መዝሙረ ዳዊት Psalm

መሰረታት እንድሕሪ ፈሪሱ ደአ፣ እቲ ጻድቕ እንታይ ኪገብር ይከአሎ፧ እግዚኣብሄር ኣብ ቅድስቲ መቕደሱ እዩ።

እስመ ናሁ ዘአንተ ሠራዕከ እሙንቱ ነሠቱ፤
ወጻድቅሰ ምንተ ገብረ፤
እግዚአብሔር ውስተ ጽርሐ መቅደሱ።

ወንጌል Gospel

42. ምስዚ ዅሉ ካብ መኳንንቲውን ብዙኃት ብእኡ ኣመኑ፥ እንተኾነ ፈሪሳውያን ካብ ቤት ጸሎቶም ከይሰጒዎም ስለ ዝፈርሁ እምነቶም ኣየግሃዱን። 43. እዚ ኸኣ ካብ ክብሪ ኣምላኽ ክብሪ ሰብ ስለ ዝመረጹ እዩ። 44. ኢየሱስ ግና ዓው ኢሉ ኸምዚ በለ፦ “እቲ ብኣይ ዚኣምን ዘበለ በቲ ዝለኣኸኒ እዩ እምበር ብኣይ ኣይኮነን ዚኣምን። 45. እቲ ንኣይ ዚርኢ ነቲ ዝለኣኸኒውን ይርእዮ እየ። 46. እቲ ብኣይ ዚኣምን ዘበለ ኣብ ጸልማት ምእንቲ ኸይነብር፥ ኣነ ብርሃን ኮይነ ናብ ዓለም መጺአ ኣሎኹ። 47. እቲ ንቓለይ ሰሚዑ ዘይሕልዎ ኣነ ኣይኮንኩን ዝፈርዶ፤ ምኽንያቱ ኣነ ንዓለም ከድኅን ደኣ እምበር ንዓለም ክፈርድ ኣይመጻእኩን። 48. ነቲ ነኣይ ዚኣቢ ንቓለይውን ዘይቅበል ዚፈርዶ ኣሎ፤ እዚ ኣነ ዝዛረቦ ዘሎኹ ቓል፥ ንሱ በታ ዳኅረይቲ መዓልቲ ኺፈርዶ እዩ። 49. ምኽንያቱ ኣነ እቲ ዝለኣኸኒ ኣቦ ባዕሉ እንታይ ከም ዝብልን እንታይ ከም ዝዛረብን ዝኣዘዘኒ እየ ዝዛረብ ዘሎኹ እምበር፥ ካብ ርእሰይ ኣይኮነኩን ። 50. እቲ ትእዛዙ ኸኣ ናይ ዘለዓለም ሕይወት ከም ዝኾነ እፈልጥ እየ፤ ስለዚ እዚ ዝዛረቦ ኸምቲ ኣቦ ዝነገረኒ ገይረ እየ ዝዛረቦ ዘሎኹ።” ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

21. ያዕቆብ ኪመውት ከሎ፥ ንደቂ ዮሴፍ ንነፍሲ ወከፎም ብእምነት መረቖም ኣብ ጫፍ በትሩ ተመርኲሱ ኸኣ ንኣምላኽ ሰገደ። 22. ዮሴፍ ኣብ ኣጋ ሞቱ ደቂ እስራኤል ካብ ግብጺ ኸም ዝወጹ ብእምነት ኣዘከረ፥ ብዛዕባ ኣስከሬኑውን ትእዛዝ ሃበ። 23. ሙሴ ምስ ተወልደ፥ ወለዱ ጽቡቕ ሕፃን ምዃኑ ርእዮም፥ ኣዋጅ እቲ ንጉሥ ከይፈርሁ ብእምነት ንሠለስተ ወርኂ ኃብእዎ። ሙሴ ምስ ዓበየ ወዲ ጓል ፈርዖን ከይበሃል ብእምነት ኣበየ። 24. ንጊዜኡ ብኃጢኣት ባህ ካብ ዚብሎስ ምስ ሕዝቢ ኣምላኽ መከራ ኺጸግብ ኃረየ። 25. ናብቲ ዓስቢ ኣማዕድዩ ስለ ዝጠመተ ካብ ሃብቲ ግብጽስ ምእንቲ መሲሕ ውርደት ምቕባል ብዙኅ ሃብቲ ገይሩ ቘጸሮ። 26. ነቲ ዘይርአ ስለ ዝረኣየ ጸነዐ፥ ንዂራ ንጉሥ ከይፈረሀ ድማ ብእምነት ንግብጺ ኃደጋ። 27. እቲ በዂሪ ዚቐዝፍ ዝነበረ መልኣከ ሞት ምእንቲ ኸይቀርቦም፥ ብእምነት ናይ ፋሲካን ምንጻግ ደምን ሥርዓትን ገበረ። 28. ደቂ እስራኤል ንባሕሪ ኤርትራ ከም ብንቑጽ ምድሪ ገይሮም ብእምነት ተሳገርዋ፥ ግብጻውያን ግና ኸምኡ ኺገብሩ ምስ ፈተኑ ተዋሒጦም ተረፉ። 29. ቀጽሪ ኢያሪኮ ሾብዓተ መዓልቲ ምስ ዞርዎ ብእምነት ወደቐ። 30. ረኣብ እታ ኣመንዝራ፥ ብእምነት፥ ነቶም ሰለይቲ ብሰላም ስለ ዝተቐበለቶም፥ ምስቶም ዘይእዙዛት ኣይጠፈአትን። 31. እንታይ እሞ ኽብለኩም እየ፥ ብዛዕባ እኒ ጌዴዎን፥ እኒ ባርቕ፥ እኒ ሶምሶን፥ እኒ ዮፍታሔ፥ እኒ ዳዊት፥ እኒ ሳሙኤል፥ ከምኡውን ብዛዕባ ነብያት ከየዘንትወልኩም ጊዜ የብለይን።

ዘካልእ መልእክት Universal Epistle

7. ናይ ዅሉ ነገር መወዳእታ ቐሪቡ እዩ፥ ስለዚ ጸሊኹም ምእንቲ ኽትክእሉ፥ ገዛእ ርእሶም ዝገትኡን ጥንቁቓትን ኩኑ። 8. ፍቕሪ ብዙኅ ኃጢኣት ትኸድን እያ እሞ ቕድሚ ዅሉ ንሓድሕድኩም ብምሉእ ልቢ ተፋቐሩ። 9. ብዘይ ምዕዝምዛም ተቐበልቲ ጋሻ ኹኑ። 10. ናይቲ ብዙኅ ዝዓይነቱ ጸጋ ኣምላኽ እሙናት ኣገልገልቲ ብምዃን፥ ነፍስ ወከፍኩም ከምቲ ዝተቐበልኩምዎ ውህበት ጸጋ ጌርኩም ንሓድሕድኩም ኣገልግሉ። 11. እቲ ዝሰብኽ ቃል ኣምላኽ ይስበኽ፥ እቲ ዜገልግል በቲ ኣምላኽ ዝሃቦ ኃይሊ የገልግል፥ እዚ ኸኣ ኣምላኽ ብኢየሱስ ክርስቶስ ብዅሉ ነገር ምእንቲ ኪምስገን እዩ። ክብርን ሥልጣንን ንዘለዓለም ዓለም ንእኡ ይኹኖ። ኣሜን።

ግብረ ሃዋርያት Acts

9. “እቶም ኣቦታት ነገደ እስራኤል ድማ ንዮሴፍ ስለ ዝቐንኡሉ ናብ ግብጺ ሸጥዎ፤ ኣምላኽ ግና ምስኡ ነበረ። 10. ካብ ኵሉ ጸበባኡ ኸኣ ኣርሃወሉ፥ ኣብ ቅድሚ ፈርዖን ንጉሥ ግብጺ ድማ ሞገስን ጥበብን ሃቦ፤ ንሱውን ኣብ ግብጽን ኣብ ኵሉ ቤቱን ኣዛዚ ገይሩ ሸሞ። 11. ኣብ ኵሉ ግብጽን ከነኣንን ከኣ ጥሜትን ብዙኅ ጸበባን ኮነ፥ ኣቦታትና ድማ ዚምገብዎ ሰኣኑ። 12. ሽዑ ያዕቆብ ኣብ ግብጺ እኽሊ ኸም ዚርከብ ምስ ሰምዐ ነቦታትና ንመጀመርታ ጊዜ ለኣኾም። 13. ኣብ ካልኣይ መገዶም ከኣ ዮሴፍ ነኅዋቱ መን ከም ዝኾነ ነገሮም። ዓሌቱውን ብፈርዖን ተፈልጠ። 14. ዮሴፍ ከኣ ነቦኡ ያዕቆብን ነቶም ሰብዓን ኃሙሽተን ዚኾኑ ዅሎም ኣዝማዱን ልኢኹ ጸውዖም። 15. ያዕቆብ ድማ ናብ ግብጺ ወረደ፥ ንሱ ሞተ፥ ኣቦታትናውን ሞቱ። 16. ናብ ሰኬም ኣግዓዝዎም፥ ኣብቲ ኣብርሃም ካብ ደቂ ኤሞር ብወርቂ ዝዓደጎ መቓብር ኣብ ሰኬም ድማ ቀበርዎም። 17. - 18. ኣምላኽ ንኣብርሃም ብማሕላ ዝሃቦ ዘመን ተስፋ ምስ ቀረበ፥ ኣብ ግብጺ ኸኣ ንዮሴፍ ዘይፈልጥ ካልእ ንጉሥ ክሳዕ ዚነግሠሉ፥ እቲ ሕዝቢ ኣብ ግብጺ እናበዝኀን እናሰሰነን ከደ። 19. እዚ ንጉሥ እዚ እቶም ሕፃናቶም ብሕይወት ምእንቲ ኸይነብሩ፥ ኣብ ልዕሊ ዓሌትና ብተንኰል ተላዒሉ፥ ነቦታትና ክሳብ ናብ ምድርባይ ደቆም ዚበጽሑ ገፍዖም። 20. ሙሴ ድማ በዚ ዘመን እቲ ተወልደ፥ ኣብ ቅድሚ ኣምላኽውን ምልኩዕ ነበረ፤ ሠለስተ ወርኂ ድማ ኣብ ቤት ኣቡኡ ጸንሐ። 21. ምስ ተደርበየ ግና ጓል ፈርዖን ኣልዒላ ወዳ ኺኸውን ኣዕበየቶ። 22. ሙሴ ድማ ኵሉ ጥበብ ግብጻውያን ተማህረ፥ ብቓሉን ብግብሩን ከኣ ኃያል ነበረ።

ስንክሳር Synaxarium

ቅዳሴ ቤቱ ለለውንትዮስ
ወቶማስ
ወቆዝሞስ
ወዮሴፍ
ወቶማስ፡ ወቆዝሞስ፡ ወዮሴፍ፡ ወቢራሞን

መዝሙር Psalm

ንመሳፍንቱ ኸም ፍቓዱ ኺአስሮም፣ ንሽማግሌታቱ ኸኣ ጥበብ ኪምህሮም፣ ጐይታ ቤቱን ኣዛዝ ኵሉ ጥሪቱን ገበሮ።

ወሤሞ መልአከ አሕዛብ፤
ወረሰዮ እግዚአ ለቤቱ፤
ወአኰነኖ ላዕለ ኵሉ ጥሪቱ።

ወንጌል Gospel

45. “እቲ በብጊዜኡ ምግቦም ኪህቦም ኢሉ፥ ጐይትኡ ኣብ ልዕሊ ስድራ ቤቱ ዝሸሞ እሙንን ለባምን ኣገልጋሊ መን እዩ፧ 46. እቲ ጐይትኡ ምስ መጸ፥ ኸምዚ ኺገብር ዚረኽቦ ኣገልጋሊ፥ ብፁዕ እዩ። 47. ኣብ ልዕሊ ምሉእ ገንዘቡ ኸም ዝሸሞ ብሓቂ እብለኩም ኣሎኹ። 48. እቲ እኩይ ኣገልጋሊ ግና ብልቡ ጐይታይ ኪድንጕ እዩ ኢሉ፥ 49. ነቶም ብጾቱ ኣገልገልቲ ኪወቕዖም ይጅምር፥ ምስ ሰኽራማት ድማ ይበልዕን ይሰትን። 50. ጐይታ እቲ ኣገልጋሊ ብዘይ ተጸበያ መዓልትን ብዘይ ፈለጣ ሰዓትን መጺኡ፥ 51. ብዜሰቅቕ ሞት ይቐጽዖ፥ ዕድሉ ኸኣ ምስ ግቡዛት ይገብሮ፥ ኣብኡ ድማ ብኽያትን ምሕርቃም ኣስናንን ይኸውን።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ፍልጠት ንሰብ ዚምህር ኣይግስጽንዶ እዩ፧ እግዚኣብሄር ንሓሳባት ሰብ ከንቱ ምዃኑ ይፈልጦ እዩ። ዎ እግዚኣብሄር፣ ጐድጓድ ንረሲእ ክሳዕ ዚኵዐት፣ እቲ ኻብ መዓልቲ መከራ ኸተህድኦ ኢልካ፣ እትቐጽዖን ብሕግኻ እትምህሮን ሰብ ብጹእ እዩ።

ዘይሜህሮሙ ለሰብእ ጥበበ፤
እግዚአብሔር የአምር ሕሊናሆሙ ለጠቢባን ከመ ከንቱ ውእቱ፤
ብፁዕ ብእሲ ዘአንተ ገሠፅኮ እግዚኦ።

ወንጌል Gospel

17. ኢየሱስ ካብታ እዋን እቲኣ፥ “መንግሥተ ሰማያት ቀሪባ እያ እሞ ተንስሑ” እናበለ ኪሰብኽ ጀመረ። 18. ኣብ ጥቓ ባሕሪ ገሊላ ኺመላለስ ከሎ፥ ገፈፍቲ ዓሣ ዝነበሩ ኽልተ ኣኅዋት፥ ጴጥሮስ ዝተባህለ ስምዖንን እንድርያስ ኃዉን ብመርበብ ዓሣ ኺገፉ ረኣየ። 19. ኢየሱስ ከኣ “ኣነ ገፈፍቲ ሰብ ክገብረኩም እየ፥ ንዑ ስዓቡኒ” በሎም። 20. ብኡብኡ ድማ መርበቦም ኃዲጎም ሰዓብዎ። 21. ካብኡ ኃሊፉ ኻልኦት ክልተ ኣኅዋት፥ ያዕቆብ ወዲ ዘብዴዎስን ዮሓንስ ኃዉን፥ ምስ ዘብዴዎስ ኣቦኦም፥ መርበቦም ኣብ ጃልባ ኬተዓራርዩ ርእዩ ጸውዖም። 22. ንሳቶም ከኣ ነታ ጃልባን ኣቦኦምን ኃዲጎም ብኡብኡ ሰዓብዎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ንሲሳያ ኣጸቢቐ ኽባርኾ፣ ንድኻታታ እንጌራ ኸጽግቦም እየ። ንኻህናታ ምድሓን ከልብሶም እየ፣ ቅዱሳና ኸኣ ብሓጐስ እልል ኪብሉ እዮም።

ወለነዳያኒሃኒ አጸግቦሙ እክለ፤
ወለካህናቲሃኒ አለብሶሙ ሕይወተ፤
ወጻድቃኒሃኒ ትፍሥሕተ ይትፌሥሑ።

ወንጌል Gospel

34. ኢየሱስ ከኣ “ኣብ ሕግኹም ‘ኣነ፥ ኣማልኽቲ ኢኹም፥ በልኩ' ዚብል ጽሑፍዶ የልቦን እዩ፧ 35. እቲ ጽሑፍ ኪሰዓር ኣይከኣልን እዩ፥ ነቶም ቃል ኣምላኽ ዝመጸሎም 'ኣማልኽቲ’ ካብ ዚብሎም፥ 36. ነቲ ኣቦ ዝቐደሶ ናብ ዓለምውን ዝለኣኾ ደኣ ‘ወዲ ኣምላኽ እየ' ስለ ዝበልኩኹም፥ ከመይ ኢልኩም ‘ትጻረፍ ኣሎኻ’ ትብሉኒ ኣሎኹም፧ 37. ግብሪ ኣቦይ እንተ ዘይገበርኩ ኣይትእመኑኒ። 38. ዝገብሮ እንተ ደኣ ኾይነ ግና፥ ንኣይ እኳ እንተ ዘይኣመንኩም፥ ኣቦ ኣባይ ምህላዉ ኣነውን ኣብ ኣቦ ምህላወይ ምእንቲ ኣረጋጊጽኩም ክትፈልጡ ነቲ ግብረይ እመንዎ” እናበለ መለሰሎም። 39. መሊሶም ድማ ኺኅዝዎ ደለዩ፥ ንሱ ግና ኻብ ኣእዳዎም መለቘ። 40. ከም ብሓዱሽ ናብታ ዮሓንስ ቀደም ዜጥምቐላ ዝነበረ ስፍራ ናብ ማዕዶ ዮርዳኖስ ከደ፤ ኣብኣውን ተቐመጠ። 41. ብዙኃት ድማ ናብኡ መጺኦም “ዮሓንስ ሓንቲ ተኣምራት እኳ ኣይገበረን፥ እቲ ዮሓንስ ብዛዕባ እዚ ሰብ እዚ ዝተዛረቦ ግና ሓቂ እዩ” በሉ። 42. ኣብኣውን ብዙኃት ብእኡ ኣመኑ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

29. ነብያት ክልተ ወይስ ሠለስተ ኾይኖም ይዛረቡ፥ እቶም ካልኦት ድማ ይመርምሩ። 30. ካብቶም ተቐሚጦም ዘለዉ ንሓደ ራእይ እንተ ተገልጸሉ ግና እቲ ቐዳማይ ስቕ ይበል። 31. ኲላቶም ምእንቲ ኺምሃሩ፥ ኲላቶምውን ምእንቲ ኺተባብዑስ፥ ኲላትኩም በብሓደ ኽትንበዩ ትኽእሉ ኢኹም። 32. እቶም መናፍስቲ ነብያት ነቶም ነብያት ይግዝእዎም እዮም። 33. ከመይ ኣምላኽ ናይ ሰላም እምበር፥ ናይ ዝርግርግ ኣምላኽ ኣይኮነን። ከምቲ ኣብ ኲለን ኣብያተ ክርስቲያን ኣመንቲ ዚግበር ዘሎ፥ 34. ኣንስቲ ኣብ ቤተ ክርስቲያን ኪዛረባ ፍቓድ የብለንን እሞ ስቕ ይበላ። ግናኸ ኸምቲ ሕጊ ሙሴ ዚብሎ ይተኣዘዛ። 35. ገለ ኺምሃራ እንተ ደለያ ኸኣ ኣብ ቤት ንሰብኡተን ይሕተታ፥ ከመይ ንሰበይቲ ኣብ ቤተ ክርስቲያን ምዝራብ ነውሪ እዩ። 36. ቃል ኣምላኽ ካባኻትኩም ድዩ ወፂኡ፧ ወይ ኣባኻትኩም ጥራይ ድዩ በጺሑ፧ 37. ሓደ “ኣነ ነቢይ እየ” ወይ “መንፈሳዊ ውህበት ኣሎኒ” ዚብል እንተሎ፥ እዚ ዝጽሕፈልኩም ዘሎኹ ትእዛዝ እግዚኣብሔር ምዃኑ ይፍለጥ። 38. ነቲ ኺፈልጥ ዘይደሊ ግና ከም ዘይናትኩም ቊጸርዎ። 39. ስለዚ፥ ኣኅዋተይ፥ ክትንበዩ ሃረር በሉ፥ ብቛንቋታት ምዝራብ ድማ ኣይትኸልክሉ፥ 40. እንተኾነ ዅሉ ብሥርዓትን ብኣገባብን ደኣ ይኹን።

ዘካልእ መልእክት Universal Epistle

12. ኣብ ርእሲ እዚ፥ ኣኅዋተይ፥ ኣይትምሓሉ። ብምድሪ ኾነ ብሰማይ ወይ ብኻልእ ነገር ኣይትምሓሉ፤ ኣብ ትሕቲ ፍርዲ እግዚኣብሔር ከይትወድቁ ድማ እቲ እወኹም እወ፥ እቲ ኣይኮነን ዝበልኩምዎ ኸኣ ኣይኮነን ይኹን። 13. ኣብ ማእከልኩም ዝጸበቦ እንተሎ ይጸሊ። ሕጉስ እንተሎ ይዘምር። 14. ኣብ ማእከልኩም ዝሓመመ እንተሎ ንመራሕቲ ቤት ክርስቲያን ይጸውዕ፥ ንሳቶም ከኣ ብስም ጐይታ ብዘይቲ እናቐብኡ ይጸልዩሉ። 15. እታ ብእምነት ዝተገብረት ጸሎት ድማ ነቲ ሕሙም ከተሕውዮ እያ። ጐይታውን ኬተንሥኦ እዩ። ኃጢኣት ገይሩ እንተ ኾይኑውን ኪኅደገሉ እዩ። 16. እምበኣርሲ ምእንቲ ኽትሓውዩ ንሓድሕድኩም ኃጢኣትኩም ተናዘዙ፥ ምእንቲ ንሓድሕድኩምዉን ጸልዩ። ጸሎት ጻድቕ ብግብራ ብዙኅ ተስልጥ እያ።

ግብረ ሃዋርያት Acts

24. ቅድሚ ምምጻኡውን ዮሓንስ ንዅሉ ሕዝቢ እስራኤል ንንስሓ ዚኸውን ጥምቀት ሰበኸ። 25. ዮሓንስ ከኣ መልእኽቱ ምስ ፈጸመ፥ ‘ኣነ መን ይመስለኩም፧ ኣነስ ንሱ ኣይኮንኩን፤ እቲ ኣነ ኣሣእኑ ካብ ኣእጋሩ ንምውፃእ ዘይበቅዕ፥ እንሆ ንሱ ብድኅረይ ይመጽእ ኣሎ’ በለ። 26. ኣቱም ኣኅዋትና፥ ደቂ ዓሌት ኣብርሃምን ኣብ ማእከሎም ዘሎኹም ንኣምላኽ እትፈርሁን እዚ ቓል ምድኃን እዚ ናባና እዩ ዝተላእከ። 27. እቶም ኣብ ኢየሩሳሌም ዚነብሩን መኳንንቶምን ንኢየሱስ ኣይፈለጥዎን፤ እቲ በብሰንበት ዜንብብዎ ቓል ነቢያት ምእንቲ ኺፍጸም ከኣ ንሞት ፈረድዎ። 28. ናብ ሞት ዜብጽሕ ምኽንያት እንተ ዘይረኸቡሉ እኳ፥ ኪቐትሎ ንጲላጦስ ደኣ ለመንዎ። 29. ነቲ ብዛዕባኡ ዝተጻሕፈ ዘበለ ምስ ፈጸሙ ኸኣ፥ ካብ መስቀል ኣውሪዶም ናብ መቓብር ኣእተውዎ። 30. ኣምላኽ ግና ካብ ምዉታት ኣተንሥኦ። 31. ነቶም ካብ ገሊላ ናብ ኢየሩሳሌም ምስኡ ዝደየቡ፥ ሕጂ ኸኣ ኣብ ቅድሚ ሕዝብና ምስክሩ ኾይኖም ዘለዉ፥ ብዙኅ መዓልቲ ተራእዮም።

ስንክሳር Synaxarium

አስተርእዮተ ሥጋሆሙ ለቅዱስ ዮሐንስ መጥምቅ ወለኤልሳዕ ነቢይ
ወበዓለ ሰዊት አው ዝአዊት
ወቄርሎስ
ወአኬልጥስ
ወቀውስጦስ

መዝሙር Psalm

አብ ቤትካ ዚነብሩ ብጹኣን እዮም፣ ኵሉ ጊዜ ይውድሱኻ። ሓይሎም ብኣኻ ዝዀነ፣ ብልቦም ንመገድኻ ዚሐስቡ ሰባት ብጹኣን እዮም።

ብፁዓን ኵሎሙ እለ ይነብሩ ውስተ ቤትከ፤
ወለዓለመ ዓለም ይሴብሑከ፤
ብፁዕ ብእሲ ዘእምኀቤከ ረድኤቱ እግዚኦ።

ወንጌል Gospel

24. እቶም ልኡኻት ዮሓንስ ምስ ከዱ፥ ኢየሱስ ነቶም ሕዝቢ ብዛዕባ ዮሓንስ ከምዚ ኺብሎም ጀመረ፦ “እንታይ ክትርእዩ ናብ ምድረ በዳ ወፃእኩም፧ ብንፋስ ሰሰው ዚብል ሻምብቆዶ፧ 25. እንታይ ክትርእዩ ደኣ ወፃእኩም፧ ቅጭን ክዳውንቲ ዝተኸድነ ሰብኣይዶ፧ እንሆ ብቕጭን ክዳውንቲ ዘጌጹን ዝሓንቀቑንሲ ኣብ ኣደራሽ ነገሥታት ኣለዉ። 26. እንታይ ክትርእዩ ደኣ ወፃእኩም፧ ነቢይዶ፧ እወ፥ ካብ ነቢይ እኳ ደኣ ዚዓቢ፥ እብለኩም ኣሎኹ። 27. ንሱ እቲ ብዛዕባኡ ‘እንሆ፥ መገድኻ ዚጸርግ ልኡኸይ ቀቅድሜኻ እልእኽ ኣሎኹ’ ተባሂሉ ዝተጻሕፈሉ እዩ። 28. ካብ ኣንስቲ ካብ ዝተወልዱ ኻብ ዮሓንስ መጥመቕ ዚዓቢ ነቢይ ሓደ እኳ የልቦን፥ እብለኩም ኣሎኹ፤ ኣብ መንግሥቲ ኣምላኽ ግና እቲ ዝነኣሰ ይዓብዮ እዩ።” 29. ኵሎም ሕዝብን ተቐበልቲ ቐረጽን ሰሚዖም፥ ብጥምቀት ዮሓንስ ተጠሚቖም፥ መንገዲ ኣምላኽ ቅኑዕ ምዃኑ ኣመኑ። 30. ፈሪሳውያንን ሊቃውንቲ ሕግን ግና ብእኡ ብዘይምጥማቖም ነቲ ምኽሪ ኣምላኽ ነጸግዎ። 31. “እምበኣር ንሰብ እዚ ወለዶ እዚ ብምንታይ ክምስሎም እየ፧ ንመንከ ይመስሉ፧ 32. ነቶም ኣብ ዕዳጋ ዚቕመጡ እሞ ንሓድሕዶም ተጻዋዊዖም፥ ‘እምብልታ ነፋሕናልኩም ኣይሳዕሳዕኩምን፥ ኣልቀስናልኩም ኣይበኼኹምን’ ዚብሃሃሉ ቘልዑ እዮም ዚመስሉ። 33. እንጌራ ዘይበልዕን ወይኒ ዘይሰትን ዮሓንስ መጥመቕ እንተ መጸ ‘ጋኔን ኣለዎ’ ትብሉ። 34. ዚበልዕን ዚሰትን ወዲ ሰብ እንተ መጸ ኸኣ ‘እንሆ በላዕን ሰታይ ወይንን ፈታው ተቐበልቲ ቐረጽን ኃጥኣንን’ ትብሉ። 35. ጥበብ ግና ብዅሎም ደቃ ረትዐት።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ጽድቅን ፍርድን መሰረት ዝፋኑ እዩ። ሓዊ ቐቅድሚኡ ይኸይድ፣ ንጸላእቱ አብ ዙርያኡ የንድዶም።

ፍትሕ ወርትዕ ተድላ መንበሩ፤
እሳት የሐውር ቅድሜሁ፤
ወነድ የዓግቶሙ ለጸላእቱ።

ወንጌል Gospel

49. “ናብ ምድሪ ሓዊ ክኽዑ እየ ዝመጻእኩ፤ ሕጂ ቐልጢፋ እንተ ትነደለይ ክንደይ ምተሓጐስኩ! 50. ዝጥመቖ ናይ መከራ ጥምቀት ኣሎኒ፥ ፍጻሜ ኽሳዕ ዚበጽሕ ግና ከመይከ ዘይጭነቕ! 51. ናብ ምድሪ ሰላም ከምጽእ ዝመጻእኩዶ ይመስለኩም ኣሎ፧ ምፍልላይ ደኣ እምበር ሰላም ከምጽእ ኣይኮንኩን ዝመጻእኩ፥ እብለኩም ኣሎኹ። 52. ካብ ሕጂ ንደኃር ኃሙሽተ ኣብ ሓንቲ ቤት እንተ ኣለዉ፥ ሠለስተ ኻብ ክልተ፥ ክልተ ድማ ኻብ ሠለሰተ ኺፋላለዩ እዮም። 53. ኣቦ ኻብ ወዱ፥ ወዲውን ካብ ኣቦኡ፥ ኣደ ኻብ ጓላ፥ ጓልውን ኻብ ኣዲኣ፥ ሓማት ካብ ሰበይቲ ወዳ፥ ሰበይቲ ወዲውን ካብ ሓማታ ኺፋላለዩ እዮም።” 54. ነቶም ሕዝቢ ድማ ኸምዚ በሎም፦ “ደመና ብወገን ምዕራብ ኪደባኖ ምስ ረአኹም፥ ዝናም ኪዘንም እዩ ትብሉ፤ ከምኡ ኸኣ ይኸውን። 55. ንፋስ ደቡብ ኪነፍስ ምስ ረአኹምውን ሃሩር ኪኸውን እዩ ትብሉ፥ ከምኡ ድማ ይኸውን። 56. ኣቱም ግቡዛት፥ ምምርማር ገጽ ሰማይን ምድርን ትፈልጡ፥ ከመይ ደኣ ነዚ ዘመን እዚ መርሚርኩም ዘይትፈልጥዎ፧ 57. “ስለምንታይከ ባዕልኻትኩም ሓቂ ዘይትፈርዱ፧ 58. ምስ መባእስትኻ ናብ ሹም እንተ ኸድኻ፥ ኣብ ፈራዲ ኸየብጽሓካ፥ እቲ ፈራዲ ኸኣ ንጊልያኡ ኣኅሊፉ ኸይህበካ፥ እቲ ጊልያኡውን ኣብ ቤት ማእሰርቲ ኸይድርብየካስ ኣብ መገዲ ኸሎኻ ምስኡ ንምትዕራቕ ተጋደል። 59. እንተ ዘይኮነስ እታ መወዳእታ ሳንቲም ክሳዕ እትፈዲ ኻብኣ ኣይክትወፅእን ኢኻ፥ እብለካ ኣሎኹ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ዎ እግዚኣብሄር፣ ተመለስ፣ ንነፍሰይ ኣናግፋ፣ ምእንቲ ምሕረትካ ኣድሕነኒ። ኣብ ሞት ዚዝክረካ የልቦን እሞ፣ ኣብ ሲኦልከ መን እዩ ዜመስግነካ፧

ወአድኅነኒ በእንተ ምሕረትከ፤
እስመ አልቦ በውስተ ሞት ዘይዜከረከ፤
ወበሲኦልኒ መኑ የአምነከ።

ወንጌል Gospel

18. እዚ ነገራት እዚ ኺብሎም ከሎ፥ ሓደ መራሕ ቤት ጸሎት ኣይሁድ መጸ፥ “ጓለይ ሕጂ ሕጂ ሞይታ እሞ ንዓ ኢድካ ኣንብረላ፥ ክትሓዊ ድማ እያ” እናበለ ሰገደሉ። 19. ኢየሱስ ድማ ተንሢኡ ምስ ደቀ መዛሙርቱ ሰዓቦ። 20. - 21. እንሆ ካብ ዓሠርተው ክልተ ዓመት ጀሚሩ ደም ዝፈሳ ዝነበረ ሓንቲ ሰበይቲ፥ ብልባ፥ “ዘፈር ክዳኑ ጥራይ እንተ ተንኪፈ ኽሓዊ እየ” ትብል ስለ ዝነበረት፥ ብድኅሪኡ መጺኣ ዘፈር ክዳኑ ተንከፈት። 22. ኢየሱስ ከኣ ግልጽ ኢሉ ረኣያ እሞ፥ “ኣጆኺ እዛ ጓለይ! እምነትኪ ኣሕውያትኪ” በላ። እታ ሰበይቲ ድማ ኻብታ ሰዓት እቲኣ ሓወየት። 23. ኢየሱስ ኣብ ገዛ መራሕ ቤት ጸሎት ኣይሁድ ምስ በጽሐ፥ ነፋሕቲ መለኸትን ዋይዋይ ዚብሉ ሕዝብን ረአየ። 24. ”እዛ ጓል ደቂሳ እያ ዘላ እምበር፥ ኣይሞተትን እሞ ኣልግሱ” በሎም። ንሳቶም ድማ ሰሓቕዎ። 25. እቶም ሕዝቢ ምስ ወፁ፥ ኣትዩ ኢዳ ኃዛ፥ እታ ጓል ከኣ ተንሥአት። 26. ኣብ ኵላ እታ ሃገርውን ዝናኡ ተሰምዐ። 27. ኢየሱስ ካብኡ ምስ ኃለፈ፥ ክልተ ዕዉራት ዓው ኢሎም “ኦ ወዲ ዳዊት! ምሓረና!” እናበሉ ሰዓብዎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

14. ከመይ ነታ እትመጽእ ደኣ ንጽበ ኣሎና እምበር ኣብዚ ነባሪት ከተማ የብልናን። 15. እምበኣርከስ ኵሉ ጊዜ ንኣምላኽ ብኢየሱስ መሥዋዕቲ ምስጋና ነቕርብ። እዚ ኸኣ እቲ ንስሙ ዚእመን ናይ ከናፍርና ምስጋና እዩ። 16. ንኣምላኽ ከምዚ ዘኣመሰለ መሥዋዕቲ ኣዝዩ እዩ ዜሐጒሶ እሞ ሠናይ ምግባርን ዘሎኩም ምስ ካልኦት ምምቓል ኣይትረስዑ። 17. ንመራሕትኹም ተኣዘዝዎምን ተገዝእዎምን። ንሳቶም ከምቲ ጸብጻብ ዚህብ ነቒሖም ይሕልውኹም ኣለዉ። ስለዚ ነዚ ብጓሂ እንተ ገበርዎ ንኣኻትኩም ኣይጠቕመኩምን እዩ እሞ ተሓጒሶም ከም ዚገብርዎ ግበሩ። 18. ቅኑዕ ሕሊና ከም ዘሎና ርግጸኛታት ኢና፥ ኣብ ኵሉ ጽቡቕ ንምግባርውን ድላይ ኣሎና። ስለዚ ጸልዩልና። 19. ኣውራ ግና ከም ብሓድሽ ናባኻትኩም ምእንቲ ቐልጢፈ ኽምለስ ክትጽልዩ እልምነኩም ኣሎኹ።

ዘካልእ መልእክት Universal Epistle

1. - 2. ከምኡውን፥ ኣትን ኣንስቲ! ንሰብኡትክን ተኣዘዛኦም። ገለ ነቲ ቃል ኣምላኽ ዘይኣምኑ ሰብኡት እንተ ኣለዉ ድማ፥ ከም እተኽብራኦምን ብንጽሕና ከም እትነብራን ምስ ረኣዩ፥ ብዘረባ ዘይኮነስ፥ ብሕይወት ኣንስቶም ኪምለሱ እዮም። 3. መልክዕክን ግዳማዊ ብዝኾነ፥ ማለት ብሥርሓት ርእስን ወርቂ ብምእሳርን ብኽቡር ክዳውንትን ኣይኹን። 4. መልክዕክንሲ እቲ ኣብ ልቢ ወዲ ሰብ ዘሎ ለዋህን ህዱእን ዝኾነ መንፈስ ይኹን። እዚ መንፈስ እዚ ዘይበርስ፥ ኣብ ቅድሚ ኣምላኽ ኸኣ ክቡር እዩ። 5. ቀደም ድማ እተን ኣምላኽ ዝተስፍአን ቅዱሳን ኣንስቲ፥ ከምዚ ኢለን እየን ዝተሰለማ። ንሰብኡተን ይእዘዛ ነበራ። 6. ሣራ ንኣብርሃም “ጐይታይ” እናበለት ትእዘዞ ነበረት። ንስኻትክንውን ከምኡ ጽቡቕ እንተ ገበርክን፥ ገለ ነገርውን እንተ ዘይፈራህክን ደቃ ኢኽን።

ግብረ ሃዋርያት Acts

16. እንተ ኾይኑሉስ ንበዓል ኃምሳ ኣብ ኢየሩሳሌም ኪውዕል ተሃዊኹ ስለ ዝነበረ፥ ጳውሎስ ምእንቲ ኣብ እስያ ከይንድንጒ ኢሉ ናብ ኤፌሶን ከይኣቱ መኸረ። 17. ጳውሎስ ካብ መሊጢ ናብ ኤፌሶን ልኢኹ ነቶም መራሕቲ ቤተ ክርስቲያን ናብኡ ጸውዖም። 18. ናብኡ ምስ መጹ ኸኣ ከምዚ ዚስዕብ በሎም፡ - “ካብታ እግረይ ናብ እስያ ዝረገጽኩላ ቐዳመይቲ መዓልቲ ጀሚረ፥ ኵሉ ጊዜ ምሳኻትኩም ከመይ ከም ዝነበርኩ፥ ንስኻትኩም ትፈልጡ ኢኹም፤ 19. ብውዲት ኣይሁድ ፈተና እንተ በጽሓኒ እኳ፥ ብዅሉ ትሕትናን ብብዙኅ ንብዓትን ንጐይታ ኸመይ ገይረ ከም ዘገልገልኩ፤ 20. ዚጠቅም ዘበለ እናሰበኽኩልኩም፥ ኣብ ዋዕላ ኾነ፥ ኣብ ቤት ከይኃባእኩ ከም ዝመሃርኩኹም፥ 21. ከምኡ ኸኣ፥ ንኣይሁድን ንግሪኻውያንን ብንስሓ ናብ ኣምላኽ ኪምለሱ፥ ብጐይታና ብኢየሱስ ክርስቶስ ከኣ ኪኣምኑ ከም ዝመስከርኩ፥ ትፈልጡ ኢኹም። 22. ሕጂ ድማ እንሆ ኣብ ኢየሩሳሌም እንታይ ከም ዚረኽበኒ ከይፈለጥኩ፥ ብመንፈስ ቅዱስ ተደሪኸ ናብ ኢየሩሳሌም እኸይድ ኣሎኹ። 23. ብዘይካ እቲ መንፈስ ቅዱስ ‘ማእሰርትን ጸበባን ኪበጽሓካ እዩ’ ኢሉ ኣብ ፈቐዶ ከተማታት ዝነገረኒ እንተ ዘይኮይኑ ዝፈልጦ የብለይን። 24. ኣነ ግና ኣገልግሎተይ ክሳዕ ዝፍጽምን እቲ ጐይታ ኢየሱስ ዝሃበኒ ዕዮ ክሳዕ ዝውድእን፥ ንሕይወተይ ኣየናሕስየላን እየ፥ ከም ክብርቲ ገይረውን ኣይርእያን እየ። ኣገልግሎተይ ድማ ወንጌል ጸጋ ኣምላኽ ምስባኽ እዩ።

ስንክሳር Synaxarium

ኢላርዮስ ኤጲስቆጶስ
ወቅድስት ተሐራሚት ማርታ

መዝሙር Psalm

ብእኤን አትየ ንእግዚኣብሄር ከመስግኖስ፣ ደጌታት ጽድቂ ኽፈቱለይ። ደገ እግዚኣብሄር እዚኣ እያ፣ ጻድቃን ብእኣ ኺአትዉ እዮም።

አርኅዉ ሊተ አናቅጸ ጽድቅ፤
እባእ ውስቴቶን ወእግነይ ለእግዚአብሔር፤
ዛ አንቀጽ እንተ እግዚአብሔር።

ወንጌል Gospel

37. እንሆ ኣብቲ ዓዲ ሓንቲ ኃጥእ ሰበይቲ ነበረት፤ ኣብ እንዳ እቲ ፈሪሳዊ ኣብ መኣዲ ምቕማጡ ምስ ፈለጠት ድማ ቕዱይ ቅብኢ ዝመልአ ብኣልባስጥሮስ ዝተሠርሐ ብልቃጥ ኣምጽአት። 38. ብድኅሪኡ ኣብ ጥቓ እግሩ ኾይና እናበኸየት በቲ ንብዓታ እግሩ ከተጠልቅዮ ጀመረት፥ ብፀጒሪ ርእሳ እናደረዘት እግሩ ትስዕም፥ ቅዱይ ቅብኢውን ትቐብኦ ነበረት። 39. እቲ ዝጸውዖ ፈሪሳዊ ድማ ነዚ ርእዩ፥ “እዚ ነቢይ እንተ ዚኸውንሲ እዛ ትትንክዮ ዘላ ሰበይቲ ኃጥእ እያ እሞ እንታወይትን ከመይ ዝበለትን ምዃና ምፈለጠ ነይሩ” ኢሉ ብልቡ ሓሰበ። 40. ኢየሱስ ከኣ “ስምዖን፥ ዝብለካ ኣሎኒ” በሎ፤ ንሱ ኸኣ “መምህር! ተዛረብ” በሎ፤ 41. “ንሓደ መለቅሒ ኽልተ ሰብ ዕዳ ነበርዎ፤ ኣብቲ ሓደ ኃሙሽተ ሚእቲ፥ ኣብቲ ሓደ ድማ ኃምሳ ዲናር ነበሮ። 42. ዚፈድይዎ ስለ ዝሰኣኑ ግና ንኽልቲኦም ኃደገሎም። ካብኣቶም እቲ ኣዝዩ ዜፍቅሮ መኖም እዩ፧” 43. ስምዖን ከኣ “ንኣይሲ እቲ ብዙኅ ዝተኃድገሉ ይመስለኒ” ኢሉ መለሰ፥ ኢየሱስ ኸኣ “ቅኑዕ ፈረድካ” በሎ። 44. ሽዑ ናብታ ሰበይቲ ግልጽ ኢሉ ንስምዖን ከምዚ በሎ፥ “ነዛ ሰበይቲ እዚኣስ ትርእያዶ ኣሎኻ፧ ናብ ቤትካ ኣትየ ንእግረይ እኳ ማይ ኣይሃብካንን፥ እዚኣ ግና ብንብዓታ ኣእጋረይ ኣጠልቀየት፥ ብፀጉሪ ርእሳውን ደረዘት። 45. ንስኻ ኣይተሳለምካንን፥ እዚኣ ግና ካብ ዝኣቱ ጀሚራ ኣእጋረይ ካብ ምስዓም ኣየቋረጸትን። 46. ንስኻ ርእሰይ ብዘይቲ ኣይቀባእካንን፥ እዚኣ ግና ኣእጋረይ ብቕዱይ ቅብኢ ቐበአት። 47. ስለዚ ብዙኅ ስለ ዘፍቀረት ንእኣ ብዙኅ ኃጢኣት ተኃዲጉላ እዩ፥ እብለካ ኣሎኹ። እቲ ሒደት ዚኅደገሉ ግና ሒደት እዩ ዜፍቅር።” 48. ንእኣ ድማ፦ “ኃጢኣትኪ ተኃዲጉልኪ እዩ” በላ። 49. እቶም ምስኡ ኣብ መኣዲ ተቐሚጦም ዝነበሩ ኸኣ ብልቦም “እዚ ኃጢኣት ኪኃድግ ዚኽእልስ መን ኮን ኮይኑ እዩ፧” ኢሎም ሓሰቡ። 50. ንሱ ግና ነታ ሰበይቲ “እምነትኪ እያ ዘድኃነትኪ፥ ብሰላም ኪዲ” በላ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣብ ኣፎም ቁም ነገር የልቦን እሞ፣ ውሽጦም ጥፍኣት፣ ጐረርኦም ክፉት መቓብር እዩ፣ ብመልሓሶም የቀባጥሩ።

ልቦሙኒ ከንቱ፤
ከመ መቃብር ክሡት ጐራዒቶሙ፤
ወጸልሐዉ በልሳናቲሆሙ።

ወንጌል Gospel

10. ንበይኑ ምስ ኮነ ኸኣ፥ እቶም ኣብ ዙርያኡ ዝነበሩ ምስቶም ዓሠርተው ክልተ ኾይኖም፥ ብዛዕባ እቲ ምስላታት ሓተትዎ። 11. ንሱ ኸኣ “ምሥጢር መንግሥቲ ኣምላኽ ምፍላጥ ንኣኻትኩም እዩ ተዋሂቡ ዘሎ፥ ነቶም ብወፃኢ ዘለዉ ግና፥ 12. ‘ምርኣይ ኪርእዩ ግና ከይርድኦም፥ ምስማዕ ኪሰምዑ ግና ከየስተውዕሉ፥ ተመሊሶምውን ምሕረት ምእንቲ ኸይረኽቡስ’ ኵሉ ብምስላ እዩ ዚኸውን” በሎም። 13. ከምዚ ድማ በሎም፡ - “ነዚ ምስላ እዚዶ ኣየስተውዓልኩምዎን ኢኹም፧ ከመይ ጌርኩም ደኣ ንዅሉ ምስላታት ክትርድእዎ ኢኹም፧ 14. እቲ ዘራኢ ነቲ ቓል እዩ ዚዘርእ፥ እትሰምዕ እዝኒ ዘላቶ ይስማዕ!

መዝሙረ ዳዊት Psalm

ተመሊሶም ንኣምላኽ ፈተንዎ፣ ነቲ ናይ እስራኤል ቅዱስ ድማ ኣቘጥዕዎ። ንኢዱን ነታ ኻብ ተጻራሪ እተበጀዎም መዓልትን፣ ትእምርቱ ኣብ ግብጺ፣ ተአምራቱ ኸኣ ኣብ መሮር ጾዓን ከም ዝገበረ፣ ኣይዘከሩን።

ተመይጡ ወአመከርዎ ለእግዚአብሔር፤
ወወሀክዎ ለቅዱሰ እስራኤል፤
ወኢተዘከሩ እዴሁ።

ወንጌል Gospel

14. እቶም ፍቕሪ ገንዘብ ዝነበሮም ፈሪሳውያን ከኣ ነዚ ዅሉ ሰሚዖም ኣላገጹሉ። 15. ከምዚ ድማ በሎም፦ “ንስኻትኩም ርእስኹም ኣብ ቅድሚ ሰብ ተመጻድቑ ኣሎኹም፥ ንልብኹም ግና ኣምላኽ ይፈልጦ እዩ፥ ከመይ እቲ ኣብ ቅድሚ ሰብ ክቡር ዝኾነ ኣብ ቅድሚ ኣምላኽ ፍንፉን እዩ ። 16. “ሕጊ ሙሴን መጻሕፍቲ ነብያትን ክሳዕ ዮሓንስ ነበሩ፤ ካብ ሽዑ ንነጀው መንግሥቲ ኣምላኽ ትብሠር ኣላ፥ ኵሉ ድማ ይዳፍኣላ ኣሎ። 17. ካብ ሕጊ ሓንቲ ነጥቢ ካብ እትወድቕሲ ሰማይን ምድርን ኪኅልፍ ይቐልል። 18. እቲ ንሰበይቱ ፈቲሑ ካልእ ዜእቱ ዘበለ ይዝሙ፤ እቲ ካብ ሰብኣያ ንዝተፈትሐት ሰበይቲ ዜእቱውን ይዝሙ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

16. ቤተ መቕደስ ኣምላኽ ምዃንኩምን፥ መንፈስ ኣምላኽ ኣባኹም ኃዲሩ ምህላውንዶ ኣይትፈልጡን ኢኹም፧ 17. ሓደ እኳ ነታ ቤት መቕደስ ኣምላኽ እንተ ኣፍረሰ፥ ኣምላኽ ኬፍርሶ እዩ። ቤተ መቕደስ ኣምላኽ ቅድስቲ እያ፥ እዛ ቤት መቕደስ እዚኣውን ንስኻትኩም ኢኹም። 18. ሓደ እኳ ንገዛእ ርእሱ ኣይጠብር። ገለ ካባኻትኩም ኣብዛ ዓለም እዚኣ ጥበበኛ ኸም ዝኾነ እንተ መሰሎ፥ ጥበበኛ ምእንቲ ኪኸውን ዓሻ ይኹን። 19. ከመይ “ነቶም ጥበበኛታት ብጒርሖም ይኅዞም” ተባሂሉ ከም ዝተጻሕፈ፥ ጥበብ እዛ ዓለምእዚኣ ኣብ ቅድሚ ኣምላኽ ዕሽነት እዩ። 20. ከምኡውን “ሓሳብ እቶም ጥበበኛታት ከንቱ ኸም ዝኾነ እግዚአብሔር ይፈልጦ እዩ” ዚብል ተጻሒፉ ኣሎ። 21. እምበርኣከስ ሓደ እኳ ብሰብ ኣይመካሕ። ኵሉ ናታትኩም እዩ፥ 22. ጳውሎስ ኮነ ኣጵሎስ፥ ኬፋ ኾነ ዓለም፥ ሕይወት ኮነ ሞት፥ ዘሎ ኾነ ዚመጽእ፥ ኵሉ ናታትኩም እዩ። 23. ንስኻትኩም ከኣ ናይ ክርስቶስ ኢኹም፥ ክርስቶስ ከኣ ናይ ኣምላኽ እዩ።

ዘካልእ መልእክት Universal Epistle

5. እቲ ንቓሉ ዚሕሉ ግና፥ እታ ንኣምላኽ ዘላቶ ፍቕሪ ምልኣት ትረክብ። ኣብ ኣምላኽ ከም ዘሎና በዚ ኢና እንፈልጥ። 6. እቲ “ኣብ ኣምላኽ እነብር ኣሎኹ” ዚብል፥ ከምቲ ኢየሱስ ዝነበሮ ኺነብር ይግብኦ። 7. ኣቱም ፍቁራተይ! እቲ ካብ መጀመርታ ዝነበረኩም ናይ ቀደም ትእዛዝ እምበር ሓድሽ ትእዛዝ ኣይኮነን ዝጽሕፈልኩም ዘሎኹ። እቲ ናይ ቀደም ትእዛዝ ከኣ እቲ ድሮ ዝሰማዕኩምዎ ቓል እዩ። 8. እንተኾነ እዚ ዝጽሕፈልኩም ዘሎኹ ትእዛዝ ሓድሽ እዩ። ናይዚ ትእዛዝ እዚ ሓቂ ድማ ኣባኻትኩም ኮነ ኣብ ክርስቶስ ተራእዩ እዩ። ከመይ ጸልማት ኃሊፉ እዩ፥ ብርሃን ሓቂውን ድሮ የብርህ ኣሎ። 9. “ኣብ ብርሃን ኣሎኹ” ዚብል ንኃው ኸኣ ዚጸልእ፥ ገና ኣብ ጸልማት እዩ ዘሎ። 10. እቲ ንኃው ዜፍቅር ኣብ ብርሃን እዩ ዚነብር። ኣብኡውን መዓንቀፊ የልቦን። 11. እቲ ንኃው ዚጸልእ ግና ኣብ ጸልማት እዩ ዘሎ፥ ኣብ ጸልማትውን ይነብር፥ ጸልማት ነዕይንቱ ስለ ዘዕወሮ ድማ፥ ናበይ ከም ዚኸይድ ኣይፈልጥን እዩ።

ግብረ ሃዋርያት Acts

18. ምስ ወግሐ፥ እቶም ወተሃደራት “ጴጥሮስ ኣበይ ኣትዩ” እናበሉ እምብዛ ተሸበሩ። 19. ሄሮድስ ድማ ንጴጥሮስ ደልዩ ምስ ሰኣኖ፥ ነቶም ሓለውቲ መርሚሩ ኪቕተሉ ኣዘዘ። ካብ ይሁዳ ናብ ቂሳርያ ወሪዱ ኸኣ ኣብኣ ቐነየ። 20. ሄሮድስ ምስ ሰብ ጢሮስን ሲዶናን ኣዝዩ ዀርዩ ነበረ። ሃገሮም ምግቢ እትረኽቦ ካብ ግዝኣት እቲ ንጉሥ ስለ ዝነበረ፥ ንበላስጦን ኣዛዚ ቤት ንጉሥ ኣፍትዮም ዕርቂ ኪልምኑ፥ ተሰማሚዖም ናብ ሄሮድስ መጹ። 21. በታ ምድብቲ መዓልቲ ሄሮድስ ልብሰ መንግሥቱ ለቢሱ ኣብ ዝፋን ተቐመጠ፥ ነቶም ሕዝቢ ኸኣ ዘረባ ኣስምዖም። 22. እቶም ሕዝቢ ድማ “እዝስ ድምፂ ኣምላኽ እዩ እምበር ድምፂ ሰብ ኣይኮነን” እናበሉ ጨደሩ። 23. ክብሪ ንኣምላኽ ስለ ዘይሃበ ድማ ብኡብኡ መልኣኽ እግዚኣብሔር ቀዘፎ፥ ሓሲኹ ኸኣ ሞተ። 24. ቃል ኣምላኽ ግና እናዓበየን እናስፋሕፍሐን ከደ። 25. በርናባስን ሳውልን ድማ ኣገልግሎቶም ፈጺሞም፥ ካብ ኢየሩሳሌም ተመልሱ። ነቲ ማርቆስ ዝተባህለ ዮሓንስ ድማ ምስኣቶም ተማልእዎ።

ስንክሳር Synaxarium

አሙናስያ
ወሶፍያ
ወአባ ስምዖን
አሃዝያስ
ወሳኑሲ ሰማዕት
ወዮሐንስ ዘሐራቅሊ
አቅሮንዮስ
ወዲሙናሲያ
አሞኒ
ወሚናስ

መዝሙር Psalm

ንመከራይ ርኢኻዮ፣ ንጸበባ ነፍሰይ ፈሊጥካዮ፣ ናብ ኢድ ጸላኢ ኣይሀብካንን፣ ነእጋረይ ኣብ ገፊሕ ቦታ ደው ኣቢልካየን ኢኻ እሞ፣ ብምሕረትካ ኽፍሳህ ክሕጐስውን እየ።

ወአድኀንካ እምንዳቤሃ ለነፍስየ፤
ወኢዘጋሕከኒ ውስተ እደ ፀርየ፤
ወአቀምኮን ውስተ መርሕብ ለእገርየ።

ወንጌል Gospel

1. ኢየሱስ ከም ብሓድሽ ናብ ቤት ጸሎት ኣይሁድ ኣተወ፥ ኣብኡ ኸኣ ኢዱ ዝለመሰት ሰብ ነበረ። 2. ምእንቲ ኪኸስዎ ድማ ብሰንበት እንተ ኣሕወዮ ይጸናጸንዎ ነበሩ። 3. ኢየሱስ ከኣ ነቲ ኢዱ ዝለመሰት ሰብ “ንዓ ኣብ ማእከል ደው በል” በሎ። 4. ንኣኣቶም ድማ “ብሰንበትሲ ጽቡቕ ምግባርዶ ወይ ክፉእ ምግባር፥ ነፍሲ ምድኃንዶ ወይ ምቕታል ይግባእ፧” በሎም። ንሳቶም ግና ኣጽቀጡ። 5. በቲ ትሪ ልቦም ጕህዩ፥ ነቶም ኣብ ዙርያኡ ዝነበሩ ዅሎም ብቝጥዓ ጠመቶም፥ ነቲ ሰብኣይ ከኣ “ኢድካ ዘርግሕ” በሎ፥ ንሱ ድማ ዘርግሓ፥ እታ ኢዱውን ሓወየት። 6. ፈሪሳውያን ድማ ብቕልጡፍ ከይዶም ከመይ ገይሮም ከም ዚቐትልዎ ምስ ሄሮድሳውያን ኮይኖም ብዛዕባኡ ተማኸሩ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ብመልሓሶም የቀባጥሩ። ዎ ኣምላኽ፣ ኰንኖም፣ ኣብ ምኽሮም ይውደቑ። ካባኻ ዐልዮም እዮም እሞ፣ ብብዝሒ ኣበሳኦም ኣባርሮም።

ወጸልሐዉ በልሳናቲሆሙ፤
ኰንኖሙ እግዚኦ ወይደቁ በውዴቶሙ፤
ወበከመ ብዝኀ ሕብሎሙ ስድዶሙ።

ወንጌል Gospel

10. ስለዚውን ኣይሁድ ነቲ ዝሓወየ ሰብኣይ “ሎሚ ሰንበት ስለ ዝኾነ ዓራትካ ኽትፀውር ኣይፍቀደልካን እዩ” በልዎ። 11. ንሱ ግና “እቲ ዘሕወየኒ እዩ ‘ዓራትካ ኣልዒልካ ኺድ’ ዝበለኒ” ኢሉ መለሰሎም። 12. ንሳቶም ከኣ “እቲ ‘ዓራትካ ኣልዒልካ ኺድ’ ዝበለካ ሰብኣይ መን እዩ፧” ኢሎም ሓተትዎ። 13. ኣብቲ ቦታ ብዙኅ ሕዝቢ ነበረ፥ ኢየሱስ ከኣ ድኅር ኢሉ ስለ ዝነበረ፥ እቲ ዝሓወየ ሰብኣይ መን ምዃኑ ኣይፈለጠን። 14. ብድኅርዚ ኢየሱስ ኣብ ቤት መቕደስ ረኸቦ እሞ “እንሆ ሓዊኻ ኣሎኻ፥ ካብዚ ዚገድድ ከይረኽበካ፥ መሊስካ ኃጢኣት ኣይትግበር” በሎ። 15. እቲ ሰብኣይ ከኣ ኸይዱ፥ እቲ ዘሕወዮ ኢየሱስ ከም ዝኾነ ንኣይሁድ ነገሮም። 16. ስለዚ ብሰንበት ነዚ ነገራትዚ ስለ ዝገበረ፥ ኣይሁድ ንኢየሱስ ኣሳደድዎ። ኪቐትልዎውን ይደልዩ ነበሩ። 17. ኢየሱስ ግና “ኣቦይ ክሳዕ ሕጂ ይዓዪ ኣሎ፥ ኣነውን እዓዪ ኣሎኹ” ኢሉ መለሰሎም። 18. ስለዚ ሰንበት ብምስዓሩ ጥራይ ዘይኮነስ፥ ንኣምላኽ ድማ “ኣቦይ” ብምባሉ፥ ንርእሱ ምስ ኣምላኽ ስለ ዘመዓራረየ፥ ኪቐትልዎ ይደልዩ ነበሩ። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ርእዮም ተደነቑ፣ ተሸቢሮም ሀደሙ። ኣብኡ፣ ከምቲ ጻዕሪ ናይ እትሐርስ ሰበይቲ፣ ምንቅጥቃጥ ሐዞም።

እሙንቱሰ ዘንተ ርእዮሙ አንከሩ፤
ደንገፁ ወፈርሁ ወአኀዞሙ ረዓድ፤
ወሐሙ በህየ ከመ እንተ ትወልድ።

ወንጌል Gospel

20. “ኢየሩሳሌም ብሠራዊት ተኸቢባ እንተ ረኣኹም፥ ሽዑ ዕንወታ ኸም ዝቐረበ ፍለጡ። 21. ሽዑ እቶም ኣብ ይሁዳ ዘለዉ ናብ እምባ ይህደሙ፥ እቶም ኣብ ውሽጣ ዘለዉ ኸኣ ኻብኣ ይውፅኡ፥ እቶም ኣብ ሃገረ ሰብ ዘለዉውን ናብኣ ኣይእተዉ። 22. እዚ፥ እቲ ጽሑፍ ዘበለ ምእንቲ ኪፍጸምሲ፥ ወርኃት ምፍዳይ ሕነ እዩ። 23. በተን መዓልትታት እቲኣተን ግና ንጥኑሳትን ንዜጥብዋን ወይለአን፥ ምኽንያቱ ኣብ ምድሪ ብርቱዕ መከራ ኪኸውን እዩ፤ ኣብዚ ሕዝቢ እዚ ድማ መዓት ኪወርድ እዩ። 24. ብስሕለት ሰይፊ ኺወድቁ፥ ተማሪኾም ድማ ናብ ዅሎም ኣሕዛብ ኪውሰዱ እዮም፤ ዘመናት ኣሕዛብ ክሳዕ ዚፍጸምውን ኢየሩሳሌም በሕዛብ ክትርገጽ እያ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እዛ ኸም ድንኳን ጊዜያዊት ዝኾነት ምድራዊት ቤትና፥ ማለት ሰብነትና፥ እንተ ፈረሰት እኳ፥ ካብ ኣምላኽ ሓንቲ ብኢድ ሰብ ዘይተገብረት ሕንጻ፥ ናይ ዘለዓለም ቤት ኣብ ሰማያት ከም ዘላትና ንፈልጥ ኢና። 2. ሰማያዊ ቤትና ክሳዕ ንለብስ ግና ብሃንቀውታ ዓንገረር ንብል ኣሎና። 3. ምኽንያቱ ሰማያዊ ሰብነት ምስ ለበስና ዕሩቓት ኴንና ኣይንርከብን ኢና። 4. ሞት ብሕይወት ምእንቲ ኺልወጥ ካብዚ ምድራዊ ሰብነትና ክንቅንጠጥ ፈቲና ዘይኮንናስ፥ ሰማያዊ ሰብነት ምእንቲ ክንለብስ ሃረር ንብል ኣሎና። ከመይ እዚ ድንኳን እዚ ከቢዱና ንቕንዞ ኣሎና። 5. እቲ ነዚ ዘብቅዓና ኸኣ፥ እቲ ዕርቡን መንፈስ ቅዱስ ዝሃበና ኣምላኽ እዩ። 6. እዚ ሰብነትዚ ለቢስና ኽሳዕ ዘሎና ካብ ጐይታ ርሑቓት ከም ዝኾንና ንፈልጥ ኢና፥ ስለዚ ዅሉ ሳዕ ትብዓት ኣሎና። 7. ምኽንያቱ ብእምነት እምበር ብምርኣይ ኣይኮናን እንነብር ዘሎና። 8. እምበኣር ትብዓት ኣሎና፥ ካብዚ ሰብነትዚ ግዒዝና ኸኣ ምስ ጐይታ ኽንነብር ይኅሸና። 9. ኣብዚ ብሕይወት እንተ ኣሊና ወይ እንተ ሞይትና ንእኡ ከነሓጕስ ንጽዕት ኣሎና። 10. ከመይ ነፍስ ወከፍና ነቲ ብሥጋዊ ሕይወቱ ኸሎ ዝገበሮ ሠናይ ኮነ ወይ እከይ ምእንቲ ኺቕበል፥ ኵላትና ኣብ ቅድሚ መንበር ፍርዲ ክርስቶስ ብግዲ ክንቀርብ ኢና።

ዘካልእ መልእክት Universal Epistle

1. ውሉድ ኣምላኽ ተባሂልና ምእንቲ ኽንጽዋዕ እግዚኣብሔር ኣቦ ኸመይ ዝበለ ፍቕሪ ከም ዝለገሠልና እሞ ርኣዩ! ውሉድ ኣምላኽውን ኢና። ዓለም ንእኡ ስለ ዘይፈለጠቶ እያ ንኣና ዘይፈለጠትና። 2. ኣቱም ፍቁራተይ! ሕጂ ውሉድ ኣምላኽ ኢና፥ እንታይ ከም እንኸውን ከኣ ገና ኣይተገልጸን። ክርስቶስ ምስ ዚግለጽ ግና ከምታ ዘለዋ ክንርእዮ ኢና እሞ ንእኡ ኸም እንመስል ንፈልጥ ኢና። 3. ኣብ ክርስቶስ ተስፋ ዚገብር ዘበለ ዅሉ ከምቲ፥ ንሱ ንጹሕ ዝኾነ፥ ንገዛእ ርእሱ የንጽሕ ኣሎ። 4. ኃጢኣት ዚገብር ዘበለ ሕጊ የፍርስ፥ ኃጢኣት ምፍራስ ሕጊ እዩ። 5. ክርስቶስ ንኃጢኣት ኬርሕቖ ኢሉ ከም ዝተገልጸ ትፈልጡ ኢኹም፥ ኣብኡውን ኃጢኣት የልቦን። 6. እቲ ኣብ ክርስቶስ ዚነብር ዘበለ ዅሉ ኃጢኣት ኣይገብርን እዩ። ኃጢኣት ዚገብር ዘበለ ግና ንክርስቶስ ኣይረኣዮን ኣይፈለጦንውን እዩ። 7. ደቀየ! ሓደ እኳ ኣየስሕትኩም። ከምቲ ክርስቶስ ጻድቕ ዝኾነ፥ እቲ ጽድቂ ዚገብር ከኣ ጻድቕ እዩ። 8. ካብ መጀመርታ ኂዙ ዚኃጥእ ዘሎ ዲያብሎስ እዩ እሞ፥ ኃጢኣት ዚገብር ካብ ዲያብሎስ እዩ። ወዲ ኣምላኽ ከኣ ግብሪ ዲያብሎስ ምእንቲ ኼፍርስ ኢሉ እዩ ዝተገልጸ። 9. ካብ ኣምላኽ ዝተወልደ ዘበለ፥ ባህርይ ኣምላኽ ኣብኡ ስለ ዘሎ፥ ኃጢኣት ኣይገብርን እዩ። ካብ ኣምላኽ ስለ ዝተወልደውን ኃጢኣት ኪገብር ኣይክእልን እዩ። 10. ጽድቂ ዘይገብርን፥ ንኃዉ ዘየፍቅርን ካብ ኣምላኽ ኣይኮነን። ደቂ ኣምላኽን ደቂ ዲያብሎስን በዚ እዮም ዚፍለጡ።

ግብረ ሃዋርያት Acts

35. ምድሪ ምስ ወግሐ እቶም ሮማውያን ሰበ ሥልጣን “ነቶም ሰባት ፈቲሕካ ስደዶም” እናበሉ ገላዉ ለኣኹሉ። 36. እቲ ሓላው ቤት ማእሰርቲ ድማ፥ “እቶም ሰበ ሥልጣን ‘ፍትሕዎም’ ኢሎም ልኢኾም ኣለዉ እሞ፥ ሕጂ እምበኣር ወፂእኩም ብሰላም ኪዱ” ኢሉ ንጳውሎስ ነገሮ። 37. ጳውሎስ ግና፥ “ንሕና ሮማውያን ከሎና፥ ብዘይ ፍርዲ ብግህዶ ገሪፎም፥ ኣብ ቤት ማእሰርቲ ኣእትዮምናስ፥ ሕጂ ብኅቡእዶ ኪሰዱና፧ ባዕላቶም ደኣ መጺኦም የውፅኡና እምበር፥ እዝስ ከቶ ኣይከውንን እዩ” በሎም። 38. እቶም ገላዉ ኸኣ ነቶም ሰበ ሥልጣን ነዚ ነገር እዚ ነገርዎም። ንሳቶም ድማ ሮማውያን ምዃኖም ምስ ሰምዑ ፈርሁ። 39. መጺኦም ከኣ “ይቕረ በሉልና” ኢሎም ኣውፅእዎም። ካብታ ኸተማ ኬልግሱውን ለመንዎም። 40. ሽዑ ካብ ቤት ማእሰርቲ ወፂኦም ናብ ቤት ልድያ ኣተዉ፤ ነቶም ኣኅዋት ምስ ረኸብዎም ከኣ መዓድዎም፥ ካብኡውን ኃለፉ።

ስንክሳር Synaxarium

አባ ያዕቆብ ምሥራቃዊ
ወብሶይ
ወቢፋሞን
ወመርቆሬዎስ
ወመቃርስ

መዝሙር Psalm

ዎ እግዚኣብሄር ኣምላኸይ፣ ጠምት እሞ ምለሰለይ። ኣነ ድቃስ ሞት ከይድቅስ፣ ጸላእየይ፣ ስዒረዮ፣ ከይብል፣ እንተ ተናወጽኩ፣ ተጻረርተይ ከይፍስሁስ፣ ነዒንተይ ኣብርሃየን።

አብርሆን ለአዕይንትየ ከመ ኢይኑማ ለመዊት፤
ወከመ ኢይበሉኒ ጸላእትየ ሞዕናሁ፤
ወእለሰ ይሣቅዩኒ ይትፌሥሑ ለእመ ተሀወኩ።

ወንጌል Gospel

27. ኢየሱስ ካብኡ ምስ ኃለፈ፥ ክልተ ዕዉራት ዓው ኢሎም “ኦ ወዲ ዳዊት! ምሓረና!” እናበሉ ሰዓብዎ። 28. ናብ ቤት ምስ ኣተወ፥ እቶም ዕዉራት ናብኡ መጹ፥ ኢየሱስ ድማ፥ “እዚ ኽገብር ከም ዝኽእልዶ ትኣምኑ ኢኹም፧” በሎም። ንሳቶም ከኣ “እወ፥ ጐይታይ” በልዎ። 29. ንሱ ድማ “ከም እምነትኩም ይኹነልኩም” እናበለ ኣዕይንቶም ተንከዮም። 30. ኣዕይንቶም ከኣ ተኸፍታ። ኢየሱስ ድማ “ሓደ እኳ ኸይፈልጥ ተጠንቀቑ” እናበለ ብጽኑዕ ኣሰምዓሎም። 31. ንሳቶም ግና ወፂኦም ኣብ ኵላ እታ ሃገር ዝናኡ ዘርግሑ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ምሸትን ብጊሓትን ቀትርን እቚዝም እህህውን እብል ኣሎኹ፣ ንሱ ኸኣ ድምጸይ ይሰምዕ እዩ። ዚቃወሙኒ ብዙሓት እዮም እሞ፣ ካብ ውግእ ንነፍሰይ ብሰላም ኣናግፋ።

አድኅና በሰላም ለነፍስየ እምእለ ይትቃረኑኒ፤
እስመ ይበዝኁ እምእለ ምስሌየ፤
ይስማዕ እግዚአብሔር ወያኅሥሮሙ።

ወንጌል Gospel

7. ኢየሱስ ምስ ደቀ መዛሙርቱ ናብ ባሕሪ ኣቢሉ ኣልገሰ፥ ካብ ይሁዳን ካብ ገሊላን ከኣ ብዙኅ ሕዝቢ ሰዓቦ። 8. ኣዝዩ ብዙኅ ሕዝቢ ነቲ ዅሉ ዝገብሮ ሰሚዑ ድማ ካብ ኢየሩሳሌም፥ ካብ ኤዶምያስ፥ ካብ ማዕዶ ዮርዳኖስ፥ ካብ ዙርያ ጢሮስን ሲዶናን ናብኡ ተኣከበ። 9. ብምኽንያት ብዝኂ ሕዝቢ ሰብ ምእንቲ ኸይደፍኦ ጃልባ ኬጽንሑሉ ንደቀ መዛሙርቱ ነገሮም። 10. ንብዙኃት ኣሕውይዎም ነበረ እሞ፥ ሕማም ዘለዎም ኵሎም ምእንቲ ኺትንክይዎ ኣብኡ ኽሳዕ ዚወድቁ ይደፋፍኡ ነበሩ። 11. ርኹሳት መናፍስቲውን ምስ ረኣይዎ፥ “ንስኻ ወዲ ኣምላኽ ኢኻ” ኢሎም እናጨደሩ፥ ኣብ ቅድሚኡ ይድፍኡ ነበሩ። 12. ንሱ ኸኣ ከየግህድዎ ኣምሪሩ ይገንሖም ነበረ። እትሰምዕ እዝኒ ዘላቶ ይስማዕ!

መዝሙረ ዳዊት Psalm

ነህዛብ ገናሕካዮም፣ ንረሲኣን ኣጥፋእካዮም፣ ስሞም ከኣ ንዘለአለም ደምሰስካዮ። ጸላእቲ ንሓዋሩ ተጠሪሶም፣ ከተማታትሲ፣ መዘከርታኤን እኳ ኽሳዕ ዚጠፍእ፣ ዖንየን።

ገሠፅኮሙ ለአሕዛብ ወተኀጕሉ ረሲዓን፤
ወደምሰስከ ስሞሙ ለዓለመ ዓለም፤
ፀርሰ ተገምሩ በኵናት ለዝሉፉ።

ወንጌል Gospel

41. “ብድኅርዚ ኣብ ጸጋሙ ንዘለዉ ‘ኣቱም ርጉማት፥ ካባይ ርሒቕኩም ናብቲ ንሰይጣንን ንመላእኽቱን ዝተዳለወ ናይ ዘለዓለም ሓዊ ኺዱ። 42. ምኽንያቱ ጠምየ ኣየብላዕኩምንን፥ ጸሚአ ኣየስቴኹምንን፥ 43. ጋሻ ኾይነ መጺአ ኣይተቐበልኩምንን፥ ዓሪቐ ኣይከደንኩምንን፥ ሓሚመን ተኣሲረን ኣይበጻሕኩምንን’ ኪብሎም እዩ። 44. ሽዑ ንሳቶም ‘ኦ ጐይታ! መኣዝ ጠሚኻ ርኢናካስ ወይ ጸሚእካ ወይ ጋሻ ዄንካ ወይ ዓሪቕካ ወይ ሓሚምካ ወይ ተኣሲርካ ዘየገልገልናካ፧’ ኢሎም ኪምልሱ እዮም። 45. ሽዑ ንሱ ‘እቲ ንሓደ ኻብዞም ዝነኣሱ ዘይገበርኩምዎ ንኣይ ከም ዘይገበርኩምዎ ብሓቂ እብለኩም ኣሎኹ፥’ ኢሉ ኪምልሰሎም እዩ። 46. ሽዑ እዚኣቶም ናብ ናይ ዘለዓለም ቅጽዓት፥ ጻድቃን ግና ናብ ናይ ዘለዓለም ሕይወት ኪኸዱ እዮም።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

13. ንሕና ግና በቲ ኣምላኽ ዝሃበና ደረት እምበር ካብ ልክዕ ኃሊፍና ኣይንምካሕን ኢና። እዚ ደረትዚ ኸኣ ክሳብ ናባኻትኩም ዚበጽሕ እዩ። 14. ቅድሚ ዅሉ ወንጌል ዝሰበኽናልኩም ንሕና ኢና። ስለዚ ሕጂ ብኣኻትኩም እንተ ተመካሕና ካብቲ ብኣምላኽ ዝተደረተልና ዝኃለፍና ኣይመስለናን። 15. ካብቲ ዝተደረተልና ኃሊፍና በቲ ኻልኦት ዝገበርዎ ኣይንምካሕን ኢና። እኳ ደኣ እምነትኩም ኪዓቢ እሞ እቲ ኣብ ማእከልኩም ዘሎና ሰበኻ ኪገፍሓልና ተስፋ ኣሎና። 16. ሽዑ ካባኹም ኃሊፍና ናብ ኻልእ ሃገር ወንጌል ክንሰብኽ ኢና። በቲ ኻልኦት ድሮ ዘዳለውዎ ሰበኻውን ኣይንምካሕን ኢና። 17. “እቲ ዚምካሕ ብእግዚኣብሔር ደኣ ይመካሕ” ከም ዚብሎ፥ 18. እቲ እግዚኣብሔር ዚንእዶ እምበር እቲ ንገዛእ ርእሱ ዚንእድ ሰብ ኣይኮነን ተመስኪሩሉ ዚወፅእ።

ዘካልእ መልእክት Universal Epistle

12. እቲ ብጊዜ ፈተና ዚዕገስ ሰብኣይ ብፁዕ እዩ፥ ከመይ ተፈቲኑ ምስ ወፀ፥ ነቲ እግዚኣብሔር ነቶም ዜፍቅርዎ ዘተስፈዎም ኣኽሊል ሕይወት ኪቕበል እዩ። 13. ሓደ እኳ ምስ ተፈተነ ኣምላኽ ፈቲኑኒ ኣይበል፥ ከመይ ኣምላኽሲ ብእኩይ ኣይፍተንን፥ ባዕሉውን ንሓደ እኳ ኣይፍትንን እዩ። 14. ነፍስ ወከፍ ግና ብገዛእ ትምኒቱ ተሳሒቡን ተሓቢሉን እዩ ዚፍተን። 15. ሽዑ ትምኒት ምስ ጠነሰት ንኃጢኣት ትወልዳ፥ ኃጢኣት ምስ ተፈጸመት ድማ ንሞት ትወልዳ። 16. ኣቱም ፍቁራት ኣኅዋተይ፥ ኣይትስሓቱ። 17. ጽቡቕን ምሉእን ውህበት ካብ ላዕሊ እዩ፥ ካብቲ ዘይልወጥን ኣብ ጸልማት ክንነብር ዘይኃድገናን፥ ኣቦ ብርሃናት ዝኾነ ዚወርድ እዩ። 18. በዅሪ ናይ ኵሉ ፍጥረቱ ምእንቲ ኽንከውን ኢሉ ከም ፍቓዱ ብቓል ሓቂ ወለደና።

ግብረ ሃዋርያት Acts

26. ሽዑ እቲ ሓለቓ ሓለውቲ ቤት መቕደስ ምስቶም ገላዉ ኸይዱ ኣምጽኦም። እቲ ሕዝቢ ብዳርባ እምኒ ኸይቀትሎም ስለ ዝፈርሁ ግና ኣየጋፍዕዎምን። 27. ምስ ኣምጽእዎም፥ ኣብቲ መጋባእያ ደው ኣበልዎም እቲ ሊቀ ካህናት ከኣ፥ 28. “ብስም እዚ ሰብ እዚ ከይትምህሩዶ ኣጽኒዕና ኣይከልከልናኩምን፧ እንሆ ኸኣ ንኢየሩሳሌም ብትምህርትኹም መላእኩምዋ። ነዚ ሰብኣይ እዚ ንሕና ከም ዝቐተልናዮ ጌርኩም ከተርእዩ ዲኹም ትደልዩ ዘሎኹም፧” ኢሉ ሓተቶም። 29. ጴጥሮስን ሓዋርያትን ግና ከምዚ ኢሎም መለሱሎም፡ - “ካብ ንሰብሲ ንኣምላኽ ምእዛዝ እዩ ዚግባእ። 30. ነቲ ንስኻትኩም ኣብ ዕንጨይቲ ሰቒልኩም ዝቐተልኩምዎ ኢየሱስ፥ ኣምላኽ ኣቦታትና ኣተንሥኦ። 31. ንእስራኤል ንስሓን ኅድገት ኃጢኣትን ምእንቲ ኺህቦምሲ ኣምላኽ ንእኡ መራሕን መድኃንን ገይሩ ናብ የማኑ ልዕል ኣበሎ። 32. ንሕና ናይዚ ነገር እዚ ምስክር ኢና፥ እቲ ኣምላኽ ነቶም ዚእዘዝዎ ዝሃቦም መንፈስ ቅዱስውን ምስክር እዩ።” 33. ንሳቶም ነዚ ምስ ሰምዑ ሓረቑ፥ ንሓዋርያትውን ኪቐትልዎም ደለዩ።

ስንክሳር Synaxarium

ቴዎድሮስ መነኮስ ወ፵ ሰማዕታት
ወአሞንዮስ
ወ፬ቱ መኳንንት

መዝሙር Psalm

ዘረወ፣ ንድኻታት ሀበ፣ ጽድቁ ንዘለአለም ይነብር፣ ቀርኑ ብኽብሪ ልዕል ኪብል እዩ። ረሲእ ነዚ ርእዩ ኺሐርቕ፣ ኣስናኑ ኺሕርቅምን ኪማስንን፣ ትምኒት ረሲኣን ኪጠፍእ እዩ።

ዘረወ ወወሀበ ለነዳይ፤
ወጽድቁኒ ይነብር ለዓለመ፤
ወይትሌዐል ቀርኑ በክብር።

ወንጌል Gospel

32. “ኣቱም ንኡስ መጓሰ፥ ኣቦኹም መንግሥቲ ኺበኩም ፈትዩ ኣሎ እሞ ኣይትፍርሁ። 33. ጥሪትኩም ሸጥኩም ምጽዋት ሃቡ። ሠራቒ ኣብ ዘይረኽቦ፥ ነቐዝ ኣብ ዘየባላሽዎ፥ ዘይበሊ ማኅፉዳን ዘይጐድል ሃብትን ኣብ ሰማይ ዕቘሩ። 34. ምኽንያቱ ሃብትኹም ኣብ ዘለዎ ኣብኡ ድማ ልብኹም ኣሎ 35. “ሓቛቝኹም ዕጡቕ፥ መባርህትኹም ብሩህ ይኹን። 36. ንስኻትኩም ከምቶም ጐይትኦም ካብ መርዓ ክሳዕ ዚምለስ ዚጽበይዎ እሞ፥ መጺኡ ኳሕኳሕ ምስ ኣበለ፥ ብኡብኡ ዚኸፍቱሉ ሰባት ኩኑ። 37. እቶም ጐይትኦም ኪምለስ ከሎ ነቒሖም ዚረኽቦም ገላዉ ብፅዓን እዮም። ተዓጢቑ ኣብ መኣዲ ከም ዜቐምጦም፥ ቀሪቡውን ከም ዜገልግሎም፥ ብሓቂ እብለኩም ኣሎኹ። 38. ኣብ ካልኣይቲ ወይስ ሣልሰይቲ ክፍለ ጊዜ ናይ ለይቲ መጺኡ ኸምዚ ኢሎም እንተ ረኸቦም፥ እቶም ገላዉ እቲኦም ብፁዓን እዮም። 39. ግናኸ እዚ ፍለጡ፥ ብዓል ቤት ነታ ሰራቒ ዚመጸላ ጊዜ እንተ ዚፈልጣስ [ምነቕሐ]፥ ቤቱ ኽትኰዓት ከላውን ስቕ ኣይምበለን ነይሩ። 40. ንስኻትኩም ድማ ወዲ ሰብ ብዘይሓሰብኩምዋ ጊዜ ኪመጽእ እዪ እሞ፥ ዝተዳሎኹም ኩኑ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ባሮትካ ነእማና ኣፍቂሮም፣ ብሓመዳ ኸኣ ጕህዮም እዮም እሞ፣ ክትትንስእ ንጽዮንውን ክትርሕርሓላ ኢኻ። ኣህዛብ ከኣ ንስም እግዚኣብሄር፣ ኵሎም ነገስታት ምድሪ ድማ ንኽብርኻ ኺፈርሁ እዮም።

እስመ ሠምሩ አግብርቲከ እበኒሃ፤
ወአክበርዎ ለመሬታ፤
ወይፍርሁ አሕዛብ ስመከ እግዚኦ።

ወንጌል Gospel

1. ኢየሱስ ካብ ቤተ መቕደስ ወፂኡ ኺኸይድ ከሎ፥ ደቀ መዛሙርቱ ናብኡ ቐሪቦም ሕንጻ ቤት መቕደስ ኣርኣይዎ። 2. ንሱ ድማ መሊሱ “እዚ ዅሉስ ትርእይዎዶ ኣሎኹም፧ ኣብዚ ዘይፈርስ እምኒ ኣብ ልዕሊ እምኒ ኣይኪተርፍን እዩ፥ እብለኩም ኣሎኹ” በሎም። 3. ኣብ ደብረ ዘይቲ ተቐሚጡ ኸሎ፥ ደቀ መዛሙርቱ ብሕት ኢሎም፥ “እዚ መኣዝ እዩ ዚኸውን፧ ናይ ምምጻእካን ናይ ኅልቀት ዓለምንከ ምልክቱ እንታይ እዩ፧ እስከ ንገረና፧” እናበሉ ናብኡ ቐረቡ። 4. ኢየሱስ ከኣ ኸምዚ በሎም፦ “ሓደ እኳ ኸየስሕተኩም ተጠንቀቑ። 5. ‘ኣነ ክርስቶስ እየ’ እናበሉ ብዙኃት ብስመይ ኪመጹ እዮም፥ ንብዙኃትውን ኬስሕቱ እዮም። 6. ውግእን ወረ ውግእን ክትሰምዑ ኢኹም፥ ኣስተውዕሉ፥ ኣይትሰምብዱ፥ እዚ ዅሉ ብግድን ኪኸውን እዩ። እንተኾነ መወዳእታ ሽዑ ኣይኮነን። 7. ሕዝቢ ኣብ ልዕሊ ሕዝቢ፥ መንግሥቲውን ኣብ ልዕሊ መንግሥቲ ኺለዓል እዩ፥ ኣብ ኵሉ ቦታታት ከኣ ረሃብን ምንቅጥቃጥ ምድርን ኪኸውን እዩ። 8. እዚ ዅሉ መጀመርታ ቕልውላው እዩ። 9. በቲ እዋን እቲ ንመከራ ኣኅሊፎም ኪህቡኹምን ኪቐትሉኹምን እዮም። ስለ ስመይ ከኣ ብዂሎም ኣሕዛብ ጽሉኣት ክትኮኑ ኢኹም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።