሱ ኸኣ እቲ ዝተሰቕለ እንተ ዘይኮይኑ፥ ኻልእ ከይፈልጥ ስለ ዝመደብኩ እየ። 3. ኣነ ኸኣ ብድኻምን ብፍርሃትን ብብዙኅ ምንቅጥቃጥን እየ ምሳኻትኩም ዝነበርኩ። 4. ቃለይን ስብከተይን ኃይሊ መንፈስ ቅዱስ ብዚህቦ ምርዳእ እምበር ብዜስድዕ ዘረባ ፍልስፍና ኣይነበረን። 5. እዚ ኸኣ እምነትኩም ኣብ ኃይሊ ኣምላኽ እምበር ኣብ ጥበብ ሰብ ምእንቲ ኸይምሥረት እዩ። 6. ኣብ ማእከል እቶም ብመንፈስ ብሱላት ዝኾኑ ግና ጥበብ ንዛረብ ኢና። እቲ እንዛረቦ ግና ጥበብ እዛ ዓለም እዚኣ ወይ ናይቶም በረስቲ ዝኾኑ ጥበብ ገዛእቲ እዛ ዓለም እዚኣ ኣይኮነን። 7. ንሕናስ፥ እቲ ኣምላኽ ቅድሚ ዘመናት ንኽብርና ዘዳለዎ ኅቡእን ምሥጢርን ዝኾነ ጥበብ ኣምላኽ ኢና ንዛረብ።

ዘካልእ መልእክት Universal Epistle

13. ኣብ ማእከልኩም ለባምን ኣስተውዓልንዶ ኣሎ፧ ብሠናይ ኣኻይዳኡን፥ ትሕትና ብዝመልኦ ጥበብን ገይሩ ግብሩ የርኢ። 14. መሪር ቅንእን ንኣይ ይጥዓመኒ ዚብል ስምዒትን ኣብ ልብኹም እንተ ኣሎኩም ኣይትመክሑ፥ ንሓቂውን ኣይትጻረርዋ። 15. እዛ “ጥበብ” እዚኣ ምድራዊትን ሥጋዊትን ሰይጣናዊት እያ እምበር፥ ካብ ሰማይ ዝወረደት ኣይኮነን። 16. ከመይ ኣብቲ ቕንእን ንኣይ ይጥዓመኒ ዚብል ስምዒትን ዘለዎ፥ ኣብኡ ምፍራስ ሥርዓትን ኵሉ እኩይ ግብርን ኣሎ። 17. እታ ኻብ ላዕሊ ዝኾነት ጥበብ ግና ቕድሚ ዅሉ ንጽሕቲ እያ። ደኃር ሰላማዊት፥ ሕያወይቲ፥ ሰማዕ፥ ምሕረትን ጽቡቕ ፍረን ዝመልአት፥ ሻርነትን ግብዝናን ዘይብላ እያ። 18. ብሰላም ዚዘርኡ ገበርቲ ሰላም ፍረ ጽድቂ ይዓጽዱ።

ግብረ ሃዋርያት Acts

31. ኪጽልዩ ኸለዉ ኸኣ እቲ ተኣኪቦሙሉ ዝነበሩ ሥፍራ ተናወጸ፥ ኵላቶም ከኣ መንፈስ ቅዱስ መልኡ፥ ቃል ኣምላኽውን ብትብዓት ተዛረቡ። 32. እቶም ዝኣመኑ ዅላቶም ሓደ ልብን ሓደ ሓሳብን ነበሩ፤ ብዅሉ ብርኪ ነበሩ እምበር፥ ሓደ እኳ ነቲ ገንዘቡ፥ “እዚ ናተይ እዩ፥” ዚብል ኣይነበሮምን። 33. ሓዋርያት ከኣ ብዛዕባ ትንሣኤ ጐይታና ኢየሱስ ብዓቢይ ኃይሊ ይምስክሩ ነበሩ፤ ኣብ ኵሎም ከኣ ዓቢይ ሞገስ ነበረ። 34. - 35. ኵላቶም መሬት ወይስ ኣባይቲ ዘለዎም ሸይጦም ዋጋ እቲ ዝተሸጠ ኣብ እግሪ ሓዋርያት ኣምጺኦም የቐምጥዎ ነበሩ፥ ንነፍስ ወከፍ ከኣ ከከም ዜድልዮ ይመቕልዎ ስለ ዝነበሩ ሓደ ሽጉር እኳ ኣይነበሮምን። 36. እንሆ ድማ ሓደ ብዓል ቆጵሮስ ዮሴፍ ዝስሙ ሌዋዊ፥ ሓዋርያት በርናባስ ዝብልዎ ነበረ፥ ትርጒሙ ኸኣ ወዲ ምጽንናዕ ማለት እዩ። 37. ነቲ ዝነበሮ ግራት ሸይጡ፥ ነቲ ዋግኡ ኣምጺኡ ንሓዋርያት ሃቦም።

ስንክሳር Synaxarium

ጳኲሚስ ሱታፌ መንፈሳውያን
ወአባ ሲማኮስ ሰማዕት ዘእምሀገረ ፈርማ

መዝሙር Psalm

ትሑታት ኪበልዑን ኪጸግቡን፣ ንእግዚኣብሄር ዚደልይዎ ኺውድስዎ እዮም፣ ልብኹም ንዘለአለም ብህይወት ኪነብር እዩ።

ይብልዑ ነዳያን ወይጽገቡ፤
ወይሴብሕዎ ለእግዚአብሔር ኵሎሙ እለ የኀሥሥዎ፤
ወየሐዩ ልቦሙ ለዓለመ ዓለም።

ወንጌል Gospel

5. ሽዑ ኢየሱስ ኣዕይንቱ ቋሕ ኣቢሉ፥ ብዙኅ ሕዝቢ ናብኡ ኺመጽእ ከሎ ርእዩ፥ ንፊልጶስ “እዚኣቶም ምእንቲ ኺበልዑስ እንጌራ ኻበይ ክንዕድግ ኢና፧” በሎ። 6. እዚ ዝበሎ ምእንቲ ኺዕዘቦ እዩ፥ ምኽንያቱ ነቲ ኺገብሮ ዘለዎ ባዕሉ ይፈልጦ ነበረ። 7. ፊልጶስ ከኣ “ናይ ክልተ ሚእቲ ዲናር እንጌራ እኳ ቈቊራስ ኣይምበጽሖምን” ኢሉ መለሰሉ። 8. ሓደ ካብቶም ደቀ መዛሙርቱ፥ እንድርያስ ኃው ስምኦን ጴጥሮስ፥ 9. “ኃሙሽተ ጐጎ ስገምን ክልተ ዓሣን ዘለዎ ሓደ ቘልዓ ኣብዚ ኣሎ ፣ እዚኣተን ግና ነዚ ኽንድዚ ዚኣክል ሰብ እንታይ ይጠቕማ፧” በሎ። 10. ኢየሱስ ከኣ “ነቶም ሕዝቢ ኮፍ ኣብልዎም” በለ። ኣብታ ቦታ እቲኣ ኸኣ ብዙኅ ሣዕሪ ነበረ። ሽዑ እቶም ሕዝቢ ተቐመጡ፥ ቊጽሮም ከኣ ኃሙሽተ ሽሕ ሰብኡት ኣቢሎም ነበሩ። 11. ኢየሱስ ነተን ጐጎታት ኣልዒሉ፥ ኣመስጊኑ ነቶም ዝተቐመጡ ሃቦም፥ ካብቲ ዓሣታት ከኣ ከምኡ ከከም ዚደልይዎ መቐሎም። 12. ምስ ጸገቡ ድማ ንደቀ መዛሙርቱ “ሓንቲ እኳ ኸይትጠፍእ፥ ነቲ ዝተረፈ ቚርስራስ ኣክብዎ” በሎም። 13. ስለዚውን ኣከብዎ፣ ተረፍ እቶም ካብተን ኃሙሽተ ጐጎ ስገም ዝበልዑ ኸኣ፥ ዓሠርተው ክልተ መሶብ ቊርስራስ መልኡ። 14. እቶም ሕዝቢ ኸኣ ነቲ ኢየሱስ ዝገበሮ ትእምርቲ ርእዮም “እዚ ብሓቂ እቲ ናብ ዓለም ኪመጽእ ዘለዎ ነቢይ እዩ” በሉ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ብዘረባኻ ጻድቕ፣ ብፍርድኻውን ንጹህ ኴንካ ኽትርከብሲ፣ ኣነ ንኣኻ ጥራይ በደልኩ፣ ኣብ ቅድሜኻ እከይ ገበርኩ። እንሆ፣ ብአበሳ ተወለድኩ፣ እኖይ ከኣ ብሓጢኣት ጠነሰትኒ።

ለከ ለባሕቲትከ አበስኩ ወእኩየኒ በቅድሜከ ገበርኩ፤
ከመ ትጽደቅ በነቢብከ ወትማዕ በኵነኔከ፤
እስመ ናሁ በኃጢአት ተፀነስኩ።

ወንጌል Gospel

69. ጴጥሮስ ኣብ ግዳም ኣብቲ ቐጽሪ ተቐሚጡ ኸሎ ሓንቲ ገረድ “ንስኻውን ምስ ኢየሱስ ገሊላዊ ኔርካ ኢኻ” እናበለት ናብኡ ቐረበት። 70. ንሱ ኸኣ “እዚ እትብልዮ ዘሎኺ ኣይፈልጦን እየ” እናበለ ኣብ ቅድሚ ዅሎም ከሓደ። 71. ናብቲ ኣንቀጽ ምስ ወፀ ኸኣ ሓንቲ ኻልእ ገረድ ረኣየቶ፥ ኣብኡ ንዝነብሩ ድማ “እዚ ምስ ኢየሱስ ናዝራዊ ነይሩ” በለቶም። 72. ንሱ ኸኣ “ነዚ ሰብ እዚ ኣይፈልጦን እየ” ኢሉ ከም ብሓድሽ ከሓደ፥ መሓለውን። 73. ድኅሪ ቚሩብ ጊዜ ድማ እቶም ደው ኢሎም ዝነበሩ ንጴጥሮስ “ንስኻ ብሓቂ ኻብኣቶም ኢኻ፥ ዘረባኻውን የፍልጠካ ኣሎ” በልዎ። 74. ሽዑ ንሱ “ነቲ ሰብ እቲ ኣይፈልጦን እየ” ኢሉ ኪምሕልን ንባዕሉ ኺረግምን ጀመረ። ብኡብኡ ኸኣ ደርሆ ነቀወ። 75. ጴጥሮስ ድማ ነቲ ኢየሱስ “ደርሆ ኸይነቀወ ሠለስተ ሳዕ ክትክሕደኒ ኢኻ” ዝበሎ ቓል ዘከረ። ናብ ደገ ኸይዱውን ኣምሪሩ በኸየ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

እግዚኣብሄር በደሉ ዘይጽብጽበሉ፣ ኣብ መንፈሱውን ልግሚ ዜብሉ ሰብ ብጹእ እዩ። ስቕ ኢለ ኸሎኹ፣ ምሉእ መዓልቲ ብምግዓረይ ኣዕጽምተይ ዘርጋሕጋሕ በለ።

ብፁዕ ብእሲ ዘኢኈለቈ ሎቱ እግዚአብሔር ኃጢአቶ፤
ወዘአልቦ ጽልሑተ ውስተ ልቡ፤
እስመ አርመምኩ በልያ አዕፅምትየ።

ወንጌል Gospel

44. ፊልጶስ ከኣ ብዓል ቤተ ሳይዳ፥ ወዲ ዓዶም ንእንድርያስን ጴጥሮስን እዩ። 45. ፊልጶስ ንናትናኤል ረኸቦ እሞ “እቲ ሙሴ ኣብ ሕጊ፥ ነቢያትውን ብዛዕባኡ ዝጸሓፉ፥ ኢየሱስ ወዲ ዮሴፍ ብዓል ናዝሬት ረኺብናዮ” በሎ። 46. ናትናኤል ድማ “ካብ ናዝሬትዶ ገለ ሠናይ ኪርከብ ይከኣል እዩ፧” በሎ። ፊልጶስውን “ንዓ ርአ” በሎ። 47. ኢየሱስ ንናትናኤል ናብኡ ኺመጽእ ከሎ ምስ ረኣዮ፥ ብዛዕባኡ “እንሆ ኽፍኣት ዘይብሉ ብሓቂ እስራኤላዊ” በለ። 48. ናትናኤል “ኣበይ ትፈልጠኒ፧” በሎ። ኢየሱስ ከኣ “ፊልጶስ ከይጸውዓካ ኣብ ትሕቲ ኦም በለስ ከሎኻ ርእየካ” ኢሉ መለሰሉ። 49. ናትናኤል ድማ “መምህር! ንስኻ ወዲ ኣምላኽ ኢኻ፥ ንስኻ ንጉሥ እስራኤል ኢኻ” ኢሉ መለሰሉ። 50. ኢየሱስ ድማ “ኣብ ትሕቲ በለስ ርእየካ ስለ ዝበልኩኻዶ ኣሚንካ፧ ካብዚ ዚዓቢ ነገር ክትርኢ ኢኻ” ኢሉ መለሰሉ። 51. ኣስዒቡ ኸኣ “ካብ ሕጂ ሰማይ ተኸፊቱ መላእኽቲ ኣምላኽውን ኣብ ልዕሊ ወዲ ሰብ ኪድይቡን ኪወርዱን ከም እትርእዩ፥ ብሓቂ፥ ብሓቂ እብለኩም ኣሎኹ” በሎ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

1. ካብ ጳውሎስ፥ ብፍቓድ ኣምላኽ ሓዋርያ ክርስቶስ ኢየሱስ ዝኾነን፥ ካብ ጢሞቴዎስ ኃውናን፥ ናብታ ኣብ ቆሮንቶስ ዘላ ቤተ ክርስቲያን ኣምላኽን ናብቶም ኣብ ኵላ ሃገር ኣካይያ ዘለዉ ዅሎም ኣመንትን። 2. ካብ እግዚኣብሔር ኣቦናን ካብ ጐይታና ኢየሱስ ክርስቶስን ጸጋን ሰላምን ንኣኻትኩም ይኹን። 3. እቲ ኣቦ ምሕረትን ኣምላኽ ኵሉ ምጽንናዕን ዝኾነ ኣምላኽ፥ ኣቦ ጐይታና ኢየሱስ ክርስቶስ ይመስገን። 4. በቲ ንርእስና ካብ ኣምላኽ እንጸናንዓሉ ምጽናዕ፥ ነቶም ኣብ ጸበባ ዘለዉ ዘበሉ ዅላቶም ከነጸናንዕ ምእንቲ ኺከኣለናስ፥ ብጸበባና ዘበለ ዜጸናንዓና ንሱ እዩ። 5. ከምቲ ሥቓይ ክርስቶስ ኣባና ዚበዝኅ ዘሎ፥ ከምኡ ድማ ምጽንናዕ ብክርስቶስ ኣባና ይበዝኅ ኣሎ። 6. ንሕና እንተ ተሳቔና ንስኻትኩም ምእንቲ ክትጸናንዑን ኽትድኅኑን እዩ፥ እንተ ተጸናናዕና ድማ ነቲ ስቓይና ብትዕግሥቲ ብምቕባል ምእንቲ ክትጸናንዑ እዩ። 7. ከምቲ ኣብ ስቓይና ተኻፈልቲ ዝኾንኩም፥ ኣብ ምጽንናዕናውን ከም እትካፈሉ ስለ እንፈልጥ፥ እታ ኣባኻትኩም ዘላትና ተስፋ ጽንዕቲ እያ። 8. ኣኅዋተየ፥ ኣብ እስያ ዝረኸበና ጸበባ ክንኃብኣልኩም ኣይንደልን ኢና። ካብ ዓቕምና ንላዕሊ ኣዝዩ ስለ ዝኸበደና ንሕይወትና ቀቢጽናያ ነበርና። 9. ንሞት ከም ዝተፈረድና ይስምዓና ነበረ፥ እዚ ኸኣ ኣብቲ ንምውታት ዜተንሥእ ኣምላኽ እምበር ኣብ ገዛእ ርእስና ምእንቲ ኸይንውከል እዩ።

ዘካልእ መልእክት Universal Epistle

17. ንስኻትኩም ግና ኣቱም ፍቁራተይ፥ ነቲ እቶም ሓዋርያት ጐይታና ኢየሱስ ክርስቶስ ኣቐዲሞም ዝተዛረብዎ ዘክሩ።18. ንሳቶም “ኣብቲ ዳኅራይ ዘመን፥ ብኽፋእ ትምኒቶም ዚምርሑ መላገጽቲ ኺትንስኡ እዮም።” እናበሉ ነጊሮሙኹም ነበሩ።19. እዚኣቶም ፍልልይ ዜምጽኡ፥ ብባህርያዊ ስምዒቶም ዚምርሑ፥ መንፈስ ቅዱስ ዘይብሎም ሰባት እዮም።20. ንስኻትኩም ግና፥ ኣቱም ፍቁራተይ፥ በታ ኻብ ኵሉ ዝተቐደሰት እምነትኩም ንርእስኹም እናሓነጽኩም፥ ብመንፈስ ቅዱስ ጸልዩ።21. ነቲ ናብ ሕይወት ዘለዓለም ዜብጽሕ ምሕረት ጐይታና ኢየሱስ ክርስቶስ እናተጸቤኹም ኸኣ ንርእስኹም ብፍቕሪ ኣምላኽ ሓልዉዋ።22. ንገሊኦም፥ ነቶም ዚጠራጠሩ፥ ኣረድእዎም።23. ንገሊኦም ካብ ሓዊ መንጢልኩም ኣናግፍዎም፥ ንገሊኦም ድማ ነቲ ብትምኒት ሥጋ ዝረኸሰ ኽዳን እናጸላእኩም፥ ንርእስኹም እናፈራህኩም ደንግጹሎም።24. ነቲ ኻብ ውድቀት ዘበለ ኺሕልወኩም፥ ሕጒሳትን ነውሪ ዘይብሎምን ገይሩ ኣብ ቅድሚ ኽብሩ ኬቑመኩም ዚከኣሎ፥25. ነቲ ብጐይታና፥ ብኢየሱስ ክርስቶስ፥ በይኑ መድኃኒና ዝኾነ ኣምላኽ፥ ቅድሚ ዅሉ ዘመናትን ሕጅን ንዘለዓለም ዓለምን ክብሪ፥ ግርማ፥ ኃይሊ፥ ሥልጣን ይኹኖ። ኣሜን።

ግብረ ሃዋርያት Acts

31. ኪቐትልዎ ምስ ደለዩ ድማ ኢየሩሳሌም ብዘላ ኸም ዝተነዓዓበት ኣብቲ ሓለቓ ሽሕ ወረ በጽሐ። 32. ንሱ ኸኣ ወተሃደራትን ኣሕሉቕ ሚእትን ኂዙ ናብኣቶም ጐየየ። ኣይሁድ ከኣ ነቲ ሓለቓ ሽሕን ጭፍራኡን ምስ ረኣዩ፥ ንጳውሎስ ምዝባጡ ኃደጉ። 33. ድኅርዚ እቲ ሓለቓ ሽሕ ቀሪቡ ኣትኃዞ፥ ብኽልተ መቚሕ ኪኣስርዎ ኸኣ ኣዘዘ፥ መን ምዃኑን እንታይ ከም ዝገበረንውን ሓተተ። 34. እቶም ሕዝቢ ዓው ኢሎም ገሊኦም ከምዚ ገሊኦምውን ከምቲ ይብሉ ነበሩ። ብምኽንያት እቲ ጭራሕ ምራሕ ርግጹ ምፍላጥ ምስ ሰኣነ ኸኣ ናብ ሰፈር ወተሃደራት ኬብጽሕዎ ኣዘዘ። 35. ጳውሎስ ኣብቲ መደያይቦ ምስ በጽሐ፥ እቲ ሕዝቢ ኣዝዩ ስለ ዝነደረ እቶም ወተሃደራት ተሰከምዎ። 36. “ንየው በሎ” ኢሉ እናጨደረ ድማ ብዙኅ ሕዝቢ ይስዕቦ ነበረ።

ስንክሳር Synaxarium

ስምዖን ሐዋርያ ዘይሰመይ ናትናኤል
ወ፬ወ፻ ሰማዕታት
ወሚናስ ዲያቆን

መዝሙር Psalm

ነፍሰይ ንምስክራትካ ሐለወቶ፣ ኣዝየውን ኤፍቅሮ ኣሎኹ። ኵሉ መገደይ አብ ቅድሜኻ እዩ እሞ፣ ትእዛዛትካን ምስክራትካን ሐሎኹ።

ዐቀበት ነፍስየ ስምዐከ፤
ወአፍቀረቶ ፈድፋደ፤
ዓቀብኩ ትእዛዘከ ወስምዐከኒ።

ወንጌል Gospel

18. “ኣነ ዘኽታማት ኴንኩም ክትተርፉ ኣይኃድገኩምን እየ፥ ናባኻትኩም ክምለስ እየ። 19. ደጊም ድኅሪ ቚሩብ ጊዜ ዓለም ኣይክትርእየንን እያ፤ ንስኻትኩም ግና፥ ከምቲ ኣነ ሕያው ዝኾንኩ ንስኻትኩምውን ብኣይ ሕያዋን ክትኮኑ ኢኹም እሞ፥ ኽትርእዩኒ ኢኹም። 20. በታ መዓልቲ እቲኣ ኣነ ኣብ ኣቦይ ንስኻትኩም ከኣ ኣባይ፥ ኣነውን ኣባኻትኩም ከም ዘሎኹ ኽትፈልጡ ኢኹም። 21. እቲ ንትእዛዛተይ ተቐቢሉ ዚሕልዎ ንሱ እዩ ዜፍቅረኒ፤ ነቲ ዜፍቅረኒ ድማ ኣቦይ የፍቅሮ እዩ፥ ኣነውን አፍቅሮ እየ፤ ርእሰይ ከኣ እገልጸሉ።” 22. ይሁዳ ድማ፥ እቲ ኣስቆሮታዊ ዘይኮነስ እቲ ሓደ፥ “ጐይታይ! እቲ ርእስኻ ንዓለም ዘይኮነ ንኣና እትገልጸሉ እንታይ እዩ፧” በሎ። 23. ኢየሱስ ድማ ኸምዚ ኢሉ መለሰሉ፦ “እቲ ዜፍቅረኒ ቃለይ ኪሕሉ እዩ፥ ኣቦይ ከኣ ኬፍቅሮ እዩ፥ ናብኡ መጺእና ድማ ኣብኡ ማኅደር ክንገብር ኢና። 24. እቲ ዘየፍቅረኒ ግና ንቓለይ ኣይሕልዎን እዩ። እዚ እትሰምዕዎ ዘሎኹም ቃል ከኣ ናይቲ ዝለኣኸኒ ኣቦ እዩ እምበር ናተይ ኣይኮነን። 25. “ገና ምሳኻትኩም ከሎኹ እዚ ነገራት እዚ ነገርኩኹም። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ንንብዓተይ ኣብ ጭልፎኻ አከብካዮ፣ ኣብ መጽሓፍካዶ ኣይተጻሕፈን፧ በታ ዘእውየላ መዓልቲ ጸላእተይ ንድሕሪት ኪምለሱ እዮም።

ወአንበርኩ አንብዕየ ቅድሜከ በከመ አዘዝከ፤
ለይግብኡ ፀርየ ድኅሬሆሙ፤
አመ ዕለተ እጼውዓከ።

ወንጌል Gospel

3. ሽዑ ጴጥሮስን እቲ ኻልእ ወደ መዝሙርን ወፁ፥ ናብቲ መቓብርውን ከዱ። 4. ክልቲኦም ብሓንሳብ ጐየዩ እሞ፥ እቲ ኻልእ ወደ መዝሙር ንጴጥሮስ ቀደሞ፥ ኣብቲ መቓብርውን ቅድም በጽሐ። 5. ደኒኑ እንተ ጠመተ ኸኣ ኣብኡ እቲ መግነዝ ረኣየ፥ ግናኸ ኣይኣተወን። 6. ሽዑ ስምዖን ጴጥሮስ ደድኅሪኡ መጺኡ ናብቲ መቓብር ኣተወ፥ ነቲ መግነዝውን ተነቢሩ ረኣዮ። 7. እቲ ኣብ ርእሱ ዝነበረ መኣረምያ ኸኣ፥ ንበይኑ ተጠቕሊሉ ነበረ እምበር፥ ምስቲ መግነዝ ኣይነበረን። 8. ሽዑ እቲ ቕድም ናብቲ መቓብር ዝመጸ ኻልእ ወደ መዝሙር ኣተወ፥ ርእዩ ድማ ኣመነ። 9. ምኽንያቱ ነቲ “ካብ ምውታት ኪትንሥእ ይግብኦ እዩ” ዚብል ጽሑፍ ኣየስተውዓልዎን ነበሩ። 10. ሽዑ እቶም ደቀ መዛሙርቱ ናብ ቤቶም ተመልሱ። ብወልድ ዝአምን ናይ ዘልኣለም ሕይወት ኣለዎ።