መዝሙረ ዳዊት Psalm

ኣብ ከውሒ ልዕል ኬብለኒ እዩ እሞ፣ ንእግዚኣብሄር ሓንቲ ነገር ለሚነዮ። ውቃበ እግዚኣብሄር ንምርኣይ፣ መቕደሱውን ንምምርማርሲ ምሉእ ዕድመይ ኣብ ቤት እግዚኣብሄር ክነብር ደልየ ኣሎኹ።

ወንጌል Gospel

37. እቶም ደቀ መዛሙርቱ ኸኣ እዚ ኺብል ከሎ ሰሚዖም ንኢየሱስ ሰዓቡዎ። 38. ኢየሱስ ከኣ ግልጽ ኢሉ ኪስዕቡዎ ኸለዉ ርእዩ፥ “እንታይ ትደልዩ ኣሎኹም፧” በሎም። ንሳቶም ድማ “ረቢ” ትርጒሙ “መምህር” ማለት እዩ “ኣበይ እዩ ሰፈርካ፧” በልዎ። 39. ንሱ ኸኣ “ንዑ ርኣዩ” በሎም። መጺኦም ድማ ኣበይ ከምዝሰፈረ ረኣዩ፥ ሽዑ መዓልቲውን ምስኡ ወዓሉ። ዓሥራይ ሰዓት ኣቢሉ ኸኣ ነበረ። ብወልድ ዝአምን ናይ ዘልኣለም ሕይወት ኣለዎ።

መልእክተ ጳውሎስ Pauline Epistle

7. ከመይ ኣምላኽ መንፈስ ኃይልን ፍቕርን ገዛእ ርእስኻ ምግታእን እምበር መንፈስ ፍርሃት ኣይሃበናን። 8. ደጊም ንጐይታ ብምምስካርን ብኣይ ብእሱሩን ኣይትኅፈር፥ እኳ ደኣ በቲ ኣምላኽ ዝህበካ ኃይሊ ምእንቲ ወንጌል ምሳይ መከራ ጽገብ። 9. ንሱ ብግብርና ዘይኮነስ ብፍቓዱን በቲ ብክርስቶስ ኢየሱስ ዘመናት ቅድሚ ምጅማሩ ዝተዋህበና ጸጋን ኣድኃነና፥ ብቕዱስ ጽውዓውን ጸውዓና። 10. እዚ ጸጋ እዚ ብምምጻእ መድኃኒና ኢየሱስ ክርስቶስ ተገልጸ። ንሱ ንሞት ስዒሩ ንሕይወትን ንዘይሙማትን ብወንጌል ናብ ብርሃን ኣውፅኦ። 11. ኣነ ናይዚ ወንጌል እዚ ኣዋጅን ሓዋርያን መምህርን ክኸውን ተሸምኩ። 12. በዚ ምክንያት ከኣ እየ ሓሳረ መከራ ዝጸግብ ዘሎኹ፥ ግና እምነተይ ኣብ መን ኣውዲቐዮ ከም ዘሎኹ ስለ ዝፈልጥ፥ ኣይኃፍርን እየ። ንሱ ኸኣ ነቲ ዘማዕቈብክዎ ክሳዕ እታ መዓልቲ እቲኣ ኪሕልዎ ከም ዚኽእል ርግጸኛ እየ። 13. ነቲ ካባይ ዝሰማዕካዮ ቕኑዕ ትምህርቲ ከም ምሳሌ ጌርካ ኃዞ፥ በቲ ብክርስቶስ ኢየሱስ ዝረኸብናዮ እምነትን ፍቕርን ኸኣ ንበር። 14. ነቲ ብኅድሪ ዝተወሃበካ በቲ ኣባና ኃዲሩ ዘሎ መንፈስ ቅዱስ ሓልዎ።

ዘካልእ መልእክት Universal Epistle

2. ነቲ ኣምላኽ ዝሃበኩም መጓሰ ጓስይዎ፥ እንተኾነ ከም ፍቓድ ኣምላኽ ብፍታው እምበር ብግዲ ኣይኹን። ብጽቡቕ ድላይ እምበር ንኸንቱ ረብሓ ኣይኹን። 3. ነቲ መጓሰ ኣርኣያ ደኣ ኹንዎ እምበር፥ ኣብ ልዕሊ እቶም ዝተዋህቡኹም ጐይቶት ኣይትኹኑ። 4. እቲ ሓለቓ ጓሶት ምስ ተገልጸ ድማ ዘይጽምሉ ኣኽሊል ክብሪ ኽትቅበሉ ኢኹም። 5. ከምኡ ኸኣ፥ ኣቱም መንእሰይ፥ ነቶም ዚዓብዩኹም ተገዝእዎም። “ኣምላኽ ንዕቡያት ይመዓቶም፥ ንትሑታት ግና ጸጋ ይህቦም” ከም ዚብል ድማ ትሕትና ለቢስኩም ንሓድሕድኩም ኣገልግሉ። 6. ደጊም ብጊዜኡ ንሱ ልዕል ምእንቲ ኼብለኩም ኣብ ትሕቲ እታ ጽንዕቲ ኢድ ኣምላኽ ትሕት በሉ። 7. ንሱ ይሓልየልኩም እዩ እሞ ንዅሉ ኃልዮትኩም ኣብኡ ኣውድቕዎ። 8. ዲያብሎስ፥ እቲ መጻርርትኹም፥ ዚውሕጦ ደልዩ ከም ዚጓዝም ኣንበሳ ይዘውር ኣሎ እሞ ተጠንቀቑ፥ ንቕሑ።

ግብረ ሃዋርያት Acts

54. ንእስጢፋኖስ ግና መንፈስ ቅዱስ መልኦ፥ ናብ ሰማይ ኣንቃዕሪሩ ኸኣ ኽብሪ ኣምላኽን ኢየሱስ ድማ ኣብ የማን ኣምላኽ ደው ኢሉን ረኣየ። 55. ሽዑ “እንሆ ሰማይ ተኸፊቱ፥ ወዲ ሰብ ድማ ኣብ የማን ኣምላኽ ደው ኢሉ እርኢ ኣሎኹ” በለ። 56. ንሳቶም ዓው ኢሎም ጨደሩ፥ ኣእዛኖም ደፊኖም ድማ ኃቢሮም ብሓንሳእ ወረርዎ። 57. ካብታ ኸተማ ኣውፂኦም ከኣ ብዳርባ እምኒ ቐተልዎ፤ እቶም ምስክር ድማ ኽዳውንቶም ኣብ ጥቓ ኣእጋር ሳውል ዚብሃል ጐበዝ ኣንበሩ። 58. ብዳርባ እምኒ ኺቐትልዎ ኸለዉ ኸኣ እስጢፋኖስ “ኦ ጐይታይ ኢየሱስ! ነፍሰይ ተቐበል” እናበለ ተማህለለ። 59. ተምበርኪኹ ኸኣ ብዓቢይ ድምፂ “ጐይታይ! እዚ ኃጢኣት እዚ ኣይትኃዘሎም” ኢሉ ጨደረ። እዚ ምስ በለውን ዓረፈ።

ስንክሳር Synaxarium

ፊላታዎስ ሰማዕት ኤጲስ ቆጶስ ዘቆምስ
ወጎርጎርዮስ እህወ ባስልዮስ
ወዲዮስቆሮስ ሊቀ ጳጳሳት ዘእስክንድርያ
ወእስጢፋኖስ
ወልደተ ሐና እመ ሳሙኤል

መዝሙር Psalm

ንመስዋእቲ ምሕራር ኣይትብህጎን ኢኻ እሞ፣ መስዋእቲ ኣምላኽ ስቡር መንፈስ እዩ። ዎ ኣምላኽ፣ ንስቡርን ቅጥቁጥን ልቢ ኣይትንዕቆን ኢኻ።

ወይ

መዝ 51 ፡ 11 - 12

ዎ ኣምላኽ፣ ጽሩይ ልቢ ፍጠረለይ፣ ጽኑዕ መንፈስ ከኣ ኣብ ውሽጠይ ሐድስ። ካብ ገጽካ ኣይትደርብየኒ።

ወንጌል Gospel

1. ኢየሱስ ቊሊሕ እንተ በለ፥ እቶም ሃብታማት ኣብቲ መቐበል ምጽዋት መባእ ኬውድቑ ኸለዉ ረኣየ። 2. ሓንቲ ድኻ መበለት ከኣ ኣብኡ ኽልተ ሣንቲም ከተውድቕ ከላ ረኣየ። 3. “እዛ ድኻ መበለት እዚኣ ካብ ኵላቶም ኣብዚኃ ከም ዘውደቐት ብሓቂ እብለኩም ኣሎኹ። 4. እዚኣቶምሲ ዅላቶም ካብ ተረፎም እዮም መባእ ዘውደቑ፤ እዚኣ ግና ካብ ስእነታ ዘለዋ ዅሉ ገንዘባ እያ ዘውደቐት” ከኣ በለ። 5. ገሊኦም ካብ ደቀ መዛሙርቱ፥ ቤት መቕደስ ብጽቡቕ ኣእማንን ንመባእ ብዝተዋህበ ስልማትን ኣጊጹ ከም ዘሎ ኺዛረቡ ኸለዉ ኢየሱስ፦ 6. “እዚ እትርእይዎ ዘሎኹም፥ እምኒ ኣብ ልዕሊ እምኒ ኸይፈረሰ ዘይተርፈለን መዓልትታት ኪመጻ እየን” በለ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ እግዚኣብሄር፣ ንስኻ ጻድቕ ኢኻ፣ ፍርድኻ ድማ ቅኑዕ እዩ። ብጽድቅን ብዕዙዝ ሓቅን ምስክራትካ ኣዘዝካ።

ወንጌል Gospel

20. ተጸናትዮም ብዘረባኡ ኺኅዝዎ እሞ ናብቲ ሮማዊ በዓል ሥልጣን ንፍርዲ ኣኅሊፎም ምእንቲ ኪህብዎ፥ ቕኑዓት ተመሲሎም ዚጸናጸኑ ሰለይቲ ሰደዱሉ። 21. እቶም ሰለይቲ ኸኣ፥ “መምህር! ብሓቂ ደኣ መገዲ ኣምላኽ ትምህር እምበር፥ ገጽ ሰብ ርኢኻ ኸም ዘይተዳሉን፥ ሓቂ ከም እትዛረብን ከም እትምህርን፥ ንፈልጥ ኢና። 22. ንቄሥር ግብሪ ክንህብሲ ግቡእ ድዩ ወይ ኣይፋሉን፧” ኢሎም ሓተትዎ። 23. ኢየሱስ ግና ጕርሖም ፈሊጡ፥ “ንምንታይከ ትፍትኑኒ ኣሎኹም፧ 24. እቲ ዲናር ኣርእዩኒ፥ ምስሉን ጽሕፈቱን ናይ መን እዩ፧” በሎም። ንሳቶም ከኣ፥ “ናይ ቄሣር” በሉ። 25. ንሱ ድማ “ናይ ቄሣር ንቄሣር፥ እቲ ናይ ኣምላኽ ድማ ንኣምላኽ ሃቡ” በሎም። 26. ኣብ ቅድሚ እቲ ሕዝቢ ብዘረባኡ ኺኅዝዎ ስለ ዘይከኣሉ፥ በቲ ምላሹ ተገሪሞም ኣጽቀጡ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ከም አብ መሪባ፣ ከምቲ ብመዓልቲ ማሳ አብ በረኻ፣ ኣቦታትኩም ኪፍትኑኒ፣ ኪዕዘቡኒ ኸለዉ፣ ግብረይ ዝረአዩ ዄንኩም፣ ልብኹም ኣይተትርሩ። በቲ ወለዶ እቲ አርብዓ ዓመት ተመነወኒ።

ወንጌል Gospel

15. ድኀርዚ ፈሪሳውያን ብዘረባኡ ከመይ ገይሮም ከም ዜስሕትዎ ኸይዶም ተማኸሩ። 16. ንደቀ መዛሙርቶም ከኣ ምስ ወገን ሄሮድስ ገይሮም ከምዚ ኢሎም ናብኡ ለኣኹ፦ “መምህር፥ ሓቀኛ ምዃንካ፥ መገዲ ኣምላኽ ከኣ ብሓቂ ከም እትምህር፥ ገጽ ሰብ ርኢኻ ድማ ከም ዘይተዳሉ፥ ንሓደ እኳ ከም ዘይትፈርህ፥ ንፈልጥ ኢና። 17. እምበኣር እንታይ ይመስለካ፥ እስከ ንገረና፧ ንቄሣር ግብሪ ምሃብ ይግባእ ድዩ ወይ ኣይግባእን፧” 18. ኢየሱስ ግና ክፍኣቶም ፈሊጡ “ኣቱም ግቡዛት፥ ንምንታይ ትፍትኑኒ ኣሎኹም፧ 19. እቲ ናይ ግብሪ ገንዘብ እስከ ኣርእዩኒ” በሎም። ንሳቶም ድማ ሓደ ዲናር ኣምጽኡሉ። 20. ; ኢየሱስ ድማ “እዝስ መልክዑን ጽሕፈቱን ናይ መን እዩ፧” በሎም። 21. ንሳቶም ከኣ “ናይ ቄሣር እዩ” በልዎ። “እምበኣር ናይ ቄሣር ንቄሣር፥ ናይ ኣምላኽ ከኣ ንኣምላኽ ሃቡ” በሎም። 22. እዚ ሰሚዖም ተገረሙ፥ ኃዲጎምዎ ድማ ከዱ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

7. ኤጲስቆጶስ፥ ዕዮ ኣምላኽ ኪመርሕ ኅድሪ ዝተቐበለ ስለ ዝኾነ፥ መንቅብ ዘይብሉ፥ ዘይዕበ፥ ዘይኵሪ፥ ወልፊ መስተ ዘይብሉ፥ ዘይዋቓዕ፥ ገንዘብ ሓራም ዘይደሊ ይኹን። 8. እኳ ደኣ ተቐባሊ ጋሻ፥ ሠናይ ዚፈቱ፥ ገዛእ ርእሱ ገቲኡ ዚኽእል፥ ቅኑዕ፥ ቅዱስን ሥሩዕን ይኹን። 9. ንሱ በቲ ቕኑዕ ትምህርቲ ምእንቲ ኺምዕድ፥ ነቶም ዚቃወምዎውን መልሲ ሂቡ ምእንቲ ኺኽእል፥ በቲ ዚተማህሮ እሙን ዝኾነ ቃል ይጽናዕ። 10. ከመይ ብዙኃት ሰባት፥ ብኅልፊ ኻብቶም ሰብ ግዝረት፥ ዘይእዙዛት፥ ወልፋሳትን መጠፋፋእትን ኣለዉ። 11. ንሳቶም ዘይቅኑዕ ረብሓ ምእንቲ ክረኽቡ ኢሎም፥ ኪምህርዎ ዘይግብኦም እናመሃሩ፥ ንብዘሎ ኣባይቲ ዝገለባብጡ ስለ ዝኾኑ፥ ኣፎም ከተትኅዞም ግቡእ እዩ። 12. ሓደ ኻብቶም ናታቶም ነቢያት እኳ “ሰብ ቀርጤስ ዅሉ ሳዕ ሓሰውቲ፥ እኩያት ኣራዊት፥ ሃካያት በላዕቲ እዮም” ይብል። 13. -

ዘካልእ መልእክት Universal Epistle

3. ንኢየሱስ ክርስቶስ ካብ ሞት ብምትንሣኡ ሕያው ተስፋ ዝሃበና፥ ብብዝኂ ምሕረቱ ብሓድሽ ልደት ውሉድ ዝገበረና ኣምላኽ፥ ኣቦ ጐይታና ኢየሱስ ክርስቶስ ይመስገን። 4. ንሱ ነቲ ዘበርስን ዘይበላሾን ዘይጽምሉን ኣብ ሰማያት ኣንቢሩልና ዘሎ ርስቲ ኸም እንወርስ ገበረና። 5. ንስኻትኩም ስለ ዝኣመንኩም፥ እቲ ኣብ መወዳእታ ዘመን ኪገሃድ ዘለዎ ድኅነት ክሳዕ ዚመጽእ፥ ኃይሊ ኣምላኽ ኪሕልወኩም እዩ። 6. ሽሕ እኳ ሕጂ ንቚሩብ ጊዜ ብብዙኅ ዝዓይነቱ ፈተና ኽትኃልፉ ግዲ እንተ ኾነ፥ በዚ ክትሕጐሱ ኢኹም። 7. እዚ ኸኣ እታ እምነትኩም ሓቂ ከም ዝኾነት ኬረድእ እዩ። ወርቂ ሽሕ እኳ ብሓዊ እንተ ተዀልዐ በራሳይ እዩ። እምነትኩም ግና ምስ ተፈተነት ኣዝዩ ዝበለጸ ዋጋ ኣለዋ፥ ከመይ ኢየሱስ ክርስቶስ ኪግለጽ ከሎ ምስጋናን ስብሓትን ክብርን ከተምጽኣልኩም እያ። 8. - 9. ከይርአኹምዎ ተፍቅርዎ፥ ሕጂውን ከይርአኹምዎ ብእኡ ትኣምኑ ኣሎኹም፥ ነቲ ናይ እምነትኩም መደምደምታ ዝኾነ ድኅነት ነፍስኹም ምስ ተቐበልኩም ኸኣ ብኺንገር ዘይኸኣል ክቡር ሓጐስ ትሕጐሱ ኣሎኹም።

ግብረ ሃዋርያት Acts

31. ስለዚ ሠለስተ ዓመት ምሉእ ለይትን መዓልትን ብንብዓት ንነፍስ ወከፍኩም ካብ ምምዓድ ከም ዘየብኰርኩ፥ እናዘከርኩም ንቕሑ። 32. ሕጂ ድማ ንኣምላኽን ነቲ ኺሓንጸኩምን ምስ ኵላቶም ቅዱሳን ኬረስትየኩምን ዚኽእል ቃል ጸጋኡን ኣማኅጽነኩም ኣሎኹ። 33. ኣነ ናይ ሓደ ሰብ ብሩር ወይ ወርቂ ወይ ክዳን ኣይተመኔኹን። 34. እዘን ኣእዳወይ ንኣይ ኮነ ነቶም ምሳይ ዚነብሩ ከም ዘገልገላ ባዕላትኩም ትፈልጡ ኢኹም። 35. ነቲ ጐይታና ኢየሱስ ባዕሉ፥ ‘ካብ ዚቕበልሲ እቲ ዚህብ ኣዝዩ ይባረኽ’ ዝበሎ ቓል እናዘከርካ ከምዚ ጌርካ ምዕያይን ንድኹማት ምእላይን ከም ዚግባእ ብዅሉ ኣርእየኩም ኣሎኹ።” 36. እዚ ምስ በለ ኸኣ ምስ ኵሎም ኮይኑ ተምበርኪኹ ጸለየ። 37. ኵላቶም ድማ ብዙኅ በኸዩ፥ ንጳውሎስ ከኣ ብኽሳዱ ሓኒቖም ሰዓምዎ። 38. ካብ ኵሉ ኸኣ ስለ እቲ “ደጊምሲ ገጸይ ኣይክትርእዩንን ኢኹም” ዝበሎም ቃል ኣዝዮም ጐሃዩ፥ ክሳዕ እታ መርከብውን ኣፋነውዎ።

ስንክሳር Synaxarium

ቴዎፍሎስ ሊቀ ጳጳሳት
ወሮማኖስ ሰማዕት
ወዮሐንስ
ወአድላ
ወአርቴማዎስ
ወኤርስጦስ
ወሉዲኖስ
ወ፫ቱ ደቂቅ

መዝሙር Psalm

ብስብሒ ቤትካ ይጸግቡ፣ ካብ ወሓዚ ባህታኻውን ተስትዮም። ናይ ህይወት ፈልፋሊ ኣባኻ እዩ እሞ፣ ብብርሃንካ ብርሃን ንርኢ ኣሎና።

ወንጌል Gospel

13. ብቓሉ ኼስሕትዎ ኢሎም ከኣ ካብ ፈሪሳውያንን ሄሮድሳውያንን ገለ ሰባት ሰደዱሉ። 14. መጺኦም ድማ “መምህር፥ መገዲ ኣምላኽ ደኣ ብሓቂ ትምህር እምበር ንሓደ እኳ ኣይትፈርህን ኢኻ፥ ገጽ ሰብ ርኢኻ ዘይተዳሉ ሓቀኛ ምዃንካውን ንፈልጥ ኢና። ንቄሣር ግብሪ ምኽፋልሲ ግቡእ ድዩ ወይ ኣይፋሉን፧ ንኽፈልዶኸ ኣይንኽፈል፧” በልዎ። 15. ኢየሱስ ድማ ግብዝናኦም ፈሊጡ “ስለምንታይ ትፍትኑኒ ኣሎኹም፧ ነቲ ዲናር ክርእዮ ኣምጽኡለይ” በሎም። 16. ንሳቶም ድማ ኣምጽእሉ፥ ንሱ ኸኣ “እዝስ ምልክዑን ጽሕፈቱን ናይ መን እዩ፧” በሎም። ንሳቶም ድማ “ናይ ቄሣር” በልዎ። 17. ኢየሱስ ከኣ “እምበኣርሲ እቲ ናይ ቄሣር ንቄሣር፥ እቲ ናይ ኣምላኽ ኸኣ ንኣምላኽ ሃቡ” ኢሉ መለሰሎም። ብእኡ ድማ ገረሞም። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ንጽምእቲ ነፍሲ አጽጊብዋ፣ ንጥምይቲ ነፍሲ ብሰናይ መሊእዋ እዩ እሞ፣ ንእግዚኣብሄር ስለ ሳህሉን፣ ስለቲ ንደቂ ሰብ ዝገበሮ ተአምራቱን የመስግንዎ።

ወንጌል Gospel

10. ድኅሪዚ ምስ ደቀ መዛሙርቱ ናብ ጃልባ ደይቡ ናብ ሃገር ደልማኑታ ኸደ። 11. ፈሪሳውያን ናብ ኢየሱስ መጺኦም፥ ኪፍትንዎ ኢሎም፥ “ካብ ሰማይ ትእምርቲ ኣርእየና” እናበሉ ኺከራኸርዎ ጀመሩ። 12. ኢየሱስ ድማ ብመንፈሱ እናኅዘንዘነ፥ “እዚ ወለዶ እዚ ንምንታይ እዩ ትእምርቲ ዚደሊ ዘሎ፧ ነዚ ወለዶ እዚ ትእምርቲ ከም ዘይዋሃቦ፥ ብሓቂ እብለኩም ኣሎኹ” በለ። 13. ኃዲግዎም ድማ ከም ብሓድሽ ናብ ጃልባ ደየበ፥ ናብ ማዕዶውን ተሳገረ። 14. ደቀ መዛሙርቱ ኸኣ ምምላእ እንጌራ ስለ ዝረስዑ ምስኣቶም ኣብ ጃልባ ብዘይካ ሓንቲ እንጌራ ኻልእ ኣይነበሮም። 15. ኢየሱስ ድማ “ተጠንቀቑ፥ ካብ ማይ ብሑቕ ፈሪሳውያንን ሄሮድሳውያንን ተሓለዉ” ኢሉ ኣዘዞም። እትሰምዕ እዝኒ ዘላቶ ይስማዕ!

መዝሙረ ዳዊት Psalm

የላግጹ፣ ብኽፍኣቶም ግፍዒ ይዛረቡ፣ ካብ ላዕሊ ይዛረቡ ኣለዉ። ኣፎም ናብ ሰማይ የልዕሉ፣ መልሓሶም ከኣ ኣብ ምድሪ ይመላለስ።

ወንጌል Gospel

32. “ኣብ ቅድሚ ሰብ ንዝተኣመነኒ ዅሉ ኣነ ኸኣ ኣብ ቅድሚ እቲ ኣብ ሰማያት ዘሎ ኣቦይ ክእመኖ እየ። 33. ኣብ ቅድሚ ሰብ ንዝኸሓደኒ ግና፥ ኣነ ድማ ኣብ ቅድሚ እቲ ኣብ ሰማያት ዘሎ ኣቦይ ክኽሕዶ እየ። 34. “ኣነ ናብ ምድሪ ሰላም ከውርድ ዝመጻእኩ ኣይምሰልኩም፥ ኲናት ደኣ እምበር ሰላም ከውርድ ኣይመጻእኩን። 35. ወዲ ኻብ ኣቦኡ፥ ጓል ካብ ኣዲኣ፥ መርዓት ካብ ሓማታ ኽፈላሊ እየ ዝመጻእኩ። 36. ንሰብ ከኣ ጸላእቱ ቤተ ሰቡ ኪኾኑ እዮም። 37. እቲ ነቦኡ ወይ ነዲኡ ካባይ ኣብሊጹ ዜፍቅር ንኣይ ኣይበቅዕን እዩ። ካባይ ንወዱ ወይ ንጓሉ ኣብሊጹ ዜፍቅርውን ንኣይ ኣይበቅዕን እዩ። 38. እቲ መስቀሉ ፀይሩ ደድኀረይ ዘይስዕብ ንኣይ ኣይበቅዕን እዩ። 39. ንሕይወቱ ዚረኽባ ኼጥፍኣ እዩ፥ ንሕይወቱ ምእንታይ ዜጥፍኣ ኸኣ ኪረኽባ እዩ። 40. “ንኣኻትኩም ዚቕበል ንኣይ ይቕበል፥ እቲ ንኣይ ዚቕበል ድማ ነቲ ዝለኣኸኒ ይቕበሎ። 41. ንነቢይ ብስም ነቢይ ዚቕበል ዓስቢ ነቢይ ይረክብ፥ እቲ ንጻድቕ ብስም ጻድቕ ዚቕበል ዓስቢ ጻድቕ ይረክብ። 42. ካብዞም ናእሽቱ ንሓደ እኳ ብስም ወደ መዝሙር ዝሑል ብርጭቆ ማይ ጥራይ ዜስቲ፥ ዓስቡ ከቶ ከም ዘይስእን ብሓቂ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

8. እዚ እሙን ዘረባ እዩ። ነቶም ብኣምላኽ ዝኣመኑ፥ ሠናይ ግብሪ ንምግባር ምእንቲ ኺተግሁ፥ በዚ ኣጸቢቕካ ከተረድኦም እደሊ እለኹ። እዚ ጽቡቕን ንሰብ ዚጠቅምን እዩ። 9. ካብ ናይ ዕሽነት ክርክርን፥ ካብ ወለዶታት ምጽብጻብን፥ ካብቲ ብምኽንያት ሕጊ ሙሴ ዚለዓል ታዕታዕን ባእስን ግና ርሓቕ፥ ከመይ ጥቕሚ ዘይብሉ ከንቱ ነገር እዩ። 10. ነቲ መሻረዊ ሰብ ሓንሳእ ኣስምዓሉ፥ ካልኣይ ጊዜውን ኣስምዓሉ፥ ካብኡ ንድኃር ግና ካባኻ ኣርሕቆ። 11. እዚ ዝተበላሸወን ኅጥእን ከም ዝኾነ ፍለጥ፥ ባዕሉ ንባዕሉ ዝኾነነ ሰብ እዩ። 12. ኣብ ኒቆጵልዮን ክኸርም መዲበ ኣሎኹ እሞ ንኣርጤማስ ወይስ ንቲኪቆስ ምስ ለኣኽኩልካ ዝገበርካ ጌርካ ናባይ ምጻእ። 13. ንዜናስ ፈላጥ ሕግን ንኣጵሎስን ኣብ መገሻኦም ገለ ነገር እኳ ኸይጎድሎም ብዚከኣለካ ሓግዞም። 14. እቶም ናትናውን፥ ዕለታዊ ምግቦም ባዕሎም ኪሓልዩ ዕዮ ኺሠርሑ ደኣ ይመሃሩ እምበር ብዘይ ፍረ ኣይንበሩ። 15. ምሳይ ዘለዉ ዅሎም ሰላም ይብሉኻ ኣለዉ። ነቶም ብእምነት ዜፍቅሩና “ሰላም ይብሉኹም ኣለዉ” በለልና። ጸጋ ምስ ኲላትኩም ይኹን።

ዘካልእ መልእክት Universal Epistle

22. እቲ ንኢየሱስ ንሱ መሲሕ ምዃኑ ዚኽሕዶ እንተ ዘይኮይኑኸ፥ መን እዩ እቲ ሓሳዊ፧ ንሱ፥ እቲ ንኣቦን ንወልድን ዚኽሕድ ፀረ ክርስቶስ እዩ። 23. እቲ ንወልድ ዚኽሕድ፥ ኣቦ ኣብኡ የሎን፥ እቲ ንወልድ ዚኣምን፥ ነቦ ይኣምን። 24. ንስኻትኩም ግና እቲ ኻብ መጀመርታ ዝሰማዕኩምዎ ኣባኻትኩም ይንበር። እቲ ኻብ መጀመርታ ዝሰማዕኩምዎ ኣባኻትኩም ዚነብር እንተ ኾይኑ ኸኣ፥ ንስኻትኩም ኣብ ወልድን ኣብ ኣቦን ክትነብሩ ኢኹም። 25. እታ ክርስቶስ ዘተስፈወና ተስፋ ኸኣ ናይ ዘለዓለም ሕይወት እያ። 26. ብዛዕባ እቶም ዜስሕቱኹም እየ እዚ ዝጸሓፍኩልኩም።

ግብረ ሃዋርያት Acts

11. ሽዑ እቶም ሕዝቢ ነቲ ጳውሎስ ዝገበሮ ምስ ረኣዩ፥ ድምፆም ዓው ኣቢሎም፥ ብቛንቋ ሊቃኦንያ፥ “ኣማልኽቲ ሰብ ተመሲሎም ናባና ወሪዶም” በሉ። 12. ንበርናባስ “ድያ” ንጳውሎስ ድማ ቀንዲ ተዛራቢ ስለ ዝነበረ “ሄርሜስ” ኢሎም ሰመይዎም። 13. ናይታ ኣብ መንጽር ከተማ ዝነበረት ቤት መቕደስ ድያ ካህን ድማ፥ ኣብዑርን ዝተተትዐ ዕምባባን ናብቲ ኣፍ ደገ ኣምጺኡ፥ ምስቶም ሕዝቢ ኾይኑ ኪሥውዓሎም ደለየ። 14. እንተኾነ እቶም ሓዋርያት፥ በርናባስን ጳውሎስን፥ እዚ ምስ ሰምዑ ሰምቢዶም ክዳውንቶም ቀደዱ፥ እናጨርሑ ናብቶም ሕዝቢ ኣቢሎም ጐየዩ፥ 15. ከምዚ ዚስዕብ ከኣ በልዎም፡ - “ኣቱም ሰባት! ስለምንታይ ከምዚ ትገብሩ፧ ንሕናውን ከማኻትኩም ዝፍጥረትና ሰብ ኢና፥ ነዚ ኸንቱ ነገር ኃዲግኩም፥ ናብቲ ሰማይን ምድርን ባሕርን ኣብኣቶም ዘሎ ዅሉን ዝፈጠረ ሕያው ኣምላኽ ክትምለሱ ነበሥረኩም ኣሎና። 16. ብዝኃለፈ ዘመናት እግዚኣብሔር ንዅሎም ኣሕዛብ በብዝደለይዎ መገዲ ኪኸዱ ኃደጎም።

ስንክሳር Synaxarium

በርተሎሜዎስ ሰማዕት ወብእሲቱ
ወማሕበረ ቅዱሳን ወጉባኤሆሙ በአንጾኪያ በእንተ ጳውሎስ ሳምሳጢ
ወዮሐንስ ዘጸይለም
ወጻድቃን እለ መጠራ
ወይምራህ ንጉሥ

መዝሙር Psalm

ዎ ኣምላኽ፣ እቲ ተጻራሪ ኽሳዕ መኣዝ ኪጸርፍ፧ ጸላእስ ንሓዋሩ ስምካ ኺንዕቕ እዩ፧ ስለምንታይ ኢድካ፣ ነታ የማነይቲኻ፣ ንድሕሪት እትመልሳ፧

ወንጌል Gospel

8. “ኣብ ቅድሚ ሰብ ንዚእመነኒ ዅሉ፥ ወዲ ሰብ ድማ ኣብ ቅድሚ መላእኽቲ ኣምላኽ ኪእመኖ እዩ። 9. እቲ ኣብ ቅድሚ ሰብ ዚኽሕደኒ ግና ኣብ ቅድሚ መላእኽቲ ኣምላኽ ኪከሓድ እዩ እብለኩም ኣሎኹ። 10. እቲ ኣንጻር ወዲ ሰብ ገለ ቓል ዜውፅእ ኪኅደገሉ እዩ፥ እቲ ንመንፈስ ቅዱስ ዚጸርፍ ግና ኣይኪኅደገሉን እዩ። 11. ናብ ቤት ጸሎት ኣይሁድን ገዛእትን ሰበ ሥልጣንን እንተ ወሰዱኹም ከመይ ወይስ እንታይ ከም እትምልሱ ወይ እንታይ ከም እትብሉ ኣይትጨነቑ። 12. “ምኽንያቱ በታ ሰዓት እቲኣ፥ እንታይ ክትብሉ ኸም ዚግብኣኩም መንፈስ ቅዱስ ኪምህረኩም እዩ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ኵሉ ሓሳባት እቲ ረሲእ፣ ኣምላኽ የልቦን እዩ፣ ብትዕቢቱ ኸኣ፣ ኣይምርምርን እዩ፣ ይብል ኣሎ። መገድታቱ ዅሉ ጊዜ ይፍድፍዳ፣ ፍርድታትካ ንእኡስ ኣዝዩ ልዕል ዝበለ እዩ።

ወንጌል Gospel

29. ወይ ከኣ መን እዩ ቅድም ነቲ ኃያል ከይኣሰረ ናብ ቤት ኃያል ኣትዩ ኣቕሑኡ ኪብርብር ዚኽእል፧ ድኅርዚ እዩ ነቲ ቤቱ ዚዘምት። 30. እቲ ምሳይ ዘይኮነ መቐናቕንተይ እዩ፥ እቲ ምሳይ ዘይእክብ ከኣ ይብትን። 31. ስለዚ ንሰብ ኃጢኣትን ጸርፍን ኵሉ ይኅደገሉ እዩ፥ ነቲ ንመንፈስ ቅዱስ ዝጸረፈ ግና ኣይኪኅደገሉን እዩ እብለኩም ኣለኹ። 32. ኣብ ልዕሊ ወዲ ሰብ ገለ ቓል ዝተዛረባ ኪኅደገሉ እዩ፥ ኣብ ልዕሊ መንፈስ ቅዱስ ገለ ዘረባ ዝበለ ግና ኣብዛ ዓለም እዚኣ ኾነ ኣብታ እትመጽእ ኣይኪኅደገሉን እዩ። 33. “ኦም ብፍሪኡ እዩ ዚፍለጥ እሞ፥ ነቲ ኦም ጽቡቕ ግበርዎ፥ ፍሪኡ ድማ ጽቡቕ ይኸውን፥ ወይ ከኣ ነቲ ኦም ሕማቕ ግበርዎ፥ ፍሪኡ ድማ ሕማቕ ይኸውን። 34. ኣቱም ውሉድ ኣትማን፥ ኣፍ ካብ ምልኣት ልቢ ይዛረብ እዩ እሞ፥ ክፉኣት ክነስኹም፥ ከመይ ኢልኩም ጽቡቕ ምዝራብ ክትክእሉ፧ 35. “ሕያዋይ ሰብ፥ ካብቲ ሠናይ መዝገብ ልቡ፥ ሠናይ ነገር የውፅእ፥ እቲ ኽፉእ ሰብ ግና፥ ካብቲ ኽፉእ መዝገብ ልቡ፥ ክፉእ ነገር የውፅእ። 36. - ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ዎ እግዚኣብሄር፣ መገዲ ስርዓታትካ ምሀረኒ፣ ክሳዕ መወዳእታውን ክሕልዎ እየ። ምስትውዓል ሀበኒ እሞ፣ ንሕግኻ ኽሕልዎ፣ ብምሉእ ልበይውን ክገብሮ እየ።

ወንጌል Gospel

27. ሽዑ ጴጥሮስ መሊሱ “እንሆ ንሕና ዅሉ ኃዲግና ስዒብናካ ኣሎና፥ እንታይ ኮን ክንረክብ ኢና፧” በሎ። 28. ኢየሱስ ድማ “ኣቱም ዝሰዓብኩምኒ፥ ወዲ ሰብ በታ ሓዳስ ዘመን ኣብ ዝፋን ክብሩ ዚቕመጠላ እዋን፥ ንስኻትኩም ድማ ኣብ ዓሠርተው ክልተ ዝፋናት ተቐሚጥኩም ንዓሠርተው ክልተ ነገደ እስራኤል ከም እትፈርዱ ብሓቂ እብለኩም ኣሎኹ። 29. ስለ ስመይ ኢሉ ኣባይቲ፥ ኣኅዋት፥ ኣኃት፥ ኣቦ፥ ኣደ፥ ሰበይቲ፥ ውሉድ፥ ግርሁ ዝኃደገ ዅሉ ሚእቲ ዕጽፊ ኺረክብ እዩ፥ ናይ ዘለዓለም ሕይወትውን ኪወርስ እዩ። 30. ብዙኃት ቀዳሞት ዳኃሮት ኪኾኑ እዮም፥ ዳኃሮት ድማ ቐዳሞት ኪኮኑ እዮም” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

7. እንተ ቐጽዓኩምከስ ተዓገሡ። ኣምላኽ ከም ውሉዱ ይርእየኩም ኣሎ ማለት እዩ። ኣቦኡ ዘይቀጽዖ ውሉድከ እንታዋይ እየ፧ 8. ከምቶም ኵሎም ውሉድ መቕጻዕቲ እንተ ዘይተቐበልኩም ግና ደቓሉ እምበር ውሉድ ኣይኮንኩምን። 9. ኣብ ርእሲ እዚ ዚቐጽዑ ሥጋውያን ኣቦታት ካብ ዝነብሩና እሞ እነኽብሮም ካብ ኮንና፥ ብሕይወት ምእንቲ ኽነብር ነቲ መንፈሳዊ ኣቦና ደኣ ኽንደይ ኣዚና ኽንእዘዞ ዘይግብኣና፧ 10. ሥጋውያን ኣቦታትና ንቚሩብ ጊዜ ከምቲ ጽቡቕ እዩ ኢሎም ዝገመትዎ ገይሮም ይቐጽዑና፥ ኣምላኽ ግና ናይ ቅድስናኡ ተማቐልቲ ምእንቲ ኽንከውን ኢሉ ንጥቕምና ይቐጽዓና። 11. ቅጽዓት ዘበለ መሪር እዩ፥ ንጊዜኡውን ሓጐስ ዜስዕብ ኣይመስልን እዩ፥ ንዳኅራዩ ግና ነቶም ብእኡ ዝኃለፉ ሰላምን ጽድቅን እዩ ዚፈርየሎም። 12. ምእንትዚ “ነተን ዘርጋሕጋሕ ዝበላ ኣእዳውኩምን ወለል ዝበለን ኣብራኽኩምን ኣደልድልወን።” 13. “ነእጋርኩም ኸኣ ትኽ ዝበለ መገዲ ግበሩ’’ ሽዑ እቲ ዚሕንክስ ዘሎ መሓውርኩም ኪሓዊ እዩ እምበር ኣይክዛናበልን እዩ። 14. ምስ ኵሉ ሰብ ብሰላም ንበሩ። ብዘይ ቕድስና ሓደ እኳ ንእግዚኣብሔር ዚርእዮ የልቦን እሞ ቅዱሳን ክትኮኑ ጽዓሩ። 15. ካብ ጸጋ ኣምላኽ ሓደ እኳ ኸይወፅእ፥ ከምኡውን መሪር ሡር በቊሉ ኸየጨንቐኩም፥ ንብዙኃት ኸኣ ኸየርክስ ተጠንቀቑ።

ዘካልእ መልእክት Universal Epistle

6. እቶም ሕጂ ሞይቶም ዘለዉ፥ ሽሕ እኳ ከም ሰብ ብሥጋ እንተ ተፈርዱ፥ ብመንፈስ ከም ኣምላኽ ኮይኖም ብሕይወት ምእንቲ ኺነብሩ ወንጌል ተሰብከሎም። 7. ናይ ዅሉ ነገር መወዳእታ ቐሪቡ እዩ፥ ስለዚ ጸሊኹም ምእንቲ ኽትክእሉ፥ ገዛእ ርእሶም ዝገትኡን ጥንቁቓትን ኩኑ። 8. ፍቕሪ ብዙኅ ኃጢኣት ትኸድን እያ እሞ ቕድሚ ዅሉ ንሓድሕድኩም ብምሉእ ልቢ ተፋቐሩ። 9. ብዘይ ምዕዝምዛም ተቐበልቲ ጋሻ ኹኑ። 10. ናይቲ ብዙኅ ዝዓይነቱ ጸጋ ኣምላኽ እሙናት ኣገልገልቲ ብምዃን፥ ነፍስ ወከፍኩም ከምቲ ዝተቐበልኩምዎ ውህበት ጸጋ ጌርኩም ንሓድሕድኩም ኣገልግሉ። 11. እቲ ዝሰብኽ ቃል ኣምላኽ ይስበኽ፥ እቲ ዜገልግል በቲ ኣምላኽ ዝሃቦ ኃይሊ የገልግል፥ እዚ ኸኣ ኣምላኽ ብኢየሱስ ክርስቶስ ብዅሉ ነገር ምእንቲ ኪምስገን እዩ። ክብርን ሥልጣንን ንዘለዓለም ዓለም ንእኡ ይኹኖ። ኣሜን።

ግብረ ሃዋርያት Acts

31. ስለዚ ሠለስተ ዓመት ምሉእ ለይትን መዓልትን ብንብዓት ንነፍስ ወከፍኩም ካብ ምምዓድ ከም ዘየብኰርኩ፥ እናዘከርኩም ንቕሑ። 32. ሕጂ ድማ ንኣምላኽን ነቲ ኺሓንጸኩምን ምስ ኵላቶም ቅዱሳን ኬረስትየኩምን ዚኽእል ቃል ጸጋኡን ኣማኅጽነኩም ኣሎኹ። 33. ኣነ ናይ ሓደ ሰብ ብሩር ወይ ወርቂ ወይ ክዳን ኣይተመኔኹን። 34. እዘን ኣእዳወይ ንኣይ ኮነ ነቶም ምሳይ ዚነብሩ ከም ዘገልገላ ባዕላትኩም ትፈልጡ ኢኹም። 35. ነቲ ጐይታና ኢየሱስ ባዕሉ፥ ‘ካብ ዚቕበልሲ እቲ ዚህብ ኣዝዩ ይባረኽ’ ዝበሎ ቓል እናዘከርካ ከምዚ ጌርካ ምዕያይን ንድኹማት ምእላይን ከም ዚግባእ ብዅሉ ኣርእየኩም ኣሎኹ።” 36. እዚ ምስ በለ ኸኣ ምስ ኵሎም ኮይኑ ተምበርኪኹ ጸለየ። 37. ኵላቶም ድማ ብዙኅ በኸዩ፥ ንጳውሎስ ከኣ ብኽሳዱ ሓኒቖም ሰዓምዎ። 38. ካብ ኵሉ ኸኣ ስለ እቲ “ደጊምሲ ገጸይ ኣይክትርእዩንን ኢኹም” ዝበሎም ቃል ኣዝዮም ጐሃዩ፥ ክሳዕ እታ መርከብውን ኣፋነውዎ።

ስንክሳር Synaxarium

ዮሐንስ ሐጺር
ወኤልሳዕ ነቢይ

መዝሙር Psalm

ክፍኣት ሐሊኖምልካ እዮም እሞ፣ ዘየስልጥዎ እከይ መኸሩ። ዝባኖም ከተምልሶም ኢኻ እሞ፣ ቀስትኻ ናብ ግምባሮም ኣቢልካ ኸተዳሉ ኢኻ።

ወንጌል Gospel

24. ኣስዒቡ ኸኣ “ነቢይ ኣብ ዓዱ ኸቶ ኸም ዘይከብር ብሓቂ እብለኩም ኣሎኹ። 25. ብዘመን ኤልያስ እቲ ሰማይ ሠለስተ ዓመትን ሽዱሽተ ወርኅን ዝተዓጽወሉ፥ ኣብ ኵላ እታ ምድሪ ኸኣ ብርቱዕ ጥሜት ዝኾነሉ ወርኃት፥ ኣብ እስራኤል ብዙኃት መበለታት ከም ዝነበራ ብሓቂ እብለኩም ኣለኹ። 26. እንተኾነ ኤልያስ ናብታ ሓንቲ መበለት ሰበይቲ ኣብ ሰራጵታ ናይ ሲዶና እትርከብ ደኣ እምበር ካብኣተን ናብ ሓንቲ እኳ ኣይተላእከን። 27. ብዘመን ነቢይ ኤልሳዕውን ኣብ እስራኤል ብዙኃት ለምጻማት ነይሮም፥ እንተኾነ ብዘይካ ንእማን ሶርያዊ ኻብኣቶምሲ ሓደ እኳ ኣይነጽሐን” በሎም። 28. እቶም ኣብታ ቤት ጸሎት ኣይሁድ ዝነበሩ ዅሎም ነዚ ምስ ሰምዑ ኣዝዮም ተቖጥዑ። 29. ሽዑ ተንሢኦም ካብ ዓዲ ናብ ወፃኢ ኣውፅእዎ። ኬጽድፍዎ ኸኣ ናብ ገምገም እታ ዓዶም ተሠሪሓትሉ ዝነበረት ኩርባ ወሰድዎ። 30. ንሱ ግና ብማእከሎም ኃሊፉ ኸደ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እግዚኣብሄር ብመጠን ጽድቀይ ክሒሱኒ፣ ከም መጠን ንጽህና ኣእዳወይ ፈድዩኒ እዩ። ምስኡ ኸኣ ፍጹም ነይረ፣ ካብ ሓጢኣተይውን ተሐልየ።

ወንጌል Gospel

1. ድኅርዚ ኢየሱስ ነቶም ሕዝብን ንደቀ መዛሙርቱን ከምዚ ኢሉ ተዛረቦም፦ 2. “መምህራን ሕግን ፈሪሳውያንን ኣብ መንበር ሙሴ ተቐሚጦም ኣለው። 3. ስለዚ ንሳቶም ዚብሉኹም ኵሉ ግበሩን ሓልውን፥ ግናኸ ይብሉ ደኣ እምበር ኣይገብሩን እዮም እሞ ከምቲ ዚገብርዎ ኣይትግበሩ። 4. ከቢድ ምፅዋሩ ዘይምሹእ ፆር ጠሚሮም ንሰብ ኣብ መንኵቡ የሰክምዎ፥ ባዕላቶም ግና በጻብዖም ኪትንክፍዎ እኳ ኣይፈትዉን። 5. ኵሉ ግብሮም ሰብ ምእንቲ ኺርእዮም ይገብሩ፥ ክታባቶም ይዝርግሑ፥ ዘፈር ክዳውንቶምውን የግፍሑ። 6. ኣብ መኣዲ ዝለዓለ ሥፍራ፥ ኣብ ቤት ጸሎቶም ድማ ኣብ ክብ ዝበለ መናብር ይቕመጡ። 7. ኣብ ዕዳጋታት ሰብ ኢድ ኪነስኣሎምን ‘መምህር’ ኢሉ ኺጽውዖምን ይፈትዉ። 8. ንስኻትኩም ግና መምህርኩም ሓደ እዩ እሞ መምህራን ኣይትብሃሉ፥ ንስኻትኩምሲ ዅልኹም ኣኅዋት ኢኹም። 9. ኣብ ሰማይ ሓደ ኣቦ ስለ ዘሎኩም፥ ኣብ ምድሪ ንሓደ እኳ ኣቦ ኢልኩም ኣይትጸውዑ። 10. መራሒኹም ሓደ ክርስቶስ እዩ እሞ፥ ንስኻትኩምሲ መራሕቲ ኣይትብሃሉ። 11. - 12. እቲ ርእሱ ዜልዕል ኪሓስር እዩ፥ ርእሱ ዜትሕት ከኣ ልዕል ኪብል እዩ እሞ እቲ ኻባኻትኩም ዝዓበየ ኣገልጋሊኹም ይኹን።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

እታ ንግስቲ ብወርቂ ኦፈር ተሰሊማ፣ ኣብ የማንካ ትቐውም ኣላ። ጓለየ፣ ስምዒ፣ ርአዪውን፣ እዝንኺ ኸኣ ኣድንኒ።

ወይ

መዝ 146 ፡ 1 - 2

ነፍሰየ፣ ንእግዚኣብሄር ኣመስግኒ። ብህይወተይ ከሎኹ ንእግዚኣብሄር ከመስግኖ፣ ክሳዕ ዘሎኹ ንኣምላኸይ ክውድሶ እየ።

ወንጌል Gospel

39. በቲ ግዜ እቲ ማርያም ንመገሻ ተበገሰት፥ ቀልጢፋ ድማ ንዝባን ይሁዳ ናብ ሓንቲ ዓዲ ደየበት። 40. ናብ ቤት ዘካርያስ ኣትያ ኸኣ ንኤልሳቤጥ ሰላም በለታ። 41. ኤልሳቤጥ ቃል ሰላምታ ማርያም ምስ ሰምዐት፥ እቲ ሕፃን ኣብ ከርሣ ተሰራሰረ፤ ንኤልሳቤጥ ድማ መንፈስ ቅዱስ መልኣ። 42. ብዓብይ ድምፂውን ዓው ኢላ “ንስኺ ኻብ ኣንስቲ ዝተባረኽኪ ኢኺ፥ እቲ ኻባኺ ዚውለድ ሕፃንውን ዝተባረኸ እዩ። 43. ኣደ ጐይታይ ናባይ ክትመጺኸ እዚ ኻበይ ኮነለይ፧ 44. እንሆ ድምፂ ሰላምታኺ ምስ ሰማዕኩ እቲ ሕፃን ኣብ ከርሠይ ብሓጐስ ተሰራሰረ። 45. እቲ ካብ እግዚኣብሔር ዝተነግረኪ ቓል ከም ዚፍጸም ስለ ዝኣመንኪ ብፅዕቲ ኢኺ” በለት። 46. ማርያም ድማ ኸምዚ በለት፦ “ነፍሰይ ንእግዚኣብሔር ተዕብዮ፣ 47. መንፈሰይ ከኣ ብኣምላኸይ፥ በቲ መድኃንየይ፥ ባህ ይብሎ። 48. ውርደት ባርያኡ ርእዩ እዩ እሞ እንሆ ኻብ ሕጂ ዅሎም ወለዶ ብፅዕቲ ኺብሉኒ እዮም። 49. እቲ ዅሉ ዚኽእል ዓበይቲ ነገራት ገይሩለይ እዩ እሞ፥ ስሙ ቕዱስ እዩ። 50. ምሕረቱውን ኣብቶም ዚፈርህዎ ንውሉድ ወለዶ እዩ። 51. ብቕልጽሙ ኃይሊ ገበረ፥ ንዕቡያት ሓሳባት ልቦም በተነሎም። 52. ንኃያላት ካብ ዝፋናቶም ኣውረዶም፥ ንዝተዋረዱ ኸኣ ልዕል ኣበሎም። 53. ንጥሙያት ብበረኸት ኣጽገቦም፥ ንሃብታማት ከኣ ጥራይ ኢዶም ሰደዶም። 54. - 55. ከምቲ ነቦታትና፥ ንኣብርሃምን ንዘርኡን ዝነገሮም፥ ንዘለዓለም ምሕረቱ እናዘከረ ንእስራኤል ባርያኡ ተቐበሎ።” 56. ማርያም ከኣ ንሠለስተ ወርኂ ዚኣክል ምስ ኤልሳቤጥ ተቐሚጣ ብድኅሪኡ ናብ ቤታ ተመልሰት። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

12. ንሱ ምእንታኹምን ምእንቲ እቶም ኣብ ሎዲቅያን ኣብ ኢያራጶሊስ ዘለውን፥ ብዙኅ ጻዕሪ ከም ዘለዎ፥ እምስክረሉ ኣሎኹ። 13. ሉቃስ እቲ ፍቁር ሓኪምን ዴማስን ሰላም ይብሉኹም ኣለዉ። 14. ነቶም ኣብ ሎዲቅያ ዘለዉ ኣኅዋትን ንኒምፋስን ነታ ኣብ ቤታ ዘላ ቤተ ክርስቲያንን ሰላም በሉለይ። 15. ነዛ መልእኽቲ እዚኣ ምስ ኣንበብኩምዋ፥ ኣብ ቤተ ክርስቲያንን ሎዲቅያ ከም እትንበብ ግበሩ፥ ንስኻትኩምውን ነታ ካብ ሎዲቅያ እትመጽእ ከም እተንብብዋ ግበሩ። 16. ንኣርኪጶስ ድማ “ነታ ብጐይታ ዝተቐበልካያ ኣገልግሎት ከም እትፍጽማ ግበር” በልዎ። 17. እዚ ሰላምታ እዚ ኣነ ጳውሎስ ብኢደይ እጽሕፈልኩም ኣሎኹ። መቓውሐይ ዘክሩ። ጸጋ ምሳኻትኩም ይኹን።

ዘካልእ መልእክት Universal Epistle

1. ካብ መራሕ ቤተ ክርስትያን፥ ናብታ ኅርይቲ እመቤትን፥ ናብቶም ኣነ ብሓቂ ዘፍቅሮም ደቃን፥ ኣነ በይነይ ዘይኮንኩስ፥ እቶም ነታ ሓቂ ዚፈልጥዋ ዘበሉ ዅላቶም ድማ ዜፍቅርዎም። 2. እነፍቅሮም ድማ ስለ እታ ኣባና ዘላ፥ ንዘለዓለም ከኣ ምሳና እትነብር ሓቂ፥ ኢልና ኢና። 3. ካብ እግዚኣብሔር ኣቦናን ካብ ኢየሱስ ክርስቶስ ወዱ ንእግዚኣብሔር ኣቦን፥ ጸጋን ምሕረትን ሰላምን ብሓቅን ብፍቕርን ምሳና ኪኸውን እዩ። 4. ገለ ካብ ደቅኺ ከምቲ ኻብ ኣቦ ዝተቐበልናዮ ትእዛዝ ኮይኖም ብሓቂ ዚነብሩ ስለ ዝረኸብኩ፥ ብዙኅ እሕጐስ ኣሎኹ። 5. ሕጂ ድማ እመቤተይ፥ ሓድሽ ዘይኮነስ፥ እቲ ኻብ መጀመርታ ዝነበረና ትእዛዝ እየ ዝጽሕፈልኪ ዘሎኹ፥ ማለት ንሓድሕድና ክንፋቐር እልምነኪ ኣሎኹ። 6. ፍቕሪ ማለት ትእዛዛት ኣምላኽ እናፈጸምካ ምንባር ማለት እዩ። ከምቲ ካብ መጀመርታ ዝሰማዕኩምዎ፥ እቲ ትእዛዝ “ብፍቕሪ ንበሩ” ዚብል እዩ።

ግብረ ሃዋርያት Acts

14. ሽዑ ጴጥሮስ ምስቶም ዓሠርተው ሓደ ተንሢኡ፥ ድምፁ ዓው ኣቢሉ፥ ከምዚ ኢሉ ተዛረቦም፡ - “ኣቱም ሰብ ይሁዳን ኣብ ኢየሩሳሌም እትነብሩ ዅላትኩምን፥ እቲ ዝኾነ ነገር ምእንቲ ኽትፈልጡ ጽን ኢልኩም ስምዑኒ። 15. ከምቲ ንኣኻትኩም ዚመስለኩም እዚኣቶም ስኹራት ኣይኮኑን፥ ምኽንያቱ ገና ሣልሳይ ሰዓት ናይ መዓልቲ እዩ። 16. እዚ ግና ኸምቲ ነቢይ ኢዩኤል ዝበሎ እዩ፡ - 17. ‘በተን መወዳእታ መዓልትታት ኪኸውን እዩ፥ ይብል ኣምላኽ፥ ኣብ ልዕሊ ዅሉ ሰብ ካብ መንፈሰይ ከፍስስ እየ፥ ኣወዳትኩምን ኣዋልድኩምን ኪንበዩ፥ ኣጕባዝኩም ከኣ ራእይ ኪርእዩ፥ ኣረገውትኹምውን ሕልሚ ኺሓልሙ እዮም። 18. እወ፥ በተን መዓልትታት እቲአን፥ ኣብ ሰብኡትን ኣንስትን ኣገልገልተይ ካብ መንፈሰይ ከፍስስ እየ፥ ንሳቶም ከኣ ኺንበዩ እዮም። 19. ኣነ ድማ ኣብ ላዕሊ ኣብ ሰማይ ተኣምራት፥ ኣብ ታሕቲ ኣብ ምድሪ ኸኣ፥ ትእምርቲ ደምን ኃውን ጣቓን ክገብር እየ። 20. እታ ዓባይን ግህድትን መዓልቲ ጐይታ ኸይመጸት፥ ፀሓይ ናብ ጸልማት፥ ወርኂ ኸኣ ናብ ደም ክትልወጥ እያ። 21. ስም እግዚኣብሔር ዚጽውዕ ዘበለ ዅሉ ኸኣ ኪድኅን እዩ።’

ስንክሳር Synaxarium

በዓለ እግዝእትነ ማርያም
ወፍልሰተ ሥጋሁ ለአልአዛር ዘአንሥኦ እግዚእነ
ወዮሐንስ ኤጲስ ቆጶስ ዘኢዮሩሳሌም
ወኢዩኤል
ወማትያስ ላእክ

መዝሙር Psalm

ንሱ ሰብ ኪጠቕዖም ኣይሐደገን፣ ንቕቡኣተይ ኣይትተንክይዎም፣ ነብያተይ ድማ ክፉእ ኣይትግበርዎም፣ ኢሉ ምእንትኦም ንነገስታት ገሰጾም።

ወንጌል Gospel

43. ኢየሱስ መሊሱ ኸምዚ በሎም፦ “ንሓድሕድኩም ኣይተጒረምርሙ። 44. እቲ ዝለኣኸኒ ኣቦይ ዝሰሓቦ እንተ ዘይኮይኑ፥ ናባይ ኪመጽእ ዚኽእል ሓደ እኳ የልቦን። ኣነ ድማ በታ ዳኅረይቲ መዓልቲ ኸተንሥኦ እየ። 45. ኣብ መጻሕፍቲ ነቢያትውን ‘ኩሎም ካብ ኣምላኽ ዝተማህሩ ኪኾኑ እዮም’ ዚብል ጽሑፍ ኣሎ ፤ እቲ ኻብ ኣቦ ዝሰምዐን ዝተማህረን ዘበለ ኸኣ ናባይ ይመጽእ። 46. ብዘይካ እቲ ኻብ ኣምላኽ ዝኾነ ነቦ ዝረኣዮ ሓደ እኳ የልቦን፥ ንሱ እዩ ነቦ ዝረኣዮ። 47. እቲ ብኣይ ዚኣምን ናይ ዘለዓለም ሕይወት ከም ዘላቶ ብሓቂ፥ ብሓቂ እብለኩም ኣሎኹ። ብወልድ ዝአምን ናይ ዘልኣለም ሕይወት ኣለዎ።

ቅዳሴ Liturgy :

መዝሙረ ዳዊት Psalm

ዎ ኣምላኽ፣ ጽድቅኻ ኽሳዕ ላዕሊ ይበጽሕ፣ ኣታ፣ ዓበይቲ ግብርታት ዝገበርካ ኣምላኽ፣ መን ይመዓራረየካ፧ ኣታ፣ ብዙሕ ጭንቀትን መከራን ዘርኤኻና፣ መሊስካ ህይወት ክትህበኒ፣ ከም ብሓድሽ ድማ ካብ መዓሙቚ ምድሪ ኸተውጽአኒ ኢኻ።

ወንጌል Gospel

38. ኪኸዱ ኸለዉ ድማ ኢየሱስ ናብ ሓንቲ ዓዲ ኣተወ፤ ማርታ ዝስማ ሓንቲ ሰበይቲ ኸኣ ኣብ ቤታ ተቐበለቶ። 39. ማርያም እትብሃል ኃብቲ ድማ ነበረታ፤ ንሳ ኸኣ ቓሉ ኽትሰምዕ ኣብ ጥቓ እግሪ ኢየሱስ ተቐሚጣ ነበረት። 40. ማርታ ግና ብብዙኅ ምግልጋል ትጽዕር ነበረት። ደው ኢላ ኸኣ፣ “ጐይታይ፥ ኃብተይ ኃዲጋትኒ በይነይ ከገልግልዶ ግዲ የብልካን ኢኻ፧ ክትድግፈኒ እንዶ ንገራ፧” በለቶ። 41. ኢየሱስ ድማ “ማርታ! ማርታ! ብብዙኅ ነገር ትጭነቕን ትስህርን አሎኺ። 42. እቲ ዜድሊ ግና ሓደ ነገር ጥራይ እዩ። ማርያምሲ ካብኣ ዘይውሰድ ሠናይ ግደ ኃርያ ኣላ” ኢሉ መለሰላ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣብ ውሽጢ መካበብያኺ ሰላም፣ ኣብ ውሽጢ ኣዳራሻትኪ ኸኣ ልምዓት ይኹን። ስለ ኣሕዋተይን ብጾተይን፣ ሰላም ይዅነልኪ፣ እብል።
 

ወንጌል Gospel

1. ድኅርዚ ጐይታ ኻልኦት ሰብዓን [ክልተን] ሸመ። በብኽልተ ገይሩ ኸኣ ናብቲ ንሱ ዚኸዶ ዘበለ ኸተማን ስፍራን ቀቅድሚኡ ለኣኾም። 2. ከምዚ ኸኣ በሎም፦ “እኽሊ ብዝኅ እዩ፥ ዓየይቲ ግና ውሑዳት እዮም። ስለዚ ነቲ ጐይታ እኽሊ፥ ንእኽሉ ዓየይቲ ኪልእኽ ለምንዎ። 3. ደጊም ኪዱ፥ እንሆ፥ ኣነ ኸም ኣባጊዕ ናብ ማእከል ተዃሉ እሰደኩም ኣሎኹ። 4. ሳንጣ ወይ ለቖታ ወይ ኣሣእን ኣይትማልኡ፥ ኣብ መገዲ ኸኣ ንሓደ እኳ ሰላም ኣይትበሉ። 5. ኣብ እትኣትውዋ ቤት ቅድም ‘ነዛ ቤት እዚኣ ሰላም ይኹን’ በሉ። 6. ኣብኡ ፈታው ሰላም እንተሎ፥ ሰላምኩም ኣብኡ ኪኃድር እዩ። እንተ ዘየልቦ ግና ሰላምኩም ኪምለሰኩም እዩ። 7. ኣብታ ቤት ከኣ ተቐመጡ፥ ንዓያዪ ዓስቡ ይግብኦ እዩ እሞ፥ ዝቐረቡልኩም ብልዑን ስተዩን። ካብ ቤት ናብ ቤት ኣይትግዓዙ። 8. ኣብ እትኣትውዎ ኸተማውን እንተ ተቐበሉኹም ዝቐረቡልኩም ብልዑ። 9. ኣብኡ ንዘለዉ ሕሙማት ኣሕውዩ፥ ‘መንግሥቲ ኣምላኽ ናባኻትኩም ቀሪባ ኣላ’ ኸኣ በልዎም። 10. ኣብታ እትኣትውዋ ኸተማ እንተ ዘይተቐበሉኹም ግና፥ ናብ ኣደባባያ ወፂእኩም፥ 11. ‘እቲ ኻብ ከተማኹም ኣብ ኣእጋርና ዝለገበ ደሮና እኳ ንነግፈልኩም ኣሎና። እንተኾነ መንግሥቲ ኣምላኽ ናባኻትኩም ከም ዝቐረበት ፍለጡ’ በልዎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

9. ስለዚ ብኣፍካ “ኢየሱስ ጐይታ እዩ” ኢልካ እንተ መስከርካ፥ ብልብኻውን ኣምላኽ ካብ ምዉታት ከም ዘተንሥኦ እንተ ኣመንካ፥ ክትድኅን ኢኻ። 10. ከመይ ሰብ ብልቡ ኣሚኑ ይጸድቕ፥ ብኣፉ መስኪሩውን ይድኅን። 11. እቲ ጽሑፍውን “ብእኡ ዚኣምን ዘበለ ኣይኃፍርን እዩ” እዩ ዚብል። 12. ኣብ መንጎ ኣይሁዳውን ግሪኻውን ሌላን ጉሌላን የልቦን፥ ንሱ ናይ ኵሉ ጐይታ እዩ፥ ነቶም ዚጽውዕዎ ዅሎም ድማ ኣበርኪቱ ዚህብ እዩ። 13. ከመይ “ስም እግዚኣብሔር ዚጽውዕ ዘበለ ዅሉ ኺድኅን እዩ።” 14. ግናኸ ብእኡ ከይኣመኑ ከመይ ኢሎም ኪጽውዕዎ እዮም፧ ብዛዕባኡ ከይሰምዑኸ ከመይ ገይሮም ብእኡ ኺኣምኑ እዮም፧ ብዘይ ሰባኺኸ ከመይ ገይሮም ኪሰምዑ እዮም፧ 15. ከመዮ “ኣእጋር እቶም ሠናይ ዜና ዘበሥሩ ክንደይ ጽቡቕ እዩ፧” ዚብል ጽሑፍ ዘሎ፥ ሰበኽቲ እንተ ዘይተላእኩኸ ከመይ ገይሮም ኪሰብኩ እዮም፧ 16. ግናኸ ኸምቲ ኢሳይያስ “ጐይታይ ንምስክርነትና መን ኣመኖ፧” ዝበሎ፥ ኲላቶም ንወንጌል ኣይተቐበልዋን።

ዘካልእ መልእክት Universal Epistle

4. እዚ እንጽሕፈልኩም ዘሎና፥ ሓጐስና ምሉእ ምእንቲ ኪኸውን ኢልና ኢና። 5. እታ ኻብ ክርስቶስ ዝሰማዕናያ፥ ንኣኻትኩምውን እንነግራ ዘሎና መልእኽቲ እዚኣ እያ፥ እግዚኣብሔር ብርሃን እዩ፥ ኣብኡ ኸኣ ጸልማት ዚብልዎ ኸቶ የልቦን። 6. “ምስኡ ኅብረት ኣሎና” እናበልና ኣብ ጸልማት እንተ ነበርና ንሕሱ፥ ሓቂውን ኣይንገብርን ኢና ዘሎና። 7. ከምቲ ንሱ ኣብ ብርሃን ዘሎ፥ ኣብ ብርሃን እንተ ነበርና ግና ንሓድሕድና ኅብረት ኣሎና፥ ደም ኢየሱስ ክርስቶስ ወዱውን ካብ ኵሉ ኃጢኣት የንጽሓና እዩ። 8. “ኃጢኣት የብልናን” እንተ በልና፥ ንገዛእ ርእስና ንጥብር ኣሎና፥ እታ ሓቂውን ኣባና የላን። 9. ኃጢኣትና እንተ ተናዘዝና፥ ኣምላኽ እሙንን ጻድቕን ስለ ዝኾነ፥ ንኃጢኣትና ይቕረ ኪብለልና፥ ካብ ኵሉ በደልናውን ኬንጽሓና እዩ። 10. “ኃጢኣት ኣይገበርናን” እንተ በልና፥ ሓሳዊ ንገብሮ፥ ቃሉውን ኣባና የሎን።

ግብረ ሃዋርያት Acts

1. - 2. ኦ ቴዎፍሎስ! ኣብቲ ቐዳማይ ጽሑፈይ፥ ብዛዕባቲ ኢየሱስ ካብ መጀመርታ ኂዙ ክሳዕ እታ ንሰማይ ዝዓረገላ መዓልቲ ዝገበሮን ዝመሃሮን ኣዘንትየልካ ነይረ። ንሰማይ ቅድሚ ምዕራጉ ነቶም ዝኃረዮም ሓዋርያት ብኃይሊ መንፈስ ቅዱስ ኣዘዞም። 3. ብድኅሪ ሕማማቱ ነርብዓ መዓልቲ ዚኣክል እናተራእዮም፥ ብዛዕባ መንግሥቲ ኣምላኽ ከኣ እናነገሮም፥ ብብዙኅ ዘየጋጊ መረዳእታ ሕያው ከም ዝኾነ ገዛእ ርእሱ ኣርኣዮም። 4. ምስኦም ብሓደ ተቐሚጡ ኸሎ ኸኣ ኸምዚ ዚስዕብ እናበለ ኣዘዞም፡ - “ነቲ ካባይ ዝሰማዕኩምዎ ተስፋ ኣቦ ተጸበዩ እምበር ካብ ኢየሩሳሌም ኣይትውፅኡ። 5. ከመይ ዮሓንስ ብማይ እዩ ዘጥመቐ፥ ንስኻትኩም ግና ድኅሪ ቝሩብ መዓልትታት ብመንፈስ ቅዱስ ክትጥመቑ ኢኹም።” 6. ኣብ ሓደ ምስ ተኣከቡ ኸኣ “ጐይታይ! ኣብዚ ጊዜዚ ዲኻ ንእስራኤል መሊስካ መንግሥቲ እተቑመላ” እናበሉ ሓተትዎ።

ስንክሳር Synaxarium

ሉቃስ ወንጌላዊ ፩እም ፸ወ፪ አርድእት
ወ፪፻ወ፸ወ፯ እደው ማህበራኒሁ

መዝሙር Psalm

ዘረባ የልቦን፣ ምዝርራብ የልቦን፣ ድምጾምውን ኣይስማዕን እዩ። ገመዶም ናብ ኵላ ምድሪ፣ ቃላቶም ድማ ክሳዕ ወሰን ዓለም ይወጽእ ኣሎ።

ወይ

መዝ 9 ፡ 8 - 9

ንሱ ንዓለም ብጽድቂ ኺፈርዳ፣ ንህዝብታትውን ብቕንዕና ኺዳንዮም እዩ። እግዚኣብሄርሲ ንጥቑዓት እምባ፣ ብጊዜ ጸበባ እምባ እዩ።

ወንጌል Gospel

1. ኦ ክቡር ቴዎፍሎስ፥ ከምቲ ብዙኃት ነቲ ኣባና ብምልኣት ዝተፈጸመ ነገራ ኪጽሕፉ ዝጀመርዎ፤ 2. ልክዕ ከምቲ በቶም ናይ መጀመርታ ናይ ዓይኒ መሰኻኽርን፥ ናይቲ ቓል ኣገልገልትን፥ ኣባና ዝተመኃላለፈ፤ 3. - 4. ንኣይውን፥ ኣብ ዝኃለፈ ቐረባ ጊዜ፥ ነቲ ነገር ካብ መሠረቱ ኂዘ ብጥንቃቐ ምስ መርመርክዎ፥ ናይቲ ዝተመሃርካዮ ነገራት ርግጽነት ኣጸቢቕካ ምእንቲ ክትፈልጥ፥ ኣከታቲለ ኽጽሕፈልካ ቕኑዕ ኮይኑ ተራእዩኒ ኣሎ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ትእዛዛትካ ንሓዋሩ ምሳይ እዩ እሞ፣ ሓለፋ ጸላእተይ ኣለበመኒ። ምስክራትካ ምስትንታነይ እዩ እሞ፣ ሓለፋ ዅሎም መምህራነይ ለባም ኰንኩ።
 

ወንጌል Gospel

8. “ኣብ ቅድሚ ሰብ ንዚእመነኒ ዅሉ፥ ወዲ ሰብ ድማ ኣብ ቅድሚ መላእኽቲ ኣምላኽ ኪእመኖ እዩ። 9. እቲ ኣብ ቅድሚ ሰብ ዚኽሕደኒ ግና ኣብ ቅድሚ መላእኽቲ ኣምላኽ ኪከሓድ እዩ እብለኩም ኣሎኹ። 10. እቲ ኣንጻር ወዲ ሰብ ገለ ቓል ዜውፅእ ኪኅደገሉ እዩ፥ እቲ ንመንፈስ ቅዱስ ዚጸርፍ ግና ኣይኪኅደገሉን እዩ። 11. ናብ ቤት ጸሎት ኣይሁድን ገዛእትን ሰበ ሥልጣንን እንተ ወሰዱኹም ከመይ ወይስ እንታይ ከም እትምልሱ ወይ እንታይ ከም እትብሉ ኣይትጨነቑ። 12. “ምኽንያቱ በታ ሰዓት እቲኣ፥ እንታይ ክትብሉ ኸም ዚግብኣኩም መንፈስ ቅዱስ ኪምህረኩም እዩ።” 13. ሓደ ኻብቶም ሕዝቢ ድማ “መምህር! ንኃወይ ርስቲ ኺመቕለኒ ተዛረበለይ” በሎ። 14. ኢየሱስ ከኣ “ኣታ ሰብኣይ፥ ኣባኻትኩምከ ዳኛን መማቐልን ገይሩ መን ሸመኒ፧” በሎ። 15. ኣስዒቡ ኸኣ “ሕይወት ሰብ ብብዝኂ ገንዘብ ኣይኮነትን እሞ ተጠንቀቑ፥ ካብ ኵሉ ስስዐ ድማ ተሓለዉ” በሎም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።