መዝሙረ ዳዊት Psalm

እግዚኣብሄር ብመዓልቲ ጸበባ ይስማዕካ፣ ስም ኣምላኽ ያእቆብ ልዕል የብልካ። ካብ መቕደስ ረዲኤት ይስደደልካ፣ ካብ ጽዮን ከኣ ይደግፍካ።

ወንጌል Gospel

9. ዖዝያ ንእዮኣታም ወለደ፥ ኢዮኣታም ንኣካዝ ወለደ፥ ኣካዝ ንሕዝቅያስ ወለደ፥ 10. ሕዝቅያስ ንምናሴ ወለደ፥ ምናሴ ንኣሞጽ ወለደ፥ ኣሞጽ ንእዮስያስ ወለደ፥ 11. ኢዮስያስ ከኣ ብጊዜ ምርኮ ባቢሎን ንኢኮንያንን ነኅዋቱን ወለደ። 12. ድኅሪ ምርኮ ባቢሎን ድማ ኢኮንያን ንሰላትኤል ወለደ፥ ሰላትኤል ንዘሩባቤል ወለደ፥ 13. ዘሩባቤል ንኣብዩድ ወለደ፥ ኣብዩድ ንኤልያቄም ወለደ፥ ኤልያቄም ንኣዛር ወለደ፥ 14. ኣዛር ንሳዶቅ ወለደ፥ ሳዶቅ ንኣኪም ወለደ፥ ኣኪም ንኤልዩድ ወለደ፥ 15. ኤልዩድ ንኣልኣዛር ወለደ፥ ኣልኣዛር ንማታን ወለደ፥ ማታን ንያዕቆብ ወለደ፥ 16. ያዕቆብ ንዮሴፍ ሕጹይ ማርያም ወለደ፥ ካብኣ ድማ እቲ ክርስቶስ ዝተባህለ ኢየሱስ ተወልደ። 17. እምበኣር ኵሉ ወለዶ፥ ካብ ኣብርሃም ክሳዕ ዳዊት ዓሠርተው ኣርባዕተ ወለዶ፥ ካብ ዳዊት ክሳዕ ምርኮ ባቢሎን ዓሠርተው ኣርባዕተ ወለዶ፥ ካብ ምርኮ ባቢሎን ክሳዕ ክርስቶስ ድማ ዓሠርተው ኣርባዕተ ወለዶ እዩ፦ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እምበኣር ቅድሚ ዅሉ ምህለላ፥ ጸሎት፥ ምምላድ፥ ምስጋና፥ ምእንቲ ዅሉ ሰብ ኪግበር እምዕድ ኣሎኹ። 2. ብመንፈሳውነትን ብኽብርን፥ ህዱእን ሰላማውን ዝኾነ ሕይወትን ምእንቲ ኽንነብር ከኣ ምእንቲ ዅሎም ነገስታትን ሰብ ሥልጣንን ጸሎት ይገበር። 3. እዚ ኣብ ቅድሚ እቲ መድኃኒና ዝኾነ ኣምላኽ ሠናይን ዜሐጉስን እዩ። 4. ንሱ፥ ኵሉ ሰብ ኪድኅንን ናብ ፍልጠት ሓቂ ኺመጽእን እዩ ዝፈቱ። 5. ኣምላኽ ሓደ እዩ፥ እቲ ኣብ መንጎ ኣምላኽን ሰብን ዘሎ መተዓረቒ ድማ ሓደ እዩ፥ ንሱ ኸኣ እቲ ሰብ ዝኾነ ክርስቶስ ኢየሱስ እዩ። 6. ንሱ ኣብ ክንዲ ዅሉ ሰብ ገዛእ ርእሱ በጃ ኣሕሊፉ ሃበ፥ እዚ ኸኣ ጊዚኡ ምስ በጽሐ፥ ኣምላኽ ኵሉ ኺድኅን ከም ዚደሊ ምስክር እዩ። 7. ኣነ ኸኣ ነሕዛብ ሓቅን እምነትን ምእንቲ ኽምህር (ሓቂ እዛረብ ኣሎኹ፥ ኣይሕሱን እየ) ሰባኽን ሓዋርያን ኮይነ ተሸምኩ። 8. ኵሎም ሰብኡት ካብ ባእስን ክትዕን ርሒቖም፥ ኣብ ኵሉ ስፍራ ቅዱሳን ኣእዳው ኣልዒሎም ኪጽልዩ እደሊ ኣሎኹ።

ዘካልእ መልእክት Universal Epistle

10. ከምቲ ቕዱስ መጽሓፍ ዚብሎ “እቲ ሕይወት ዚፈቱ፥ ጽቡቓት መዓልትታት ኸኣ ኺርኢ ዚደሊ፥ ልሳኑ ኻብ ክፋእ፥ ከናፍሩውን ተንኰል ከይዛረባ ይኸልክል። 11. ካብ እከይ ይርሓቕ፥ ሠናይ ኸኣ ይግበር። ንሰላም ይድለያን ይስዓባን። 12. ኣዕይንቲ እግዚኣብሔር ናብ ጻድቃን እየን ዚርእያ። ኣእዛኑውን ናብ ጸሎቶም እየን። እግዚኣብሔር ግና ነቶም ገበርቲ እከይ ይፃረሮም እዩ።” 13. ንሠናይ ነገር ትጽዕቱ እንተ ዄንኩምከ መን እዩ ኺጐድኣኩም ዝኽእል፧ 14. ምእንቲ ጽድቂ ሓሳረ መከራ እንተ ጸገብኩም ግና ብፁዓን ኢኹም። ካብ ሰብ ኣይትፍርሁ፥ ብሓደ እኳ ኣይትሸበሩ። 15. ንክርስቶስ ብልብኹም ከም ጐይታ ቐድስዎ። ብዛዕባ እታ ኣባኻትኩም ዘላ ተስፋ ንዚሓትኩም ዘበለ ምላሽ ምሃብ ምእንቲ ኽትክእሉ ዅሉ ሳዕ ድልዋት ኩኑ። ግናኸ ብለውሃትን ብኽብርን ግበርዎ።

ግብረ ሃዋርያት Acts

10. ኣብ ደማስቆ ኸኣ ሓደ ሃናንያ ዝስሙ ወደ መዝሙር ነበረ። ንእኡ ጐይታ ብራእይ “ሃናንያ” ኢሉ ጸውዖ፤ ንሱ ከኣ “እኔኹ ጐይታይ” ኢሉ መለሰ። 11. ጐይታ ኸኣ “ተንሥእ እሞ ናብታ ቕንዕቲ ተባሂላ እትጽዋዕ መገዲ ኺድ፤ ሳውል ዚብሃል ሰብኣይ ብዓል ጠርሴስ ይጽሊ ኣሎ እሞ ኣብ ቤት ይሁዳ ድለዮ፤ 12. ንእኡውን ንስኻ ኼድካ፥ ኢድካ ኣንቢርካ ከም ዚርኢ ኽትገብሮ ምዃንካ ብራእይ ገሊጸሉ ኣሎኹ” በሎ። 13. ሃናንያ ኸኣ “ጐይታይ! ብዛዕባ እዚ ሰብኣይዚ፥ ኣብ ኢየሩሳሌም ንቕዱሳንካ ክንደይ ክፉእ ከም ዝገበሮም ካብ ብዙኃት ሰሚዐ ኣሎኹ። 14. ኣብዚ ድማ ነቶም ስምካ ዚጽውዑ ዅሎም ኪኣስር ካብ ሊቃነ ካህናት ሥልጣን ኂዙ መጺኡ ኣሎ” ኢሉ መለሰ። 15. ጐይታ ግና “ኪድ ድኣ እዚ ሰብኣይ እዚ ኣብ ቅድሚ ኣሕዛብን ነገሥታትን ደቂ እስራኤልን ስመይ ኪፀውር ዘለዎ ናተይ ኅሩይ ኣቕሓ እዩ። 16. ምእንቲ ስመይውን ክንደይ ብዙኅ ሓሳረ መከራ ኪቕበል ከም ዚግብኦ ኸርእዮ እየ” በሎ።

ስንክሳር Synaxarium

ሕዝቅያስ ንጉሥ
ወፊልጶስ ወአሃዊሁ
ወማቴዎስ

መዝሙር Psalm

ዎ እግዚኣብሄር፣ ንጉስ ብሓይልኻ ይሕጐስ፣ ብምድሓንካኸ ክንደይ ኣዝዩ ዘይፍሳህ። ትምኒት ልቡ ሂብካዮ፣ ልማኖ ኸናፍሩውን ኣይከላእካዮን።

ወይ

መዝ 61 ፡ 7 - 8

ዕድመ ንጉስ ተንውሕ፣ ዓመታቱ ኻብ ወለዶ ንወለዶ ይነብር። ኣብ ቅድሚ ኣምላኽ ንሓዋሩ ይነብር።

ወንጌል Gospel

28. ካባኻትኩምከ ግምቢ ኺሠርሕ ዚደሊ እሞ ንምውድኡ ዚኣኽሎ ገንዘብ እንተለዎ ቅድም ተቐሚጡ ዘይጽብጽብ እንታዋይ እዩ፧ 29. - 30. እንተ ዘየሎ መሠረት ምስ ሠረተ፥ ምውዳኡ እንተ ሰኣነ፥ ዝረኣይዎ ኹሎም ‘እዚ ሰብ እዚ ምንዳቕ ጀሚሩ ምውዳኡ ስኢኑ’ እናበሉ ኼላግጹሉ ይጅምሩ። 31. ወይስ ኣየናይ ንጉሥ እዩ ምስ ካልእ ንጉሥ ኪዋጋእ ዚኸይድ እሞ፥ ነቲ ብዕሥራ ሽሕ ዚመጾስ ብዓሠርተ ሽሕ ኪገጥመሉ ዚኽእል እንተኾይኑ፥ ተቐሚጡ ቕድም ዘይመክር። 32. እንተዘይኮነስ፥ ገና ርሑቕ ከሎ ልኡኻት ናብኡ ሰዲዱ ዕርቂ ይልምን። 33. ከምኡ ድማ ነፍስ ወከፍ ካባኹም ዘለዎ ዘበለ ዅሉ ዘይኃደገ፥ ወደ መዝሙረይ ኪኸውን ኣይክእልን እዩ። 34. ጨው ጽቡቕ እዩ፥ እቲ ጨው መቐረቱ እንተ ኣጥፍአኸ ብምንታይ ይምቅር፧ 35. ንወፃኢ ይጕሕፍዎ እምበር፥ ንምድሪ ኾነ ንድዂዒ፥ ኣይጠቅምን እዩ። እትሰምዕ እዝኒ ዘላቶ ይስማዕ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ነቶም ደፋራት፣ ኣይትድፈሩ፣ ንረሲኣንውን፣ ቀርንኹም ኣይተልዕሉ፣ በልክዎም። ቀርንኹም ንላዕሊ ኣይተልዕሉ፣ ክሳድኩም ኣትሪርኩም ኣይትዛረቡ።

ወንጌል Gospel

29. የማነይቲ ዓይንኻ እንተ ኣስሓተትካ፥ ካባኻ ጐጥጕጥካ ደርብያ። ብዘሎ ኣካልካ ናብ ገሃነም ካብ ዚኣቱስ፥ ሓንቲ ኣካልካ እንተ ጠፍኤት ይኅሸካ። 30. የማነይቲ ኢድካ እንተ ኣስሓተትካውን፥ ካባኻ ቘሪጽካ ደርብያ። ብዘሎ ኣካልካ ኣብ ገሃነም ካብ ዚኣቱስ፥ ሓንቲ ኣካልካ እንተ ጠፍኤት ይኅሸካ። 31. “‘ንሰበይቱ ዚፈትሓ፥ መፍትሒኣ ዝነግር ጽሑፍ ይሃባ’ ተባሂሉ ኣሎ። 32. ኣነ ግና ብዘይ ምኽንያት ዝሙት ንሰበይቱ ዚፈትሓ ዘበለ ዅሉ ዘማዊት ይገብራ፥ እቲ ፍትሕቲ ዜእቱ ድማ ይዝሙ፥ እብለኩም ኣሎኹ። 33. “ከምኡ ድማ ነቶም ቀዳሞት፥ ‘ማሕላኻ ንእግዚኣብሔር ሃቦ እምበር፥ ብሓሶት ኣይትምሓል፥’ ከም ዝተባህለ ሰሚዕኩም ኣሎኹም። 34. ኣነ ግና ወይ ብሰማይ፥ ዝፋን ኣምላኽ ስለ ዝኾነ፥ 35. ወይ ብምድሪ፥ መርገጽ እግሩ ስለ ዝኾነት፥ ወይ ብኢየሩሳሌም፥ ከተማ እቲ ዓቢይ ንጉሥ ስለ ዝኾነት፥ ከቶ ኣይትምሓሉ እብለኩም ኣለኹ። 36. ካብ ፀጒሪ ርእስኻ ሓንቲ ኸተጻዕዱ ወይ ከተጸልም ኣይትኽእልን ኢኻ እሞ፥ ብርእስኻውን ኣይትምሓል። 37. ነገርኩምሲ፥ ‘እወ፥ እወ’ ወይ ‘ኣይኮነን፥ ኣይኮነን’ ደኣ ይኹን። ካብዚ እንድኅሪ በዚኁ ግና ኻብቲ ክፉእ እዩ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

አታ እግዚኣብሄር፣ ብቕብልቲ ጊዜ ግና ጸሎተይ ናባኻ እዩ፣ ዎ ኣምላኽ፣ ብብዝሒ ምሕረትካ፣ ብሓቂ ምድሓንካ ምለሰለይ።

ወንጌል Gospel

1. “ብሰብ ምእንቲ ኽትርኣዩ ኢልኩም ጽድቅኹም ከይትገብሩ ተጠንቀቑ። እንተ ዘይኮነ ካብቲ ኣብ ሰማያት ዘሎ ኣቦኹም ዓስቢ የብልኩምን። 2. እምብኣርከ ንስኻ ክትምጽውት ከሎኻ፥ እቶም ግቡዛት፥ ብሰብ ምእንቲ ኺንኣዱ ኣብ ናይ ኣይሁድ ኣባይቲ ጸሎትን ዓበይቲ መገድታትን ከም ዚገብርዎ ኣብ ቅድሜኻ መለኸት ኣይትንፋሕ። ዓስቦም ከም ዝተቐበሉ፥ ብሓቂ እበለኩም ኣሎኹ። 3. - 4. ንስኻ ግና ምጽዋትካ ብኅቡእ ምእንቲ ኪኸውን፥ ክትምጽውት ከሎኻ የማነይትኻ እትገብሮ ጸጋመይትኻ ኣይትፍለጦ፥ እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። 5. “እቶም ግቡዛት ብሰብ ምእንቲ ኺርኣዩ፥ ኣብ ናይ ኣይሁድ ኣባይቲ ጸሎትን፥ ኣብ ቀራናታት መገድን ደው ኢሎም ኪጽልዩ ይፈትዉ እዮም እሞ፥ ክትጽልዩ ኸሎኹም ከምኣቶም ኣይትኹኑ፥ ዓስቦም ከም ዝተቐበሉ ብሓቂ እብለኩም ኣሎኹ። 6. ንስኻ ግና ክትጽሊ ከሎኻ፥ ናብ ቤትካ እቶ፥ ማዕጾኻ ዓጺኻ ናብቲ ብሥዉር ዘሎ ኣቦኻ ጸሊ። እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። 7. “ኣሕዛብ ብምብዛኅ ዘረባኦም ዚስምዑ እዩ ዚመስሎም እሞ፥ ኽትጽልዩ ኸሎኹም ከምኣቶም ከንቱ ዘረባ ኣይተብዝኁ። 8. እምብኣርከ ኣቦኹም ከይለመንኩምዎ፥ ዜድልየኩም ይፈልጥ እዩ እሞ፥ ኣይትምሰልዎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. ኣነ ጳውሎስ ኣብ ቅድሜኹምን ያኢ ኃፋር፥ ብድሕሬኹም ግና ደፋር ዝኾንኩ፥ ብናይ ክርስቶስ ሕያውነትን ለውሃትን እልምነኩም ኣሎኹ። 2. ነቶም ብሥጋዊ መገዲ ከም እንነብር ገይሮም ዚቘጽሩና ገለ ሰባት፥ ብድፍረት ክምልሰሎም እኽእል እየ፤ እንተ ኾነ ናባኻትኩም ምስ መጻእኩ ብድፍረት ኣብ ምዝራብ ከይተብጽሑኒ እልምነኩም ኣሎኹ። 3. ከመይ ሥጋ ለቢስና እኳ እንተ ነበርና ብሥጋዊ መንገዲ ኣንዋጋእን ኢና። 4. ኣፅዋር ውግእና ድማ፥ ጽኑዕ ዕርድታት ዘፍርስ መለኮታዊ ኃይሊ ዘለዎ ኣፅዋር እዩ እምበር ሥጋዊ ኣይኮነን። ንዚከራኸረና ንረትዖ። 5. ነቲ ንፍልጠት ኣምላኽ ብትዕቢት ዝቃረን ኵሉ ነፍርሶ፥ ንዅሉ ሓሳብ ማሪኽና ድማ ንክርስቶስ ከም ዚግዛእ ንገብሮ። 6. ንስኻትኩም ብምእዛዝ ፍጹማት ምስ ኮንኩም ነቲ ዘይእዘዝ ዘበለ ኽንቀጽዖ ድልዋት ኢና። 7. ንስኻትኩም ንሓደ ነገር ብግዳሙ ጥራይ ኢኹም እትርእይዎ። ሓደ ናይ ክርስቶስ ከም ዝኾነ ዚኣምን እንተሎ፥ ከምቲ ንሱ ናይ ክርስቶስ ዝኾነ፥ ንሕናውን ናይ ክርስቶስ ከም ዝኾንና ኪሓስብ ይግብኦ። 8. በቲ ጐይታ ንምፍራስኩም ዘይኮነስ ንምሕናጽኩም ዝሃበና ሥልጣን፥ ቍሩብ ኣዛይደ እንተ ደኣ ተመኪሐ ኾይነ ድማ ኣይኃፍርን እየ። 9. ብመልእኽትታተይ ገይረ ከፈራርሃኩም ዝደሌኹ ኣይምሰልኩም። 10. ከመይ ገለ ሰብ “እተን መልእኽትታቱ ከበድትን ብርቱዓትን እየን፥ ብቖመናኡ ምሳና ኸሎ ግና ድኹም እዩ፥ ዘረባኡውን ንዑቕ እዩ” ዚብል ኣሎ።

ዘካልእ መልእክት Universal Epistle

5. ወይስ እቲ “ኣምላኽ ነቲ ኣባና ኣኅዲርዎ ዘሎ መንፈስ፥ ብቕንኢ እዩ ዚሕልዎ” ዚብል ቃል ቅዱስ መጽሓፍዶ ከንቱ ይመስለኩም፧ 6. ንሱ ግና ቅዱስ መጽሓፍ “ኣምላኽ ንዕቡያት ይፃረሮም ንትሑታት ግና ጸጋ ይህቦም” ከም ዚብል፥ ኣብዚኁ እዩ ጸጋ ዚህብ። 7. እምበኣርሲ ንኣምላኽ ተገዝእዎ።ንዲያብሎስ ግና ተፃረርዎ፥ ንሱ ኸኣ ኻባኻትኩም ኪሃድም እዩ። 8. ንኣምላኽ ቅረብዎ፥ ንሱውን ኪቐርበኩም እዩ። ኣቱም ኃጥኣን፥ ኣእዳውኩም ኣጽርዩ፥ ኣቱም ሰብ ክልተ ልቢውን ልብኹም ኣንጽሑ። 9. ኅዘኑን ጒሃዩን ብኸዩን። ሰሓቕኩም ናብ ብኽያት ሓጐስኩምውን ናብ ኃዘን ይለወጥ። 10. ኣብ ቅድሚ እግዚኣብሔር ትሕት በሉ፥ ንሱዉን ልዕል ኬብለኩም እዩ። 11. ኣቱም ኣኅዋተይ፥ ንሓድሕድኩም ኣይትነቓቐፋ። እቲ ንኃዉ ዚነቅፍ ወይ ኣብ ልዕሊ ኃው ዚፈርድ ንሕጊ እዩ ዚነቅፍ፥ ኣብ ልዕሊ ሕጊውን ይፈርድ፥ ንሕጊ ክትፈርዶ ኸሎኻ ግና፥ ትፈርዶ እምበር ትሕልዎ ኣይኮንካን ዘሎኻ። 12. እቲ ኼድኅንን ኬጥፍእን ዚኽእል፥ ሓጋግ ሕግን ፈራድን ሓደ ንሱ እዩ። ንሰኻ ደኣ ኣብ ብጻይካ እትፈርድ እንታዋይ ኢኻ፧

ግብረ ሃዋርያት Acts

42. ንሳቶም ከኣ ብትምህርቲ ሓዋርያትን ኃቢሮም ብምንባርን ብምቝራስ እንጌራን ብጸሎትን ጸኒዖም ነበሩ። 43. ብዙኅ ትእምርትን ተኣምራትን ድማ ብኢድ ሓዋርያት ተገብረ፤ ኣብ ኵሎም ከኣ ፍርሃት ኮነ። 44. እቶም ዝኣመኑ ዅሎም ብኃባር ነበሩ። ዘለዎም ኵሉ ኸኣ ብርኪ ነበረ። 45. ንሳቶም ከኣ፥ መሬቶምን ጥሪቶምን ሸይጦም፥ ንዅላቶም ከከም ዜድልዮም ይመቕልዎም ነበሩ። 46. ኣብ ጸጽባሕ ኣብ ቤት መቕደስ ከየቋረጹ ብኅብረት ጸኒዖም ይእከቡ ነበሩ። ኣብ ኣባይቶም እንጌራ እናቘረሱ ኸኣ ብታሕጓስን ብግሩህ ልብን ኣብ መኣዲ ይሳተፉ ነበሩ። 47. ንኣምላኽ የመስግኑ ነበሩ፥ ኣብ ቅድሚ ኵሉ ሕዝቢ ድማ ሞገስ ነበሮም። እግዚኣብሔር ከኣ ዚድኅኑ ኣብ ጸጽባሕ ናብታ ማኅበር ይውስኽ ነበረ።

ስንክሳር Synaxarium

አብርሃም ካልእ
ወዮሐንስ ሐራ
ወአባ ፊልጶስ ዘደብረ ቢዘን

መዝሙር Psalm

ንዘለአለም ኣይኪናወጽን እዩ እሞ፣ መዘከርታ ጻድቕ ንዘለአለም ይነብር። ክፉእ ወረ ኣይፈርህን፣ ልቡ ብእግዚኣብሄር ተወኪሉ ይጸንዕ።

ወንጌል Gospel

1. እንሆ ዅሎም ተቐበልቲ ቐረጽን ኃጥኣንን ኪሰምዕዎ ናብኡ ቐረቡ። 2. ፈሪሳውያንን መምህራን ሕግን ድማ “እዚ ንኃጥኣን ይቕበል፥ ምስኣቶምውን ይበልዕ” እናበሉ ኣበርቲዖም ኣጒረምረሙ። 3. ሽዑ ኸምዚ ኢሉ ነዚ ምስላ እዚ መሰለሎም፦ 4. “ካባኻትኩምከ እቲ ሚእቲ ኣባጊዕ ዘለዋኦ እሞ፥ ካብኣተን ሓንቲ እንተ ጠፍኣቶ፥ ነተን ተስዓን ትሽዓተን ኣብ በረኻ ዘይኃድግ፥ ክሳዕ ዚረኽባውን ነታ ዝጠፍአት ኪደሊ ዘይከይድ እንታዋይ ሰብ እዩ፧ 5. ምስ ረኸባ ኸኣ ተሓጒሱ ኣብ መንኵቡ ይሕንግራ። 6. ናብ ቤቱ ምስ ተመለሰ ድማ ነዕሩኹን ንጐረባብቱን ብሓደ ጸዊዑ፥ ‘ነታ ዝጠፍኣትኒ በጊዐይ ረኺበያ እየ እሞ ምሳይ ተሓጐሱ’ ይብሎም። 7. ከምኡ ኸኣ ንስሓ ካብ ዘይደልዩ ተስዓን ትሽዓተን ጻድቃን፥ ብሓደ ዚንሳሕ ኃጥእ ኣብ ሰማይ ሓጐስ ኪኸውን እዩ፥ እብለኩም ኣሎኹ። 8. “ወይስ ኣየነይቲ ሰበይቲ እያ ዓሠርተ ቕርሺ ብሩር ዘለዋ፥ ሓንቲ ቕርሺ ብሩር እንተ ጠፍኣታ መብራህቲ ዘይተብርህ፥ ቤታውን ዘይትዅስትር፧ ክሳዕ እትረኽባ ኸኣ ኣጸቢቓ ዘይትደሊ፧ 9. ምስ ረኸበታ ድማ፥ ‘እታ ዝጠፍኣትኒ ቕርሺ ብሩረይ ረኺበያ እየ እሞ ምሳይ ተሓጐሳ’ እናበለት ነዳኖታታን ንጐረባብታን ዘይትጽውዕ፧ 10. ከምኡ ድማ ብሓደ ዚንሳሕ ኃጥእ ኣብ ቅድሚ መላእኽቲ ኣምላኽ ሓጐስ ከም ዚኸውን፥ እብለኩም ኣሎኹ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ እግዚኣብሄር፣ ንስኻ አብ ልዕሊ ዅሉ ምድሪ ልዑል ኢኻ፣ አብ ልዕሊ ዅሎም አማልኽቲ ኣዚኻ ልዑል ኢኻ እሞ፣ ዎ እግዚኣብሄር፣ ጽዮን ሰሚዓ ተሐጐሰት፣ ኣዋልድ ይሁዳውን ብዛዕባ ፍርድኻ እልል በላ።

ወንጌል Gospel

57. ምስ መሰየ ግና ዮሴፍ ዝተባህለ ሃብታም ሰብኣይ ካብ ኣርማትያስ መጸ። ንሱ ኸኣ ወደ መዝሙር ኢየሱስ ነበረ። 58. ናብ ጲላጦስ ቀሪቡ ድማ ናይ ኢየሱስ ሥጋ ለመነ። ሽዑ ጲላጦስ ኪህብዎ ኣዘዘ። 59. ዮሴፍ ድማ ነቲ ሥጋ ወሲዱ ብጽሩይ በፍታ ገነዞ፥ 60. ኣብቲ ኣብ ከውሒ ዘውቀሮ ናይ ባዕሉ ሓድሽ መቓብርውን ኣንበሮ፥ ሓደ ዓቢይ እምኒ ኣንከራርዩ ድማ ነቲ ኣፍ መቓብር ዓጽይዎ ኸደ። 61. ኣብኡ ኸኣ ማርያም መግደላዊትን ማርያም እታ ኻልኣይትን፥ ኣብ መንጽሩ ተቐሚጠን ነበራ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ብፍርድታትካ ኸረን ጽዮን ትሕጐስ፣ ኣዋልድ ይሁዳ እልል ይብላ። ንጽዮን ዙርዋ፣ ብዙርያኣ ተመላለሱ፣ ግምብታታ ቚጸሩ።

ወንጌል Gospel

1. ድኅርዚ ድማ ኢየሱስ መንግሥቲ ኣምላኽ እናሰበኸን እናኣበሠረን ፍቕዳ ኸተማታትን ዓድታትን ይዘውር ነበረ። እቶም ዓሠርተው ክልተ ኸኣ ምስኡ ነበሩ። 2. ከምኡውን ካብ ርኹሳት መናፍስትን ካብ ሕማምን ዝሓወያ ገለ ኣንስቲ ነበራ፤ ንሳተን ከኣ እታ ሾብዓተ ኣጋንንቲ ዝወፁላ መግደላዊት ዚብልዋ ማርያም፥ 3. ዮሃና ሰበይቲ ኩዛ ኣዛዝ ቤት ሄሮድስ፥ ሶስና፥ ብገንዘበን ዜገልግላኦም ካልኦት ብዙኃትውን ምስኡ ነበራ። 4. ብዙኅ ሕዝቢ ምስ ተኣከበ፥ ሰባትውን ካብ ፍቕዳ ኸተማታት ናብኡ ምስ መጹ፥ ብምስላ ኸምዚ ኢሉ ተዛረበ፦ 5. “ዘራኢ ዘርኡ ኺዘርእ ወፈረ፤ ኪዘርእ ከሎ ድማ ገሊኡ ኣብ ጥቓ መገዲ ወደቐ፥ ተረግጸ፥ ኣዕዋፍ ሰማይውን በልዓኦ። 6. ገሊኡ ኸኣ ኣብ ከውሒ ወደቐ፥ ምስ በቘለ ድማ ጠሊ ስለ ዘይነበሮ ነቐጸ። 7. ገሊኡውን ኣብ ማእከል እሾዅ ወደቐ፥ እቲ እሾዅ ምስኡ ዓብዩ ሓነቖ። 8. ካልእ ከኣ ኣብ ጽቡቕ ምድሪ ወደቐ፥ በቘለ፥ ሚእቲ ኻዕበት ድማ ፈረየ።” እዚ ምስ በለ፥ ዓው ኢሉ “እትሰምዕ እዝኒ ዘላቶ ይስማዕ” በሎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

12. ነቶም ዝተረፉ ድማ፥ ብጐይታ ዘይኮነስ ኣነ ባዕለይ ከምዚ ዚስዕብ እብሎም ኣሎኹ፦ ሓደ ክርስቲያን፥ ክርስቲያን ዘይኮነት ሰበይቲ እንተ ኣላቶ፥ ንሳ ድማ ምስኡ ኽትነብር እንተ ፈተወት፥ ኣይፍትሓያ። 13. ሰበይቲውን ክርስቲያን ዘይኮነ ሰብኣይ እንተ ኣለዋ፥ ንሱ ከኣ ምስኣ ኺነብር እንተ ፈተወ፥ ንሰብኣያ ኣይትፍትሓዮ። 14. ከመይ እቲ ክርስቲያን ዘይኮነ ሰብኣይ ብሰበይቱ ተቐዲሱ እዩ፥ እታ ክርስቲያን ዘይኮነት ሰበይቲውን በቲ ኃው ተቐዲሳ እያ። ከምኡ እንተ ዘይከውንሲ ውሉድኩም ርኹሳት ምኾኑ ነይሮም። ሕጂ ግና ቕዱሳን እዮም። 15. እቲ ክርስቲያን ዘይኮነ ኪፍለ እንተ ደለየ ግና ይፈለ። ኣብ ከምዚ ዚኣመሰለ እቲ ኃው ወይ እታ ኃብቲ ትኁዛት ኣይኮኑን። ኣምላኽ ብሰላም ክንነብር እዩ ዝጸውዓና። 16. ኣቲ ሰበይቲ፥ ንሰብኣይኪ እንተ ኣድኃንክዮ እንታይ ትፈልጢ፧ ወይስ ኣታ ሰብኣይ፥ ንሰበይትኻ እንተ ኣድኃንካያ እንታይ ትፈልጥ፧ 17. ብዝተረፈስ ነፍስ ወከፍ ከምቲ እግዚኣብሔር ዝዓደሎ፥ ነፍሲ ወከፍውን ከምቲ ኣምላኽ ዝጸውዖ ኾይኑ ይንበር። ንዂላተን ኣብያተ ክርስቲያን ከምኡ እየ ዝሠርዕ ዘሎኹ። 18. ሓደ ካባኻትኩም ግዙር ከሎ ዝተጸውዐ እንተ ኣሎ ዘይምግዛር ኣይድለ። ዘይግዙር ከሎ ዝተጸውዐ እንተሎ ኺግዘር ኣይድለ። 19. ትእዛዛት ኣምላኽ ምሕላው እዩ ዚጠቅም እምበር ግዝረት ፍረ የብሉን፥ ዘይግዝረትውን ፍረ የብሉን። 20. ነፍስ ወከፍ ከምታ ኣምላኽ ኪጽውዖ ኸሎ ዝነበራ ይንበር።

ዘካልእ መልእክት Universal Epistle

1. - 2. ከምኡውን፥ ኣትን ኣንስቲ! ንሰብኡትክን ተኣዘዛኦም። ገለ ነቲ ቃል ኣምላኽ ዘይኣምኑ ሰብኡት እንተ ኣለዉ ድማ፥ ከም እተኽብራኦምን ብንጽሕና ከም እትነብራን ምስ ረኣዩ፥ ብዘረባ ዘይኮነስ፥ ብሕይወት ኣንስቶም ኪምለሱ እዮም። 3. መልክዕክን ግዳማዊ ብዝኾነ፥ ማለት ብሥርሓት ርእስን ወርቂ ብምእሳርን ብኽቡር ክዳውንትን ኣይኹን። 4. መልክዕክንሲ እቲ ኣብ ልቢ ወዲ ሰብ ዘሎ ለዋህን ህዱእን ዝኾነ መንፈስ ይኹን። እዚ መንፈስ እዚ ዘይበርስ፥ ኣብ ቅድሚ ኣምላኽ ኸኣ ክቡር እዩ። 5. ቀደም ድማ እተን ኣምላኽ ዝተስፍአን ቅዱሳን ኣንስቲ፥ ከምዚ ኢለን እየን ዝተሰለማ። ንሰብኡተን ይእዘዛ ነበራ። 6. ሣራ ንኣብርሃም “ጐይታይ” እናበለት ትእዘዞ ነበረት። ንስኻትክንውን ከምኡ ጽቡቕ እንተ ገበርክን፥ ገለ ነገርውን እንተ ዘይፈራህክን ደቃ ኢኽን። 7. ከምኡውን፥ ኣቱም ሰብኡት፥ ምስ ኣንስትኹም ብምስትውዓል ንበሩ። ንሳተን ድኹማት ፍጥረት ስለ ዝኾና፥ ነቲ ጸጋ ሕይወት ድማ መዋርስትኹም እየን እሞ ኣኽብርወን። ሽዑ ጸሎትኩም ኣይኪዕገትን እዩ።

ግብረ ሃዋርያት Acts

12. ካብኣ ድማ ናብታ ኽፍለ ሃገር መቄዶንያ ቐዳመይቲ ኸተማን ግዝኣት ሮማን ዝኾነት ፊልጵስዩስ ኣቶና፥ ኣብኣ ኸኣ ሓያሎ መዓልቲ ቐኔና። 13. ብመዓልቲ ሰንበት ከኣ ካብ ቀጽሪ እታ ኸተማ ወፂእና፥ ኣብ ጥቓ እቲ ጸሎት ይግበረሉ እዩ፥ ኢልና ዝገመትናዮ ገምገም ሩባ ኸድና፥ ኣብኡ ኾፍ ኢልና ኸኣ ነተን ኣብኡ ዝተኣከባ ኣንስቲ ተዛረብናየን። 14. ልድያ እትብሃል ንኣምላኽ እትፈርህ ሰበይቲ፥ ብዓልቲ ከተማ ትያጥሮን፥ ሸያጢት ቀይሕ ሃሪ ድማ ትሰምዕ ነበረት፤ ናብቲ ጳውሎስ ዚብሎ ዝነበረ ከተድህብ ከኣ ጐይታ ልባ ኸፈተላ። 15. ንሳ ምስ ስድራ ቤታ ምስ ተጠምቀት ከኣ “ከም ኣማኒት ጐይታ እንተ ድኣ ተቐቢልኩምኒ ዄንኩምሲ፥ ናብ ቤተይ ኣቲኹም ተቐመጡ” ኢላ ለመነትና፥ ግዲውን በለትና። 16. ናብቲ ጸሎት ዚግበረሉ ኽንከይድ ከሎና፥ መንፈስ ጥንቆላ ዘለዋ፥ ንጐይቶታ ኸኣ በቲ ምጥንቋላ ብዙኅ እተርብሖም ዝነበረት ግዝእቲ ተጓነፈትና። 17. ንሳ ኸኣ ደድኅሪ ጳውሎስን ደድኅሬናን እናሰዓበት “እዞም ሰባት እዚኦም ኣገልገልቲ ልዑል ኣምላኽ እዮም፥ መገዲ ምድኃን ከኣ ይምህሩኹም ኣለዉ” እናበለት ዓው ኢላ ትዛረብ ነበረት። 18. ነዚ ነገር እዚውን ብዙኅ መዓልቲ ደጋገመቶ፤ ጳውሎስ ድማ ድኅሪ ብዙኅ ምጽማም ግልጽ ኢሉ ነቲ ርኹስ መንፈስ፥ “ካብኣ ክትወፅእ ብስም ኢየሱስ እእዝዘካ ኣሎኹ” በሎ። በታ ጊዜ እቲኣውን ወፀ።

ስንክሳር Synaxarium

ኢየሉጣ
ወማርያም መግደላዊት
ወአባ ዊፃ

መዝሙር Psalm

ጓል ጢሮስን ናይ ህዝቢ ሃብታማትን፣ ገጸ በረኸት ሒዞም፣ ሞገስካ ኺደልዩ እዮም። ጓል ንጉስ ኣብ ውሽጢ ዅለንትናኣ ኽብርቲ እያ፣ ክዳውንታ ወርቀዘቦ እዩ።

ወንጌል Gospel

9. በታ ቐዳመይቲ መዓልቲ ናይ ሰሙን ንግሆ ምስ ተንሥአ፥ ነታ ሾብዓተ ኣጋንንቲ ዘውፅኣላ ማርያም መግደላዊት ቅድም ተራእያ። 10. ንሳ ድማ ኸይዳ ነቶም ምስኡ ዝነበሩ፥ ኪበኽዩን ኪጒህዩን ከለዉ ነገረቶም። 11. ንሳቶም ግና ኢየሱስ ሕያው ምዃኑን፥ ንእኣ ኸም ዝተራእያን ሰሚዖም ኣይኣመኑን። 12. ድኅርዚ ኢየሱስ ንኽልተ ኻብኣቶም ናብ ሃገር ሰብ ኪኸዱ ኸለዉ ኣብ መገዲ ብኻልእ መልክዕ ተራእዮም። 13. ንሳቶም ከኣ ተመሊሶም ነቶም ካልኦት ነገርዎም፥ እንተኾነ ንኣኣቶምውን ኣይኣመንዎምን። 14. እነሆ ነቶም ዓሠርተው ሓደ ኣብ መኣዲ ተቐሚጦም ከለዉ ተራእዮም፥ ነቶም ምስ ተንሥአ ዝረኣይዎ ኣይኣመንዎምን ነበሩ እሞ፥ ብዘይ ምእማኖምን ትሪ ልቦምን ዘለፎም። 15. ከምዚውን በሎም፦ “ናብ ኵሉ ዓለም ኪዱ፥ ንብዘሎ ፍጥረት ከኣ ወንጌል ስበኹ፥ 16. እቲ ዝኣመነን ዝተጠምቀን ኪድኅን እዩ፥ እቲ ዘይኣመነ ግና ኪዅነን እዩ። 17. ነቶም ዚኣምኑ እዚ ምልክት እዚ ክስዕቦም እዩ፡ - ብስመይ ኣጋንንቲ ኼውፅኡ፥ ብሓድሽ ቋንቋ ከኣ ኺዛረቡ፥ 18. ኣትማን ኪኅዙ፥ ዚቐትል እንተ ሰተዩ ኸኣ ከቶ ኣይኪጐድኦምን እዩ፤ ኣእዳዎም ኣብ ሕሙማት ኬንብሩ ንሳቶምውን ኪኃውዩ እዮም።” እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ካብ ልበይ ጽቡቕ ነገር ይግንፍል፣ ድርሳናተይ ንንጉስ እዩ፣ እብል፣ ልሳነይ ከም ብርዒ ቕልጡፍ ጸሓፊ እያ።

ወንጌል Gospel

27. ኢየሱስ ምስ ደቀ መዛሙርቱ ናብ ዓድታት ቂሣርያ ናይ ፊሊጶስ ከደ፥ ኣብ መገዲ ድማ ነቶም ደቀ መዛሙርቱ “ሰብ፥ መን እዩ፥ ይብሉኒ፧” ኢሉ ሓተቶም። 28. ንሳቶም ድማ “ገሊኦም 'ዮሓንስ መጥመቕ'፥ ካልኦት ድማ 'ኤልያስ’ ካልኦትውን 'ሓደ ኻብ ነብያት እዩ’፥ ይብሉኻ” በልዎ። 29. ንሱ ድማ “ንስኻትኩምከ መን እዩ ትብሉኒ፧” በሎም። ጴጥሮስ ከኣ “ንስኻ ክርስቶስ ኢኻ” ኢሉ መለሰሉ። 30. ሹዑ ብዛዕብኡ ንሓደ እኳ ኸይነግሩ ብጽኑዕ ኣዘዞም። 31. ወዲ ሰብ ብዙኅ ኪሳቐ፥ ብሽማግለታት ሕዝብን ሊቃነ ካህናትን መምህራን ሕግን ኪነዓቕን ኪቕተልን ኣብ ሣልሳይ መዓልቲውን ኪትንሥእ ከም ዘለዎ ኺምህሮም ጀመረ። 32. ነዚ ነገር ድማ ኣግሂዱ ተዛረቦ። ሽዑ ጴጥሮስ ኣግልል ኣቢሉ ኺመኽሮ ጀመረ። 33. ናብ ደቀ መዛሙርቱ ግልጽ ኢሉ እናጠመተ፥ ንጴጥሮስ፥ “ኣንታ ሰይጣን! ናይ ሰብ እምበር ናይ ኣምላኽ ኣይትሓስብን ኢኻ እሞ ኺድ፥ ካባይ ርሓቕ” ኢሉ ገሠጾ። እትሰምዕ እዝኒ ዘላቶ ይስማዕ!

መዝሙረ ዳዊት Psalm

መሠረታ ኣብ እቶም ቅዱሳን ኣኽራን ኢያ፤ እግዚኣብሄር ካብ ኵሉ ማሕደራት ያእቆብሲ ንደጌታት ጽዮን የፍቅር እዩ።

ወንጌል Gospel

1. መጽሓፍ ወለዶ ኢየሱስ ክርስቶስ ወዲ ዳዊት፥ ወዲ ኣብርሃም እዚ ዚስዕብ እዩ፦ 2. ኣብርሃም ንይስሓቕ ወለደ፥ ይስሓቕ ንያዕቆብ ወለደ፥ ያዕቆብ ንይሁዳን ነኅዋቱን ወለደ፥ 3. ይሁዳ ኸኣ ኻብ ትእማር ንፋሬስን ንዛራን ወለደ፥ ፋሬስ ንኤስሮም ወለደ፥ ኤስሮም ንኣራም ወለደ፥ 4. ኣራም ንኣሚናዳብ ወለደ፥ ኣሚናዳብ ንነኣሶን ወለደ፥ ነኣሶን ንሰልሞን ወለደ፥ 5. ሰልሞን ካብ ረኣብ ንቦኤዝ ወለደ፥ ቦኤዝ ካብ ሩት ንእዮቤድ ወለደ፥ እዮቤድ ንእሴይ ወለደ፥ 6. እሴይ ንንጉሥ ዳዊት ወለደ። ንጉሥ ዳዊት ካብ ሰበይቲ ኦርዮ ንሰሎሞን ወለደ፥ 7. ሰሎሞን ንሮብዓም ወለደ፥ ሮብዓም ንኣብያ ወለደ፥ ኣብያ ንኣሳፍ ወለደ፥ 8. ኣሳፍ ንእዮሳፋጥ ወለደ፥ እዮሳፋጥ ንኢዮራም ወለደ፥ ኢዮራም ንዖዝያ ወለደ፥ 9. ዖዝያ ንእዮኣታም ወለደ፥ ኢዮኣታም ንኣካዝ ወለደ፥ ኣካዝ ንሕዝቅያስ ወለደ፥ 10. ሕዝቅያስ ንምናሴ ወለደ፥ ምናሴ ንኣሞጽ ወለደ፥ ኣሞጽ ንእዮስያስ ወለደ፥ 11. ኢዮስያስ ከኣ ብጊዜ ምርኮ ባቢሎን ንኢኮንያንን ነኅዋቱን ወለደ። 12. ድኅሪ ምርኮ ባቢሎን ድማ ኢኮንያን ንሰላትኤል ወለደ፥ ሰላትኤል ንዘሩባቤል ወለደ፥ 13. ዘሩባቤል ንኣብዩድ ወለደ፥ ኣብዩድ ንኤልያቄም ወለደ፥ ኤልያቄም ንኣዛር ወለደ፥ 14. ኣዛር ንሳዶቅ ወለደ፥ ሳዶቅ ንኣኪም ወለደ፥ ኣኪም ንኤልዩድ ወለደ፥ 15. ኤልዩድ ንኣልኣዛር ወለደ፥ ኣልኣዛር ንማታን ወለደ፥ ማታን ንያዕቆብ ወለደ፥ 16. ያዕቆብ ንዮሴፍ ሕጹይ ማርያም ወለደ፥ ካብኣ ድማ እቲ ክርስቶስ ዝተባህለ ኢየሱስ ተወልደ። 17. እምበኣር ኵሉ ወለዶ፥ ካብ ኣብርሃም ክሳዕ ዳዊት ዓሠርተው ኣርባዕተ ወለዶ፥ ካብ ዳዊት ክሳዕ ምርኮ ባቢሎን ዓሠርተው ኣርባዕተ ወለዶ፥ ካብ ምርኮ ባቢሎን ክሳዕ ክርስቶስ ድማ ዓሠርተው ኣርባዕተ ወለዶ እዩ፦ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

1. እታ ቐዳመይቲ ኪዳንውን ናይ ኣገልግሎት ሥነ ሥርዓትን ምድራዊ መቕደስን ነበራ። 2. ድንኳን ተተኺሉ ነበረ፥ እታ “ቕድስቲ” ተባሂላ እትጽዋዕ ቕድም እትርከብ ክፍሊ ድማ ቀዋሚ ቐንዴልን ሰደቓን ኅብስተ ቍርባንን ነበራ። 3. ብኽንየው እቲ ኻልኣይ መገረጃ ዘላ ኽፍሊ ድማ ቅድስተ ቅዱሳን ትበሃል ነበረት። 4. ኣብኣ ብወርቂ ዝተሠርሐ መዕጠንን ብዅሉ ወገኑ ብወርቂ ዝተለበጠ ታቦት ኪዳንን ነበረ። እዛ ታቦት እዚኣ መና ዝኃዘት ፍዮ ወርቅን ዝጠጥዐት በትሪ ኣሮንን ጽላት ኪዳንን ዝኃዘት ነበረት። 5. ኣብ ልዕሊ እቲ ታቦት ኸኣ ነቲ ኅድገት ኃጢኣት ዚርከበሉ ቦታ ዜጽልሉሉ ናይ ክብሪ ኪሩቤል ነበሩ። እንተኾነ ሕጂ ብዛዕባ እዚ ነገር እዚ ኣስፊሕና ኽንዛረብ ኣይንኽእልን ኢና። 6. ኸምዚ ኾይኑ ምስተዳለወ፥ እቶም ካህናት ዅሉ ሳዕ ኣብቲ ቐዳማይ ክፍሊ ናይቲ ድንኳን ኣገልግሎቶም ኪፍጽሙ ይኣትዉ። 7. ኣብቲ ኻልኣይ ክፍሊ ግና እቲ ሊቀ ኻህናት ጥራይ ሓንሳእ ኣብ ዓመት ይኣቱ፥ ግና እቲ ምእንቲ ርእሱን ምእንቲ እቶም ሕዝቢ ብዘይ ፍልጠት ዝገበርዎ ኃጢኣትን ዜቕርቦ ደም ከይኃዘ ኣይኣቱን እዩ። 8. እታ ቐዳመይቲ ክፍሊ ድንኳን ገና ቖይማ ክሳዕ ዘላ፥ እቲ ናብታ ቅድስተ ቅዱሳን ዜእቱ መገዲ ገና ከም ዘይተቐልዐ መንፈስ ቅዱስ የርኢ ኣሎ። 9. እዚ ምሳሌ ናይዚ ዘመን እዚ እዩ። እቲ ዚቐርብ ዚነበረ መባእን መሥዋዕትን ኸኣ ናይቲ ዜቕርብ ሰብ ሕሊና ኼንጽህ ከም ዘይክእል የመልክት። 10. እዚ እቲ ዘመን ምሕዳስ ክሳዕ ዚመጽእ ዚግበር ናይ ብልዕን መስተን ናይ በብዓይነቱ ዝኾነ ናይ ምንጻህ ግዳማዊ ሥርዓት ጥራይ እዩ።

ዘካልእ መልእክት Universal Epistle

1. እምበኣርሲ ንዅሉ ኽፍኣትን ዅሉ ጒርሕን ግብዝናን ቅንእን ዅሉ ሕሜትን ኣርሕቕዎ። 2. - 3. እግዚኣብሔር ሕያዋይ ምዃኑ ካብ ጠዓምኩም፥ ብእኡ ኣብ ድኅነትኩም ምእንቲ ኽትዓብዩ፥ ከምቶም ሕጂ ዝተወልዱ ሕፃናት ነቲ ጽሩይ መንፈሳዊ ጸባ በሃግዎ። 4. ናብቲ ብሰብ ተናዒቑ ዝተደርበየ፥ ብኣምላኽ ግና ኅሩይን ክቡርን ዝኾነ ሕያው እምኒ፥ ናብ ጐይታ ቕረቡ። 5. ንስኻትኩምውን ቅዱሳን ካህናት ኴንኩም ነቲ ሳላ ክርስቶስ ኣብ ኣምላኽ ቅቡል ዝኾነ መንፈሳዊ መሥዋዕቲ ምእንቲ ኸተቕርቡ፥ ከም ሕያዋን ኣእማን ኴንኩም፥ ኣብ መንፈሳዊ ቤት ተሓነጹ። 6. ከመይ ቅዱስ መጽሓፍ “እንሆ ኣብ ጽዮን ኅሩይን ክቡርን እምኒ መኣዝን አንብር ኣሎኹ፥ እቲ ብእኡ ዚኣምን ኸኣ ኣይኪኃፍርን እዩ” ይብል እዩ። 7. እምበኣር ንኣኻትኩም ነዞም እትኣምኑ ኽቡር እዩ። ነቶም ዘይኣምኑ ግና “እቲ ነደቕቲ ዝነዓቕዎ እምኒ ንሱ ርእሲ መኣዝን ኮነ”። 8. ከምኡውን “እምኒ መዓንቀፍን ኣንደልሂጹ ዜውድቕ ከውሒን እዩ።” ነቲ ቃል ብዘይምእዛዞም ወደቑ፥ ነዚ ኸኣ ምዱባት ነበሩ። 9. ንስኻትኩም ግና ዕቤት ናይቲ ካብ ጸልማት ናብቲ ዜገርም ብርሃኑ ዝጸውዓኩም ምእንቲ ኽትነግሩ ኅሩይ ወለዶ፥ ናይ ንጉሥ ካህናት፥ ቅዱስ ሕዝቢ፥ ጥሪት ኣምላኽ ዝኾነ ሕዝቢ ኢኹም። 10. ንስኻትኩም ቀደም ሕዝቢ ኣይነበርኩምን፥ ሕጂ ግና ሕዝቢ ኣምላኽ ኢኹም። ቕድም ምሕረት ኣይረኸብኩምን ነበርኩም፥ ሕጂ ግና ተማሒርኩም ኢኹም።

ግብረ ሃዋርያት Acts

9. ንጽባሒቱ ንሳቶም ከይዶም ናብታ ጥቓ ኸተማ ምስ በጽሑ፥ ጲጥሮስ ብሳድሰይቲ ሰዓት ኣቢሉ ኪጽሊ ናብ ናሕሲ ደየበ። 10. ሽዑ ጠመየ፥ ኪበልዕውን ደለየ፥ ምሳሕ ኬዳልዉሉ ኸለዉ ኸኣ ተመስጠ። 11. እንሆ ኸኣ ሰማይ ተኸፊቱ፥ በርባዕተ መኣዝኑ ዝተታኅዘ ዓቢይ ነጸላ ዚመስል ነገር ናብ ምድሪ ኣቢሉ ኺወርድ ረኣየ። 12. ኣብኡ ኸኣ ኣርባዕተ መሓውር ዘለዎም ኵሎምን ኣብ ምድሪ ለመም ዚብሉን ኣዕዋፍ ሰማይን ነበሩ። 13. ሽዑ ንጴጥሮስ “ተንሥእ! ሓሪድካ ብላዕ” ዚብል ድምፂ መጾ። 14. ጴጥሮስ ግና፥ “ጐይታይ! ፍጹም ኣይከውንን እዩ፥ ርኹስን ዜፈንፍንን በሊዐ እኳ ኣይፈልጥን” በለ። 15. ካልኣይ ጊዜ ድማ “ነቲ ኣምላኽ ዘንጽሖ ንስኻ ‘ርኹስ እዩ’ ኣይትበሎ” ዚብል ድምፂ ከም ብሓድሽ መጾ። 16. እዚ ነገር እዚ ሠለስተ ሳዕ ኮነ፤ ብኡብኡ ኸኣ እቲ ነጸላ ናብ ሰማይ ተወስደ።

ስንክሳር Synaxarium

ፅንሰታ ለእግዝእትነ
ወተስእሎተ ቂሣርያ
ወጢሞቴዎስ ሊቀ ጳጳሳት
ወልደቱ ለዮሴፍ ወልደ ራሄል
ወናዖድ ንጉሠ ኢትዮጵያ

መዝሙር Psalm

ዎ እግዚኣብሄር፣ ጐድጓድ ንረሲእ ክሳዕ ዚኵዐት፣ እቲ ኻብ መዓልቲ መከራ ኸተህድኦ ኢልካ፣ እትቐጽዖን ብሕግኻ እትምህሮን ሰብ ብጹእ እዩ።

ወንጌል Gospel

13. ኢየሱስ ኣብ ሃገር ቂሳርያ ናይ ፊልጶስ ምስ በጽሐ “ሰባት ንወዲ ሰብ መን እዩ ይብልዎ፧’’ ኢሉ ንደቀ መዛሙርቱ ሓተቶም። 14. ንሳቶም ድማ “ገሊኦም ‘ዮሓንስ መጥምቕ’፥ ገሊኦም ‘ኤልያስ’፥ ገሊኦም ‘ኤርምያስ’፥ ወይ ድማ ‘ሓደ ኻብ ነቢያት እዩ’ ዚብሉ ኣለዉ’’ በልዎ። 15. ንሱ ኸኣ “ንስኻትኩምከ መን ትብሉኒ” በሎም። 16. ስምዖን ጴጥሮስ ድማ “ንሳኻ ክርስቶስ ወዲ ሕያው ኣምላኽ ኢኻ” ኢሉ መለሰሉ። 17. ኢየሱስ ድማ “ስምዖን ወዲ ዮና፥ እቲ ኣብ ሰማያት ዘሎ ኣቦይ ደኣ እምበር ሥጋን ደምን ኣይገለጸልካን እሞ፥ ብፁዕ ኢኻ” ኢሉ መለሰሉ። 18. “ኣነ ኸኣ እብለካ ኣሎኹ፥ ንስኻ ጴጥሮስ ኢኻ፥ ኣብ ልዕሊ እዚ ኸውሒ እዚ ድማ ንቤተ ክርስቲያነይ ክሓንጻ እየ፥ ደጌታት ሲኦል ድማ ኣይኪኅይልዎን እዮም። 19. መርኆታት መንግሥተ ሰማያት ድማ ኽህበካ እየ፥ ኣብ ምድሪ ዝኣሰርካዮ ኣብ ሰማይ እሱር ኪኸውን እዩ፥ ኣብ ምድሪ ዝፈታሕካዮ ኸኣ ኣብ ሰማይ ፍቱሕ ኪኸውን እዩ።” 20. ድኅርዚ ንሱ ክርስቶስ ከም ዝኾነ ንሓደ እኳ ኸይነግሩ ንደቀ መዛሙርቱ ኣጠንቀቖም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ካብ ኣበሳይ ኣጸቢቕካ ሕጸበኒ፣ ካብ ሓጢኣተይውን ኣጽርየኒ። ኣነ ኣበሳይ እፈልጥ አሎኹ እሞ፣ ሓጢኣተይ ኵሉ ጊዜ ኣብ ቅድመይ እዩ።

ወንጌል Gospel

40. ኢየሱስ ከኣ “ስምዖን፥ ዝብለካ ኣሎኒ” በሎ፤ ንሱ ኸኣ “መምህር! ተዛረብ” በሎ፤ 41. “ንሓደ መለቅሒ ኽልተ ሰብ ዕዳ ነበርዎ፤ ኣብቲ ሓደ ኃሙሽተ ሚእቲ፥ ኣብቲ ሓደ ድማ ኃምሳ ዲናር ነበሮ። 42. ዚፈድይዎ ስለ ዝሰኣኑ ግና ንኽልቲኦም ኃደገሎም። ካብኣቶም እቲ ኣዝዩ ዜፍቅሮ መኖም እዩ፧” 43. ስምዖን ከኣ “ንኣይሲ እቲ ብዙኅ ዝተኃድገሉ ይመስለኒ” ኢሉ መለሰ፥ ኢየሱስ ኸኣ “ቅኑዕ ፈረድካ” በሎ። 44. ሽዑ ናብታ ሰበይቲ ግልጽ ኢሉ ንስምዖን ከምዚ በሎ፥ “ነዛ ሰበይቲ እዚኣስ ትርእያዶ ኣሎኻ፧ ናብ ቤትካ ኣትየ ንእግረይ እኳ ማይ ኣይሃብካንን፥ እዚኣ ግና ብንብዓታ ኣእጋረይ ኣጠልቀየት፥ ብፀጉሪ ርእሳውን ደረዘት። 45. ንስኻ ኣይተሳለምካንን፥ እዚኣ ግና ካብ ዝኣቱ ጀሚራ ኣእጋረይ ካብ ምስዓም ኣየቋረጸትን። 46. ንስኻ ርእሰይ ብዘይቲ ኣይቀባእካንን፥ እዚኣ ግና ኣእጋረይ ብቕዱይ ቅብኢ ቐበአት። 47. ስለዚ ብዙኅ ስለ ዘፍቀረት ንእኣ ብዙኅ ኃጢኣት ተኃዲጉላ እዩ፥ እብለካ ኣሎኹ። እቲ ሒደት ዚኅደገሉ ግና ሒደት እዩ ዜፍቅር።” 48. ንእኣ ድማ፦ “ኃጢኣትኪ ተኃዲጉልኪ እዩ” በላ። 49. እቶም ምስኡ ኣብ መኣዲ ተቐሚጦም ዝነበሩ ኸኣ ብልቦም “እዚ ኃጢኣት ኪኃድግ ዚኽእልስ መን ኮን ኮይኑ እዩ፧” ኢሎም ሓሰቡ። 50. ንሱ ግና ነታ ሰበይቲ “እምነትኪ እያ ዘድኃነትኪ፥ ብሰላም ኪዲ” በላ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ንህዝብኻ ተንኰል ይፍሕሱሎም፣ ነቶም እትጋርዶም ድማ አብ ልዕሊኦም ይማኸሩሎም ኣለዉ። ህዝቢ ኸይኰኑ፣ ስም እስራኤል ደጊም ከይዝከርሲ፣ ንዑ ነጽንቶም፣ ይብሉ አለዉ።

ወንጌል Gospel

29. - 30. ኣቱም ግቡዛት መምህራን ሕግን ፈሪሳውያንን፥ ‘ብዘመን ኣቦታትና ኔርና እንተ ንኸውንሲ ኣብ ምፍሳስ ደም ነብያት ኣይምተሓወስናን’ እናበልኩም መቓብር ነብያት እተሓንጹ፥ ሓወልቲ ጻድቃን እተጊጹ፥ ወይለኹም። 31. እምበኣርከስ ደቂ ቐተልቲ ነብያት ምዃንኩም ባዕላትኩም ትምስክሩ ኣሎኹም። 32. ንስኻትኩምውን መስፈር ኣቦታትኩም መልኡ። 33. ኣቱም ኣትማን ውሉድ ኣፍዑት፥ ከመይ ጌርኩምከ ኻብ ፍርዲ ገሃነም ክትመልቁ፧ 34. ስለዚ እንሆ ነቢያትን ጠቢባንን መምህራን ሕግን እልእከልኩም ኣሎኹ፥ ንገሊኦም ክትቐትሉዎምን ክትሰቕሉዎምን፥ ንገሊኦም ከኣ ኣብ ቤት ጸሎትኩም ክትገርፉዎምን ካብ ዓዲ ናብ ዓዲ ውን ክትሰጕዎም ኢኹም። 35. እቲ ኻብ ደም ኣቤል ጻድቕ ጀሚሩ ኽሳብ ደም እቲ ኣብ መንጎ ቤተ መቕደስን መሠውዕን ዝቐተልኩምዎ ዘካርያስ ወዲ በራኽዩ፥ ሕነ እቲ ኣብ ምድሪ ዝፈሰሰ ዅሉ ደም ጻድቕ ኣባኻትኩም ኪበጽሕ እዩ። 36. እዚ ዅሉ ነዚ ወለዶ እዚ ኸም ዚበጽሖ ብሓቂ እብለኩም ኣሎኹ።” 37. “ኢየሩሳሌም! ኢየሩሳሌም! ኣቲ ንነቢያት እትቐትሊ፥ ነቶም ናባኺ ዝተላእኩ ብእምኒ እትቕጥቅጢ፥ ደርሆ ንጨቓዊታ ኣብ ትሕቲ ኣኽናፋ ኸም እትእክቦም፥ ክንደይ ንደቅኺ ኽእክቦም ዘይደሌኹ፥ ንስኺ ግና ኣቤኺ። 38. - 39. ደጊም ብስም እግዚኣብሔር ዚመጽእ ብሩኽ እዩ ኽሳዕ እትብሉ፥ ካብ ሕጂ ኣይክትርእዩንን ኢኹም እሞ እንሆ ቤትኩም ዓንዩ ኺተርፍ እዩ፥ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

24. እዚኣቶምውን ንሕና እቶም ካብ ኣይሁድ ኮነ ኣሕዛብ ዝተጸዋዕና ሰባት ኢና። 25. ነቢይ ሆሴዕውን ከምዚ ይብል እዩ፥ - “ነቲ ሕዝበይ ዘይኮነ ‘ሕዝበይ’ ክብሎ እየ፥ ነታ ዘይፍቅርተይውን ‘ፍቅርተይ’ ክብላ እየ።” 26. ኣብታ “ሕዝበይ ኣይኮንኩምን” ዝተባህሉላ ስፍራ “ደቂ ሕያው ኣምላኽ” ተባሂሎም ኪጽውዑ እዮም። 27. ኢሳይያስውን ብዛዕባ ደቂ እስራኤል ከምዚ ይብል፥ - “ቊጽሪ ደቂ እስራኤል፥ ከም ሑጻ ባሕሪ እኳ እንተ በዝኀ፥ እቲ ተረፍ ጥራይ እዩ ዚድኅን። 28. ከመይ እግዚኣብሔር ንፍርዱ ኣብ ምድሪ ብርግጽን ብቕልጡፍን ኪፍጽሞ እዩ።” 29. ከምቲ ኢሳይያስውን ኣቐዲሙ “እግዚኣብሔር ጸባኦት፥ ዘርኢ እንተ ዘይኃድገልናስ ከም ሰዶም ምኾንና፥ ንጎሞራውን ምመሰልና ኔርና” ዝበሎ እዩ። 30. ደጊምከ እንታይ ንበል፧ እቶም ጽድቂ ዘይደለዩ ኣሕዛብ ጽድቂ ረኸቡ፥ እዚ ኸኣ እቲ ብእምነት ዚመጽእ ጽድቂ እዩ። 31. እስራኤል ግና ነቲ ናብ ጽድቂ ዜብጽሕ ሕጊ እናደለይዎስ፥ ናብቲ ናብ ጽድቂ ዜብጽሕ ሕጊ ኣይበጽሑን። 32. ስለምንታይ፧ ብግብሪ እምበር ብእምነት ስለ ዘይደለይዎ እዩ። ብእምኒ መዓንቀፊ ኸኣ ተዓንቀፉ። 33. እዚ ኸኣ ጽሑፍ እዩ፥ - “እንሆ ኣብ ጽዮን እምኒ መዓንቀፍን ዜንደልህጽ ከውሕን ኣንብር ኣሎኹ፥ ብእኡ ዚኣምን ኸኣ ኣይኪኃፍርን እዩ።”

ዘካልእ መልእክት Universal Epistle

12. ኣቱም ፍቁራተይ፥ ከም ሓዊ ዚባላዕ ፈተና ኺረኽበኩም ከሎ፥ ሓደ ሓዱሽ ነገር ከም ዝበጽሓኩም ኴንኩም ኣይትገረሙ። 13. ንሱ ብግርማ ኺግለጽ ከሎ ኣዝዩ ባህ ኪብለኩም እዩ እሞ ኣብ ሥቓይ ክርስቶስ ክትካፈሉ ኸሎኹም ተሓጐሱ። 14. ምእንቲ ስም ክርስቶስ እንተ ተጸረፍኩም፥ እቲ ኽቡር መንፈስ ኣምላኽ ኣባኻትኩም ስለ ዚኃድር ተሓጐሱ። 15. ሓደ እኳ ኻባኻትኩም ቀታሊ፥ ወይ ሰራቒ፥ ወይ ገባር ክፋእ፥ ወይ ኣብ ነገር ካልኦት ኢዱ ዜእቱ ብምዃኑ ስቓይ ዚቕበል ኣይሃሉኹም። 16. ክርስቲያን ብምዃን እንተ ተሳቐየ ግና፥ ስለ እዚ ስም እዚ ንኣምላኽ የመስግን እምበር ኣይኅፈር። 17. ጊዜ ፍርዲ ቐሪቡ እዩ፥ ዚጅምሮ ኸኣ በቶም ኣብ ቤት ኣምላኽ ዘለዉ እዩ። ብኣና ዚጅምር ካብ ኮነኸ፥ መወዳእታ እቶም ንወንጌል ኣምላኽ ዘይእዘዙ ደኣ እንታይ ኪኽውን እዩ፧ 18. “እቲ ጻድቕ ብኃይሊ ገደል ዚድኅን ካብ ኮነኸ፥ እቲ ዓማጽን ኃጥእን ደኣ እንታይ ኪኸውን እዩ፧” 19. እምበኣር እቶም ከም ፍቓድ ኣምላኽ ዚሳቐዩ፥ ሠናይ እናገበሩ ንገዛእ ርእሶም ኣብቲ እሙን ፈጣሪ የማኅጽኑ።

ግብረ ሃዋርያት Acts

22. እሞኸ እንታይ ይኃይሽ፧ ምምጻእካ ብርግጽ ኪሰምዑ እዮም። 23. እምበኣርከ ከምዚ እንብለካ ግበር፥ መብጽዓ ዘለዎም ኣርባዕተ ሰብኣይ ኣለዉና፥ 24. ምሳኻ ተማልኣዮም እሞ ምስኣቶም ርእስኻ ኣንጽሕ፥ ርእሶም ይላጸዩ፥ እቲ ንቤተ መቕደስ ዚግባእ መባእ ከኣ ንስኻ ኽፈለሎም፤ ሽዑ ንስኻ ባዕልኻ እኳ ሕጊ እናሓሎኻ ከም እትመላለስን እዚ ብዛዕባኻ ዝሰምዕዎ ዘበለ ኸኣ ሓቂ ኸም ዘይኮነን ኵላቶም ኪፈልጡ እዮም። 25. ብዛዕባ እቶም ዝኣመኑ ኣሕዛብ ግና፥ ተማኺርና ‘ካብ ንጣዖታት ዝተሠውዐ ምግብን ካብ ደምን ካብ ሥጋ ዝሓለቐ እንስሳን ካብ ዝሙትን ተሓረሙ’ ኢልና ብጽሑፍ ኣዚዝናዮም ኣሎና።” 26. ሽዑ ጳውሎስ ነቶም ሰባት ኂዙ ንጽባሒቱ ምስኣቶም ርእሱ ኣንጽሐ፥ ብድኅሪ እዚ እቲ መዓልቲ ምንጻሖም መኣዝ ከም ዚውዳእን፥ ንነፍስ ወከፎም ድማ መሥዋዕቲ መኣዝ ከም ዚዓርገሎምን ኪነግር ናብ ቤት መቕደስ ኣተወ። 27. እተን ሾብዓተ መዓልቲ ኺውድኣ ምስ ቀረባ ኸኣ፥ ካብ ሃገር እስያ ዝመጹ ኣይሁድ፥ ንጳውሎስ ኣብ ቤት መቕደስ ረኣይዎ፥ ንዅሉ እቲ ሕዝቢ ኣነዓዒቦም ድማ ኃዝዎ።

ስንክሳር Synaxarium

አልአዛር ወሰሎሜ ብእሲቱ ወውሉዱ ፯ቱ
ወአሞን

መዝሙር Psalm

ከምቲ ኪኸይድ ከሎ ዚመክኽ ኣረነ፣ ከምቲ ጸሓይ ዘይረአየ ቝላዕ ሰበይቲ ይኹኑ። ቈራርዕኩም ሓዊ ቐሸም ከይቀረቦ፣ ህቦብላ ንጥሉልን ንንዱድን ይመንጥሎ።

ወንጌል Gospel

12. እምበኣር ሕግን ነብያትን እዚ እዩ እሞ ከምቲ ሰባት ኪገብሩልኩም እትደልይዎ ዅሉ ንስኻትኩምውን ከምኡ ግበሩሎም። 13. “በታ ጸባብ ኣፍ ደገ እተው፥ እታ ናብ ጥፍኣት እትወስድ ኣፍ ደገ ርሕብቲ፥ መገዳውን ገፊሕ እዩ፥ እቶም ብእኣ ዚኣትዉ ድማ ብዙኃት እዮም። 14. እታ ናብ ሕይወት እትወስድ ኣፍ ደገ ግና ጸባብ እያ፥ መገዳውን ቀጢን እዩ፥ እቶም ዚረኽብዋ ኸኣ ውሑዳት እዮም።” 15. “ብዉሽጦም ዚምንጥሉ ተዃሉ እዮም እሞ፥ ኣባጊዕ ተመሲሎም ካብ ዚመጹኹም ሓሰውቲ ነብያት ተጠንቀቑ። 16. ብፍሪኦም ክትፈልጥዎም ኢኹም፥ ካብ እሾዅዶ ፍረ ወይኒ ወይስ ካብ ተዀርባ በለስ ይቕንጠብ እዩ፧ 17. ከምኡ ድማ እቲ ጽቡቕ ኦም ጽቡቕ ፍረ ይፈሪ፥ እቲ ሕማቕ ኦም ከኣ ሕማቕ ፍረ ይፈሪ። 18. ጽቡቕ ኦም ሕማቕ ፍረ ኺፈሪ፥ ሕማቕ ኦም ድማ ጽቡቕ ፍረ ኺፈሪ ኣይክእልን እዩ። 19. ጽቡቕ ፍረ ዘይፈሪ ዅሉ ኦም ይቚረጽ፥ ናብ ሓዊ ድማ ይድርበ። 20. እምበርከስ ብፍሪኦም ኽትፈልጥዎም ኢኹም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዘረወ፣ ንድኻታት ሀበ፣ ጽድቁ ንዘለአለም ይነብር፣ ቀርኑ ብኽብሪ ልዕል ኪብል እዩ።

ወንጌል Gospel

1. “ብሰብ ምእንቲ ኽትርኣዩ ኢልኩም ጽድቅኹም ከይትገብሩ ተጠንቀቑ። እንተ ዘይኮነ ካብቲ ኣብ ሰማያት ዘሎ ኣቦኹም ዓስቢ የብልኩምን። 2. እምብኣርከ ንስኻ ክትምጽውት ከሎኻ፥ እቶም ግቡዛት፥ ብሰብ ምእንቲ ኺንኣዱ ኣብ ናይ ኣይሁድ ኣባይቲ ጸሎትን ዓበይቲ መገድታትን ከም ዚገብርዎ ኣብ ቅድሜኻ መለኸት ኣይትንፋሕ። ዓስቦም ከም ዝተቐበሉ፥ ብሓቂ እበለኩም ኣሎኹ። 3. - 4. ንስኻ ግና ምጽዋትካ ብኅቡእ ምእንቲ ኪኸውን፥ ክትምጽውት ከሎኻ የማነይትኻ እትገብሮ ጸጋመይትኻ ኣይትፍለጦ፥ እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። 5. “እቶም ግቡዛት ብሰብ ምእንቲ ኺርኣዩ፥ ኣብ ናይ ኣይሁድ ኣባይቲ ጸሎትን፥ ኣብ ቀራናታት መገድን ደው ኢሎም ኪጽልዩ ይፈትዉ እዮም እሞ፥ ክትጽልዩ ኸሎኹም ከምኣቶም ኣይትኹኑ፥ ዓስቦም ከም ዝተቐበሉ ብሓቂ እብለኩም ኣሎኹ። 6. ንስኻ ግና ክትጽሊ ከሎኻ፥ ናብ ቤትካ እቶ፥ ማዕጾኻ ዓጺኻ ናብቲ ብሥዉር ዘሎ ኣቦኻ ጸሊ። እቲ ብሥዉር ዚርኢ ኣቦኻ ድማ ብግልጺ ኪፈድየካ እዩ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ጸላእተይ እንተ ዘይተዐወተለይ፣ በዚ ንስኻ ኸም ዝበሀግካኒ እፈልጥ አሎኹ። ንአይሲ ብንጽህናይ ትድግፈኒ፣ ኣብ ቅድሚ ገጽካ ኸኣ ንዘለአለም ተንብረኒ ኣሎኻ።
 

ወንጌል Gospel

1. ኢየሱስ ናብ ጃልባ ደይቡ ተሳገረ፥ ናብ ዓዱውን መጸ። 2. እንሆ ኸኣ ኣብ ዓራት ዝደቀሰ ሓደ ልሙስ ኣምጽእሉ፥ ኢየሱስ ድማ እምነቶም ርእዩ፥ ነቲ ልሙስ “ኣጆኻ እዚ ወደይ፥ ኃጢኣትካ ተኃዲጉልካ እዩ በሎ። 3. እንሆ ኸኣ ገሊኦም ካብ መማህራን ሕጊ ንሓድሕዶም ብልቦም “እዝስ ይጸርፍ ኣሎ” በሉ። 4. ኢየሱስ ድማ ሓሳባቶም ፈሊጡ ኸምዚ በሎም፦ “ስለምንታይ ብልብኹም ክፉእ እትሓስቡ፧ 5. ኣየናይ ይቐልል፧ ‘ኃጢኣትካ ተኃዲጉልካ’ ምባልዶ ወይ ‘ተንሥእ እሞ ኪድ’ ምባል፧ 6. እምበኣርከስ፥ ወዲ ሰብ ኣብ ምድሪ ኃጢኣት ኪኃድግ ሥልጣን ከም ዘለዎ ምእንቲ ኽትፈልጡ” ኢሉ ሽዑ ነቲ ልሙስ “ተንሥእ፥ ዓራትካ ኣልዒልካውን ናብ ቤትካ ኺድ” በሎ። 7. ተንሢኡ ድማ ናብ ቤቱ ኸደ። 8. እቶም ሕዝቢ ኸኣ እዚ ርእዮም ፈርሁ፥ ንሰብ ከምዚ ዝበለ ሥልጣን ንዝሃበ ኣምላኽ ድማ ኣመስግንዎ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

12. ኣቱም ኣኅዋተይ፥ እቲ ወሪዱኒ ዘሎ ነገር ንምስፋሕ ወንጌል ከም ዝኾነ ኽትፈልጡ እደሊ ኣሎኹ። 13. ስለዚውን ምእንቲ ክርስቶስ ተኣሲረ ኸም ዘሎኹ በቶም ቤት መንግሥቲ ዚሕልዉ ወተሃደራትን፥ በቶም ኵሎም ዝተረፉን ተፈሊጡ ኣሎ። 14. ዚበዝኁ ኻብቶም ኣኅዋት ድማ ኣነ ስለ ዝተኣሰርኩ ኣብ ጐይታ ጸንዑ፥ ብዘይ ፍርሃት ቃል ኣምላኽ ንምንጋርውን ኣዝዮም ትብዓት ረኸቡ። 15. ገሊኦም ብቕንእን ባእስን፥ ገሊኦም ግና ብጽቡቕ ፍቓድ ንክርስቶስ ይሰብክዎ ኣለዉ። 16. እዞም ዳኅሮት ንወንጌል ስለ ዝተማጐትኩላ ከም ዝተኣሰርኩ ፈሊጦም ብፍቕሪ ይሰብኩ ኣለዉ። 17. እቶም ቀዳሞት ግና፥ ኣብ ርእሲ ማእሰርተይ ጸበባ ኬምጹኡለይ ደልዮም፥ ብቕንዕና ዘይኮነስ ብሻራ ንክርስቶስ ይሰብክዎ ኣለዉ። 18. እሞኸ ደኣ፧ እንተ ብተንኰል እንተ ብቕንዕና ብዝኾነ መገዲ ክርስቶስ ይስበኽ ኣሎ። በዚ እሕጐስ ኣሎኹ፥ ገናውን ክሕጐስ እየ። 19. ከመይ እዚ ዅሉ ብጸሎትኩምን ብረድኤት መንፈስ ኢየሱስ ክርስቶስን ንድኅነተይ ከም ዚድግፈኒ እፈልጥ እየ። 20. ተግባረይ ንምፍጻም ከይኃፍር ብዓል ምሉእ ሃረርታን ተስፋን እየ። ከምቲ ዅሉ ሳዕ ሕጂውን እንተ ኾነ፥ እንተ ብሕይወት እንተ ብሞት ንክርስቶስ ብትብዓት ከኽብሮ እየ። 21. ከመይ ንኣይ ሕይወት ማለት ክርስቶስ እዩ፥ ሙማት ኸኣ ረብሓይ እዩ። 22. ብሕይወት እንተ ደኣ ኽነብር ኮይነ፥ ገና ፍረ ዘለዎ ዕዮ ኣሎኒ ማለት እዩ። ነየናይ ከም ዝመርጽ ግና ኣይፈልጥን እየ። 23. ብኽልቲኡ ወገን እጭነቕ ኣሎኹ። ዚኅሽኒ ስለ ዝኾነ ግና፥ ካብዚ ተፈልየ ምስ ክርስቶስ ክኸውን ሃረርታይ እዩ።

ዘካልእ መልእክት Universal Epistle

10. ካብ ሓደ ኣፍሲ ምስጋናን መርገምን ይወፅእ። ኣኅዋተየ፥ እዚ ከምዚ ኺኸውን ኣይግባእን እዩ። 11. ዔላዶ ካብ ሓንቲ ዓይኒ ጥዑም ማይን መሪር ማይን ትፍልፍል እያ፧ 12. ኣቱም ኣኅዋተይ! ኦም በለስ ፍረ ኣውልዕ፥ ተኽሊ ወይኒ ፍረ በለሰ፥ ክትፈሪዶ ይከኣላ እዩ፧ ከምኡ ኸኣ እታ ማይ ጨው እትፍልፍል ዔላ ጥዑም ማይ ክትፍልፍል ኣይከኣላን እዩ። 13. ኣብ ማእከልኩም ለባምን ኣስተውዓልንዶ ኣሎ፧ ብሠናይ ኣኻይዳኡን፥ ትሕትና ብዝመልኦ ጥበብን ገይሩ ግብሩ የርኢ። 14. መሪር ቅንእን ንኣይ ይጥዓመኒ ዚብል ስምዒትን ኣብ ልብኹም እንተ ኣሎኩም ኣይትመክሑ፥ ንሓቂውን ኣይትጻረርዋ። 15. እዛ “ጥበብ” እዚኣ ምድራዊትን ሥጋዊትን ሰይጣናዊት እያ እምበር፥ ካብ ሰማይ ዝወረደት ኣይኮነን። 16. ከመይ ኣብቲ ቕንእን ንኣይ ይጥዓመኒ ዚብል ስምዒትን ዘለዎ፥ ኣብኡ ምፍራስ ሥርዓትን ኵሉ እኩይ ግብርን ኣሎ። 17. እታ ኻብ ላዕሊ ዝኾነት ጥበብ ግና ቕድሚ ዅሉ ንጽሕቲ እያ። ደኃር ሰላማዊት፥ ሕያወይቲ፥ ሰማዕ፥ ምሕረትን ጽቡቕ ፍረን ዝመልአት፥ ሻርነትን ግብዝናን ዘይብላ እያ። 18. ብሰላም ዚዘርኡ ገበርቲ ሰላም ፍረ ጽድቂ ይዓጽዱ።

ግብረ ሃዋርያት Acts

20. እኳ ደኣ ‘ንጣዖታት ብምሥዋዑ ካብ ዝረኸሰ ምግቢ፥ ካብ ዝሙት፥ ካብ ሓሊቑ ዝጸንሐ እንስሳን ካብ ደምን ተሓለዉ’ ኢልና ንጽሓፈሎም። 21. ምኽንያቱ ነዚ ካብ ጥንቲ ጀሚሩ ንሕጊ ሙሴ ሰንበት ሰንበት ኣብ ቤት ጸሎቶም፥ ኣብ ኵሉ ዓዲ እናንበቡ ዚሰብክዎ ኣለዉ።” 22. ሽዑ እቶም ሓዋርያትን መራሕትን ምስ ኵላ ቤተ ክርስቲያን ኮይኖም፥ ምስ ጳውሎስን በርናባስን ናብ ኣንጾኪያ ዚሰድዎም ሰባት ካብ መንጎኦም ኪኃርዩ መደቡ፤ ስለዚ ኸኣ ነቶም ኣብ ማእከል ኣኅዋት ምርኡያት ዝነበሩ፥ በርሰባስ ዚብልዎ ይሁዳን ሲላስን፥ ለኣኹ። 23. ምስኣቶም ድማ ኸምዚ ዚስዕብ እትብል መልእኽቲ ሰደዱ፡ - “ንሕና ሓዋርያት መራሕቲ ቤተ ክርስቲያንን ኣኅዋትኩም ነቶም ኣብ ኣንጾኪያን ኣብ ሶርያን ኣብ ቂልቅያን ካብ ወገን ኣሕዛብ ንዘሎኹም ኣኅዋት ሰላም ንብለኩም ኣሎና። 24. “ንሕና ዘይኣዘዝናዮም፥ ገለ ኻባና ወፂኦም ክትግዘሩን ሕጊ ክትሕልዉን ኢሎም ብቓሎም ከም ዝሃወኹኹምን ንልብኹም ከም ዘዕገርገሩን ሰሚዕና ኣሎና።

ስንክሳር Synaxarium

አባ ኦሪ ሰማዕት
ወጲላጦስ ሊቀ ጳጳሳት

መዝሙር Psalm

ንዑ፣ ንግብርታት እግዚኣብሄር፣ ነቲ ኣብ ምድሪ ዝገበሮ ጥፍኣት ጠምቱ፣ ንውግእ ክሳዕ ወሰን ምድሪ መወዳኣታ ይገብረሉ፣ ንቐስቲ ይሰብሮ፣ ንዅናት ይቐራስሞ፣ ንሰረገላታት ብሓዊ የንድዶ።

ወንጌል Gospel

15. እቶም መላእኽቲ ኻብኣቶም ናብ ሰማይ ምስ ዓረጉ ድማ፥ እቶም ጓሶት ንሓድሕዶም፥ “ነዚ እግዚኣብሔር ዝገለጸልና ክውን ነገር ክንርኢ ንዑናይ ናብ ቤተ ልሔም ንኺድ፥” ተበሃሃሉ። 16. ቀልጢፎም ከኣ ኸዱ፥ ንማርያምን ንዮሴፍን፥ ነቲ ኣብ መብልዕ ማል ዝደቀሰ ሕፃንን ከኣ ረኸብዎም። 17. ነዚ ምስ ረኣዩ ድማ ብዛዕባ እቲ ሕፃን ዝተነግረሎም ነገር ኣውረዩ። 18. እቶም ዝሰምዑ ዘበሉ ዅሎም ከኣ በቲ እቶም ጓሶት ዝነገርዎም ተገረሙ። 19. ማርያም ግና ነዚ ነገር እዚ ዅሉ ኣብ ልባ ተዋህልሎን ትሓስቦን ነበረት። 20. እቶም ጓሶት ድማ ኸምቲ ዝተነግሮም ኮይኑ ስለ ዝረኸብዎ፥ ስለቲ ዝሰምዕዎን ዝረኣይዎን ኵሉ ንኣምላኽ እናኣኽበሩን እናወደሱን ተመልሱ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኣየ፣ ስርዓታትካ ኽሕሉስ፣ መገደይ እንተ ዚቐንዕ። ንዅሉ ትእዛዛትካ እንተ ዝቋመት፣ ሽዑ ኣይምሐፈርኩን።
 

ወንጌል Gospel

57. ኣብ መገዲ ኺኸዱ ኸለዉ ሓደ ሰብ “ጐይታይ! ናብ እትኸዶ ዘበለ ዅሉ ኽስዕበካ እየ” በሎ። 58. ኢየሱስ ከኣ “ንወኻሩ ጕድጓድ፥ ነዕዋፍ ሰማይውን መኅደሪ ኣለወን፥ ንወዲ ሰብ ግና ርእሱ ዜጸግዓሉ ሥፍራ የብሉን” በሎ። 59. ንሓደ ኻልእ ከኣ “ስዓበኒ” በሎ፥ ንሱ ኸኣ፣ “ጐይታይ! ቅድም ከይደ ነቦይ ክቐብሮ ፍቐደለይ” በሎ። 60. ኢየሱስ ድማ “ምዉታት ንምዉታቶም ይቕበሩ ኅደጎም፤ ንስኻ ግና ኪድ መንግሥቲ ኣምላኽ ኣበሥር” በሎ። 61. ሓደ ኻልእ ድማ “ጐይታይ! ክስዕበካ እየ፥ ግናኸ ቅድም ካብ ስድራ ቤተይ ክሰናበት ፍቐደለይ” በሎ። 62. ኢየሱስ ግና “ዕርፊ ብኢዱ ኂዙ ንድኅሪት ዚርኢ፥ ንመንግሥቲ ኣምላኽ ኣይበቅዕን እዩ” በሎ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።