መዝሙረ ዳዊት Psalm

ዎ ህዝበይ፣ ክምስክረልካስ ስማዕ፣ ዎ እስራኤል፣ ኣየ እንተ ትሰምዓኒ። ካልእ ኣምላኽ አብ ማእከል ኣይኹን፣ ንኻልእ ኣምላኽውን ኣይትስገድ። ኣነ እግዚአብሄር፣ እቲ ኻብ ምድሪ ግብጺ ዘውጻእኩኻ ኣምላኽ እየ፣ አፍካ ሃህ አብል፣ ኣነውን ክመልኦ እየ።

እመሰ ሰማዕከኒ ኢይከውነከ አምላከ ግብት፤
ወኢትስግድ ለአምላክ ነኪር፤
እስመ አነ ውእቱ እግዚአብሔር አምላክከ።

ወንጌል Gospel

29. ወይ ከኣ መን እዩ ቅድም ነቲ ኃያል ከይኣሰረ ናብ ቤት ኃያል ኣትዩ ኣቕሑኡ ኪብርብር ዚኽእል፧ ድኅርዚ እዩ ነቲ ቤቱ ዚዘምት። 30. እቲ ምሳይ ዘይኮነ መቐናቕንተይ እዩ፥ እቲ ምሳይ ዘይእክብ ከኣ ይብትን። 31. ስለዚ ንሰብ ኃጢኣትን ጸርፍን ኵሉ ይኅደገሉ እዩ፥ ነቲ ንመንፈስ ቅዱስ ዝጸረፈ ግና ኣይኪኅደገሉን እዩ እብለኩም ኣለኹ። 32. ኣብ ልዕሊ ወዲ ሰብ ገለ ቓል ዝተዛረባ ኪኅደገሉ እዩ፥ ኣብ ልዕሊ መንፈስ ቅዱስ ገለ ዘረባ ዝበለ ግና ኣብዛ ዓለም እዚኣ ኾነ ኣብታ እትመጽእ ኣይኪኅደገሉን እዩ። 33. “ኦም ብፍሪኡ እዩ ዚፍለጥ እሞ፥ ነቲ ኦም ጽቡቕ ግበርዎ፥ ፍሪኡ ድማ ጽቡቕ ይኸውን፥ ወይ ከኣ ነቲ ኦም ሕማቕ ግበርዎ፥ ፍሪኡ ድማ ሕማቕ ይኸውን። 34. ኣቱም ውሉድ ኣትማን፥ ኣፍ ካብ ምልኣት ልቢ ይዛረብ እዩ እሞ፥ ክፉኣት ክነስኹም፥ ከመይ ኢልኩም ጽቡቕ ምዝራብ ክትክእሉ፧ 35. “ሕያዋይ ሰብ፥ ካብቲ ሠናይ መዝገብ ልቡ፥ ሠናይ ነገር የውፅእ፥ እቲ ኽፉእ ሰብ ግና፥ ካብቲ ኽፉእ መዝገብ ልቡ፥ ክፉእ ነገር የውፅእ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

17. ገበርቲ ሠናይ ኪኾኑ፥ ብሠናይ ግብሪ ኺህብትሙ፥ ለጋሳትን መማቐልትን ኪኾኑ ኣዝዝ። 18. በዚ መገዲ እዚ ናይ ሓቂ ሕይወት ምእንቲ ኪረኽቡ፥ ኣብታ እትመጽእ ዓለም፥ ጽኑዕ መሠረት ምእንቲ ኪኾኖም ንገዛእ ርእሶም ሃብቲ ኪእክቡ እዮም። 19. ኦ ጢሞቴዎስ! ነቲ ብኅድሪ እተዋህበካ ሓልዎ። ካብቲ ብሓሶት “ፍልጠት” ተባሂሉ ዝጽዋዕ ዓለማዊ ከንቱ ክትዕን ዚጋጮ ሓሳባትን ርሓቕ። ገሊኣቶም ነዚ ብምእማን ካብ እምነቶም ዝዘምበሉ ኣለዉ። ጸጋ ምሳኻትኩም ይኹን። ኣሜን።

ዘካልእ መልእክት Universal Epistle

12. እቲ ብጊዜ ፈተና ዚዕገስ ሰብኣይ ብፁዕ እዩ፥ ከመይ ተፈቲኑ ምስ ወፀ፥ ነቲ እግዚኣብሔር ነቶም ዜፍቅርዎ ዘተስፈዎም ኣኽሊል ሕይወት ኪቕበል እዩ። 13. ሓደ እኳ ምስ ተፈተነ ኣምላኽ ፈቲኑኒ ኣይበል፥ ከመይ ኣምላኽሲ ብእኩይ ኣይፍተንን፥ ባዕሉውን ንሓደ እኳ ኣይፍትንን እዩ። 14. ነፍስ ወከፍ ግና ብገዛእ ትምኒቱ ተሳሒቡን ተሓቢሉን እዩ ዚፍተን። 15. ሽዑ ትምኒት ምስ ጠነሰት ንኃጢኣት ትወልዳ፥ ኃጢኣት ምስ ተፈጸመት ድማ ንሞት ትወልዳ። 16. ኣቱም ፍቁራት ኣኅዋተይ፥ ኣይትስሓቱ። 17. ጽቡቕን ምሉእን ውህበት ካብ ላዕሊ እዩ፥ ካብቲ ዘይልወጥን ኣብ ጸልማት ክንነብር ዘይኃድገናን፥ ኣቦ ብርሃናት ዝኾነ ዚወርድ እዩ። 18. በዅሪ ናይ ኵሉ ፍጥረቱ ምእንቲ ኽንከውን ኢሉ ከም ፍቓዱ ብቓል ሓቂ ወለደና። 19. ፍቁራት ኣኅዋተይ! ነዚ ዅሉ ትፈልጥዎ ኢኹም። ግና ነፍስ ወከፍ ሰብ ንምስማዕ ቅልጡፍ፥ ንምዝራብ ደንጓዪ፥ ከምኡውን ንዅራ ደንጓዪ ይኹን።

ግብረ ሃዋርያት Acts

1. ካብ ይሁዳ ናብ ኣንጾኪያ ናይ ሶርያ ዝኸዱ ገለ ሰባት ድማ ነቶም ኣኅዋት “ከም ሥርዓት ሙሴ እንተ ዘይተገዘርኩምሲ ክትድኅኑ ኣይኾነልኩምን እዩ” ኢሎም መሃርዎም። 2. ብዛዕባ እዚ ነገር እዚ ጳውሎስን በርናባስን ምስቶም ሰባት ኣዝዮም ተኸራኸሩ። ስለዚ ጳውሎስን በርናባስን ምስ ገሊኦም ኣኅዋት ኮይኖም፥ ብዛዕባ እዚ ጉዳይ እዚ ናብ ኢየሩሳሌም ናብ ሓዋርያትን መራሕቲ ቤተ ክርስቲያንን ኪኸዱ ተመደበ። 3. ሽዑ ንሳቶም ካብታ ቤተ ክርስቲያን ምስ ተፋነዉ፥ እቶም ኣሕዛብ ከመይ ኢሎም ናብ ኣምላኽ ከም ዝተመልሱ እናዘንተዉሎም ብፍንቄን ብሰማርያን ኃለፉ፤ እዚ ኸኣ ንዅሎም እቶም ኣኅዋት ኣሓጐሶም። 4. ኣብ ኢየሩሳሌም ምስ በጽሑ ድማ፥ ቤተ ክርስቲያንን ሓዋርያትን መራሕትን ተቐበልዎም፤ ንሳቶም ድማ ነቲ ኣምላኽ ዝገበረሎም ዘበለ ዅሉ ኣዘንተውሎም። 5. ገሊኣቶም ካብቶም ዝኣመኑ ወገን ፈሪሳውያን ተንሢኦም ከኣ፥ “ኣሕዛብ ኪግዘሩን ሕጊ ሙሴ ኺሕልዉን ምግባር ይግባእ እዩ” እናበሉ ተዛረቡ። 6. እቶም ሓዋርያትን መራሕቲ ቤተ ክርስቲያንን ከኣ ነዚ ነገር እዚ ኪምርምሩ ተኣከቡ። 7. ብዙኅ ክትዕ ምስ ኮነ ኸኣ፥ ጴጥሮስ ተንሢኡ ኸምዚ በሎም፡ - “ኣቱም ኣኅዋትና፥ ካብ መጀመርትኡ ኣሕዛብ ብኣፈይ ቃል ወንጌል ኪሰምዑን ኪኣምኑን ኣምላኽ ካባኻትኩም ከም ዝኃረየኒ ንስኻትኩም ትፈልጡ ኢኹም። 8. እቲ ልቢ ዚፈልጥ ኣምላኽ፥ ከምቲ ንኣና ዝሃበና ንኣኣቶምውን መንፈስ ቅዱስ ብምሃቡ ከም ዝተቐበሎም መስከረሎም። 9. ልቦም ብእምነት ስለ ዘንጽሐ፥ ኣብ መንጎናን ኣብ መንጎኦምን ሓንቲ እኳ ኣይፈላለየን።

ስንክሳር Synaxarium

ዮሴፍ ሊቀ ጳጳሳት
ወኢላርዮስ
ወዲዮናስዮስ
ወጣንቅያቅ
ወቴዎዶስዮስ
ወቲላዎስ
ወዮሳብ
ወገድላ
ወእስክንድርያ ሰማዕት

መዝሙር Psalm

እግዚኣብሄርሲ ንጥቑዓት እምባ፣ ብጊዜ ጸበባ እምባ እዩ። ዎ እግዚኣብሄር፣ ንዚደልዩኻ ኣይትሐድጎምን ኢኻ እሞ፣ እቶም ንስምካ ዚፈልጡ ኣባኻ ኺምዕቈቡ እዮም።

ወኮኖሙ እግዚአብሔር ምስካዮሙ ለነዳያን፤
ወረዳኢሆሙ ውእቱ በጊዜ ምንዳቤሆሙ፤
ወይትዌከሉ ብከ ኵሎሙ እለ ያፈቅሩ ስመከ።

ወንጌል Gospel

36. ከምቲ ሰማያዊ ኣቦኹም ርኅሩኅ ዝኾነ ንስኻትኩም ከኣ ርኅሩኃት ኩኑ። 37. “ኣይትፍረዱ፥ ኣይክትፍረዱን ኢኹም፤ ኣይትዀንኑ፥ ኣይክትኵነኑን ድማ ኢኹም፤ ኅደጉ፥ ኪኅደገልኩም እዩ። 38. ሃቡ፥ ኪወሃበኩም እዩ፤ በቲ እትሰፍሩሉ መስፈሪ ኪስፈረልኩም እዩ እሞ፥ ጽቡቕ ዝተሰጐደ፥ ንኽኑኽ ዝተፋረወ መስፈሪ ኣብ ሕቝፍኹም ኪህቡኹም እዮም።” 39. ብምስላ ኸኣ ከምዚ በሎም፦ “ዕዉርዶ ንዕዉር ኪመርሖ ይኽእል እዩ፧ ክልቲኦምዶኸ ኣብ ጕድጓድ ኣይወድቁን፧ 40. ተመሃሪ ካብ መምህሩ ኣይበልጽን፥ ተማሂሩ ዝወድአ ዅሉ ግና ከም መምህሩ እዩ ዚኸውን። 41. “ኣብ ዓይንኻ ዘሎ ሠርወ ዘየስተብሃልካስ ፥ ስለምንታይ ግዳ ኣብ ዓይኒ ኃውካ ዘሎ በሰር ትርኢ፧ 42. ወይሲ ንስኻ ኣብ ዓይንኻ ዘሎ ሠርወ ዘይረኣኻስ ከመይ ኢልካ ኢኻ ንኃውካ፥ ‘ኣታ ኃወይ፥ ነቲ ኣብ ዓይንኻ ዘሎ በሰር ከውፅኣልካ ኅደገኒ’ ክትብሎ ትኽእል፧ ኣታ ግብዝ፥ ቅድም ነቲ ኣብ ዓይንኻ ዘሎ ሠርወ ኣውፅእ እሞ ብድኅሪኡ ነቲ ኣብ ዓይኒ ኃውካ ዘሎ በሰር ምውፃእ ኣጸቢቕካ ኽትርኢ ኢኻ። 43. “ሕማቕ ፍረ ዚፈሪ ጽቡቕ ኦም፥ ወይ ከኣ ጽቡቕ ፍረ ዚፈሪ ሕማቕ ኦም፥ የልቦን። 44. ምኽንያቱ በለስ ካብ እሾዂ፥ ወይኒ ኸኣ ካብ ተኾርባ ኣይቕንጠብን እዩ፥ ኵሉ ኦም ብፍሪኡ እዩ ዚፍለጥ። 45. ኣፍ ድማ ካብ ምልኣት ልቢ እዩ ዚዛረብ እሞ እቲ ሕያዋይ ሰብ ካብቲ ሠናይ መዝገብ ልቡ ሠናይ የውፅእ፥ እቲ ኽፉእ ድማ ካብቲ ኽፉእ መዝገብ ልቡ ኽፉእ የውፅእ። 46. “ነቲ ኣነ ዝብሎ ዘይትገብሩስ፥ ስለምንታይ ኢኹም ጐይታይ! ጐይታይ! እትብሉኒ፧ 47. እቲ ናባይ ዚመጽእን ንቓለይ ሰሚዑ ዚገብሮን ዘበለ ዅሉ ንመን ከም ዚመስል ከርእየኩም እየ። 48. ንሱ ቤት ኪሠርሕ ከሎ ኣዕሚቑ ዝዀዓተን መሠረቱውን ኣብ ከውሒ ዝመሥረተን ሰብኣይ እዩ ዚመስል። ብርቱዕ ውሒዝ ምስ መጸ፥ ነቲ ቤት ደፍኦ፥ ብጽኑዕ ስለ ዝተነድቀ ኸኣ ምንቕናቑ ሰኣነ። 49. እቲ ንቓለይ ሰሚዑ ዘይገብሮ ግና ቤቱ ብዘይ መሠረት ኣብ ምድሪ ዝሠርሐ ሰብኣይ እዩ ዚመስል፤ እቲ ውሒዝ ደፍኦ፤ ብኡብኡ ወደቐ፥ ኣወዳድቓ እቲ ቤት እቲ ኸኣ ዓቢይ ኾነ።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ዎ እግዚኣብሄር ኣምላኽና፣ ንቅዱስ ስምካ ኽንውድሶ፣ ብምስጋናኻውን ክንምካሕሲ፣ ኣናግፈናን ካብ ማእከል ኣህዛብ ኣክበናን።

አድኅነነ እግዚኦ አምላክነ፤
ወአስተጋብአነ እምአሕዛብ፤
ከመ ንግነይ ለስምከ ቅዱስ።

ወንጌል Gospel

1. ኢየሱስ ኣብ ሓንቲ ስፍራ ኺጽሊ ጸኒሑ ምስ ወድአ፥ ሓደ ኻብ ደቀ መዛሙርቱ፥ “ጐይታይ፥ ከምቲ ዮሓንስ ንደቀ መዛሙርቱ ዝመሃሮም ጸሎት ምሃረና” በሎ። 2. ንሱ ኸኣ በሎም፦ “ክትጽልዩ ኸሎኹም ኸምዚ በሉ፥ ‘[ኣብ ሰማያት እትነብር] ኣቦና፥ ስምካ ይቀደስ፥ መንግሥትኻ ትምጻእ፥ [ፍቓድካ ኸምቲ ኣብ ሰማይ ከምኡ ድማ ኣብ ምድሪ ይኹን]። 3. ናይ ዕለት እንጌራና ኣብ ጸጽባሕ ሃበና። 4. ንሕና ንዝበደሉና ዅሎም ይቕረ ንብል ኢና እሞ ኃጢኣትና ይቕረ በለልና፥ [ካብ ክፉእ ኣድኅነና እምበር] ናብ ፈተና ኣይተእትወና።’” 5. - 6. ከምዚ ኸኣ በሎም፦ “መን እዩ ኻባኻትኩም ሓደ ዓርኪ ዘለዎ፥ ፈረቓ ለይቲ ናብኡ ኸይዱ ኸኣ ‘ዓርከይ፥ ፈታውየይ ገይሹ መጺኡንስ ዝቕርበሉ ስኢነ እሞ ሠለስተ እንጌራ ኣለቅሓኒ’ እንተ በሎ፥ 7. እቲ ኸኣ ካብ ውሽጢ መሊሱ ‘ኣይተድክመኒ፥ ሕጂ ማዕጾ ተሸጕሩ እዩ፥ ደቀይ ከኣ ምሳይ ኣብ ዓራት እዮም ዘለዉ፥ ተንሢአ ኽህበካ ኣይከኣለንን እዩ’ ዚብሎ፧ 8. ዓርኩ ስለ ዝኾነ እኳ ኪህቦ እንተ ዘይተንሥአ፥ ምእንቲ ድቃስ ከይከልኦ ኢሉ ተንሢኡ ዝደለዮ ከም ዚህቦ፥ እብለኩም አሎኹ። 9. ኣነ ኸኣ ‘ለምኑ ኺወሃበኩም እዩ፥ ድለዩ ኽትረኽቡ ኢኹም፥ ማዕጾውን ኳሕኳሕ ኣብሉ ኪኽፈተልኩም እዩ’ እብለኩም ኣሎኹ። 10. ምኽንያቱ ዚልምን ዘበለ ይቕበል እዩ፥ ዚደሊ ድማ ይረክብ እዩ፥ ማዕጾ ኳሕኳሕ ንዜብልውን ይኽፈተሉ እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ዘረወ፣ ንድኻታት ሀበ፣ ጽድቁ ንዘለአለም ይነብር፣ ቀርኑ ብኽብሪ ልዕል ኪብል እዩ።

ዘረወ ወወሀበ ለነዳይ፤
ወጽድቁኒ ይነብር ለዓለመ ዓለም፤
ወይትሌዐል ቀርኑ በክብር።

ወንጌል Gospel

16. እንሆ ሓደ ናብኡ መጺኡ “መምህር! ናይ ዘለዓለም ሕይወት ክወርስሲ እንታይ ሠናይ ግብሪ ኽገብር፧” በሎ። 17. ኢየሱስ ከኣ “ንምንታይ ብዛዕባ ሠናይ ትሓተኒ፧ እቲ ሠናይስ ሓደ እዩ። ናብ ሕይወት ክትኣቱ እንተ ደሌኻ ግና ትእዛዛት ሓሉ” በሎ። 18. ንሱ ድማ “ኣየኖት እየን፧” በሎ። ኢየሱስ ከኣ “ኣይትቕተል፥ ኣይትዘሙ፥ ኣይትስረቕ፥ ብሓሶት ኣይትመስክር፥ 19. ኣቦኻን ኣዴኻን ኣኽብር፥ ብጻይካውን ከም ነፍስኻ ኣፍቅር” በሎ። 20. እቲ መንእሰይ ድማ “ዝተረፈኒ ደኣ እንተሎ እምበር፥ ነዚ ዅሉስ ካብ ንእስነተይ ኂዘ፥ ሓልየዮ ኣሎኹ” በሎ። 21. ኢየሱስ ከኣ “እምበኣር ፍጹም ክትከውን እንተ ደሌኻስ፥ ኪድ፥ ዘሎካ ሃብቲ ሸጥካ ንድካታት ሃብ፥ ኣብ ሰማይ ድማ ሃብቲ ኽትረክብ ኢኻ እሞ፥ ንዓ ሰዓበኒ” በሎ። 22. እቲ መንእሰይ ድማ ብዙኅ ሃብቲ ስለ ዝነበሮ፥ ነዚ ቓል እዚ ምስ ሰምዐ እናጐሃየ ኸደ፡፡ ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

26. እምኸ ደኣ ኣኅዋተየ፥ እንታይ ይኃይሽ፧ ክትእከቡ ኸሎኹም፥ ሓደ ውህበት መዝሙር ኣለዎ፥ ሓደ ናይ ምምሃር ውህበት ኣለዎ፥ ሓደ ራእይ ኣለዎ፥ ሓደ ብቛንቋታት ናይ ምዝራብ ውህበት ኣለዎ፥ ሓደ ናይ ምትርጓም ውህበት ኣለዎ፥ ኵሉ ንምሕናጽ ይገበር። 27. ብቛንቋታት ዚዛረቡ እንተለው፥ ክልተ እንተ በዝኁ ኸኣ ሠለስተ ይዛረቡ እሞ በብተራ ይዛረቡ፥ ሓደ ድማ ይተርጒሞ። 28. ተርጓሚ እንተ ዘየልቦ ግና እቲ ብቛንቋታት ዚዛረብ ኣብታ ቤተ ክርስቲያን ስቕ ይበል፥ ንርእሱን ንኣምላኽን ግና ይዛረብ ደኣ። 29. ነብያት ክልተ ወይስ ሠለስተ ኾይኖም ይዛረቡ፥ እቶም ካልኦት ድማ ይመርምሩ። 30. ካብቶም ተቐሚጦም ዘለዉ ንሓደ ራእይ እንተ ተገልጸሉ ግና እቲ ቐዳማይ ስቕ ይበል። 31. ኲላቶም ምእንቲ ኺምሃሩ፥ ኲላቶምውን ምእንቲ ኺተባብዑስ፥ ኲላትኩም በብሓደ ኽትንበዩ ትኽእሉ ኢኹም። 32. እቶም መናፍስቲ ነብያት ነቶም ነብያት ይግዝእዎም እዮም። 33. ከመይ ኣምላኽ ናይ ሰላም እምበር፥ ናይ ዝርግርግ ኣምላኽ ኣይኮነን። ከምቲ ኣብ ኲለን ኣብያተ ክርስቲያን ኣመንቲ ዚግበር ዘሎ፥

ዘካልእ መልእክት Universal Epistle

5. ቀደም ድማ እተን ኣምላኽ ዝተስፍአን ቅዱሳን ኣንስቲ፥ ከምዚ ኢለን እየን ዝተሰለማ። ንሰብኡተን ይእዘዛ ነበራ። 6. ሣራ ንኣብርሃም “ጐይታይ” እናበለት ትእዘዞ ነበረት። ንስኻትክንውን ከምኡ ጽቡቕ እንተ ገበርክን፥ ገለ ነገርውን እንተ ዘይፈራህክን ደቃ ኢኽን። 7. ከምኡውን፥ ኣቱም ሰብኡት፥ ምስ ኣንስትኹም ብምስትውዓል ንበሩ። ንሳተን ድኹማት ፍጥረት ስለ ዝኾና፥ ነቲ ጸጋ ሕይወት ድማ መዋርስትኹም እየን እሞ ኣኽብርወን። ሽዑ ጸሎትኩም ኣይኪዕገትን እዩ። 8. እምበኣር ብስምምዕ ንበሩ። ተደናገጽቲ፥ ፍቕሪ ኣኅዋት ዘለዎም፥ ለዋሃትን ትሑታትን ኩኑ። 9. ኽፋእ ኣብ ክንዲ ኽፋእ፥ ጸርፊ ኣብ ክንዲ ጸርፊ ኣይትመለሱ፥ እኳ ደኣ መርቑ። ከመይ እግዚኣብሔር ምርቓ ኽትወርሱ እዩ ጸዊዑኩም። 10. ከምቲ ቕዱስ መጽሓፍ ዚብሎ “እቲ ሕይወት ዚፈቱ፥ ጽቡቓት መዓልትታት ኸኣ ኺርኢ ዚደሊ፥ ልሳኑ ኻብ ክፋእ፥ ከናፍሩውን ተንኰል ከይዛረባ ይኸልክል።

ግብረ ሃዋርያት Acts

12. ካብኣ ድማ ናብታ ኽፍለ ሃገር መቄዶንያ ቐዳመይቲ ኸተማን ግዝኣት ሮማን ዝኾነት ፊልጵስዩስ ኣቶና፥ ኣብኣ ኸኣ ሓያሎ መዓልቲ ቐኔና። 13. ብመዓልቲ ሰንበት ከኣ ካብ ቀጽሪ እታ ኸተማ ወፂእና፥ ኣብ ጥቓ እቲ ጸሎት ይግበረሉ እዩ፥ ኢልና ዝገመትናዮ ገምገም ሩባ ኸድና፥ ኣብኡ ኾፍ ኢልና ኸኣ ነተን ኣብኡ ዝተኣከባ ኣንስቲ ተዛረብናየን። 14. ልድያ እትብሃል ንኣምላኽ እትፈርህ ሰበይቲ፥ ብዓልቲ ከተማ ትያጥሮን፥ ሸያጢት ቀይሕ ሃሪ ድማ ትሰምዕ ነበረት፤ ናብቲ ጳውሎስ ዚብሎ ዝነበረ ከተድህብ ከኣ ጐይታ ልባ ኸፈተላ። 15. ንሳ ምስ ስድራ ቤታ ምስ ተጠምቀት ከኣ “ከም ኣማኒት ጐይታ እንተ ድኣ ተቐቢልኩምኒ ዄንኩምሲ፥ ናብ ቤተይ ኣቲኹም ተቐመጡ” ኢላ ለመነትና፥ ግዲውን በለትና። 16. ናብቲ ጸሎት ዚግበረሉ ኽንከይድ ከሎና፥ መንፈስ ጥንቆላ ዘለዋ፥ ንጐይቶታ ኸኣ በቲ ምጥንቋላ ብዙኅ እተርብሖም ዝነበረት ግዝእቲ ተጓነፈትና። 17. ንሳ ኸኣ ደድኅሪ ጳውሎስን ደድኅሬናን እናሰዓበት “እዞም ሰባት እዚኦም ኣገልገልቲ ልዑል ኣምላኽ እዮም፥ መገዲ ምድኃን ከኣ ይምህሩኹም ኣለዉ” እናበለት ዓው ኢላ ትዛረብ ነበረት።

ስንክሳር Synaxarium

አብላርዮስ መነኮስ
ወለንጊኖስ ሰማዕት
ወዘይና ቅድስት
ወአውስያ
ወቈስጠንጢኖስ
ወጸበለ ማርያም ተሓራሚት

መዝሙር Psalm

ስጋ ጻድቃን ንኣራዊት መሮር ሀብዎም። ደሞም አብ ዙርያ የሩሳሌም ከም ማይ አፍሰስዎ፣ ቀባሪውን ኣይነበረን።

ወሥጋሆሙኒ ለጻድቃኒከ ለአረዊተ ገዳም፤
ከዐዉ ደሞሙ ከመ ማይ ዐውዳ ለኢየሩሳሌም፤
ወኀጥኡ ዘይቀብሮሙ።

ወንጌል Gospel

11. መንፈስ ቅዱስ እዩ እምበር ንስኻትኩም ኣይኮንኩምን እትዛረቡ፤ ስለዚ ኣኅሊፎም ኪህብኹም ምስ ወሰደኹም፥ እቲ በታ ሰዓት እቲኣ ዚወሃበኩም ደኣ ተዛረቡ እምበር፥ እንታይ ኢልኩም ከም እትዛረቡ ኣቐዲምኩም ኣይትጨነቑ። 12. ኃው ንኃው፥ ወላዲ ንውሉዱ፥ ኣኅሊፉ ንሞት ኪህብ እዩ፥ ውሉድውን ኣብ ልዕሊ ወለዶም ተንሢኦም ኪቐትልዎም እዮም። 13. ምእንቲ ስመይ ከኣ ኵሉ ኪጸልኣኩም እዩ፤ እቲ ኽሳዕ መወድእታ ዚዕገስ ግና ንሱ ኺድኅን እዩ። 14. “እቲ ብነቢይ ዳኒኤል ዝተባህለ ‘ናይ ጥፍኣት ርኽሰት’ ኣብ ዘይግብኦ ስፍራ ቆይሙ ምስ ረኣኹም፥ እቲ ዜንብብ የስተውዕል፥ ሽዑ እቶም ኣብ ይሁዳ ዘለዉ ናብ እምባታት ይህደሙ፤ 15. እቲ ኣብ ዝባን ናሕሲ ዘሎ ኸኣ ናብ ቤት ኣይውረድ፥ ገለ ኺማላእ ኢሉውን ኣይእቶ። 16. እቲ ኣብ ወፍሪ ዘሎ ኸኣ ኽዳኑ ኺማላእ ንድኅሪት ኣይመለስ። 17. በታ ቕነ እቲኣ ግና ንጥኑሳትን ንዜጥብዋን ወይለአን። 18. ምህዳምኩም ብኽረምቲ ኸይከውን ጸልዩ። 19. ከመይ ካብታ ኣምላኽ መጀመርታ ፍጥረት ዝፈጠረላ ክሳዕ ሎሚ ኸምኡ ዘይኮነ፥ ድኅሪ ሕጂውን ከቶ ዘይከውን መከራ በታ ቕነ እቲኣ ኺኸውን እዩ። 20. ነተን መዓልትታት እቲአን እግዚኣብሔር እንተ ዘየሕጽረንሲ ሥጋ ዝለበሰ ዅሉ ኣይምድኃነን ነይሩ። ምእንቲ እቶም ንሱ ዝኃረዮም ኅሩያት ግና ነተን መዓልትታት እቲአን ኣሕጸረን። 21. ሽዑ ሓደ እኳ ‘ክርስቶስ ኣብዚ እነሆ፥’ ወይ ‘ኣብቲ ኣሎ’ እንተ በለኩም ኣይትእመኑ። 22. ሓሰውቲ መሲሓትን ሓሰውቲ ነቢያትን ኪትንሥኡ እዮም እሞ እንተ ተኻእሎምሲ ነቶም ኅሩያትውን ኬስሕቶም ትእምርትን ተኣምራትን ኪገብሩ እዮም። 23. ንስኻትኩም ግና ተጠንቀቑ፥ እንሆ ኣቐዲመ ዅሉ ነጊረኩም ኣሎኹ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ውሉድ ኣዳም ምናምን ጥራይ እዮም፣ ውሉድ ሰብውን ሓሶት ጥራይ እዮም፣ ኣብ ሚዛን ልዕል ይብሉ፣ ኵሎም ብሓባር ካብ ምናምን ይፈዅሱ።

ወባሕቱ ከንቱ ኵሉ ደቂቀ ዕጓለ እመሕያው፤
ሐሳውያን ደቂቀ ዕጓለ እመሕያው ይዔምፁ መዳልወ፤
እሙንቱሰ እምከንቱ ውስተ ከንቱ ክመ።

ወንጌል Gospel

42. “ኣቱም ፈሪሳውያን፥ ካብ ሽላንን ጨና ኣዳምን ኵሉ ኣሕምልትን ዕሽር እተውፅኡ፥ ፍትሕን ፍቕሪ ኣምላኽን ግና ሸለል እትብሉ ኢኹም እሞ ወይለኹም። ነቲ ኸይኃደግኩምሲ ነዚውን ክትገብሩ እዩ ዚግብኣኩም ነይሩ። 43. ኣቱም ፈሪሳውያን፥ ኣብ ቤት ጸሎት ኣይሁድ ቀንዲ መቐመጢ፥ ኣብ ዕዳጋውን ሰላም ኪብሉኹም ትፈትዉ ኢኹም እሞ ወይለኹም። 44. ኣቱም መምህራን ሕግን ፈሪሳውያንን፥ ከምቲ ሰብ ከይፈለጠ ረጊጽዎ ዚኃልፍ፥ ዘይርአ መቓብር ኢኹም እሞ ወይለኹም።” 45. ሽዑ ሓደ ኻብቶም ሊቃውንቲ ሕጊ መሊሱ “መምህር፥ ከምዚ ኽትብል ከሎኻስ ንኣናውን እኮ ትጸርፈና ኢኻ ዘሎኻ” በሎ። 46. ንሱ ኸኣ ከምዚ በሎ፥ “ንስኻትኩም ሊቃውንቲ ሕጊ እውን ንሰብ ከቢድ ፆር እተሰክምዎ፥ ንባዕላትኩም ግና ነቲ ፆር ብሓንቲ ኣጻብዕኩም እኳ ዘይትትንክይዎ ኢኹም እሞ ወይለኹም። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

ኣብ ቅድሚ እግዚኣብሄር ሞት ቅዱሳኑ ኽቡር እዩ። ዎ እግዚኣብሄር፣ ኣነ ባርያኻ እየ፣ ባርያኻ፣ ወዲ እታ ባርያኻ እየ።

ክቡር ሞቱ ለጻድቅ በቅድመ እግዚአብሔር፤
እግዚኦ አነ ገብርከ፤
ገብርከ ወልደ አመትከ።

ወንጌል Gospel

32. “ኣብ ቅድሚ ሰብ ንዝተኣመነኒ ዅሉ ኣነ ኸኣ ኣብ ቅድሚ እቲ ኣብ ሰማያት ዘሎ ኣቦይ ክእመኖ እየ። 33. ኣብ ቅድሚ ሰብ ንዝኸሓደኒ ግና፥ ኣነ ድማ ኣብ ቅድሚ እቲ ኣብ ሰማያት ዘሎ ኣቦይ ክኽሕዶ እየ። 34. “ኣነ ናብ ምድሪ ሰላም ከውርድ ዝመጻእኩ ኣይምሰልኩም፥ ኲናት ደኣ እምበር ሰላም ከውርድ ኣይመጻእኩን። 35. ወዲ ኻብ ኣቦኡ፥ ጓል ካብ ኣዲኣ፥ መርዓት ካብ ሓማታ ኽፈላሊ እየ ዝመጻእኩ። 36. ንሰብ ከኣ ጸላእቱ ቤተ ሰቡ ኪኾኑ እዮም። 37. እቲ ነቦኡ ወይ ነዲኡ ካባይ ኣብሊጹ ዜፍቅር ንኣይ ኣይበቅዕን እዩ። ካባይ ንወዱ ወይ ንጓሉ ኣብሊጹ ዜፍቅርውን ንኣይ ኣይበቅዕን እዩ። 38. እቲ መስቀሉ ፀይሩ ደድኀረይ ዘይስዕብ ንኣይ ኣይበቅዕን እዩ። 39. ንሕይወቱ ዚረኽባ ኼጥፍኣ እዩ፥ ንሕይወቱ ምእንታይ ዜጥፍኣ ኸኣ ኪረኽባ እዩ። 40. “ንኣኻትኩም ዚቕበል ንኣይ ይቕበል፥ እቲ ንኣይ ዚቕበል ድማ ነቲ ዝለኣኸኒ ይቕበሎ። 41. ንነቢይ ብስም ነቢይ ዚቕበል ዓስቢ ነቢይ ይረክብ፥ እቲ ንጻድቕ ብስም ጻድቕ ዚቕበል ዓስቢ ጻድቕ ይረክብ። 42. ካብዞም ናእሽቱ ንሓደ እኳ ብስም ወደ መዝሙር ዝሑል ብርጭቆ ማይ ጥራይ ዜስቲ፥ ዓስቡ ከቶ ከም ዘይስእን ብሓቂ እብለኩም ኣሎኹ።” ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

10. ብዝተረፈስ ኣኅዋተየ፥ ብጐይታን ብጽንዓት ኃይሉን በርትዑ። 11. ንፍሕሶ ሰይጣን ተቓዊምኩም ምእንቲ ኽትክእሉ ኣፅዋር ኣምላኽ ብምሉኡ ልበሱ። 12. ከመይ ቅልስና ምስ ሕልቅነትን ሥልጣናትን፥ ምስቶም ንዘመን ጸልማት ዜመኃድሩ ገዛእቲ ዓለምን፥ ምስቶም ክፉኣት መናፍስትን ኣብ ሰማያት ዘለዉ እዩ እምበር ምስ ሰብ ኣይኮነን። 13. እምበኣር በታ ኽፍእቲ መዓልቲ ተቓዊምኩም ምእንቲ ኽትክእሉ፥ ዅሉ ስዒርኩም ኸኣ ደው ክትብሉስ፥ ምሉእ ኣፅዋር ኣምላኽ ልበሱ። 14. ደጊም ሕቜኹም ብሓቂ ተዓጢቕኩም፥ ድርዒ ጽድቂውን ተኸዲንኩም ቁሙ። 15. ነቲ ሰላም ዚህብ ወንጌል ኣብ ኣእጋርኩም ከም ኣሣእን ብምእታው ተዳሊኹም ደው በሉ። 16. ኣብ ርእሲ እዚ ዅሉ ኸኣ ነቲ ናይቲ ኽፉእ ሃልሃል ዚብል ፍላጻታት ኵሉ ከተጥፍኡሉ እትኽእሉ ዋልታ እምነት ኣልዕሉ። 17. ናይ ምድኃን ቆብዕ ሓፂን ኣእትዉ፥ ናይ መንፈስ ቅዱስ ሰይፊውን፥ ማለት ቃል ኣምላኽ፥ ኃዙ። 18. ብዅሉ ጸሎትን ልማኖን ኵሉ ሳዕ ብመንፈስ ጸልዩ። ስለዚ ኸኣ ተስፋ ከይቆረጽኩም ስለ ዅሎም ኣመንቲ ኣብ ጸሎት ተጸመዱ። 19. ምእንታይውን ክዛረብ ከሎኹ ነቲ ምስጢር ወንጌል ብትብዓት ክነግር ቃል ኪወሃበኒ ጸልዩ። 20. ብመቚሕ ዝተኣሰርኩ ምእንቲ ወንጌል ናይ ክርስቶስ ኣምባሳደር እየ እሞ፥ ከምቲ ዚግብኣኒ ብትብዓት ተዛሪበ ምእንቲ ክኽእል ጸልዩለይ። 21. ሕጂ ኸኣ ከመይ ከም ዘሎኹን እንታይ እገብር ከም ዘሎኹን ምእንቲ ኽትፈልጡ፥ እቲ ፍቁር ኃወይን ብጐይታ ኸኣ እሙን ኣገልጋልን ዝኾነ ትኪቆስ፥ ንዅሉ ኼፍልጠኩም እዩ። 22. ናባኻትኩም ዝሰደድክዎውን፥ ብዛዕባና ኵሉ ፈሊጥኩም፥ ልብኹም ምእንቲ ኪጸናናዕ ኢለ እየ። 23. ሰላምን ፍቕርን ምስ እምነት ካብ እግዚኣብሔር ኣቦናን ካብ ጐይታና ኢየሱስ ክርስቶስን ነኅዋት ይኹን። 24. ነቶም ንጐይታና ኢየሱስ ክርስቶስ ብዘይመውት ፍቕሪ ዜፍቅሩ ዅሎም ጸጋ ይኹን።

ዘካልእ መልእክት Universal Epistle

10. መዓልቲ ጐይታ ግና ከም ሰራቒ ኾይና ኽትመጽእ እያ፥ ሽዑ ሰማያት ጥዋዕዋዕ እናበለ ኺኃልፍ እዩ፥ ፍጥረት ሰማይ ብሓዊ ነዲዱ ኪመክኽ እዩ፥ ምድርን ዅሉ ኣብኣ ዘሎ ነገርን ኪነድድ እዩ።11. - 12. እዚ ዅሉ ከምዚ ኢሉ ዚጠፍእ ካብ ኮነ፥ እንታይ ዝዓይነቶም ሰባት ኢኹም ክትኮኑ ዚግብኣኩም፧ ነታ ኣምላኽ ዝመጸላ መዓልቲ እናተጸቤኹምን እናኣቀላጠፍኩምን ብቕዱስ ሕይወትን ብፍርሃት እግዚኣብሔርን ክትነብሩ እዩ ዚግብኣኩም። እታ መዓልቲ እቲኣ ሰማያት ብሓዊ ከም ዚጠፍእ፥ ፍጥረት ሰማይ ኸኣ ብረስኒ ከም ዚመክኽ ክትገብር እያ።13. ንሕና ግና፥ ከምቲ ተስፋኡ፥ ጽድቂ ዚነብረሉ ሓዱሽ ሰማይን ሓዱሽ ምድርን ንጽበ ኣሎና።14. ስለዚ ኸኣ፥ ኣቱም ፍቁራተይ፥ ነዚ እናተጸቤኹምሲ ብዘይ ነውርን ብዘይ መንቅብን ምስኡ ሰላም ዘሎኩም ዄንኩም ክትርከቡ ተጋደሉ።15. እቲ ጐይታና ንኼድኅነኩም ኢሉ ዜርእዮ ዘሎ ትዕግሥቲ ሕሰቡ። እቲ ፍቁር ኃውና ጳውሎስውን በቲ ዝተዋህቦ ጥበብ ብዛዕባዚ እዩ ዝጸሓፈልኩም።16. ንሱ ብዛዕባዚ ነገራትዚ ኺዛረብ ከሎ፥ ኣብ ኵለን መልእክታቱ ከምዚ እዩ ዝገበር። ኣብኦ ንምርዳኦ ዚሸገር ሓያሎ ነገር ኣሉ። እቶም ደናቑርን ዘይጽኑዓትን ኸኣ፥ ከምቲ ነቲ ቕዱሳን መጻሕፍቲ ዚጠዋውይዎ፥ ንጥፍኣት ገዛእ ርእሶም ይጠዋውይዎ ኣለዉ።17. ንስኻትኩም ግና፥ ኣቱም ፍቁራተይ፥ ነዚ ድሮ ትፈልጥዎ ኢኹም። እምበኣር ብስሕተት እቶም ስዲ ዝኸዱ ዘለዉ ተሳሒብኩም ካብቲ ጽኑዕ መሠረትኩም ከይትወድቁ ተሓለዉ።18. ብናይ ጐይታናን መድኃኒናን ኢየሱስ ክርስቶስ ጸጋን፥ ንእኡ ብምፍላጥን ግና ዕበዩ። ንእኡ ሕጅን ንዘለዓለም ዓለምን ክብሪ ይዂኖ። ኣሜን።

ግብረ ሃዋርያት Acts

22. እዚ ወረ እዚ ኸኣ ኣብታ ኣብ ኢየሩሳሌም ዘላ ቤት ክርስቲያን ተሰምዐ፥ ንበርናባስ ድማ ናብ ኣንጾኪያ ለኣኽዎ። 23. ንሱ ምስ መጸ ጸጋ ኣምላኽ ርእዩ ተሓጐሰ፥ ብምሉእ ልቦም ብጐይታ ጸኒዖም ኪነብሩ ድማ መኸሮም። 24. ምኽንያቱ ንሱ መንፈስ ቅዱስን እምነትን ዝመልኦ ሕያዋይ ሰብኣይ ነበረ፥ ብዙኅ ሕዝቢ ድማ ናብ ጐይታ ተመልሰ። 25. በርናባስ ካብኡ ወፂኡ ንሳውል ኪደልዮ ናብ ጠርሴስ ከደ። 26. ምስ ረኸቦ ናብ ኣንጾኪያ ኣምጽኦ፥ ኣብታ ቤት ክርስቲያን ከኣ ዓመት ምሉእ ብኅብረት ነበሩ፥ ንብዙኅ ሕዝቢውን መሃሩ፥ እቶም ደቀ መዛሙርቲ ድማ ንፈለማ ጊዜ ኣብ ኣንጾኪያ ክርስቲያን ተባሂሎም ተሰምዩ።

ስንክሳር Synaxarium

አባ ቡላ ዘተሰምየ አቢብ
፲ወ፪፻ ፵ወ፫ እደው ፫፻ወ፯ አንስት ማሕበራነ አቢብ
ወአባ ዕብሎይ

መዝሙር Psalm

ጻድቕ ከም ስየ ይልምልም፣ ከም ጽሕዲ ሊባኖስ ይዓቢ። እቶም አብ ቤት እግዚኣብሄር እተተኽሉ አብ ኣጸድ ኣምላኽና ይልምዑ።

ጻድቅሰ ከመ በቀልት ይፈሪ፤
ወይበዝኅ ከመ ዘግባ ዘሊባኖስ፤
ትኩላን እሙንቱ ውስተ ቤተ እግዚአብሔር።

ወንጌል Gospel

23. እቲ ጐይታ ድማ ነቲ ጊልያኡ ኸምዚ በሎ፦ ‘ናብ መገድታትን ቀጽርታትን ውፃእ እሞ ቤተይ ምእንቲ ኺመልእሲ ኸም ዚመጹ ግበሮም። 24. ምኽንያቱ ካብቶም ዝተዓደሙ ሰብኡት ሓደ እኳ ንድራረይ ኣይኪጥዕሞን እዩ፥ እብለኩም ኣሎኹ።’” 25. ብዙኃት ሰብ ምስኡ ይኸዱ ነበሩ። ንሱ ኸኣ ግልጽ ኢሉ በሎም፦ 26. “ናባይ ዚመጽእ እንተሎ እሞ ኣቦኡን ኣዲኡን ሰበይቱን ደቁን ኣኅዋቱን ኣኃቱን፥ ሕይወቱ ኸይተረፈትውን እንተ ዘይጸልአ፥ ወደ መዝሙረይ ኪኸውን ኣይክእልን እዩ። 27. መስቀሉ ፀይሩ ደድኅረይ ዘይስዕብ ዘበለ፥ ወደ መዝሙረይ ኪኸውን ኣይክእልን እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

ብኣኻ ተስፋ ገይረ ኣሎኹ እሞ፣ ንጽህናን ቅንዕናን ይሐልዋኒ። ዎ ኣምላኽ፣ ንእስራኤል ካብ ኵሉ ጸበባኡ ኣናግፎ።

የዋሃን ወራትዓን ተለዉኒ፤
እስመ ተሰፈውኩከ እግዚኦ፤
ያድኅኖ እግዚአብሔር ለእስራኤል እምኵሉ ምንዳቤሁ።

ወንጌል Gospel

5. - 6. ከምዚ ኸኣ በሎም፦ “መን እዩ ኻባኻትኩም ሓደ ዓርኪ ዘለዎ፥ ፈረቓ ለይቲ ናብኡ ኸይዱ ኸኣ ‘ዓርከይ፥ ፈታውየይ ገይሹ መጺኡንስ ዝቕርበሉ ስኢነ እሞ ሠለስተ እንጌራ ኣለቅሓኒ’ እንተ በሎ፥ 7. እቲ ኸኣ ካብ ውሽጢ መሊሱ ‘ኣይተድክመኒ፥ ሕጂ ማዕጾ ተሸጕሩ እዩ፥ ደቀይ ከኣ ምሳይ ኣብ ዓራት እዮም ዘለዉ፥ ተንሢአ ኽህበካ ኣይከኣለንን እዩ’ ዚብሎ፧ 8. ዓርኩ ስለ ዝኾነ እኳ ኪህቦ እንተ ዘይተንሥአ፥ ምእንቲ ድቃስ ከይከልኦ ኢሉ ተንሢኡ ዝደለዮ ከም ዚህቦ፥ እብለኩም አሎኹ። 9. ኣነ ኸኣ ‘ለምኑ ኺወሃበኩም እዩ፥ ድለዩ ኽትረኽቡ ኢኹም፥ ማዕጾውን ኳሕኳሕ ኣብሉ ኪኽፈተልኩም እዩ’ እብለኩም ኣሎኹ። 10. ምኽንያቱ ዚልምን ዘበለ ይቕበል እዩ፥ ዚደሊ ድማ ይረክብ እዩ፥ ማዕጾ ኳሕኳሕ ንዜብልውን ይኽፈተሉ እዩ። ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።

መዝሙረ ዳዊት Psalm

አብ ክንዲ ዘፍቀርክዎም ተጻረሩኒ፣ ኣነ ግና እጽሊ ኣሎኹ። አብ ክንዲ ሰናይ እከይ፣ አብ ክንዲ ፍቕረይ ከኣ ጽልኢ ፈድዮምኒ።

ወአንሰ እጼሊ፤
ፈደዩኒ እኪተ ህየንተ ሠናይት፤
ወጸልኡኒ ህየንተ ዘአፍቀርክዎሙ።

ወንጌል Gospel

51. ኣስዒቡ ኸኣ “ነዚ ዅሉስ ተረዲእኩምዎዶ፧” በሎም። ንሳቶም ድማ “እወ” በልዎ። 52. ንሱ ኸኣ “እምበኣርከስ ናይ መንግሥተ ሰማያት ወደ መዝሙር ዚኾነ ዅሉ መምህር ሕጊ፥ ካብ መዝገቡ ሓድሽን ብሉይን ነገራት ዜውጽእ ብዓል ቤት እዩ ዚመስል” በሎም። 53. ኢየሱስ ነዘን ምስላታት እዚኣተን ምስ ፈጸመ ኻብኡ ኣልገሰ። 54. ናብ ዓዱ መጺኡ ኸኣ ኣብ ቤት ጸሎት ኣይሁድ ኣትዩ፥ ከምዚ ኢሎም ክሳዕ ዚድነቑ መሃሮም፡ - “እዝስ እዚ ጥበብ እዝን እዚ ተኣምራት እዝን ካበይ ረኸቦ፧ 55. ወዲ እቲ ፀራቢዶ ኣይኮነን፧ ኣዲኡስ ማርያም እትብሃልዶ ኣይኮነትን፧ ኣኅዋቱስ ያዕቆብ፥ ዮሳ፥ ስምዖን፥ ይሁዳዶ ኣይኮኑን፧ 56. ኣኃቱስ ኵለን ምሳናዶ ኣየለዋን፧ እዚ ዅሉ ደኣ ኻበይ ኣምጽኦ፧” 57. ብእኡ ኸኣ ተዓንቀፉ። ኢየሱስ ግና “ነቢይ ብዘይካ ኣብ ዓዱን ኣብ ቤቱን፥ ኣብ ዘይከብረሉ የልቦን” በሎም። 58. ብሰሪ ዘይምእማኖም ድማ ኣብኡ ብዙኅ ተኣምራት ኣይገበረን። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

15. እቲ ኣብ ማኅፀን ኣደይ ከሎኹ ዝኃረየኒ፥ ብጸጋኡ እውን ዝጸውዓኒ ኣምላኽ፥ 16. ኣብ ኵሎም ኣሕዛብ ብዛዕባኡ ምእንቲ ክሰብኽ፥ ንወዲ ኪገልጸለይ ምስ ፈተወ ግና፥ ምስ ዝኾነ ይኹን ሰብ ኣይተማኸርኩን። 17. ነቶም ቅድመይ ሓዋርያት ዝነበሩ ኽርኢ ድማ ናብ ኢየሩሳሌም ኣይደየብኩን። እኳ ደኣ ናብ ምድሪ ዓረብ ከድኩ፥ ከም ብሓዱሽ ከኣ ናብ ደማስቆ ተመለስኩ። 18. ድኅሪ ሠለስተ ዓመት ከኣ ንኬፋ ኽርኢ ናብ ኢየሩሳሌም ደየብኩ። ምስኡ ኸኣ ዓሠርተው ኃሙሽተ መዓልቲ ጸናሕኩ። 19. ብዘይካ ያዕቆብ ኃው ጐይታና ግና ኻልእ ካብ ሓዋርያት ሓደ እኳ ኣይርአኹን። 20. እዚ ዝጽሕፈልኩም ዘሎኹ ሓሶት ከም ዘይኮነ ኣብ ቅድሚ ኣምላኽ አረጋግጸልኩም ኣሎኹ። 21. ብድኅሪኡ ኸኣ ናብ ሃገር ሶርያን ቂልቅያን ከድኩ። 22. እተን ኣብ ይሁዳ ዝነበራ ኣብያተ ክርስቲያን ብገጽ ኣይፈልጣንን ነበራ። 23. “እቲ ቐደም ዜሳድደና ዝነበረ፥ ብዛዕባ እታ ሓደ ጊዜ ኬዕንዋ ዝፈተነ ሃይማኖት ሕጂ ይሰብኽ ኣሎ” ዚብል ጥራይ ይሰምዓ ነበራ። 24. ብዛዕባይውን ንኣምላኽ ኣመስገና።

ዘካልእ መልእክት Universal Epistle

1. ውሉድ ኣምላኽ ተባሂልና ምእንቲ ኽንጽዋዕ እግዚኣብሔር ኣቦ ኸመይ ዝበለ ፍቕሪ ከም ዝለገሠልና እሞ ርኣዩ! ውሉድ ኣምላኽውን ኢና። ዓለም ንእኡ ስለ ዘይፈለጠቶ እያ ንኣና ዘይፈለጠትና። 2. ኣቱም ፍቁራተይ! ሕጂ ውሉድ ኣምላኽ ኢና፥ እንታይ ከም እንኸውን ከኣ ገና ኣይተገልጸን። ክርስቶስ ምስ ዚግለጽ ግና ከምታ ዘለዋ ክንርእዮ ኢና እሞ ንእኡ ኸም እንመስል ንፈልጥ ኢና። 3. ኣብ ክርስቶስ ተስፋ ዚገብር ዘበለ ዅሉ ከምቲ፥ ንሱ ንጹሕ ዝኾነ፥ ንገዛእ ርእሱ የንጽሕ ኣሎ። 4. ኃጢኣት ዚገብር ዘበለ ሕጊ የፍርስ፥ ኃጢኣት ምፍራስ ሕጊ እዩ። 5. ክርስቶስ ንኃጢኣት ኬርሕቖ ኢሉ ከም ዝተገልጸ ትፈልጡ ኢኹም፥ ኣብኡውን ኃጢኣት የልቦን። 6. እቲ ኣብ ክርስቶስ ዚነብር ዘበለ ዅሉ ኃጢኣት ኣይገብርን እዩ። ኃጢኣት ዚገብር ዘበለ ግና ንክርስቶስ ኣይረኣዮን ኣይፈለጦንውን እዩ። 7. ደቀየ! ሓደ እኳ ኣየስሕትኩም። ከምቲ ክርስቶስ ጻድቕ ዝኾነ፥ እቲ ጽድቂ ዚገብር ከኣ ጻድቕ እዩ። 8. ካብ መጀመርታ ኂዙ ዚኃጥእ ዘሎ ዲያብሎስ እዩ እሞ፥ ኃጢኣት ዚገብር ካብ ዲያብሎስ እዩ። ወዲ ኣምላኽ ከኣ ግብሪ ዲያብሎስ ምእንቲ ኼፍርስ ኢሉ እዩ ዝተገልጸ። 9. ካብ ኣምላኽ ዝተወልደ ዘበለ፥ ባህርይ ኣምላኽ ኣብኡ ስለ ዘሎ፥ ኃጢኣት ኣይገብርን እዩ። ካብ ኣምላኽ ስለ ዝተወልደውን ኃጢኣት ኪገብር ኣይክእልን እዩ።

ግብረ ሃዋርያት Acts

1. በቲ እዋን እቲ ደቀ መዛሙርቲ ብቚጽሪ እናበዝኁ ምስ ከዱ፥ እቶም ግሪኽ ዝቛንቋኦም ኣይሁዳውያን፥ እተን ናታቶም መበላሉ ኣብቲ ዕለታዊ ምዕዳል ምግቢ ሽለል ስለ ዝተባህላ፥ ኣብ ልዕሊ እቶም ዕብራውያን ኣጒረምረሙ። 2. ሽዑ እቶም ዓሠርተው ክልተ ሓዋርያት ንዅሎም እቶም ደቀ መዛሙርቲ ኣኪቦም፥ “ንሕና መኣዲ ኽንሠርዕ ክንብል ቃል ኣምላኽ ምስባኽ ክንኃድግ ኣይግብኣናን እዩ። 3. ስለዚ ኣቱም ኣኅዋትና ካባኻትኩም ብጽቡቕ ዝተመስከረሎም መንፈስን ጥበብን ዝመልኦም ሾብዓተ ሰብኣይ ኅረዩ፤ ነዚ ጉዳይ እዚ ኸኣ ክንምዝዞም። 4. ንሕና ግና ኣብ ጸሎትን ኣብ ምምሃር እዚ ቓል እዝን ክንጽመድ” በልዎም። 5. እዚ ዘረባ እዚ ንዅሉ እቲ ሕዝቢ ባህ ኣበሎ፤ ንእስጢፋኖስ፥ እቲ እምነትን መንፈስ ቅዱስን ዝመልኦ ሰብኣይን፥ ንፊልጶስን፥ ንጵሮኮሮንን፥ ንኒቃኖራን፥ ንጢሞናን፥ ንጰርሜናን፥ ነቲ ናብ እምነት ኣይሁድ ዝኣተወ ኒቆላዎስ ብዓል ኣንጾኪያን ድማ ኃረዩ። 6. ነዚኣቶም ኣብ ቅድሚ ሓዋርያት ኣቕረብዎም፤ ንሳቶም ጸለዩሎም፥ ኣእዳዎም ከኣ ኣንበሩሎም። 7. ቃል ኣምላኽ ድማ ተዘርግሐ፤ ቊጽሪ እቶም ደቀ መዛሙርቲ ኸኣ ኣብ ኢየሩሳሌም ኣዝዩ እናበዝኀ ኸደ። ካብ ካህናትውን ብዙኃት ኣመኑ።

ስንክሳር Synaxarium

ጢሞና ፩እም ፸ወ፪ አርድእት ወ፩ እም፯ ዲያቆናት
ወዕረፍተ ያዕቆብ እሁሁ ለእግዚእነ
ወፊልጶስ
ወአግናጥዮስ ሰማዕት

መዝሙር Psalm

ንኣኹምን ንውሉድኩምን እግዚኣብሄር የብዝሕኩም። በቲ ሰማይን ምድርን ዝገበረ እግዚኣብሄር እተባረኽኩም ኢኹም።

ይዌስክ እግዚአብሔር ላዕሌክሙ፤
ላዕሌክሙ ወላዕለ ውሉድክሙ፤
ብሩካን አንትሙ ለእግዚአብሔር።

ወንጌል Gospel

1. ኢየሱስ ካብኡ ወፂኡ ናብ ዓዱ መጸ፥ ደቀ መዛሙርቱ ኸኣ ሰዓብዎ። 2. ብሰንበት ኣብ ቤት ጸሎት ኣይሁድ ኪምህር ጀመረ፤ ብዙኃት ምስ ሰምዕዎ ድማ “እዚ ዅሉስ ካበይ ረኸቦ፧ እዚ ጥበብ እዚኸ ኻበይ ተዋህቦ፧ እዚ ብኢዱ ዚግበር ዘሎ ተኣምራትከ ካበይ ኮነሉ፧” እናበሉ ተገረሙ። 3. “እዝስ እቲ ጸራቢ ወዲ ማርያም፥ ኃው ያዕቆብን ዮሳን ይሁዳን ስምዖንንዶ ኣይኮነን፧ ኣኃቱስ ኣብዚ ምሳናዶ ኣየለዋን፧” እናበሉ ብእኡ ተዓንቀፉ። 4. ኢየሱስ ከኣ “ነቢይ ብዘይካ ኣብ ዓዱን ኣብ ኣዝማዱን ኣብ ቤቱን ኣይነዓቕን እዩ” በሎም። 5. ብዘይ እቶም ኢዱ ኣንቢሩ ዘሕወዮም ውሑዳት ሕሙማት ድማ ኣብኡ ተኣምራት ኪገብር ኣይኮነሉን። 6. በቲ ዘይምእማኖም ድማ ገረሞ፥ እናመሃረ ኸኣ ኣብቲ ኸባቢ ዘሎ ዓድታት ዞረ። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ጐይታየ፣ ጸሎተይ ስማዕ፣ አውያተይውን ኣባኻ ይብጻሕ። ብመዓልቲ ጸበባይ ገጽካ ኣይትኸውለለይ።

ስምዐኒ እግዚኦ ጸሎትየ፤
ወይብጻሕ ቅድሜከ ገዓርየ፤
ወኢትሚጥ ገጸከ እምኔየ።

ወንጌል Gospel

36. ድኅርዚ ኢየሱስ ምስኣቶም ጌቴሴማኒ ናብ እትብሃል ቦታ ኸደ፥ ንደቀ መዛሙርቱ ድማ “ናብቲ ኸይደ ኽሳዕ ዝጽሊ ኣብዚ ተቐመጡ” በሎም። 37. ንጴጥሮስን ንኽልቲኦም ደቂ ዘብዴዎስን ምስኡ ተማሊኡ ኸኣ ኪጕህን ኪትክዝን ጀመረ። 38. ሽዑ “ብጓሂ ክሳዕ ሞት በጺሐ ኣሎኹ እሞ ኣብዚ ጽንሑ፥ ምሳይውን ንቕሑ” በሎም። 39. ቊሩብ ርሕቕ ኢሉ ብገጹ ተደፊኡ ጸለየ፥ “ኦ ኣቦይ! እዚ ዚከኣል እንተ ኾይኑስ፥ እዛ ናይ መከራ ጽዋዕ እዚኣ ኻባይ ትኅለፍ። እንተኾነ ከም ፍቓድካ ደኣ ይኹን እምበር ከም ፍቓደይ ኣይኹን” እውን በለ። 40. ናብ ደቀ መዛሙርቱ ምስ ተመልሰ ኸኣ ደቂሶም ረኸቦም እሞ ንጴጥሮስ “ክሳዕ ክንድዚዶ ሓንቲ ሰዓት እኳ ምሳይ ምንቃሕ ኣይከኣልኩምን፧ 41. እምበኣር ናብ ፈተና ኸይትኣትዉስ ንቕሑን ጸልዩን፥ መንፈስ ድልዊ እዩ፥ ሥጋ ግና ድኹም እዩ” በሎ። 42. ካልኣይ ጊዜ ኸይዱ ኸኣ “ኦ ኣቦይ! እዛ ጽዋዕ እዚኣ ኸይሰቴኽዋ ኽትኃልፍ ዘይከኣል እንተ ኾይኑስ ፍቓድካ ይኹን” እናበለ ከም ብሓድሽ ጸለየ። 43. ከም እንደገና ተመሊሱ ኸኣ ኣዕይንቶም ባዕዚዘን ስለ ዝነበራ ደቂሶም ረኸቦም። 44. ኃዲግዎም ከም ብሓድሽ ከይዱውን ከምቲ ቕድም ኢልዎ ዝነበረ ቓል ሣልሳይ ጊዜ ጸለየ። 45. ሽዑ ናብቶም ደቀ መዛሙርቱ ተመሊሱ “ሕጂውን ገና ደቂስኩምን ኣዕሪፍኩምን ኣሎኹም፧ እምበኣር እቲ ንወዲ ሰብ ናብ ኢድ ኃጥኣን ኣኅሊፎም ዚህቡሉ እዋን በጺሑ እዩ። 46. ተንሥኡ፥ ንኺድ፥ እቲ ኣኅሊፉ ዚህበኒ እንሆ ቐሪቡ ኣሎ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መዝሙረ ዳዊት Psalm

ግናኸ እቲ ኣብ ማእከል ምድሪ ግብርታት ምድሓን ዚገብር ዘሎ ኣምላኽ ካብ ጥንቲ ንጉሰይ እዩ። ንስኻ ንባሕሪ ብሓይልኻ መቐልካዮ።

እግዚአብሔርሰ ንጉሥ ውእቱ እምቅድመ ዓለም፤
ወገብረ መድኀኒተ በማእከለ ምድር፤
አንተ አጽናዕካ ለባሕር በኀይልከ።

ወንጌል Gospel

1. “መንግሥተ ሰማያት ነታኽልቲ ወይኑ፥ ሰብ ውዕለት ኪደሊ ኣንጊሁ ዝወፀ ብዓል ቤት ትመስል። 2. ምስቶም ሰብ ውዕለት፥ ንነፍስ ወከፎም ንመዓልቲ ሓደ ዲናር ኪህቦም ምስ ተሳማምዐ ናብ ኣታኽልቲ ወይኑ ሰደዶም። 3. ብሣልሰይቲ ሰዓት ናይ መዓልቲ ኣቢሉ ምስ ወፀ ድማ ሥራሕ ዘይብሎም ካልኦት ኣብ ዕዳጋ ቐንፈዘው ኪብሉ ረኣየ። 4. ንኣታቶም ከኣ ‘ንስኻትኩምውን ናብቲ ኣታኽልቲ ወይነይ ኺዱ እሞ እቲ ዝግባእ ክህበኩም እየ’ በሎም። ንሳቶም ከኣ ኸዱ። 5. ከም ብሓድሽ ድማ ብሳድሰይትን ብታስዐይትን ሰዓት ናይ መዓልቲ ወፂኡ ከምኡ ገበረ። 6. ኣብ መበል ዓሠርተው ሓደ ሰዓት ናይ መዓልቲ ኣቢሉ ወፂኡ ድማ፥ ካልኦት ቀንፈዘው ዚብሉ ረኸበ፥ ‘ንምንታይ ምሉእ መዓልቲ ብዘይ ሥራሕ ኣብዚ ዘዘው እትብሉ፧’ በሎም። 7. ንሳቶም ከኣ ‘ውዕለት ዜውዕለና ስለ ዝስኣንና’ በልዎ። ‘ሕራይ እንበኣር ንስኻትኩም ውን ናብቲ ኣታኽልቲ ወይኒ ኺዱ’ በሎም። 8. “ምስ መሰየ እቲ ብዓል ኣታኽልቲ ወይኒ ንኣዛዝ ቤቱ ‘ነቶም ሰብ ውዕለት ጸውዓዮም፥ ካብቶም ዳኅሮት ጀሚርካ ኸኣ ክሳዕ እቶም ቀዳሞት ውዕለቶም ሃቦም’ በሎ። 9. እቶም ሰብ መበል ዓሥርተው ሓደ ሰዓት ናይ መዓልቲ ቐሪቦም ደዲናሮም ተቐበሉ። 10. እቶም ቀዳሞት ምስ ቀረቡ ኸኣ ካብቶም ዳኅሮት ዚበዝኅ ዚቕበሉ መሰሎም፥ ግናኸ ንሳቶምውን ደዲናሮም ተቐበሉ። 11. - 12. ምስ ተቐበሉ ኸኣ ‘ነዞም ሓንቲ ሰዓት ዝሥረሑ ዳኅሮት ምስ እዞም ድኻም መዓልቲን ሃሩርን ዝፆርና ኣዳላደልካዮም’ እናበሉ ኣብ ልዕሊ እቲ በዓል ቤት ኣዕዘምዘሙ። 13. ንሱ ኸኣ ንሓደ ኻብኣቶም ‘ዓርከይ ኣይዓመጽኩኻን፥ ብሓደ ዲናርዶ ኣይተሰማማዕካንን፧ 14. ዚብጽሓካ ደኣ ኂዝካ ኺድ፥ ነዚ ዳኅራይ ድማ ክንዲ ናትካ ኽህቦ ፍቓደይ እዩ። 15. ወይ ድማ ብገንዘበይ ዝደሌኽዎ ኽገብርዶ ኣይግበኣንን እዩ፧ ወይስ ኣነ ሕያዋይ ስለ ዝኾንኩ ዓይንኻዶ ቐናእ እዩ፧’ ኢሉ መለሰሉ። 16. “ከምኡኸስ ጽዉዓት ብዙኃት ኅሩያት ግና ውሑዳት እዮም እሞ ዳኅሮት ቀዳሞት፥ ቀዳሞትውን ዳኅሮት ኪዀኑ እዮም።” 17. ኢየሱስ ናብ ኢየሩሳሌም ኪወፅእ ከሎ፥ ነቶም ዓሠርተው ክልተ ደቀ መዛሙርቱ ንበይኖም ወሰዶም፥ ኣብ መገዲ ድማ፦ 18. “እንሆ ንኢየሩሳሌም ንወፅእ ኣሎና። ንወዲ ሰብ፥ ንሊቃውንቲ ኻህናትን ንመምህራንን ሕግን ኣኅሊፎም ኪህብዎ፥ ንሞትውን ኪፈርዱዎ እዮም። 19. ነሕዛብ ድማ ኣኅሊፎም ኪህብዎ፥ ንሳቶምውን ኬላግጹሉን ኪገርፍዎን ኪሰቕልዎን እዮም፥ ብሣልሰይቲ መዓልቲውን ኪትንሥእ እዩ” በሎም። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

22. እኳ ደኣ እቶም ድኹማት ዚመስሉ ኣካላት ሰብነት እዮም ኣዝዮም ዜድልዩ። 23. ነቲ ኣብ ሰብነት ዘሎ ሕሱር ኣካል ዚመስለና ኸኣ ብፍሉይ ክብሪ ንከናኸኖ፥ ንኃፍረትናውን ኣዚና ብኽብሪ ንኽውሎ። 24. - 25. እቲ ኽቡር ኣካላትና ግና እዚ ኣየድልዮን እዩ። ግናኸ እቲ ኣካላት ንሓድሕዱ ኺፃወር እምበር ኣብቲ ሰብነት ምፍልላይ ምእንቲ ኸይከውንሲ፥ ኣምላኽ ነቲ ኽብሪ ዝጐደሎ ኣካል ዚበዝኀ ክብሪ እናሃበ ነቲ ሰብነት ኣጋጠሞ። 26. ሓደ ኣካል እንተ ተሳቐየ ኵሉ እቲ ኣካላት ምስኡ ይሳቐ። ሓደ ኣካል እንተ ኸበረ ኸኣ ኵሉ እቲ ኣካላት ምስኡ ይሕጐስ። 27. እምብኣርከስ ንስኻትኩም ሰብነት ክርስቶስ ኢኹም፥ ነፍስ ወከፍኩም ከኣ ኣካላቱ ኢኹም። 28. ኣምላኽ ከኣ ኣብታ ቤተ ክርስቲያን፥ ብመጀመርታ ሓዋርያት፥ ካልኣይ ነቢያት፥ ሣልሳይ መምህራን፥ ደኃር ተኣምራት ዚገብሩ፥ ናይ ምፍዋስ ውህበት ዘለዎም፥ ዚሕግዙ፥ ዜመኃድሩ፥ በብዓይነቱ ቛንቋታት ዚዛረቡ ሠርዐ። 29. ኲላቶምዶ ሓዋርያት እዮም፧ ኲላቶምዶ ነቢያት እዮም፧ ኲላቶምዶ መምህራን እዮም፧ ኲላቶምዶኸ ገበርቲ ተኣምራት እዮም፧ 30. ኲላቶምዶ ውህበት ምፍዋስ ዘለዎም እዮም፧ ኲላቶምዶ ቋንቋታት ይዛረቡ እዮም፧ ኲላቶምዶኸ ይትርጒሙ እዮም፧ 31. ነተን ዝዓበያ ውህበታት ደኣ ጽዓቱ። ሕጂ ኸኣ ዝበለጸ መገዲ ኽሕብረኩም እየ።

ዘካልእ መልእክት Universal Epistle

20. በደል እናገበርኩም መውቃዕቲ እንተ ተዓገሥኩምከ እንታይ ሓበን ኣለዎ፧ ሠናይ እናገበርኩም መከራ እንተ ተዓገሥኩም ግና እዚ ኣብ ቅድሚ ኣምላኽ ቅቡል እዩ። 21. ንስኻትኩምውን ነዚ ኢኹም ዝተጸዋዕኩም፥ ክርስቶስ ድማ ኣሰር ኣሰሩ ምእንቲ ኽትስዕቡ ኢሉ ምእንታኹም መከራ ተቐበለ፥ ኣርኣያውን ኃደገልኩም። 22. “ንሱ ኃጢኣት ኣይገበረን፥ ሓሶትውን ኣብ ኣፉ ኣይተረኽበን።” 23. ምስ ጸረፍዎ መሊሱ ኣይጸረፈን፥ መከራ ምስ ኣጽገብዎ ኸኣ ነቲ ብቕንዕና ዚፈርድ ኣምላኽ ደኣ ነገሩ ኣኅሊፋ ሃበ እምበር ኣየፈራርሀን። 24. ካብ ኃጢኣት ርሒቕና ብጽድቂ ምእንቲ ኽንነብር ንሱ ባዕሉ ንኃጢኣትና በቲ ኣብ መስቀል ዝተሸንከረ ስብነቱ ፆሮ። ብቚስሉ ኢኹም ዝሓዌኹም። 25. ከመይ ከም ኣባጊዕ ተባሪርኩም ጠፊእኩም ነበርኩም፥ ሕጂ ግና ናብቲ ጓሳኹምን ሓላዊ ነፍሳትኩምን ተመሊስኩም ኣሎኹም።

ግብረ ሃዋርያት Acts

19. “ስለዚ እምብኣር፥ ኦ ንጉሥ ኣግሪጳ! ነቲ ሰማያዊ ራእይ ምእዛዝ ኣይኣቤኹን። 20. እኳ ደኣ ኺንስሑን ናብ ኣምላኽ ኪምለሱን፥ ከም ዝተነስሑ ዜርኢ ግብሪ ኺገብሩን፥ ቅድም ኣብ ደማስቆ፥ ደኃር ኣብ ኢየሩሳሌምን ኣብ ብዘላ ሃገር ይሁዳን፥ ከምኡ ኸኣ ነሕዛብ ወንጌል ሰበኽኩ። 21. ብዛዕባ እዚ ኸኣ ኣይሁድ ኣብ ቤት መቕደስ ኃዙኒ፥ ኪቐትሉኒውን ደለዩ። 22. እንተኾነ ኽሳዕ እዛ መዓልቲ እዚኣ ረድኤት ኣምላኽ ኣይተፈልየንን፤ ስለዚ ድማ ንንእሽቶን ንዓቢይን እናመስከርኩ ደው ኢለ እኔኹ። ብዘይካ እቲ ሙሴን ነቢያትን ኪኸውን ከም ዘለዎ ዝተዛረብዎ ኻልእ ሓንቲ እኳ ኣይወሰኽኩን። 23. ንሳቶም ክርስቶስ መከራ ከም ዚቕበል፥ መጀመርታ ካብ ሞት ብምትንሣኡውን ንሕዝቢ እስራኤልን ነሕዛብን ብርሃን ከም ዜበሥር ተዛሪቦም ነበሩ።”

ስንክሳር Synaxarium

አባ መቃርስ ዘሞተ ሶበ ረገጾ ብእሲ
ወተዝካረ ስቅለቱ ለእግዚእነ

መዝሙር Psalm

ምድሓን ጻድቃን ግና ካብ እግዚኣብሄር እዩ፣ ንሱ ብዘመን ጸገማ መኸወሊኦም እዩ። እግዚኣብሄር ይረድኦምን የናግፎምን፣ ናብኡ ተጸጊዖም እዮም እሞ፣ ካብ ረሲኣን የናግፎምን የድሕኖምን እዩ።

መድኃኒቶሙ ለጻድቃን እምኀበ እግዚአብሔር፤
ወቀዋሚሆሙ ውእቱ በጊዜ ምንዳቤሆሙ፤
ይረድኦሙ እግዚአብሔር ወያድኅኖሙ።

ወይ / ዓዲ

መዝ 56 ፡ 1 - 2 / መዝ ፶፭ : ፩ - ፪

ኵሉ መዓልቲ ሰልፈኛታት የጨንቑኒ፣ ኪውሕጡኒ ይደልዩ ኣለዉ እሞ፣ ዎ ኣምላኽ፣ ምሐረኒ። ብትዕቢት ዚዋግኡኒ ብዙሓት እዮም እሞ፣ ኵላ መዓልቲ ተጸናተውተይ ኪውሕጡኒ ይደልዩ።

ተሣሀለኒ እግዚኦ እስመ ኬደኒ ሰብእ፤
ወኵሎ አሚረ አስርሐኒ ቀትል፤
ወኬዱኒ ፀርየ ኵሎ አሚረ በኑኀ ዕለት።

ወንጌል Gospel

32. ጌተሴማኒ ናብ እትብሃል ቦታ መጹ፥ ንደቀ መዛሙርቱ ኸኣ “ኽጽሊ እየ እሞ ሓንሳብ ኣብዚ ጽንሑ” በሎ። 33. ንጴጥሮስን ያዕቆብን ዮሓንስ ወሲዱ ኸኣ ኺጒህን ኪትክዝን ጀመረ። 34. “ብጓሂ ክሳዕ ሞት በጺሐ ኣሎኹ፥ ኣብዚ ኹኑ፥ ንቕሑውን” በሎም። 35. ቊሩብ ንቕድሚት ፍንትት ኢሉ ድማ፥ ዚከኣል እንተ ኾይኑስ እታ ሰዓት ካብኡ ኽትኃልፍ፥ ኣብ ምድሪ ተደፊኡ ጸለየ። 36. “ኣባ! ኣቦይ! ኵሉ ይከኣለካ እዩ። ነዛ ናይ መከራ ጽዋዕ እዚኣ ኻባይ ኣኅልፋ፥ እንተኾነ ፍቓድካ ደኣ እምበር ፍቓደይ ኣይኹን” በለ። 37. ተመሊሱ ኸኣ ደቂሶም ረኸቦም፥ ንጴጥሮስ ድማ “ስምዖን！ ደቂስካዶ፧ ሓንቲ ሰዓት እኳ ኽትነቅሕ ኣይኸኣለካን፧ 38. ናብ ፈተና ኸይትኣትዉ ንቕሑ፥ ጸልዩውን፥ መንፈስ ድልዊ እዩ፥ ሥጋ ግን ድኹም እዩ” በሎ። 39. ከይዱ ድማ ኸምቲ ቕድም ኢሉዎ ዝነበረ ቓል ደጊሙ ጸለየ። 40. ካልኣይ ምስ ተመልሰ ኸኣ ኣዕይንቶም ባዕዚዘን ነበራ እሞ ደቂሶም ረኸቦም፥ እንታይ ከም ዚምልስሉ ድማ ኣይፈልጡን ነበሩ። 41. ሣልሣይ ጊዜ መጺኡ ኸኣ፥ “ገናዶ ሕጂ ድማ ደቂስኩምን ኣዕሪፍኩምን ኣሎኹም፧ ደጊም ይኣክል፥ እታ ሰዓት በጺሓ እያ፥ እንሆ ንወዲ ሰብ ኣብ ኢድ ኃጥኣን ኣኅሊፎም ኪህብዎ እዮም። 42. ተንሥኡ ንኺድ፥ እቲ ዜትሕዘኒ፥ እነሆ ቐሪቡ እዩ” በሎም። እትሰምዕ እዝኒ ዘላቶ ይስማዕ!

ቅዳሴ Liturgy :

መዝሙረ ዳዊት Psalm

ኣእዋም እግዚኣብሄርን እተን ዝተኸልካየን ጽሕድታት ሊባኖስን ጸገባ። ኣዕዋፍ ኣብኡ እንዳኤን ይሰርሓ፣ ጽሕድታት ንራዛ ማሕደሪኡ እየን።

አርዘ ሊባኖስ ዘተከልከ፤
ወበህየ ይትዋለዳ አዕዋፍ፤
ወትጋወሮን ቤተ ሄሮድያኖስ።

ወንጌል Gospel

1. ኢየሱስ እዚ ምስ በለ ምስ ደቀ መዛሙርቱ ንርባ ቄድሮን ሰጊሩ ናብታ ኣታኽልቲ ዘለዋ ቦታ ኸደ፥ ምስቶም ደቀ መዛሙርቱውን ናብኣ ኣተወ። 2. ኢየሱስን ደቀ መዛሙርቱን ኣብታ ቦታ ብዙኅ ጊዜ ይእከቡ ስለ ዝነበሩ፥ እቲ ኣኅሊፉ ዚህቦ ይሁዳ ኸኣ ነታ ቦታ ይፈልጣ ነበረ። 3. ስለዚ ይሁዳ ነቶም ጭፍራ ወተሃደራትን ንገለ ገላዉ ሊቃነ ካህናትን ፈሪሳውያንን መሪሑ ፋኑሳትን ዚነድድ ሺግን ኣፅዋርን ኂዙ ናብኡ መጸ። 4. ሽዑ ኢየሱስ ነቲ ዅሉ ኺመጾ ዘለዎ ነገራት ፈሊጡ ወፀ እሞ፥ “ንመን ትደልዩ ኣሎኹም፧” በሎም። 5. ንሳቶም “ንኢየሱስ ናዝራዊ” ኢሎም መለሱሉ። ኢየሱስ ድማ “ኣነ እየ” በሎም እቲ ዜትኅዞ ይሁዳ ድማ ምስኣቶም ደው ኢሉ ነበረ። 6. ሽዑ “ኣነ እየ!” ምስ በሎም እናኣድኃርኃሩ ናብ ምድሪ ጻሕ ኢሎም ወደቑ። 7. ከም ብሓድሽ ድማ “ንመን ትደልዩ ኣሎኹም፧” ኢሉ ሓተቶም። ንሳቶም ከኣ “ንኢየሱስ ናዝራዊ” በልዎ። 8. ኢየሱስ ከኣ “ኣነ እየዶ እብለኩም ኣየሎኹን፧ እምብኣር ንኣይ ካብ ደሌኹም ነዚኣቶም ይኺዱ ኅደግዎም” ኢሉ መለሰሎም። ብወልድ ዝአምን ናይ ዘልኣለም ሕይወት ኣለዎ።

መዝሙረ ዳዊት Psalm

ኵሉ መዓልቲ ንቓላተይ ይካራኸርዎ፣ ብዘሎ ሓሳባቶም ንጕድኣተይ እዩ። ተአኪቦም የድብዩለይ፣ ነፍሰይ ይደልዩ እዮም እሞ፣ ስጉምተይ ይስልዩ ኣለዉ።

ይፀንሑኒ ወይትኀብኡኒ፤
እሙንቱሰ ሰኰናየ ያስተሐይፁኒ፤
ወዘልፈ ይጸንሕዋ ለነፍስየ።

ወንጌል Gospel

44. ሽዑ ‘ናብቲ ዝወፃእኩሉ ቤተይ ደኣ ኽምለስ’ ይብል እሞ፥ እንተ መጸ ድማ ጥራዩን ተዀስቲሩን ተሰሊሙን ይረኽቦ። 45. ድኅርዚ ይኸይድ እሞ ኻብኡ ዚገደዱ ሾብዓተ ኻልኦት መናፍስቲ ኂዙ ይመጽእ፥ ኣትዮም ከኣ ኣብኡ ይኃድሩ። ነቲ ሰብ እቲ ኻብ ቀዳማዩ ዳኃራዩ ዝገደደ ይኸውን፥ ነዚ ኽፉእ ወለዶ እዚ ድማ ኸምኡ ኪዀኖ እዩ።” 46. ነቶም ሕዝቢ ኪነግሮም ከሎ እንሆ ኣዲኡን ኣኅዋቱን ኪዛረብዎ ደልዮም ኣብ ወፃኢ ቆይሞም ነበሩ። 47. ሓደ ኸኣ “እንሆ ኣዴኻን ኣኅዋትካን ኪዛረቡኻ ደልዮም ኣብ ወፃኢ ቆይሞም ኣለው” በሎ። 48. ኢየሱስ ግና ነቲ ዝነገሮ “ኣደይ መን እያ፧ ኣኅዋተይሲ እንመን እዮም፧” ኢሉ መለሰሉ። 49. - 50. “ፍቓድ እቲ ኣብ ሰማይ ዘሎ ኣቦይ ዚገብር ዘበለ ዅሉ ንሱ ኃወይን ኃብተይን እኖይን እዩ” ኢሉ ኢዱ ናብ ደቀ መዛሙርቱ ዘርጊሑ “እኖይን ኣኅዋተይንሲ እነዉ” በለ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

መልእክተ ጳውሎስ Pauline Epistle

9. ፡ከመይ እግዚኣብሔር ነቲ ምእንቲ ፍቅሩ ኢልኩም ነቶም ቅዱሳን ዘገልገልኩምዎምን እንተገልግልዎም ዘሎኹምን ዚርስዕ ገፋዒ ኣምላኽ ኣይኮነን። 10. ነፍስ ወከፍኩም እቲ ተስፋኹም ምእንቲ ኺፍጸመልኩም ክሳዕ መወዳእታ ኸምዚ ዝዓይነቱ ትግሃት ከተርእዩ ንደሊ ኣሎና። 11. ነቶም ብእምነትን ብትዕግሥትን ነታ ተስፋ ዚወርስዋ ምእንቲ ኽትመስልዎም እምበር ሃካያት ክትኮኑ ኣይንደልን ኢና። 12. - 13. ኣምላኽ ንኣብርሃም ተስፋ ኺህቦ ኸሎ፥ ካብ ስሙ ዚዓቢ ዚምሕለሉ ኻልእ ስለ ዘይተረኽበ፥ “ብሓቂ ኽባርኸካን ከብዘኃካን እየ” እናበለ ብስሙ መሓለሉ። 14. ኣብርሃም ድማ ብትዕግሥቲ ተጸብዩ ነታ ተስፋ ረኸባ። 15. ሰባት በቲ ኻብኦም ዚዓቢ ይምሕሉ፥ እቲ ማሕላ ኸኣ ነቲ ዝተባህለ የጽንዖ፥ ንዅሉ ምጒቶም ድማ ይድምድሞ። 16. ስለዚ ኸኣ ኣምላኽ፥ እቲ ምኽሩ ኸም ዘይልወጥ ነቶም ወረስቲ ተስፋ ብግህዶ ኼርእዮም ምስ ደለየ፥ ብማሕላ ኣረጋገጸሎም። 17. እምበኣር ንሕና በዘን ክልተ ዘይልወጣ ነገራት፥ ማለት ተስፋኡን ማሕላኡን፥ ኣምላኽ ኸኣ ብእአን ኪሕሱ ዘይኸኣሎ፥ ነታ ኣብ ቅድሜና ዘላ ተስፋ ንምውራስ፥ ናብኡ ተማዕቊብና ዘሎና፥ ነቕ ዘይብል ምጽንናዕ ክንረክብ ኢና። 18. እዛ ተስፋ እዚኣ ናይ ሕይወትና መልህቕ እያ። ድልድልትን ጽንዕትን እያ። ብመጋረጃ ኃሊፋ ኸኣ ናብታ ውሽጣዊት መቕደስ እትበጽሕ እያ። 19. ኢየሱስ ድማ ከም መዓርግ መልከጼዴቅ ሊቀ ካህናት ብምዃን ምእንታና ቅድሜና ኣብኣ ኣትዩ እዩ።

ዘካልእ መልእክት Universal Epistle

12. ኣቱም ፍቁራተይ፥ ከም ሓዊ ዚባላዕ ፈተና ኺረኽበኩም ከሎ፥ ሓደ ሓዱሽ ነገር ከም ዝበጽሓኩም ኴንኩም ኣይትገረሙ። 13. ንሱ ብግርማ ኺግለጽ ከሎ ኣዝዩ ባህ ኪብለኩም እዩ እሞ ኣብ ሥቓይ ክርስቶስ ክትካፈሉ ኸሎኹም ተሓጐሱ። 14. ምእንቲ ስም ክርስቶስ እንተ ተጸረፍኩም፥ እቲ ኽቡር መንፈስ ኣምላኽ ኣባኻትኩም ስለ ዚኃድር ተሓጐሱ። 15. ሓደ እኳ ኻባኻትኩም ቀታሊ፥ ወይ ሰራቒ፥ ወይ ገባር ክፋእ፥ ወይ ኣብ ነገር ካልኦት ኢዱ ዜእቱ ብምዃኑ ስቓይ ዚቕበል ኣይሃሉኹም። 16. ክርስቲያን ብምዃን እንተ ተሳቐየ ግና፥ ስለ እዚ ስም እዚ ንኣምላኽ የመስግን እምበር ኣይኅፈር። 17. ጊዜ ፍርዲ ቐሪቡ እዩ፥ ዚጅምሮ ኸኣ በቶም ኣብ ቤት ኣምላኽ ዘለዉ እዩ። ብኣና ዚጅምር ካብ ኮነኸ፥ መወዳእታ እቶም ንወንጌል ኣምላኽ ዘይእዘዙ ደኣ እንታይ ኪኽውን እዩ፧ 18. “እቲ ጻድቕ ብኃይሊ ገደል ዚድኅን ካብ ኮነኸ፥ እቲ ዓማጽን ኃጥእን ደኣ እንታይ ኪኸውን እዩ፧” 19. እምበኣር እቶም ከም ፍቓድ ኣምላኽ ዚሳቐዩ፥ ሠናይ እናገበሩ ንገዛእ ርእሶም ኣብቲ እሙን ፈጣሪ የማኅጽኑ።

ግብረ ሃዋርያት Acts

12. ጴጥሮስ ነዚ ምስ ረአየ፥ ነቶም ሕዝቢ ኸምዚ ዚስዕብ እናበለ ተዛረቦም፡ - “ኣቱም ሰብ እስራኤል፥ ንምንታይ በዚ ትግረሙ፧ ብገዛእ ኃይልና ወይስ ብጽድቅና ነዚ ኪኸይድ ከም ዝገበርናዮስ ንምንታይ ንኣና ትጥምቱ ኣሎኹም፧ 13. ኣምላኽ ኣቦታትና፥ ኣምላኽ ኣብርሃምን ይስሓቅን ያእቆብን፥ ንወዱ ኢየሱስ ኣኽበሮ፥ ንስኻትኩም ግና ነቲ ጲላጦስ ‘ይፈታሕ’ ኢሉ ዝፈረደሉ ኣኅሊፍኩም ሃብኩምዎ፥ ኣብ ቅድሚ ጲላጦስ ከኣ ኸሓድኩምዎ። 14. እወ! ንስኻትኩም ነቲ ቕዱስን ጻድቕን ክሒድኩምሲ ነቲ ሰብ ዝቐተለ ሰብኣይ ኪፍትሓልኩም ለመንኩም። 15. ነቲ ወሃብ ሕይወት ቀተልኩምዎ፥ ንእኡ ኣምላኽ ካብ ምውታት ኣተንሥኦ፥ ንሕና ኸኣ ነዚ ምስክሩ ኢና። 16. ስሙ፥ ማለት ብስሙ ምእማን፥ ነዚ እትርእይዎን እትፈልጥዎን ሰብኣይ ኣጽንዖ፥ እታ ብኢየሱስ ምእማን ድማ ነዚ ኣብ ቅድሚ ዅላትኩም ምሉእ ጥዕና ሃበቶ።

ስንክሳር Synaxarium

ተዝካረ አብርሃም ይስሐቅ ወያዕቆብ
መርትያኖስ ወመርቆሬዎስ
አባ መቅዩ
ወአባ መቃርስ
ወያፌት ወልደ ኖህ
ወአባ ይምዐታ ፩ዱ እምቅዱሳን

መዝሙር Psalm

ወለዶ ቕኑዓት ኪባረኽ እዩ። ሃብትን ጽጋብን አብ ቤቱ እዩ፣ ጽድቁውን ንዘለአለም ይነብር።

ትውልደ ጻድቃን ይትባረኩ፤
ክብር ወብዕል ውስተ ቤቱ፤
ወጽድቁኒ ይነብር ለዓለመ ዓለም።

ወንጌል Gospel

5. - 6. ኢየሱስ ናብ ቅፍርናሆም ምስ ኣተወ፥ ሓደ ሓለቓ ሚእቲ ናብኡ ቐሪቡ፥ “ጐይታይ! ወደይ መጻጕዕ ኮይኑ፥ ኣብ ገዛ ደቂሱ ኣዝዩ ይቚንዞ አሎ” እናበለ ለመኖ። 7. ኢየሱስ ድማ፥ “እኔኹ መጺአ ኸሕውዮ እየ” በሎ። 8. እቲ ሓለቓ ሚእቲ ኸኣ “ጐይታይ! ንስኻ ናብ ቤተይ ክትኣቱ፥ ኣይበቕዕን እየ፥ ግና ሓንቲ ቓል ጥራይ ደኣ ተዛረብ፥ ወደይ ድማ ኺሓዊ እዩ። 9. ኣነውን ኣብ ትሕቲ ሥልጣን ዝኃደርኩ ሰብ እየ፥ ኣብ ትሕተይ ድማ ወተሃደራት ኣሎውኒ፥ ነዚ ‘ኪድ’ እብሎ፥ ይኸይድ፥ ነቲ ኻልእ ‘ንዓ’ እብሎ፥ ይመጽእ፥ ንጊልያይ ድማ ‘እዚ ግበር’ እብሎ፥ ንሱ ድማ ይገብር” እናበለ መለሰሉ። 10. ኢየሱስ ነዚ ሰሚዑ ተደነቐ፥ ነቶም ዚስዕብዎ ዝነበሩ ድማ ኸምዚ በሎም፦ “ክንድዚ ዚኣክል እምነት ኣብ እስራኤል ኣብ ሓደ እኳ ከም ዘይረኸብኩ፥ ብሓቂ እብለኩም ኣሎኹ። 11. ካብ ምብራቕን ካብ ምዕራብን ብዙኃት ኪመጹ እዮም፥ ኣብ መንግሥተ ሰማያት ከኣ ምስ ኣብርሃምን ይስሓቅን ያዕቆብን ኪቕመጡ እዮም፥ እብለኩም ኣሎኹ። 12. ደቂ መንግሥቲ ግና ናብቲ ኣብ ግዳም ዘሎ ጸልማት ኪድርበዩ እዮም፥ ኣብኡ ድማ ብኽያትን ምሕርቃም ኣስናንን ኪኸውን እዩ።” 13. ሽዑ ኢየሱስ ነቲ ሓለቓ ሚእቲ “ኪድ፥ ከም ዝኣመንካዮ ይኹነልካ” በሎ። እቲ ወዲ ኸኣ በታ ሰዓት እቲኣ ሓወየ። ‘ሰማይን ምድርን ክሓልፍ ቃለይ ግና ኣይሓልፍን እዩ።’ በለ ጐይታ ንደቀ መዛሙርቱ።

ቅዳሴ Liturgy :

መዝሙረ ዳዊት Psalm

እግዚኣብሄር ንድምጺ ብኽያተይ ሰሚዕዎ እዩ እሞ፣ ኣቱም ገበርቲ እከይ ኵላትኩም፣ ካባይ ርሐቑ። እግዚኣብሄር ንምህለላይ ሰሚዕዎ፣ እግዚኣብሄር ንጸሎተይ ኪቕበሎ እዩ።

ረኀቁ እምኔየ ኵልክሙ ገበርተ ዓመፃ፤
እስመ ሰምዐኒ እግዚአብሔር ቃለ ብካይየ፤
ወሰምዐኒ እግዚአብሔር ስእለትየ።

ወንጌል Gospel

21. እቲ ኃያል ሰብ፥ ብዚግባእ ኣፅዋሩ ዓጢቑ ኣደራሹ እንተ ሓለወ፥ ብዘሎ ጥሪቱ ብሰላም ይነብር። 22. ካብኡ ዚኅይል መጺኡ እንተ ሰዓሮ ግና ነቲ ዚእመኖ ዝነበረ ኣፅዋሩ ይገፎ፥ ነቲ ዝማረኾወን ይማቐሎ። 23. እቲ ምሳይ ዘይኮነ፥ ንሱ መቐናቕንተይ እዩ፤ እቲ ምሳይ ዘይእክብ ድማ ይብትን። 24. “ርኹስ መንፈስ ካብ ሰብ ምስ ወፀ፥ ዕረፍቲ ደልዩ ናብ ኣጻምእ ቦታ ይኸይድ እሞ እንተ ዘይረኸበ፥ ‘ናብታ ዝወፃእኩላ ቤተይ ደኣ ኽምለስ’ ይብል። 25. ምስ መጸ ድማ ተዀስቲራን ተሰሊማን ትጸንሖ። 26. ብድኅርዚ ንሱ ይኸይድ፥ ካብኡ ዚገዱ ኻልኦት ሾብዓተ መናፍስቲ ኸኣ ምስኡ ይማላእ፥ ኣትዮም ከኣ ኣብኣ ይሰፍሩ። ነቲ ሰብ እቲ ድማ ኻብ ቀዳማዩ ዳኅራዩ ዝገደደ ይኸውን።” ‘ሓንቲ ቃል ካብ ኦሪት ወይ ነብያት ካብ ትሓልፍ ሰማይን ምድርን ክሓልፍ ይቐልል።’ በለ ጐይታ ንደቀ መዛሙርቱ።